| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
நமோ தஸ்ஸ ப⁴க³வதோ அரஹதோ ஸம்மாஸம்பு³த்³த⁴ஸ்ஸ
Namo tassa bhagavato arahato sammāsambuddhassa
அங்கு³த்தரனிகாயே
Aṅguttaranikāye
து³கனிபாத-டீகா
Dukanipāta-ṭīkā
1. பட²மபண்ணாஸகங்
1. Paṭhamapaṇṇāsakaṃ
1. கம்மகாரணவக்³கோ³
1. Kammakāraṇavaggo
1. வஜ்ஜஸுத்தவண்ணனா
1. Vajjasuttavaṇṇanā
1. து³கனிபாதஸ்ஸ பட²மே பஹாரஸாத⁴னத்த²ந்தி த³ண்ட³ப்பஹாரஸ்ஸ ஸுக²ஸித்³தி⁴-அத்த²ங். கஞ்ஜிதோ நிப்³ப³த்தங் கஞ்ஜியங், ஆரனாலங், யங் பி³லங்க³ந்திபி வுச்சதி, தங் யத்த² ஸிஞ்சதி, ஸா கஞ்ஜியஉக்க²லிகா பி³லங்க³தா²லிகா, தங்ஸதி³ஸங் காரணங் பி³லங்க³தா²லிகங். ஸீஸகடாஹங் உப்பாடெத்வாதி அயோகு³ளப்பவேஸப்பமாணங் சி²த்³த³ங் கத்வா. ஸங்க²முண்ட³கம்மகாரணந்தி ஸங்க²ங் விய முண்ட³கரணங் கம்மகாரணங். ராஹுமுக²கம்மகாரணந்தி ராஹுமுக²க³தஸூரியஸதி³ஸகம்மகாரணங்.
1. Dukanipātassa paṭhame pahārasādhanatthanti daṇḍappahārassa sukhasiddhi-atthaṃ. Kañjito nibbattaṃ kañjiyaṃ, āranālaṃ, yaṃ bilaṅgantipi vuccati, taṃ yattha siñcati, sā kañjiyaukkhalikā bilaṅgathālikā, taṃsadisaṃ kāraṇaṃ bilaṅgathālikaṃ. Sīsakaṭāhaṃ uppāṭetvāti ayoguḷappavesappamāṇaṃ chiddaṃ katvā. Saṅkhamuṇḍakammakāraṇanti saṅkhaṃ viya muṇḍakaraṇaṃ kammakāraṇaṃ. Rāhumukhakammakāraṇanti rāhumukhagatasūriyasadisakammakāraṇaṃ.
ஜோதிமாலிகந்தி ஜோதிமாலவந்தங் கம்மகாரணங். ஹத்த²பஜ்ஜோதிகந்தி ஹத்த²ஸ்ஸ பஜ்ஜோதனகம்மகாரணங். ஏரகவத்தகம்மகாரணந்தி ஏரகவத்தஸதி³ஸே ஸரீரதோ சம்மவத்தே உப்பாடனகம்மகாரணங். சீரகவாஸிககம்மகாரணந்தி ஸரீரதோ உப்பாடிதவத்தசீரகேஹி நிவாஸாபனகம்மகாரணங். தங் கரொந்தா யதா² கீ³வதோ பட்டா²ய வத்³தே⁴ கந்தித்வா கடியங் ட²பெந்தி, ஏவங் கொ³ப்ப²கதோ பட்டா²ய கந்தித்வாபி கடியமேவ ட²பெந்தி. அட்ட²கதா²யங் பன ‘‘கடிதோ பட்டா²ய கந்தித்வா கொ³ப்ப²கேஸு ட²பெந்தீ’’தி வுத்தங். ஏணெய்யககம்மகாரணந்தி ஏணிமிக³ஸதி³ஸகம்மகாரணங். அயவலயானி த³த்வாதி அயவலயானி படிமுஞ்சித்வா. அயஸூலானி கொட்டெந்தீதி கப்பரஜண்ணுககோடீஸு அயஸூலானி பவேஸெந்தி. தந்தி தங் ததா²கதகம்மகாரணங் ஸத்தங்.
