| Library / Tipiṭaka / ติปิฎก • Tipiṭaka / มหาวคฺค-อฎฺฐกถา • Mahāvagga-aṭṭhakathā |
วชฺชนียปุคฺคลสนฺทสฺสนกถา
Vajjanīyapuggalasandassanakathā
๑๘๓. ภิกฺขุนิยา นิสินฺนปริสายาติอาทีสุ หตฺถปาสุปคมนเมว ปมาณํฯ อญฺญตฺร อวุฎฺฐิตาย ปริสายาติ อิทญฺหิ ปาริวาสิยปาริสุทฺธิทานํ นาม ปริสาย วุฎฺฐิตกาลโต ปฎฺฐาย น วฎฺฎติ, อวุฎฺฐิตาย ปน วฎฺฎติฯ เตนาห – ‘‘อญฺญตฺร อวุฎฺฐิตาย ปริสายา’’ติฯ ตสฺส ลกฺขณํ ภิกฺขุนิวิภเงฺค ปริวาสิยฉนฺททานวณฺณนโต คเหตพฺพํฯ อนุโปสเถติ จาตุทฺทสิโก จ ปนฺนรสิโก จาติ อิเม เทฺว อุโปสเถ ฐเปตฺวา อญฺญสฺมิํ ทิวเสฯ อญฺญตฺร สงฺฆสามคฺคิยาติ ยา โกสมฺพกภิกฺขูนํ วิย ภิเนฺน สเงฺฆ ปุน สงฺฆสามคฺคี กริยติ, ตถารูปิํ สงฺฆสามคฺคิํ ฐเปตฺวา ฯ ตทา จ ‘‘สุณาตุ เม ภเนฺต สโงฺฆ อชฺชุโปสโถ สามคฺคี’’ติ วตฺวา กาตโพฺพฯ เย ปน กิสฺมิญฺจิเทว อปฺปมตฺตเก อุโปสถํ ฐเปตฺวา ปุน สมคฺคา โหนฺติ, เตหิ อุโปสเถเยว กาตโพฺพติฯ
183.Bhikkhuniyā nisinnaparisāyātiādīsu hatthapāsupagamanameva pamāṇaṃ. Aññatra avuṭṭhitāya parisāyāti idañhi pārivāsiyapārisuddhidānaṃ nāma parisāya vuṭṭhitakālato paṭṭhāya na vaṭṭati, avuṭṭhitāya pana vaṭṭati. Tenāha – ‘‘aññatra avuṭṭhitāya parisāyā’’ti. Tassa lakkhaṇaṃ bhikkhunivibhaṅge parivāsiyachandadānavaṇṇanato gahetabbaṃ. Anuposatheti cātuddasiko ca pannarasiko cāti ime dve uposathe ṭhapetvā aññasmiṃ divase. Aññatra saṅghasāmaggiyāti yā kosambakabhikkhūnaṃ viya bhinne saṅghe puna saṅghasāmaggī kariyati, tathārūpiṃ saṅghasāmaggiṃ ṭhapetvā . Tadā ca ‘‘suṇātu me bhante saṅgho ajjuposatho sāmaggī’’ti vatvā kātabbo. Ye pana kismiñcideva appamattake uposathaṃ ṭhapetvā puna samaggā honti, tehi uposatheyeva kātabboti.
อุโปสถกฺขนฺธกวณฺณนา นิฎฺฐิตาฯ
Uposathakkhandhakavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวคฺคปาฬิ • Mahāvaggapāḷi / ๑๐๕. วชฺชนียปุคฺคลสนฺทสฺสนา • 105. Vajjanīyapuggalasandassanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / วชฺชนียปุคฺคลสนฺทสฺสนกถาวณฺณนา • Vajjanīyapuggalasandassanakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / วชฺชนียปุคฺคลสนฺทสฺสนกถาวณฺณนา • Vajjanīyapuggalasandassanakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ลิงฺคาทิทสฺสนกถาทิวณฺณนา • Liṅgādidassanakathādivaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ๑๐๕. วชฺชนียปุคฺคลสนฺทสฺสนกถา • 105. Vajjanīyapuggalasandassanakathā
