| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਅਭਿਨવ-ਟੀਕਾ • Kaṅkhāvitaraṇī-abhinava-ṭīkā |
੬. વਜ੍ਜਪ੍ਪਟਿਚ੍ਛਾਦਿਕਾਸਿਕ੍ਖਾਪਦવਣ੍ਣਨਾ
6. Vajjappaṭicchādikāsikkhāpadavaṇṇanā
ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨਨ੍ਤਿ ਭਿਕ੍ਖੂਹਿ ਸਾਧਾਰਣਾਨਂ ਚਤੁਨ੍ਨਂ, ਅਸਾਧਾਰਣਾਨਂ ਚਤੁਨ੍ਨਞ੍ਚਾਤਿ ਅਟ੍ਠਨ੍ਨਮਞ੍ਞਤਰਂ ਅਜ੍ਝਾਪਨ੍ਨਂ। ਇਦਞ੍ਚ ਪਾਰਾਜਿਕਂ (ਪਾਚਿ॰ ਅਟ੍ਠ॰ ੬੬੬) ਪਚ੍ਛਾ ਪਞ੍ਞਤ੍ਤਂ, ਸਙ੍ਗੀਤਿਕਾਰਕਾਚਰਿਯੇਹਿ ਪਨ ਪੁਰਿਮੇਨ ਸਦ੍ਧਿਂ ਯੁਗਲ਼ਂ ਕਤ੍વਾ ਇਮਸ੍ਮਿਂ ਓਕਾਸੇ ਠਪਿਤਨ੍ਤਿ વੇਦਿਤਬ੍ਬਂ। ‘‘ਅਟ੍ਠਨ੍ਨਂ ਪਾਰਾਜਿਕਾਨਂ ਅਞ੍ਞਤਰ’’ਨ੍ਤਿ (ਪਾਚਿ॰ ੬੬੬) વਚਨਤੋ ਪਨ વਜ੍ਜਪ੍ਪਟਿਚ੍ਛਾਦਿਕਂ ਯਾ ਪਟਿਚ੍ਛਾਦੇਤਿ, ਸਾਪਿ વਜ੍ਜਪ੍ਪਟਿਚ੍ਛਾਦਿਕਾ ਏવਾਤਿ ਦਟ੍ਠਬ੍ਬਂ। ਕਿਞ੍ਚਾਪਿ વਜ੍ਜਪ੍ਪਟਿਚ੍ਛਾਦਨਂ ਪੇਮવਸੇਨ ਹੋਤਿ, ਤਥਾਪਿ ਸਿਕ੍ਖਾਪਦવੀਤਿਕ੍ਕਮਚਿਤ੍ਤਂ ਦੋਮਨਸ੍ਸਮੇવ ਹੋਤੀਤਿ ਕਤ੍વਾ ਦੁਕ੍ਖવੇਦਨਂ ਹੋਤੀਤਿ ‘‘ਤਤ੍ਰ ਹਿ ਪਾਚਿਤ੍ਤਿਯਂ…ਪੇ॰… ਸੇਸਂ ਤਾਦਿਸਮੇવਾ’’ਤਿ વੁਤ੍ਤਂ।
Pārājikaṃ dhammaṃ ajjhāpannanti bhikkhūhi sādhāraṇānaṃ catunnaṃ, asādhāraṇānaṃ catunnañcāti aṭṭhannamaññataraṃ ajjhāpannaṃ. Idañca pārājikaṃ (pāci. aṭṭha. 666) pacchā paññattaṃ, saṅgītikārakācariyehi pana purimena saddhiṃ yugaḷaṃ katvā imasmiṃ okāse ṭhapitanti veditabbaṃ. ‘‘Aṭṭhannaṃ pārājikānaṃ aññatara’’nti (pāci. 666) vacanato pana vajjappaṭicchādikaṃ yā paṭicchādeti, sāpi vajjappaṭicchādikā evāti daṭṭhabbaṃ. Kiñcāpi vajjappaṭicchādanaṃ pemavasena hoti, tathāpi sikkhāpadavītikkamacittaṃ domanassameva hotīti katvā dukkhavedanaṃ hotīti ‘‘tatra hi pācittiyaṃ…pe… sesaṃ tādisamevā’’ti vuttaṃ.
વਜ੍ਜਪ੍ਪਟਿਚ੍ਛਾਦਿਕਾਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Vajjappaṭicchādikāsikkhāpadavaṇṇanā niṭṭhitā.
