Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā

    ਸਨ੍ਥਤਭਾਣવਾਰੋ

    Santhatabhāṇavāro

    વਜ੍ਜਿਪੁਤ੍ਤਕવਤ੍ਥੁਕਥਾવਣ੍ਣਨਾ

    Vajjiputtakavatthukathāvaṇṇanā

    ੪੩-੪੪. વਜ੍ਜਿਪੁਤ੍ਤਕવਤ੍ਥੁਕਥਾਯ ਪਾਲ਼ਿਯਂ ‘‘વੇਸਾਲਿਕਾ…ਪੇ॰… ਮੇਥੁਨਂ ਧਮ੍ਮਂ ਪਟਿਸੇવਿਂਸੂ’’ਤਿ ਏਤ੍ਥ ਤੇ ਞਾਤਿਕੁਲਂ ਗਨ੍ਤ੍વਾ ਗਿਹਿਲਿਙ੍ਗਂ ਗਹੇਤ੍વਾ ‘‘ਗਿਹਿਭੂਤਾ ਮਯ’’ਨ੍ਤਿ ਸਞ੍ਞਾਯ ਮੇਥੁਨਂ ਪਟਿਸੇવਿਂਸੂਤਿ ਗਹੇਤਬ੍ਬਂ, ਤੇਨਾਹ ਞਾਤਿਬ੍ਯਸਨੇਨਪਿ ਫੁਟ੍ਠਾਤਿਆਦਿ। ਞਾਤੀਨਂ વਿਨਾਸੋ ਰਾਜਦਣ੍ਡਾਦਿਕਾਰਣੇਨ ਹੋਤੀਤਿ ਆਹ ਰਾਜਦਣ੍ਡਇਚ੍ਚਾਦਿ। ਧਞ੍ਞਹਿਰਞ੍ਞਦਾਸਿਦਾਸਗੋਮਹਿਂਸਾਦਿਧਨਾਨਿ ਭੋਗਾ ਨਾਮ, ਤੇਸਮ੍ਪਿ ਰਾਜਦਣ੍ਡਾਦਿਨਾવ વਿਨਾਸੋਤਿ ਆਹ ‘‘ਏਸ ਨਯੋ ਦੁਤਿਯਪਦੇਪੀ’’ਤਿ। ਨ ਸਬ੍ਬਞ੍ਞੁਬੁਦ੍ਧੋਤਿਆਦਿਨਾ ਤੀਸੁ વਤ੍ਥੂਸੁ ਅਪ੍ਪਸਨ੍ਨਾવ ਸਾਸਨੇ ਅਭਬ੍ਬਾਤਿ ਸਞ੍ਞਾਯ ਅਤ੍ਤਨੋ ਭਬ੍ਬਤਂ ਪਕਾਸੇਨ੍ਤਾ ਨ ਮਯਨ੍ਤਿਆਦਿਮਾਹਂਸੂਤਿ વੇਦਿਤਬ੍ਬਂ। ‘‘ਅਟ੍ਠਤਿਂਸਾਰਮ੍ਮਣੇਸੂ’’ਤਿ ਪਾਲ਼ਿਯਂ ਅਨਾਗਤੇ ਆਲੋਕਾਕਾਸਕਸਿਣੇ વਜ੍ਜੇਤ੍વਾ વੁਤ੍ਤਂ, ਤੇਹਿ ਪਨ ਸਦ੍ਧਿਂ ਚਤ੍ਤਾਲੀਸ ਹੋਨ੍ਤਿ। વਿਭਤ੍ਤਾ ਕੁਸਲਾ ਧਮ੍ਮਾਤਿ ‘‘ਇਮਸ੍ਮਿਂ ਆਰਮ੍ਮਣੇ ਇਦਂ ਹੋਤੀ’’ਤਿ વਿਭਾਗਸੋ ਦਸ੍ਸਿਤਾ ਸਉਪਚਾਰਜ੍ਝਾਨਾ ਮਹਗ੍ਗਤਕੁਸਲਾ ਧਮ੍ਮਾ। ਗਿਹਿਪਲਿਬੋਧਨ੍ਤਿ ਸਹਸੋਕਿਤਾਦਿવਸੇਨ ਗਿਹੀਸੁ ਬ੍ਯਾવਟਤਂ। ਆવਾਸਪਲਿਬੋਧਨ੍ਤਿ ਸੇਨਾਸਨੇਸੁ ਨવਕਮ੍ਮਾਦਿવਸੇਨ ਨਿਚ੍ਚਬ੍ਯਾવਟਤਂ। ਦੁਪ੍ਪਰਿਚ੍ਚਾਗਾਨਂ ਇਮੇਸਂ ਦ੍વਿਨ੍ਨਂ ਪਲਿਬੋਧਾਨਂ વਸੇਨ ਸਬ੍ਬੇਪਿ ਪਲਿਬੋਧਾ ਸਙ੍ਗਹਿਤਾ ਏવਾਤਿ વੇਦਿਤਬ੍ਬਂ।

    43-44. Vajjiputtakavatthukathāya pāḷiyaṃ ‘‘vesālikā…pe… methunaṃ dhammaṃ paṭiseviṃsū’’ti ettha te ñātikulaṃ gantvā gihiliṅgaṃ gahetvā ‘‘gihibhūtā maya’’nti saññāya methunaṃ paṭiseviṃsūti gahetabbaṃ, tenāha ñātibyasanenapi phuṭṭhātiādi. Ñātīnaṃ vināso rājadaṇḍādikāraṇena hotīti āha rājadaṇḍaiccādi. Dhaññahiraññadāsidāsagomahiṃsādidhanāni bhogā nāma, tesampi rājadaṇḍādināva vināsoti āha ‘‘esa nayo dutiyapadepī’’ti. Na sabbaññubuddhotiādinā tīsu vatthūsu appasannāva sāsane abhabbāti saññāya attano bhabbataṃ pakāsentā na mayantiādimāhaṃsūti veditabbaṃ. ‘‘Aṭṭhatiṃsārammaṇesū’’ti pāḷiyaṃ anāgate ālokākāsakasiṇe vajjetvā vuttaṃ, tehi pana saddhiṃ cattālīsa honti. Vibhattā kusalā dhammāti ‘‘imasmiṃ ārammaṇe idaṃ hotī’’ti vibhāgaso dassitā saupacārajjhānā mahaggatakusalā dhammā. Gihipalibodhanti sahasokitādivasena gihīsu byāvaṭataṃ. Āvāsapalibodhanti senāsanesu navakammādivasena niccabyāvaṭataṃ. Duppariccāgānaṃ imesaṃ dvinnaṃ palibodhānaṃ vasena sabbepi palibodhā saṅgahitā evāti veditabbaṃ.