Jotimālikanti jotimālavantaṃ kammakāraṇaṃ. Hatthapajjotikanti hatthassa pajjotanakammakāraṇaṃ. Erakavattakammakāraṇanti erakavattasadise sarīrato cammavatte uppāṭanakammakāraṇaṃ. Cīrakavāsikakammakāraṇanti sarīrato uppāṭitavattacīrakehi nivāsāpanakammakāraṇaṃ. Taṃ karontā yathā gīvato paṭṭhāya vaddhe kantitvā kaṭiyaṃ ṭhapenti, evaṃ gopphakato paṭṭhāya kantitvāpi kaṭiyameva ṭhapenti. Aṭṭhakathāyaṃ pana ‘‘kaṭito paṭṭhāya kantitvā gopphakesu ṭhapentī’’ti vuttaṃ. Eṇeyyakakammakāraṇanti eṇimigasadisakammakāraṇaṃ. Ayavalayāni datvāti ayavalayāni paṭimuñcitvā. Ayasūlāni koṭṭentīti kapparajaṇṇukakoṭīsu ayasūlāni pavesenti. Tanti taṃ tathākatakammakāraṇaṃ sattaṃ.
ப³ளிஸமங்ஸிகந்தி ப³லிஸேஹி மங்ஸுப்பாடனகம்மகாரணங். கஹாபணிகந்தி கஹாபணமத்தஸோ சி²ந்த³னகம்மகாரணங். கொட்டெந்தீதி சி²ந்த³ந்தி. கா²ராபதச்சி²கந்தி தச்செ²த்வா கா²ராபஸிஞ்சனகம்மகாரணங். பலிக⁴பரிவத்திகந்தி பலிக⁴ஸ்ஸ விய பரிவத்தனகம்மகாரணங். ஏகாப³த்³த⁴ங் கரொந்தி அயஸூலஸ்ஸ கொட்டனேன. பலாலபீட²கந்தி பலாலபீட²ஸ்ஸ விய ஸரீரஸ்ஸ ஸங்வேல்லனகம்மகாரணங். காரணிகாதி கா⁴தனகாரகா. பலாலவட்டிங் விய கத்வாதி யதா² பலாலபீட²ங் கரொந்தா பலாலங் வட்டிங் கத்வா ஸங்வேல்லனவஸேன புன வேடெ²ந்தி, ஏவங் கரொந்தீதி அத்தோ². சா²தகஸுனகே²ஹீதி கு²த்³த³கேஹி கோலெய்யகஸுனகே²ஹி. தே ஹி ப³லவந்தா ஜவயோகா³ ஸூரா ச ஹொந்தி. ஸஹஸ்ஸப⁴ண்டி³கந்தி ஸஹஸ்ஸத்த²விகங்.
Baḷisamaṃsikanti balisehi maṃsuppāṭanakammakāraṇaṃ. Kahāpaṇikanti kahāpaṇamattaso chindanakammakāraṇaṃ. Koṭṭentīti chindanti. Khārāpatacchikanti tacchetvā khārāpasiñcanakammakāraṇaṃ. Palighaparivattikanti palighassa viya parivattanakammakāraṇaṃ. Ekābaddhaṃ karonti ayasūlassa koṭṭanena. Palālapīṭhakanti palālapīṭhassa viya sarīrassa saṃvellanakammakāraṇaṃ. Kāraṇikāti ghātanakārakā. Palālavaṭṭiṃ viya katvāti yathā palālapīṭhaṃ karontā palālaṃ vaṭṭiṃ katvā saṃvellanavasena puna veṭhenti, evaṃ karontīti attho. Chātakasunakhehīti khuddakehi koleyyakasunakhehi. Te hi balavantā javayogā sūrā ca honti. Sahassabhaṇḍikanti sahassatthavikaṃ.
யாஹந்தி யங் அஹங். யந்தி ச காரணவசனங். தேனாஹ ‘‘யேன அஹ’’ந்தி. சி²ன்னமூலகேதி தண்ஹாமூலஸ்ஸ உச்சி²ன்னத்தா ஸஞ்சி²ன்னமூலகே.
Yāhanti yaṃ ahaṃ. Yanti ca kāraṇavacanaṃ. Tenāha ‘‘yena aha’’nti. Chinnamūlaketi taṇhāmūlassa ucchinnattā sañchinnamūlake.
வஜ்ஜஸுத்தவண்ணனா நிட்டி²தா.
Vajjasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 1. வஜ்ஜஸுத்தங் • 1. Vajjasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 1. வஜ்ஜஸுத்தவண்ணனா • 1. Vajjasuttavaṇṇanā
