| Library / Tipiṭaka / တိပိဋက • Tipiṭaka / မဟာဝဂ္ဂ-အဋ္ဌကထာ • Mahāvagga-aṭṭhakathā |
ဝဇ္ဇနီယပုဂ္ဂလသန္ဒသ္သနကထာ
Vajjanīyapuggalasandassanakathā
၁၈၃. ဘိက္ခုနိယာ နိသိန္နပရိသာယာတိအာဒီသု ဟတ္ထပာသုပဂမနမေဝ ပမာဏံ။ အညတ္ရ အဝုဋ္ဌိတာယ ပရိသာယာတိ ဣဒဉ္ဟိ ပာရိဝာသိယပာရိသုဒ္ဓိဒာနံ နာမ ပရိသာယ ဝုဋ္ဌိတကာလတော ပဋ္ဌာယ န ဝဋ္ဋတိ, အဝုဋ္ဌိတာယ ပန ဝဋ္ဋတိ။ တေနာဟ – ‘‘အညတ္ရ အဝုဋ္ဌိတာယ ပရိသာယာ’’တိ။ တသ္သ လက္ခဏံ ဘိက္ခုနိဝိဘင္ဂေ ပရိဝာသိယဆန္ဒဒာနဝဏ္ဏနတော ဂဟေတဗ္ဗံ။ အနုပောသထေတိ စာတုဒ္ဒသိကော စ ပန္နရသိကော စာတိ ဣမေ ဒ္ဝေ ဥပောသထေ ဌပေတ္ဝာ အညသ္မိံ ဒိဝသေ။ အညတ္ရ သင္ဃသာမဂ္ဂိယာတိ ယာ ကောသမ္ဗကဘိက္ခူနံ ဝိယ ဘိန္နေ သင္ဃေ ပုန သင္ဃသာမဂ္ဂီ ကရိယတိ, တထာရူပိံ သင္ဃသာမဂ္ဂိံ ဌပေတ္ဝာ ။ တဒာ စ ‘‘သုဏာတု မေ ဘန္တေ သင္ဃော အဇ္ဇုပောသထော သာမဂ္ဂီ’’တိ ဝတ္ဝာ ကာတဗ္ဗော။ ယေ ပန ကိသ္မိဉ္စိဒေဝ အပ္ပမတ္တကေ ဥပောသထံ ဌပေတ္ဝာ ပုန သမဂ္ဂာ ဟောန္တိ, တေဟိ ဥပောသထေယေဝ ကာတဗ္ဗောတိ။
183.Bhikkhuniyā nisinnaparisāyātiādīsu hatthapāsupagamanameva pamāṇaṃ. Aññatra avuṭṭhitāya parisāyāti idañhi pārivāsiyapārisuddhidānaṃ nāma parisāya vuṭṭhitakālato paṭṭhāya na vaṭṭati, avuṭṭhitāya pana vaṭṭati. Tenāha – ‘‘aññatra avuṭṭhitāya parisāyā’’ti. Tassa lakkhaṇaṃ bhikkhunivibhaṅge parivāsiyachandadānavaṇṇanato gahetabbaṃ. Anuposatheti cātuddasiko ca pannarasiko cāti ime dve uposathe ṭhapetvā aññasmiṃ divase. Aññatra saṅghasāmaggiyāti yā kosambakabhikkhūnaṃ viya bhinne saṅghe puna saṅghasāmaggī kariyati, tathārūpiṃ saṅghasāmaggiṃ ṭhapetvā . Tadā ca ‘‘suṇātu me bhante saṅgho ajjuposatho sāmaggī’’ti vatvā kātabbo. Ye pana kismiñcideva appamattake uposathaṃ ṭhapetvā puna samaggā honti, tehi uposatheyeva kātabboti.
ဥပောသထက္ခန္ဓကဝဏ္ဏနာ နိဋ္ဌိတာ။
Uposathakkhandhakavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi / ၁၀၅. ဝဇ္ဇနီယပုဂ္ဂလသန္ဒသ္သနာ • 105. Vajjanīyapuggalasandassanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ဝဇ္ဇနီယပုဂ္ဂလသန္ဒသ္သနကထာဝဏ္ဏနာ • Vajjanīyapuggalasandassanakathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ဝဇ္ဇနီယပုဂ္ဂလသန္ဒသ္သနကထာဝဏ္ဏနာ • Vajjanīyapuggalasandassanakathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / လိင္ဂာဒိဒသ္သနကထာဒိဝဏ္ဏနာ • Liṅgādidassanakathādivaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၁၀၅. ဝဇ္ဇနီယပုဂ္ဂလသန္ဒသ္သနကထာ • 105. Vajjanīyapuggalasandassanakathā