    ਯੇਨਾਤਿ ਕਾਰਣੇਨ। ਅਸਂવਾਸੋਤਿ ਇਦਂ ਤਸ੍ਮਿਂ ਅਤ੍ਤਭਾવੇ ਕੇਨਚਿਪਿ ਪਰਿਯਾਯੇਨ ਭਿਕ੍ਖੁ ਹੁਤ੍વਾ ਭਿਕ੍ਖੂਹਿ ਸਦ੍ਧਿਂ ਸਂવਾਸਂ ਨਾਰਹਤੀਤਿ ਇਮਮਤ੍ਥਂ ਸਨ੍ਧਾਯ વੁਤ੍ਤਨ੍ਤਿ ਆਹ ‘‘ਅਸਂવਾਸੋ’’ਤਿ। ਪਞ੍ਞਤ੍ਤਂ ਸਮੂਹਨੇਯ੍ਯਾਤਿ ‘‘ਸੋ ਆਗਤੋ ਨ ਪਬ੍ਬਾਜੇਤਬ੍ਬੋ’’ਤਿ ਅવਤ੍વਾ ‘‘ਨ ਉਪਸਮ੍ਪਾਦੇਤਬ੍ਬੋ’’ਤਿ ਏਤ੍ਤਕਸ੍ਸੇવ વੁਤ੍ਤਤ੍ਤਾ ਪਾਰਾਜਿਕਸ੍ਸ ਸਾਮਣੇਰਭੂਮਿ ਅਨੁਞ੍ਞਾਤਾਤਿ વਿਞ੍ਞਾਯਤਿ, ਤੇਨਾਹ ਸਾਮਣੇਰਭੂਮਿਯਂ ਪਨ ਠਿਤੋਤਿਆਦਿ। ‘‘ਯੋ ਪਨ ਭਿਕ੍ਖੂ’’ਤਿ વੁਤ੍ਤਤ੍ਤਾ (ਪਾਰਾ॰ ੩੯) ਪਚ੍ਚਕ੍ਖਾਤਸਿਕ੍ਖੋ ਯਸ੍ਮਾ ਭਿਕ੍ਖੁ ਨ ਹੋਤਿ, ਮੇਥੁਨਸੇવਨੇ ਚ ਪਾਰਾਜਿਕਂ ਨਾਪਜ੍ਜਤਿ, ਤਸ੍ਮਾਸ੍ਸ ‘‘ਆਗਤੋ ਉਪਸਮ੍ਪਾਦੇਤਬ੍ਬੋ’’ਤਿ ਉਪਸਮ੍ਪਦਂ ਅਨੁਜਾਨਨ੍ਤੋ ਪਾਰਾਜਿਕਂ ਨ ਸਮੂਹਨਤਿ ਨਾਮ, ਤੇਨਾਹ ‘‘ਭਿਕ੍ਖੁਭਾવੇ ਠਤ੍વਾ ਅવਿਪਨ੍ਨਸੀਲਤਾਯਾ’’ਤਿ। ਉਤ੍ਤਮਤ੍ਥਂ ਅਰਹਤ੍ਤਂ, ਨਿਬ੍ਬਾਨਮੇવ વਾ।

    Yenāti kāraṇena. Asaṃvāsoti idaṃ tasmiṃ attabhāve kenacipi pariyāyena bhikkhu hutvā bhikkhūhi saddhiṃ saṃvāsaṃ nārahatīti imamatthaṃ sandhāya vuttanti āha ‘‘asaṃvāso’’ti. Paññattaṃ samūhaneyyāti ‘‘so āgato na pabbājetabbo’’ti avatvā ‘‘na upasampādetabbo’’ti ettakasseva vuttattā pārājikassa sāmaṇerabhūmi anuññātāti viññāyati, tenāha sāmaṇerabhūmiyaṃ pana ṭhitotiādi. ‘‘Yo pana bhikkhū’’ti vuttattā (pārā. 39) paccakkhātasikkho yasmā bhikkhu na hoti, methunasevane ca pārājikaṃ nāpajjati, tasmāssa ‘‘āgato upasampādetabbo’’ti upasampadaṃ anujānanto pārājikaṃ na samūhanati nāma, tenāha ‘‘bhikkhubhāve ṭhatvā avipannasīlatāyā’’ti. Uttamatthaṃ arahattaṃ, nibbānameva vā.







    Related texts:



    ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੧. ਪਠਮਪਾਰਾਜਿਕਂ • 1. Paṭhamapārājikaṃ

    ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੧. ਪਠਮਪਾਰਾਜਿਕਂ • 1. Paṭhamapārājikaṃ

    ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / વਜ੍ਜਿਪੁਤ੍ਤਕવਤ੍ਥੁવਣ੍ਣਨਾ • Vajjiputtakavatthuvaṇṇanā

    ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / વਜ੍ਜਿਪੁਤ੍ਤਕવਤ੍ਥੁવਣ੍ਣਨਾ • Vajjiputtakavatthuvaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact