| Library / Tipiṭaka / തിപിടക • Tipiṭaka / മഹാവഗ്ഗ-അട്ഠകഥാ • Mahāvagga-aṭṭhakathā |
വജ്ജനീയപുഗ്ഗലസന്ദസ്സനകഥാ
Vajjanīyapuggalasandassanakathā
൧൮൩. ഭിക്ഖുനിയാ നിസിന്നപരിസായാതിആദീസു ഹത്ഥപാസുപഗമനമേവ പമാണം. അഞ്ഞത്ര അവുട്ഠിതായ പരിസായാതി ഇദഞ്ഹി പാരിവാസിയപാരിസുദ്ധിദാനം നാമ പരിസായ വുട്ഠിതകാലതോ പട്ഠായ ന വട്ടതി, അവുട്ഠിതായ പന വട്ടതി. തേനാഹ – ‘‘അഞ്ഞത്ര അവുട്ഠിതായ പരിസായാ’’തി. തസ്സ ലക്ഖണം ഭിക്ഖുനിവിഭങ്ഗേ പരിവാസിയഛന്ദദാനവണ്ണനതോ ഗഹേതബ്ബം. അനുപോസഥേതി ചാതുദ്ദസികോ ച പന്നരസികോ ചാതി ഇമേ ദ്വേ ഉപോസഥേ ഠപേത്വാ അഞ്ഞസ്മിം ദിവസേ. അഞ്ഞത്ര സങ്ഘസാമഗ്ഗിയാതി യാ കോസമ്ബകഭിക്ഖൂനം വിയ ഭിന്നേ സങ്ഘേ പുന സങ്ഘസാമഗ്ഗീ കരിയതി, തഥാരൂപിം സങ്ഘസാമഗ്ഗിം ഠപേത്വാ . തദാ ച ‘‘സുണാതു മേ ഭന്തേ സങ്ഘോ അജ്ജുപോസഥോ സാമഗ്ഗീ’’തി വത്വാ കാതബ്ബോ. യേ പന കിസ്മിഞ്ചിദേവ അപ്പമത്തകേ ഉപോസഥം ഠപേത്വാ പുന സമഗ്ഗാ ഹോന്തി, തേഹി ഉപോസഥേയേവ കാതബ്ബോതി.
183.Bhikkhuniyā nisinnaparisāyātiādīsu hatthapāsupagamanameva pamāṇaṃ. Aññatra avuṭṭhitāya parisāyāti idañhi pārivāsiyapārisuddhidānaṃ nāma parisāya vuṭṭhitakālato paṭṭhāya na vaṭṭati, avuṭṭhitāya pana vaṭṭati. Tenāha – ‘‘aññatra avuṭṭhitāya parisāyā’’ti. Tassa lakkhaṇaṃ bhikkhunivibhaṅge parivāsiyachandadānavaṇṇanato gahetabbaṃ. Anuposatheti cātuddasiko ca pannarasiko cāti ime dve uposathe ṭhapetvā aññasmiṃ divase. Aññatra saṅghasāmaggiyāti yā kosambakabhikkhūnaṃ viya bhinne saṅghe puna saṅghasāmaggī kariyati, tathārūpiṃ saṅghasāmaggiṃ ṭhapetvā . Tadā ca ‘‘suṇātu me bhante saṅgho ajjuposatho sāmaggī’’ti vatvā kātabbo. Ye pana kismiñcideva appamattake uposathaṃ ṭhapetvā puna samaggā honti, tehi uposatheyeva kātabboti.
ഉപോസഥക്ഖന്ധകവണ്ണനാ നിട്ഠിതാ.
Uposathakkhandhakavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / മഹാവഗ്ഗപാളി • Mahāvaggapāḷi / ൧൦൫. വജ്ജനീയപുഗ്ഗലസന്ദസ്സനാ • 105. Vajjanīyapuggalasandassanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / സാരത്ഥദീപനീ-ടീകാ • Sāratthadīpanī-ṭīkā / വജ്ജനീയപുഗ്ഗലസന്ദസ്സനകഥാവണ്ണനാ • Vajjanīyapuggalasandassanakathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā / വജ്ജനീയപുഗ്ഗലസന്ദസ്സനകഥാവണ്ണനാ • Vajjanīyapuggalasandassanakathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / ലിങ്ഗാദിദസ്സനകഥാദിവണ്ണനാ • Liṅgādidassanakathādivaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / ൧൦൫. വജ്ജനീയപുഗ്ഗലസന്ദസ്സനകഥാ • 105. Vajjanīyapuggalasandassanakathā
