| Library / Tipiṭaka / তিপিটক • Tipiṭaka / কঙ্খাৰিতরণী-অভিনৰ-টীকা • Kaṅkhāvitaraṇī-abhinava-ṭīkā |
৬. ৰজ্জপ্পটিচ্ছাদিকাসিক্খাপদৰণ্ণনা
6. Vajjappaṭicchādikāsikkhāpadavaṇṇanā
পারাজিকং ধম্মং অজ্ঝাপন্নন্তি ভিক্খূহি সাধারণানং চতুন্নং, অসাধারণানং চতুন্নঞ্চাতি অট্ঠন্নমঞ্ঞতরং অজ্ঝাপন্নং। ইদঞ্চ পারাজিকং (পাচি॰ অট্ঠ॰ ৬৬৬) পচ্ছা পঞ্ঞত্তং, সঙ্গীতিকারকাচরিযেহি পন পুরিমেন সদ্ধিং যুগল়ং কত্ৰা ইমস্মিং ওকাসে ঠপিতন্তি ৰেদিতব্বং। ‘‘অট্ঠন্নং পারাজিকানং অঞ্ঞতর’’ন্তি (পাচি॰ ৬৬৬) ৰচনতো পন ৰজ্জপ্পটিচ্ছাদিকং যা পটিচ্ছাদেতি, সাপি ৰজ্জপ্পটিচ্ছাদিকা এৰাতি দট্ঠব্বং। কিঞ্চাপি ৰজ্জপ্পটিচ্ছাদনং পেমৰসেন হোতি, তথাপি সিক্খাপদৰীতিক্কমচিত্তং দোমনস্সমেৰ হোতীতি কত্ৰা দুক্খৰেদনং হোতীতি ‘‘তত্র হি পাচিত্তিযং…পে॰… সেসং তাদিসমেৰা’’তি ৰুত্তং।
Pārājikaṃ dhammaṃ ajjhāpannanti bhikkhūhi sādhāraṇānaṃ catunnaṃ, asādhāraṇānaṃ catunnañcāti aṭṭhannamaññataraṃ ajjhāpannaṃ. Idañca pārājikaṃ (pāci. aṭṭha. 666) pacchā paññattaṃ, saṅgītikārakācariyehi pana purimena saddhiṃ yugaḷaṃ katvā imasmiṃ okāse ṭhapitanti veditabbaṃ. ‘‘Aṭṭhannaṃ pārājikānaṃ aññatara’’nti (pāci. 666) vacanato pana vajjappaṭicchādikaṃ yā paṭicchādeti, sāpi vajjappaṭicchādikā evāti daṭṭhabbaṃ. Kiñcāpi vajjappaṭicchādanaṃ pemavasena hoti, tathāpi sikkhāpadavītikkamacittaṃ domanassameva hotīti katvā dukkhavedanaṃ hotīti ‘‘tatra hi pācittiyaṃ…pe… sesaṃ tādisamevā’’ti vuttaṃ.
ৰজ্জপ্পটিচ্ছাদিকাসিক্খাপদৰণ্ণনা নিট্ঠিতা।
Vajjappaṭicchādikāsikkhāpadavaṇṇanā niṭṭhitā.
