| Library / Tipiṭaka / තිපිටක • Tipiṭaka / පාචිත්‍යාදියොජනාපාළි • Pācityādiyojanāpāḷi |
105. වජ්‌ජනීයපුග්‌ගලසන්‌දස්‌සනකථා
105. Vajjanīyapuggalasandassanakathā
183. හත්‌ථපාසූපගමනමෙවාති උපොසථසඞ්‌ඝාදීනං හත්‌ථපාසස්‌ස උපගමනමෙව. ඉදං පාරිවාසියපාරිසුද්‌ධිදානං නාම න වට්‌ටතීති යොජනා. තස්‌සාති පාරිවාසියපාරිසුද්‌ධිදානස්‌ස. අනුපොසථෙති එත්‌ථ අකාරස්‌ස අඤ්‌ඤත්‌ථං දස්‌සෙන්‌තො ආහ ‘‘අඤ්‌ඤස්‌මිං දිවසෙ’’ති. තත්‌ථ අඤ්‌ඤස්‌මින්‌ති ද්‌වීහි උපොසථෙහි අඤ්‌ඤස්‌මිං. යා සඞ්‌ඝසාමග්‌ගී කරියති, තථාරූපින්‌ති යොජනා. කොසම්‌බකභික්‌ඛූනන්‌ති කොසම්‌බියං නිවාසීනං භික්‌ඛූනං. සාමග්‌ගී විය යා සාමග්‌ගීති යොජනා. ‘‘ඨපෙත්‌වා’’ති ඉමිනා අඤ්‌ඤත්‍රාති නිපාතස්‌ස අත්‌ථං දස්‌සෙති. යෙ පනාති භික්‌ඛූ පන සමග්‌ගා හොන්‌තීති සම්‌බන්‌ධො. උපොසථෙයෙවාති උපොසථදිවසෙයෙව.
183.Hatthapāsūpagamanamevāti uposathasaṅghādīnaṃ hatthapāsassa upagamanameva. Idaṃ pārivāsiyapārisuddhidānaṃ nāma na vaṭṭatīti yojanā. Tassāti pārivāsiyapārisuddhidānassa. Anuposatheti ettha akārassa aññatthaṃ dassento āha ‘‘aññasmiṃ divase’’ti. Tattha aññasminti dvīhi uposathehi aññasmiṃ. Yā saṅghasāmaggī kariyati, tathārūpinti yojanā. Kosambakabhikkhūnanti kosambiyaṃ nivāsīnaṃ bhikkhūnaṃ. Sāmaggī viya yā sāmaggīti yojanā. ‘‘Ṭhapetvā’’ti iminā aññatrāti nipātassa atthaṃ dasseti. Ye panāti bhikkhū pana samaggā hontīti sambandho. Uposatheyevāti uposathadivaseyeva.
ඉති උපොසථක්‌ඛන්‌ධකවණ්‌ණනාය යොජනා සමත්‌තා.
Iti uposathakkhandhakavaṇṇanāya yojanā samattā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවග්‌ගපාළි • Mahāvaggapāḷi / 105. වජ්‌ජනීයපුග්‌ගලසන්‌දස්‌සනා • 105. Vajjanīyapuggalasandassanā
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවග්‌ග-අට්‌ඨකථා • Mahāvagga-aṭṭhakathā / වජ්‌ජනීයපුග්‌ගලසන්‌දස්‌සනකථා • Vajjanīyapuggalasandassanakathā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / වජ්‌ජනීයපුග්‌ගලසන්‌දස්‌සනකථාවණ්‌ණනා • Vajjanīyapuggalasandassanakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / වජ්‌ජනීයපුග්‌ගලසන්‌දස්‌සනකථාවණ්‌ණනා • Vajjanīyapuggalasandassanakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / ලිඞ්‌ගාදිදස්‌සනකථාදිවණ්‌ණනා • Liṅgādidassanakathādivaṇṇanā
