| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
важ̇ж̇ибуд̇д̇агавад̇т̇уван̣н̣анаа
Vajjiputtakavatthuvaṇṇanā
43. взсаалий ниваасо зд̇зсанд̇и взсаалигаад̇и ааха ‘‘взсааливаасино’’д̇и. важ̇ж̇ийсу ж̇анабад̣̇з васанд̇аа важ̇ж̇ино, важ̇ж̇ийнам̣ буд̇д̇агаа важ̇ж̇ибуд̇д̇агаад̇и ааха ‘‘важ̇ж̇ирадтз взсаалияам̣ гулаанам̣ буд̇д̇аа’’д̇и. н̃аад̇ийнам̣ б̣яасананд̇и н̃аад̇ийнам̣ винаасо. со бана н̃аад̇ийнам̣ винаасо рааж̇ад̣̇ан̣д̣аад̣̇игааран̣зна ход̇ийд̇и ааха ‘‘рааж̇ад̣̇ан̣д̣аб̣яаад̇химаран̣авиббаваасанимид̇д̇знаа’’д̇и. бхог̇аанам̣ б̣яасанам̣ винаасо бхог̇аб̣яасанам̣. д̇ан̃жа хиран̃н̃асуван̣н̣ад̣̇аасид̣̇аасаад̣̇ийнам̣ убабхог̇абарибхог̇авад̇т̇уунам̣ рааж̇ад̣̇ан̣д̣аад̣̇инаа винаасод̇и ааха ‘‘зса наяо д̣̇уд̇ияабад̣̇збий’’д̇и. на б̣уд̣̇д̇хам̣ г̇арахаамаад̇и ‘‘асаб̣б̣ан̃н̃у б̣уд̣̇д̇хо’’д̇иаад̣̇инаа б̣уд̣̇д̇хам̣ на г̇арахаама. на д̇хаммаг̇арахинод̇и ‘‘анияяааниго д̇хаммо’’д̇иаад̣̇инаа д̇хаммам̣ на г̇арахаама. на сан̇гхаг̇арахинод̇и ‘‘д̣̇уббадибанно сан̇гхо’’д̇иаад̣̇инаа сан̇гхам̣ на г̇арахаама. адтад̇им̣саарамман̣зсууд̇и д̣̇аса гасин̣аа д̣̇аса асубхаа д̣̇асаануссад̇ияо жад̇д̇ааро б̣рахмавихаараа жад̇д̇ааро ааруббаа жад̇уд̇хаад̇увавад̇т̇аанам̣ аахаарз бадигууласан̃н̃аад̇и имзсу жад̇д̇аалийсагаммадтаанзсу баал̣ияам̣ анааг̇ад̇ад̇д̇аа аалогаагаасагасин̣ад̣̇ваяам̣ табзд̇ваа авасзсаани г̇ахзд̇ваа вуд̇д̇ам̣. вибхад̇д̇аа гусалаа д̇хаммаад̇и ‘‘имасмим̣ аарамман̣з ид̣̇ам̣ ход̇ий’’д̇и звам̣ вибхад̇д̇аа убажаараж̇жхаанзна сад̣̇д̇хим̣ батамаж̇жхаанаад̣̇аяо махаг̇г̇ад̇агусалаа д̇хаммаа . д̇зва д̇хаммзд̇и д̇з зва гусалз д̇хаммз. маж̇жхимаяаамо бхигкуунам̣ нид̣̇д̣̇аагиламат̇авинод̣̇аногаасад̇д̇аа на г̇ахид̇од̇и ааха ‘‘батамаяааман̃жа бажчимаяааман̃жаа’’д̇и. сажжаани б̣уж̇жхад̇и бадивиж̇жхад̇ийд̇и б̣од̇хи, арахад̇д̇амаг̇г̇ан̃аан̣ам̣. убагаарагад̇д̇зна д̇асса багкз бхаваа б̣од̇хибагкияаад̇и ааха ‘‘б̣од̇хисса багкз бхаваанам̣, арахад̇д̇амаг̇г̇ан̃аан̣асса убагаарагаана’’нд̇и. жад̇д̇ааро сад̇ибадтаанаа, жад̇д̇ааро саммаббад̇хаанаа, жад̇д̇ааро ид̣̇д̇хибаад̣̇аа, бан̃жинд̣̇рияаани, бан̃жа б̣алаани, сад̇д̇а б̣ож̇жхан̇г̇аа, арияо адтан̇г̇иго маг̇г̇од̇и имз сад̇д̇ад̇им̣са б̣од̇хибагкияад̇хаммаа. ‘‘г̇ихибалиб̣од̇хам̣ ааваасабалиб̣од̇хан̃жа бахааяаа’’д̇и имзсам̣язва д̣̇виннам̣ балиб̣од̇хаанам̣ убажчзд̣̇асса суд̣̇уггарабхаавад̇о вуд̇д̇ам̣. яуд̇д̇абаяуд̇д̇аад̇и саммад̣̇зва яуд̇д̇аа.
43. Vesālī nivāso etesanti vesālikāti āha ‘‘vesālivāsino’’ti. Vajjīsu janapade vasantā vajjino, vajjīnaṃ puttakā vajjiputtakāti āha ‘‘vajjiraṭṭhe vesāliyaṃ kulānaṃ puttā’’ti. Ñātīnaṃ byasananti ñātīnaṃ vināso. So pana ñātīnaṃ vināso rājadaṇḍādikāraṇena hotīti āha ‘‘rājadaṇḍabyādhimaraṇavippavāsanimittenā’’ti. Bhogānaṃ byasanaṃ vināso bhogabyasanaṃ. Tañca hiraññasuvaṇṇadāsidāsādīnaṃ upabhogaparibhogavatthūnaṃ rājadaṇḍādinā vināsoti āha ‘‘esa nayo dutiyapadepī’’ti. Na buddhaṃ garahāmāti ‘‘asabbaññu buddho’’tiādinā buddhaṃ na garahāma. Na dhammagarahinoti ‘‘aniyyāniko dhammo’’tiādinā dhammaṃ na garahāma. Na saṅghagarahinoti ‘‘duppaṭipanno saṅgho’’tiādinā saṅghaṃ na garahāma. Aṭṭhatiṃsārammaṇesūti dasa kasiṇā dasa asubhā dasānussatiyo cattāro brahmavihārā cattāro āruppā catudhātuvavatthānaṃ āhāre paṭikūlasaññāti imesu cattālīsakammaṭṭhānesu pāḷiyaṃ anāgatattā ālokākāsakasiṇadvayaṃ ṭhapetvā avasesāni gahetvā vuttaṃ. Vibhattā kusalādhammāti ‘‘imasmiṃ ārammaṇe idaṃ hotī’’ti evaṃ vibhattā upacārajjhānena saddhiṃ paṭhamajjhānādayo mahaggatakusalā dhammā . Teva dhammeti te eva kusale dhamme. Majjhimayāmo bhikkhūnaṃ niddākilamathavinodanokāsattā na gahitoti āha ‘‘paṭhamayāmañca pacchimayāmañcā’’ti. Saccāni bujjhati paṭivijjhatīti bodhi, arahattamaggañāṇaṃ. Upakārakattena tassa pakkhe bhavā bodhipakkhiyāti āha ‘‘bodhissa pakkhe bhavānaṃ, arahattamaggañāṇassa upakārakāna’’nti. Cattāro satipaṭṭhānā, cattāro sammappadhānā, cattāro iddhipādā, pañcindriyāni, pañca balāni, satta bojjhaṅgā, ariyo aṭṭhaṅgiko maggoti ime sattatiṃsa bodhipakkhiyadhammā. ‘‘Gihipalibodhaṃ āvāsapalibodhañca pahāyā’’ti imesaṃyeva dvinnaṃ palibodhānaṃ upacchedassa sudukkarabhāvato vuttaṃ. Yuttapayuttāti sammadeva yuttā.
аасаяанд̇и аж̇жхаасаяам̣. сигкам̣ аббажжагкааяа бхигкубхаавз тад̇ваа бадисзвид̇амзт̇унаанам̣ д̇зсам̣ важ̇ж̇ибуд̇д̇агаанам̣ убасамбад̣̇ам̣ ануж̇аананд̇о бхаг̇аваа ‘‘баарааж̇иго ход̇и асам̣ваасо’’д̇и звам̣ бан̃н̃ад̇д̇асигкаабад̣̇ам̣ самууханад̇и наамаад̇и ааха – ‘‘яад̣̇и хи бхаг̇аваа…бз… бан̃н̃ад̇д̇ам̣ самууханзяяаа’’д̇и. ‘‘яо бана бхигкуу’’д̇и вуд̇д̇ад̇д̇аа бана сигкам̣ бажжагкааяа бадисзвид̇амзт̇унасса убасамбад̣̇ам̣ ануж̇аананд̇о на самууханад̇и наама. на хи со бхигку худ̇ваа бадисзвад̇и. ‘‘со ааг̇ад̇о на убасамбаад̣̇зд̇аб̣б̣о’’д̇и важанад̇о сааман̣зрабхууми анун̃н̃аад̇аад̇и ааха ‘‘сааман̣зрабхуумияам̣ бана тид̇о’’д̇иаад̣̇и. уд̇д̇амад̇т̇анд̇и арахад̇д̇ам̣ ниб̣б̣аанамзва ваа.
Āsayanti ajjhāsayaṃ. Sikkhaṃ appaccakkhāya bhikkhubhāve ṭhatvā paṭisevitamethunānaṃ tesaṃ vajjiputtakānaṃ upasampadaṃ anujānanto bhagavā ‘‘pārājiko hoti asaṃvāso’’ti evaṃ paññattasikkhāpadaṃ samūhanati nāmāti āha – ‘‘yadi hi bhagavā…pe… paññattaṃ samūhaneyyā’’ti. ‘‘Yo pana bhikkhū’’ti vuttattā pana sikkhaṃ paccakkhāya paṭisevitamethunassa upasampadaṃ anujānanto na samūhanati nāma. Na hi so bhikkhu hutvā paṭisevati. ‘‘So āgato na upasampādetabbo’’ti vacanato sāmaṇerabhūmi anuññātāti āha ‘‘sāmaṇerabhūmiyaṃ pana ṭhito’’tiādi. Uttamatthanti arahattaṃ nibbānameva vā.
важ̇ж̇ибуд̇д̇агавад̇т̇уван̣н̣анаа нидтид̇аа.
Vajjiputtakavatthuvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. батамабаарааж̇игам̣ • 1. Paṭhamapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 1. батамабаарааж̇игам̣ • 1. Paṭhamapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / важ̇ж̇ибуд̇д̇агавад̇т̇уван̣н̣анаа • Vajjiputtakavatthuvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / важ̇ж̇ибуд̇д̇агавад̇т̇угат̇ааван̣н̣анаа • Vajjiputtakavatthukathāvaṇṇanā
