д̣̇уганибаад̇абаал̣и

Dukanipātapāḷi

1. батамабан̣н̣аасагам̣

1. Paṭhamapaṇṇāsakaṃ

1. гаммагаран̣аваг̇г̇о

1. Kammakaraṇavaggo

1. важ̇ж̇асуд̇д̇ам̣

1. Vajjasuttaṃ

1. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –

1. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca –

‘‘д̣̇взмаани, бхигкавз, важ̇ж̇аани. гад̇амаани д̣̇вз? д̣̇идтад̇хаммиган̃жа важ̇ж̇ам̣ самбарааяиган̃жа важ̇ж̇ам̣ . гад̇аман̃жа, бхигкавз, д̣̇идтад̇хаммигам̣ важ̇ж̇ам̣? ид̇ха, бхигкавз, згажжо бассад̇и жорам̣ ааг̇ужаарим̣ рааж̇аано г̇ахзд̇ваа вивид̇хаа гаммагааран̣аа ¹ гаарзнд̇з; гасаахиби д̇аал̣знд̇з, взд̇д̇зхиби д̇аал̣знд̇з, ад̣̇д̇хад̣̇ан̣д̣агзхиби д̇аал̣знд̇з, хад̇т̇амби чинд̣̇анд̇з, баад̣̇амби чинд̣̇анд̇з, хад̇т̇абаад̣̇амби чинд̣̇анд̇з, ган̣н̣амби чинд̣̇анд̇з, наасамби чинд̣̇анд̇з, ган̣н̣анаасамби чинд̣̇анд̇з, б̣илан̇г̇ат̇аалигамби гаронд̇з, сан̇камун̣д̣игамби гаронд̇з, раахумукамби гаронд̇з, ж̇од̇имаалигамби гаронд̇з, хад̇т̇абаж̇ж̇од̇игамби гаронд̇з, зрагавад̇д̇игамби гаронд̇з, жийрагаваасигамби гаронд̇з, зн̣зяяагамби гаронд̇з, б̣ал̣исамам̣сигамби гаронд̇з, гахаабан̣игамби гаронд̇з, каараабад̇ажчигамби ² гаронд̇з, балигхабаривад̇д̇игамби гаронд̇з, балаалабийтагамби ³ гаронд̇з, д̇ад̇д̇знаби д̇злзна осин̃жанд̇з, сунакзхиби каад̣̇аабзнд̇з, ж̇ийванд̇амби суулз уд̇д̇аасзнд̇з, асинааби сийсам̣ чинд̣̇анд̇з.

‘‘Dvemāni, bhikkhave, vajjāni. Katamāni dve? Diṭṭhadhammikañca vajjaṃ samparāyikañca vajjaṃ . Katamañca, bhikkhave, diṭṭhadhammikaṃ vajjaṃ? Idha, bhikkhave, ekacco passati coraṃ āgucāriṃ rājāno gahetvā vividhā kammakāraṇā ⁴ kārente; kasāhipi tāḷente, vettehipi tāḷente, addhadaṇḍakehipi tāḷente, hatthampi chindante, pādampi chindante, hatthapādampi chindante, kaṇṇampi chindante, nāsampi chindante, kaṇṇanāsampi chindante, bilaṅgathālikampi karonte, saṅkhamuṇḍikampi karonte, rāhumukhampi karonte, jotimālikampi karonte, hatthapajjotikampi karonte, erakavattikampi karonte, cīrakavāsikampi karonte, eṇeyyakampi karonte, baḷisamaṃsikampi karonte, kahāpaṇikampi karonte, khārāpatacchikampi ⁵ karonte, palighaparivattikampi karonte, palālapīṭhakampi ⁶ karonte, tattenapi telena osiñcante, sunakhehipi khādāpente, jīvantampi sūle uttāsente, asināpi sīsaṃ chindante.

‘‘д̇асса звам̣ ход̇и – ‘яат̇ааруубаанам̣ ко баабагаанам̣ гаммаанам̣ хзд̇у жорам̣ ааг̇ужаарим̣ рааж̇аано г̇ахзд̇ваа вивид̇хаа гаммагааран̣аа гаарзнд̇и; гасаахиби д̇аал̣знд̇и, взд̇д̇зхиби д̇аал̣знд̇и, ад̣̇д̇хад̣̇ан̣д̣агзхиби д̇аал̣знд̇и, хад̇т̇амби чинд̣̇анд̇и, баад̣̇амби чинд̣̇анд̇и, хад̇т̇абаад̣̇амби чинд̣̇анд̇и, ган̣н̣амби чинд̣̇анд̇и, наасамби чинд̣̇анд̇и, ган̣н̣анаасамби чинд̣̇анд̇и, б̣илан̇г̇ат̇аалигамби гаронд̇и, сан̇камун̣д̣игамби гаронд̇и, раахумукамби гаронд̇и, ж̇од̇имаалигамби гаронд̇и, хад̇т̇абаж̇ж̇од̇игамби гаронд̇и, зрагавад̇д̇игамби гаронд̇и, жийрагаваасигамби гаронд̇и, зн̣зяяагамби гаронд̇и, б̣ал̣исамам̣сигамби гаронд̇и, гахаабан̣игамби гаронд̇и, каараабад̇ажчигамби гаронд̇и, балигхабаривад̇д̇игамби гаронд̇и, балаалабийтагамби гаронд̇и, д̇ад̇д̇знаби д̇злзна осин̃жанд̇и, сунакзхиби каад̣̇аабзнд̇и, ж̇ийванд̇амби суулз уд̇д̇аасзнд̇и, асинааби сийсам̣ чинд̣̇анд̇и. ахан̃жзва ⁷ ко бана зваруубам̣ баабагаммам̣ гарзяяам̣, мамби рааж̇аано г̇ахзд̇ваа зваруубаа вивид̇хаа гаммагааран̣аа гаарзяяум̣; гасаахиби д̇аал̣зяяум̣…бз… асинааби сийсам̣ чинд̣̇зяяу’нд̇и. со д̣̇идтад̇хаммигасса важ̇ж̇асса бхийд̇о на барзсам̣ баабхад̇ам̣ вилумбанд̇о жарад̇и. ид̣̇ам̣ вужжад̇и, бхигкавз, д̣̇идтад̇хаммигам̣ важ̇ж̇ам̣.

‘‘Tassa evaṃ hoti – ‘yathārūpānaṃ kho pāpakānaṃ kammānaṃ hetu coraṃ āgucāriṃ rājāno gahetvā vividhā kammakāraṇā kārenti; kasāhipi tāḷenti, vettehipi tāḷenti, addhadaṇḍakehipi tāḷenti, hatthampi chindanti, pādampi chindanti, hatthapādampi chindanti, kaṇṇampi chindanti, nāsampi chindanti, kaṇṇanāsampi chindanti, bilaṅgathālikampi karonti, saṅkhamuṇḍikampi karonti, rāhumukhampi karonti, jotimālikampi karonti, hatthapajjotikampi karonti, erakavattikampi karonti, cīrakavāsikampi karonti, eṇeyyakampi karonti, baḷisamaṃsikampi karonti, kahāpaṇikampi karonti, khārāpatacchikampi karonti, palighaparivattikampi karonti, palālapīṭhakampi karonti, tattenapi telena osiñcanti, sunakhehipi khādāpenti, jīvantampi sūle uttāsenti, asināpi sīsaṃ chindanti. Ahañceva ⁸ kho pana evarūpaṃ pāpakammaṃ kareyyaṃ, mampi rājāno gahetvā evarūpā vividhā kammakāraṇā kāreyyuṃ; kasāhipi tāḷeyyuṃ…pe… asināpi sīsaṃ chindeyyu’nti. So diṭṭhadhammikassa vajjassa bhīto na paresaṃ pābhataṃ vilumpanto carati. Idaṃ vuccati, bhikkhave, diṭṭhadhammikaṃ vajjaṃ.

‘‘гад̇аман̃жа, бхигкавз, самбарааяигам̣ важ̇ж̇ам̣? ид̇ха, бхигкавз, згажжо ид̇и бадисан̃жигкад̇и – ‘гааяад̣̇ужжарид̇асса ко бана баабаго д̣̇угко вибааго абхисамбарааяам̣, важийд̣̇ужжарид̇асса баабаго д̣̇угко вибааго абхисамбарааяам̣, манод̣̇ужжарид̇асса баабаго д̣̇угко вибааго абхисамбарааяам̣. ахан̃жзва ко бана гааязна д̣̇ужжарид̇ам̣ жарзяяам̣, ваажааяа д̣̇ужжарид̇ам̣ жарзяяам̣ , манасаа д̣̇ужжарид̇ам̣ жарзяяам̣. гин̃жа д̇ам̣ яаахам̣ на гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇зяяа’нд̇и. со самбарааяигасса важ̇ж̇асса бхийд̇о гааяад̣̇ужжарид̇ам̣ бахааяа гааяасужарид̇ам̣ бхаавзд̇и, важийд̣̇ужжарид̇ам̣ бахааяа важийсужарид̇ам̣ бхаавзд̇и, манод̣̇ужжарид̇ам̣ бахааяа маносужарид̇ам̣ бхаавзд̇и, суд̣̇д̇хам̣ ад̇д̇аанам̣ барихарад̇и. ид̣̇ам̣ вужжад̇и, бхигкавз, самбарааяигам̣ важ̇ж̇ам̣. ‘‘имаани ко, бхигкавз, д̣̇вз важ̇ж̇аани. д̇асмаад̇иха, бхигкавз, звам̣ сигкид̇аб̣б̣ам̣ – ‘д̣̇идтад̇хаммигасса важ̇ж̇асса бхааяиссаама, самбарааяигасса важ̇ж̇асса бхааяиссаама, важ̇ж̇абхийруно бхависсаама важ̇ж̇абхаяад̣̇ассаавино’д̇и. зван̃хи во, бхигкавз, сигкид̇аб̣б̣ам̣. важ̇ж̇абхийруно, бхигкавз, важ̇ж̇абхаяад̣̇ассаавино зд̇ам̣ баадиган̇кам̣ яам̣ баримужжиссад̇и саб̣б̣аваж̇ж̇зхий’’д̇и. батамам̣.

‘‘Katamañca, bhikkhave, samparāyikaṃ vajjaṃ? Idha, bhikkhave, ekacco iti paṭisañcikkhati – ‘kāyaduccaritassa kho pana pāpako dukkho vipāko abhisamparāyaṃ, vacīduccaritassa pāpako dukkho vipāko abhisamparāyaṃ, manoduccaritassa pāpako dukkho vipāko abhisamparāyaṃ. Ahañceva kho pana kāyena duccaritaṃ careyyaṃ, vācāya duccaritaṃ careyyaṃ , manasā duccaritaṃ careyyaṃ. Kiñca taṃ yāhaṃ na kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjeyya’nti. So samparāyikassa vajjassa bhīto kāyaduccaritaṃ pahāya kāyasucaritaṃ bhāveti, vacīduccaritaṃ pahāya vacīsucaritaṃ bhāveti, manoduccaritaṃ pahāya manosucaritaṃ bhāveti, suddhaṃ attānaṃ pariharati. Idaṃ vuccati, bhikkhave, samparāyikaṃ vajjaṃ. ‘‘Imāni kho, bhikkhave, dve vajjāni. Tasmātiha, bhikkhave, evaṃ sikkhitabbaṃ – ‘diṭṭhadhammikassa vajjassa bhāyissāma, samparāyikassa vajjassa bhāyissāma, vajjabhīruno bhavissāma vajjabhayadassāvino’ti. Evañhi vo, bhikkhave, sikkhitabbaṃ. Vajjabhīruno, bhikkhave, vajjabhayadassāvino etaṃ pāṭikaṅkhaṃ yaṃ parimuccissati sabbavajjehī’’ti. Paṭhamaṃ.

Next: 2. бад̇хаанасуд̇д̇ам̣ • 2. Padhānasuttaṃ

Footnotes:

1. вивид̇хаани гаммагаран̣аани (га.)

2. каараабадижчагамби (сяаа. гам̣. га.)

3. балаалабидтигамби (сий.)

4. vividhāni kammakaraṇāni (ka.)

5. khārāpaṭicchakampi (syā. kaṃ. ka.)

6. palālapiṭṭhikampi (sī.)

7. ахан̃жз (?)

8. ahañce (?)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1. важ̇ж̇асуд̇д̇аван̣н̣анаа • 1. Vajjasuttavaṇṇanā

дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1. важ̇ж̇асуд̇д̇аван̣н̣анаа • 1. Vajjasuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact