| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
6. важ̇ж̇аббадижчаад̣̇игаасигкаабад̣̇аван̣н̣анаа
6. Vajjappaṭicchādikāsikkhāpadavaṇṇanā
баарааж̇игам̣ д̇хаммам̣ аж̇жхаабаннанд̇и бхигкуухи саад̇хааран̣аанам̣ жад̇уннам̣, асаад̇хааран̣аанам̣ жад̇уннан̃жаад̇и адтаннаман̃н̃ад̇арам̣ аж̇жхаабаннам̣. ид̣̇ан̃жа баарааж̇игам̣ (баажи. адта. 666) бажчаа бан̃н̃ад̇д̇ам̣, сан̇г̇ийд̇игаарагаажариязхи бана буримзна сад̣̇д̇хим̣ яуг̇ал̣ам̣ гад̇ваа имасмим̣ огаасз табид̇анд̇и взд̣̇ид̇аб̣б̣ам̣. ‘‘адтаннам̣ баарааж̇игаанам̣ ан̃н̃ад̇ара’’нд̇и (баажи. 666) важанад̇о бана важ̇ж̇аббадижчаад̣̇игам̣ яаа бадижчаад̣̇зд̇и, сааби важ̇ж̇аббадижчаад̣̇игаа зваад̇и д̣̇адтаб̣б̣ам̣. гин̃жааби важ̇ж̇аббадижчаад̣̇анам̣ бзмавасзна ход̇и, д̇ат̇ааби сигкаабад̣̇авийд̇иггамажид̇д̇ам̣ д̣̇оманассамзва ход̇ийд̇и гад̇ваа д̣̇угкавзд̣̇анам̣ ход̇ийд̇и ‘‘д̇ад̇ра хи баажид̇д̇ияам̣…бз… сзсам̣ д̇аад̣̇исамзваа’’д̇и вуд̇д̇ам̣.
Pārājikaṃ dhammaṃ ajjhāpannanti bhikkhūhi sādhāraṇānaṃ catunnaṃ, asādhāraṇānaṃ catunnañcāti aṭṭhannamaññataraṃ ajjhāpannaṃ. Idañca pārājikaṃ (pāci. aṭṭha. 666) pacchā paññattaṃ, saṅgītikārakācariyehi pana purimena saddhiṃ yugaḷaṃ katvā imasmiṃ okāse ṭhapitanti veditabbaṃ. ‘‘Aṭṭhannaṃ pārājikānaṃ aññatara’’nti (pāci. 666) vacanato pana vajjappaṭicchādikaṃ yā paṭicchādeti, sāpi vajjappaṭicchādikā evāti daṭṭhabbaṃ. Kiñcāpi vajjappaṭicchādanaṃ pemavasena hoti, tathāpi sikkhāpadavītikkamacittaṃ domanassameva hotīti katvā dukkhavedanaṃ hotīti ‘‘tatra hi pācittiyaṃ…pe… sesaṃ tādisamevā’’ti vuttaṃ.
важ̇ж̇аббадижчаад̣̇игаасигкаабад̣̇аван̣н̣анаа нидтид̇аа.
Vajjappaṭicchādikāsikkhāpadavaṇṇanā niṭṭhitā.
