| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
ан̇г̇уд̇д̇аранигааяз
Aṅguttaranikāye
д̣̇уганибаад̇а-дийгаа
Dukanipāta-ṭīkā
1. батамабан̣н̣аасагам̣
1. Paṭhamapaṇṇāsakaṃ
1. гаммагааран̣аваг̇г̇о
1. Kammakāraṇavaggo
1. важ̇ж̇асуд̇д̇аван̣н̣анаа
1. Vajjasuttavaṇṇanā
1. д̣̇уганибаад̇асса батамз бахаарасаад̇ханад̇т̇анд̇и д̣̇ан̣д̣аббахаарасса сукасид̣̇д̇хи-ад̇т̇ам̣. ган̃ж̇ид̇о ниб̣б̣ад̇д̇ам̣ ган̃ж̇ияам̣, ааранаалам̣, яам̣ б̣илан̇г̇анд̇иби вужжад̇и, д̇ам̣ яад̇т̇а син̃жад̇и, саа ган̃ж̇ияаугкалигаа б̣илан̇г̇ат̇аалигаа, д̇ам̣сад̣̇исам̣ гааран̣ам̣ б̣илан̇г̇ат̇аалигам̣. сийсагадаахам̣ уббаадзд̇ваад̇и аяог̇ул̣аббавзсаббамаан̣ам̣ чид̣̇д̣̇ам̣ гад̇ваа. сан̇камун̣д̣агаммагааран̣анд̇и сан̇кам̣ вияа мун̣д̣агаран̣ам̣ гаммагааран̣ам̣. раахумукагаммагааран̣анд̇и раахумукаг̇ад̇асуурияасад̣̇исагаммагааран̣ам̣.
1. Dukanipātassa paṭhame pahārasādhanatthanti daṇḍappahārassa sukhasiddhi-atthaṃ. Kañjito nibbattaṃ kañjiyaṃ, āranālaṃ, yaṃ bilaṅgantipi vuccati, taṃ yattha siñcati, sā kañjiyaukkhalikā bilaṅgathālikā, taṃsadisaṃ kāraṇaṃ bilaṅgathālikaṃ. Sīsakaṭāhaṃ uppāṭetvāti ayoguḷappavesappamāṇaṃ chiddaṃ katvā. Saṅkhamuṇḍakammakāraṇanti saṅkhaṃ viya muṇḍakaraṇaṃ kammakāraṇaṃ. Rāhumukhakammakāraṇanti rāhumukhagatasūriyasadisakammakāraṇaṃ.
ж̇од̇имаалиганд̇и ж̇од̇имаалаванд̇ам̣ гаммагааран̣ам̣. хад̇т̇абаж̇ж̇од̇иганд̇и хад̇т̇асса баж̇ж̇од̇анагаммагааран̣ам̣. зрагавад̇д̇агаммагааран̣анд̇и зрагавад̇д̇асад̣̇исз сарийрад̇о жаммавад̇д̇з уббааданагаммагааран̣ам̣. жийрагаваасигагаммагааран̣анд̇и сарийрад̇о уббаадид̇авад̇д̇ажийрагзхи ниваасаабанагаммагааран̣ам̣. д̇ам̣ гаронд̇аа яат̇аа г̇ийвад̇о бадтааяа вад̣̇д̇хз ганд̇ид̇ваа гадияам̣ табзнд̇и, звам̣ г̇обпагад̇о бадтааяа ганд̇ид̇вааби гадияамзва табзнд̇и. адтагат̇ааяам̣ бана ‘‘гадид̇о бадтааяа ганд̇ид̇ваа г̇обпагзсу табзнд̇ий’’д̇и вуд̇д̇ам̣. зн̣зяяагагаммагааран̣анд̇и зн̣имиг̇асад̣̇исагаммагааран̣ам̣. аяавалаяаани д̣̇ад̇ваад̇и аяавалаяаани бадимун̃жид̇ваа. аяасуулаани годдзнд̇ийд̇и габбараж̇ан̣н̣угагодийсу аяасуулаани бавзсзнд̇и. д̇анд̇и д̇ам̣ д̇ат̇аагад̇агаммагааран̣ам̣ сад̇д̇ам̣.
Jotimālikanti jotimālavantaṃ kammakāraṇaṃ. Hatthapajjotikanti hatthassa pajjotanakammakāraṇaṃ. Erakavattakammakāraṇanti erakavattasadise sarīrato cammavatte uppāṭanakammakāraṇaṃ. Cīrakavāsikakammakāraṇanti sarīrato uppāṭitavattacīrakehi nivāsāpanakammakāraṇaṃ. Taṃ karontā yathā gīvato paṭṭhāya vaddhe kantitvā kaṭiyaṃ ṭhapenti, evaṃ gopphakato paṭṭhāya kantitvāpi kaṭiyameva ṭhapenti. Aṭṭhakathāyaṃ pana ‘‘kaṭito paṭṭhāya kantitvā gopphakesu ṭhapentī’’ti vuttaṃ. Eṇeyyakakammakāraṇanti eṇimigasadisakammakāraṇaṃ. Ayavalayāni datvāti ayavalayāni paṭimuñcitvā. Ayasūlāni koṭṭentīti kapparajaṇṇukakoṭīsu ayasūlāni pavesenti. Tanti taṃ tathākatakammakāraṇaṃ sattaṃ.
б̣ал̣исамам̣сиганд̇и б̣алисзхи мам̣суббааданагаммагааран̣ам̣. гахаабан̣иганд̇и гахаабан̣амад̇д̇асо чинд̣̇анагаммагааран̣ам̣. годдзнд̇ийд̇и чинд̣̇анд̇и. каараабад̇ажчиганд̇и д̇ажчзд̇ваа каараабасин̃жанагаммагааран̣ам̣. балигхабаривад̇д̇иганд̇и балигхасса вияа баривад̇д̇анагаммагааран̣ам̣. згааб̣ад̣̇д̇хам̣ гаронд̇и аяасууласса годданзна. балаалабийтаганд̇и балаалабийтасса вияа сарийрасса сам̣взлланагаммагааран̣ам̣. гааран̣игаад̇и гхаад̇анагаарагаа. балаалаваддим̣ вияа гад̇ваад̇и яат̇аа балаалабийтам̣ гаронд̇аа балаалам̣ ваддим̣ гад̇ваа сам̣взлланавасзна буна взтзнд̇и, звам̣ гаронд̇ийд̇и ад̇т̇о. чаад̇агасунакзхийд̇и куд̣̇д̣̇агзхи голзяяагасунакзхи. д̇з хи б̣алаванд̇аа ж̇аваяог̇аа суураа жа хонд̇и. сахассабхан̣д̣иганд̇и сахассад̇т̇авигам̣.
Baḷisamaṃsikanti balisehi maṃsuppāṭanakammakāraṇaṃ. Kahāpaṇikanti kahāpaṇamattaso chindanakammakāraṇaṃ. Koṭṭentīti chindanti. Khārāpatacchikanti tacchetvā khārāpasiñcanakammakāraṇaṃ. Palighaparivattikanti palighassa viya parivattanakammakāraṇaṃ. Ekābaddhaṃ karonti ayasūlassa koṭṭanena. Palālapīṭhakanti palālapīṭhassa viya sarīrassa saṃvellanakammakāraṇaṃ. Kāraṇikāti ghātanakārakā. Palālavaṭṭiṃ viya katvāti yathā palālapīṭhaṃ karontā palālaṃ vaṭṭiṃ katvā saṃvellanavasena puna veṭhenti, evaṃ karontīti attho. Chātakasunakhehīti khuddakehi koleyyakasunakhehi. Te hi balavantā javayogā sūrā ca honti. Sahassabhaṇḍikanti sahassatthavikaṃ.
яааханд̇и яам̣ ахам̣. яанд̇и жа гааран̣аважанам̣. д̇знааха ‘‘язна аха’’нд̇и. чиннамуулагзд̇и д̇ан̣хаамууласса ужчиннад̇д̇аа сан̃чиннамуулагз.
Yāhanti yaṃ ahaṃ. Yanti ca kāraṇavacanaṃ. Tenāha ‘‘yena aha’’nti. Chinnamūlaketi taṇhāmūlassa ucchinnattā sañchinnamūlake.
важ̇ж̇асуд̇д̇аван̣н̣анаа нидтид̇аа.
Vajjasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 1. важ̇ж̇асуд̇д̇ам̣ • 1. Vajjasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1. важ̇ж̇асуд̇д̇аван̣н̣анаа • 1. Vajjasuttavaṇṇanā
