| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
важ̇ж̇анийяабуг̇г̇аласанд̣̇ассанагат̇ааван̣н̣анаа
Vajjanīyapuggalasandassanakathāvaṇṇanā
183. ‘‘анд̇имавад̇т̇ум̣ аж̇жхаабаннасса нисиннабарисааяа галахаад̣̇ибхаязна наахам̣ гариссаамий’’д̇и жид̇д̇ам̣ уббаад̣̇зд̇ваа нисийд̣̇ид̇ум̣ ваддад̇и. ан̃н̃агаммз д̇асса нисиннабарисааяа аабад̇д̇и над̇т̇ийд̇и згз. ‘‘на жа, бхигкавз, анубосат̇з убосат̇о гаад̇аб̣б̣о ан̃н̃ад̇ра сан̇гхасаамаг̇г̇ияаа’’д̇и (махаава. 183) важанад̇о саамаг̇г̇ийд̣̇ивасо анубосат̇ад̣̇ивасод̇и ад̇т̇ад̇о вуд̇д̇ам̣ вияа д̣̇иссад̇и. ‘‘д̣̇взмз, бхигкавз, убосат̇аа’’д̇и вуд̇д̇аважанавасзнзд̇ам̣ вуд̇д̇ам̣, ан̃н̃ат̇аа бариваарабаал̣ияаа вируж̇жхад̇ийд̇и аажарияаа. жаад̇уд̣̇д̣̇асияам̣, баннарасияам̣ ваа жз сан̇гхо самаг̇г̇о ход̇и, ‘‘аж̇ж̇убосат̇о саамаг̇г̇ий’’д̇и авад̇ваа багад̇инийхаарзнзва гад̇д̇аб̣б̣анд̇и д̣̇ассанад̇т̇ам̣ яат̇аад̣̇зсанаа гад̇аад̇и но д̇агго. ан̃н̃ат̇аа яат̇аавуд̇д̇ад̣̇ваяз жз саамаг̇г̇ий ход̇и, д̇ад̇т̇а убосат̇ам̣ агад̇ваа анубосат̇ад̣̇ивасз зва саамаг̇г̇ийубосат̇о гаад̇аб̣б̣од̇и аабаж̇ж̇ад̇и. ан̃н̃ат̇аа буб̣б̣з бадисид̣̇д̇хад̇д̇аа ид̣̇аани бадисзд̇ханагижжам̣ над̇т̇и. ‘‘на, бхигкавз, д̣̇звасигам̣ баад̇имогкам̣ уд̣̇д̣̇исид̇аб̣б̣а’’нд̇и (махаава. 136) буб̣б̣з хи вуд̇д̇ам̣. ат̇а ваа ‘‘ануж̇аанаами, бхигкавз, убосат̇з баад̇имогкам̣ уд̣̇д̣̇исид̇у’’нд̇и буб̣б̣з вуд̇д̇ад̇д̇аа ‘‘сагим̣ багкасса жаад̇уд̣̇д̣̇асз ваа баннарасз ваа’’д̇и жа ‘‘д̣̇взмз, бхигкавз, убосат̇аа’’д̇и (махаава. 149) жа бажчаа вуд̇д̇ад̇д̇аа д̇ад̇о ан̃н̃асмим̣ д̣̇ивасз убосат̇о на гаад̇аб̣б̣од̇и ад̇т̇ад̇о аабаннам̣ анидтам̣, сад̇и сан̇гхасаамаг̇г̇ияаа ан̃н̃о д̣̇ивасо багад̇ивасзна анубосат̇оби убосат̇ад̣̇ивасо наама ход̇ийд̇и д̣̇ассанавасзна ниваарзд̇умби звам̣д̣̇зсанаа гад̇аад̇и взд̣̇ид̇аб̣б̣аа.
183. ‘‘Antimavatthuṃ ajjhāpannassa nisinnaparisāya kalahādibhayena nāhaṃ karissāmī’’ti cittaṃ uppādetvā nisīdituṃ vaṭṭati. Aññakamme tassa nisinnaparisāya āpatti natthīti eke. ‘‘Na ca, bhikkhave, anuposathe uposatho kātabbo aññatra saṅghasāmaggiyā’’ti (mahāva. 183) vacanato sāmaggīdivaso anuposathadivasoti atthato vuttaṃ viya dissati. ‘‘Dveme, bhikkhave, uposathā’’ti vuttavacanavasenetaṃ vuttaṃ, aññathā parivārapāḷiyā virujjhatīti ācariyā. Cātuddasiyaṃ, pannarasiyaṃ vā ce saṅgho samaggo hoti, ‘‘ajjuposatho sāmaggī’’ti avatvā pakatinīhāreneva kattabbanti dassanatthaṃ yathādesanā katāti no takko. Aññathā yathāvuttadvaye ce sāmaggī hoti, tattha uposathaṃ akatvā anuposathadivase eva sāmaggīuposatho kātabboti āpajjati. Aññathā pubbe paṭisiddhattā idāni paṭisedhanakiccaṃ natthi. ‘‘Na, bhikkhave, devasikaṃ pātimokkhaṃ uddisitabba’’nti (mahāva. 136) pubbe hi vuttaṃ. Atha vā ‘‘anujānāmi, bhikkhave, uposathe pātimokkhaṃ uddisitu’’nti pubbe vuttattā ‘‘sakiṃ pakkhassa cātuddase vā pannarase vā’’ti ca ‘‘dveme, bhikkhave, uposathā’’ti (mahāva. 149) ca pacchā vuttattā tato aññasmiṃ divase uposatho na kātabboti atthato āpannaṃ aniṭṭhaṃ, sati saṅghasāmaggiyā añño divaso pakativasena anuposathopi uposathadivaso nāma hotīti dassanavasena nivāretumpi evaṃdesanā katāti veditabbā.
убосат̇агканд̇хагаван̣н̣анаа нидтид̇аа.
Uposathakkhandhakavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 105. важ̇ж̇анийяабуг̇г̇аласанд̣̇ассанаа • 105. Vajjanīyapuggalasandassanā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / важ̇ж̇анийяабуг̇г̇аласанд̣̇ассанагат̇аа • Vajjanīyapuggalasandassanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / важ̇ж̇анийяабуг̇г̇аласанд̣̇ассанагат̇ааван̣н̣анаа • Vajjanīyapuggalasandassanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / лин̇г̇аад̣̇ид̣̇ассанагат̇аад̣̇иван̣н̣анаа • Liṅgādidassanakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 105. важ̇ж̇анийяабуг̇г̇аласанд̣̇ассанагат̇аа • 105. Vajjanīyapuggalasandassanakathā
