| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
важ̇ж̇ибуд̇д̇агавад̇т̇уван̣н̣анаа
Vajjiputtakavatthuvaṇṇanā
43-4. важ̇ж̇ийсу ж̇анабад̣̇зсу васанд̇аа важ̇ж̇ино наама, д̇зсам̣ буд̇д̇аа. яаавад̣̇ад̇т̇анд̇и яаавад̇аа ад̇т̇о ад̇хиббааяод̇и вуд̇д̇ам̣ ход̇и, д̇ад̇т̇а яам̣ вуд̇д̇ам̣ ‘‘сигкам̣ аббажжагкааяа д̣̇уб̣б̣аляам̣анаавигад̇ваа’’д̇и, д̇ам̣ гаамам̣ сигкаабажжагкаанз, д̇ад̣̇згадтз жа д̣̇уб̣б̣аляаавигаран̣з бан̃н̃ад̇д̇з сад̇и яуж̇ж̇ад̇и, на ан̃н̃ат̇аа. д̇ат̇ааби ид̣̇аани бан̃н̃абзд̇аб̣б̣ам̣ убаад̣̇ааяа вуд̇д̇ам̣, гат̇ан̃хи наама чаб̣б̣аг̇г̇ияаа бхигкуу ад̇ирзгажийварам̣ д̇хаарзссанд̇и (баараа. 459), аал̣авагаа бхигкуу гудияо гаараабзнд̇и аббамаан̣игааяо (баараа. 342), бхигкунияо д̣̇вз вассаани часу д̇хаммзсу асигкид̇асигкам̣ сигкамаанам̣ вудтаабзнд̇и (баажи. 1077), сан̇гхзна асаммад̇ам̣ вудтаабзнд̇ийд̇иаад̣̇и (баажи. 1084) вияа д̣̇адтаб̣б̣ам̣. на хи д̇ад̇о буб̣б̣з ад̇хидтаанам̣ вигаббанам̣ ваа анун̃н̃аад̇ам̣. яад̣̇абхааваа ад̇ирзгажийваранд̇и вад̣̇зяяа, бамаан̣ам̣ ваа на бан̃н̃ад̇д̇ам̣, яад̣̇абхааваа аббамаан̣игааяод̇и вад̣̇зяяа, звам̣самбад̣̇амид̣̇ам̣ д̣̇адтаб̣б̣ам̣. ‘‘уллумбад̇у мам̣, бханд̇з, сан̇гхо анугамбам̣ убаад̣̇ааяаа’’д̇и (махаава. 71, 126) убасамбад̣̇ам̣ яаажид̇ваа убасамбаннзна убасамбаннасамананд̇арамзва ‘‘убасамбаннзна бхигкунаа мзт̇уно д̇хаммо на бадисзвид̇аб̣б̣о, асагяабуд̇д̇ияо’’д̇и (махаава. 129) жа бан̃н̃ад̇д̇зна ассаман̣аад̣̇ибхаавам̣ убаг̇анд̇угаамзна нану батамам̣ аж̇жхубаг̇ад̇аа сигкаа бажжагкаад̇аб̣б̣аа, д̇ад̇т̇а д̣̇уб̣б̣аляам̣ ваа аавигаад̇аб̣б̣ам̣ сияаа, д̇з бана ‘‘сигкам̣ аббажжагкааяа д̣̇уб̣б̣аляам̣ анаавигад̇ваа мзт̇унам̣ д̇хаммам̣ бадисзвим̣суу’’д̇и анубан̃н̃ад̇д̇ияаа огаасагаран̣ад̇т̇ам̣ ваа д̇ам̣ вуд̇д̇анд̇и взд̣̇ид̇аб̣б̣ам̣. ‘‘со ааг̇ад̇о на убасамбаад̣̇зд̇аб̣б̣о’’д̇и гин̃жааби зд̇т̇зва вуд̇д̇ам̣, д̇ат̇ааби ид̇арзсуби баарааж̇игзсу яат̇аасамбхавам̣ взд̣̇ид̇аб̣б̣ам̣. на хи сигкам̣ аббажжагкааяа д̣̇уб̣б̣аляам̣ анаавигад̇ваа яо баарааж̇игавад̇т̇ум̣ ад̣̇иннам̣ т̇зяяасан̇каад̇ам̣ аад̣̇ияад̇и, мануссавиг̇г̇ахам̣ ваа ж̇ийвид̇аа воробзд̇и, бадивиж̇аананд̇асса уд̇д̇аримануссад̇хаммам̣ ваа уллабад̇и, со ааг̇ад̇о на убасамбаад̣̇зд̇аб̣б̣о. анубан̃н̃ад̇д̇и хи д̣̇ал̣хийгаммасит̇илагаммагаран̣аббаяож̇анаа. саа хи яасса баарааж̇игам̣ ход̇и ан̃н̃аа ваа аабад̇д̇и, д̇асса нияамад̣̇ассанаббаяож̇анаад̇илагкан̣аанубан̃н̃ад̇д̇игад̇д̇аа. зван̃хи анд̇з авад̇ваа аад̣̇имхи вуд̇д̇аа ‘‘г̇аамаа ваа аран̃н̃аа ваа’’д̇и (баараа. 91) анубан̃н̃ад̇д̇и вияа. барибун̣н̣з банзд̇асмим̣ сигкаабад̣̇з –
43-4. Vajjīsu janapadesu vasantā vajjino nāma, tesaṃ puttā. Yāvadatthanti yāvatā attho adhippāyoti vuttaṃ hoti, tattha yaṃ vuttaṃ ‘‘sikkhaṃ appaccakkhāya dubbalyaṃanāvikatvā’’ti, taṃ kāmaṃ sikkhāpaccakkhāne, tadekaṭṭhe ca dubbalyāvikaraṇe paññatte sati yujjati, na aññathā. Tathāpi idāni paññapetabbaṃ upādāya vuttaṃ, kathañhi nāma chabbaggiyā bhikkhū atirekacīvaraṃ dhāressanti (pārā. 459), āḷavakā bhikkhū kuṭiyo kārāpenti appamāṇikāyo (pārā. 342), bhikkhuniyo dve vassāni chasu dhammesu asikkhitasikkhaṃ sikkhamānaṃ vuṭṭhāpenti (pāci. 1077), saṅghena asammataṃ vuṭṭhāpentītiādi (pāci. 1084) viya daṭṭhabbaṃ. Na hi tato pubbe adhiṭṭhānaṃ vikappanaṃ vā anuññātaṃ. Yadabhāvā atirekacīvaranti vadeyya, pamāṇaṃ vā na paññattaṃ, yadabhāvā appamāṇikāyoti vadeyya, evaṃsampadamidaṃ daṭṭhabbaṃ. ‘‘Ullumpatu maṃ, bhante, saṅgho anukampaṃ upādāyā’’ti (mahāva. 71, 126) upasampadaṃ yācitvā upasampannena upasampannasamanantarameva ‘‘upasampannena bhikkhunā methuno dhammo na paṭisevitabbo, asakyaputtiyo’’ti (mahāva. 129) ca paññattena assamaṇādibhāvaṃ upagantukāmena nanu paṭhamaṃ ajjhupagatā sikkhā paccakkhātabbā, tattha dubbalyaṃ vā āvikātabbaṃ siyā, te pana ‘‘sikkhaṃ appaccakkhāya dubbalyaṃ anāvikatvā methunaṃ dhammaṃ paṭiseviṃsū’’ti anupaññattiyā okāsakaraṇatthaṃ vā taṃ vuttanti veditabbaṃ. ‘‘So āgato na upasampādetabbo’’ti kiñcāpi ettheva vuttaṃ, tathāpi itaresupi pārājikesu yathāsambhavaṃ veditabbaṃ. Na hi sikkhaṃ appaccakkhāya dubbalyaṃ anāvikatvā yo pārājikavatthuṃ adinnaṃ theyyasaṅkhātaṃ ādiyati, manussaviggahaṃ vā jīvitā voropeti, paṭivijānantassa uttarimanussadhammaṃ vā ullapati, so āgato na upasampādetabbo. Anupaññatti hi daḷhīkammasithilakammakaraṇappayojanā. Sā hi yassa pārājikaṃ hoti aññā vā āpatti, tassa niyamadassanappayojanātilakkhaṇānupaññattikattā. Evañhi ante avatvā ādimhi vuttā ‘‘gāmā vā araññā vā’’ti (pārā. 91) anupaññatti viya. Paripuṇṇe panetasmiṃ sikkhāpade –
‘‘нид̣̇аанаа маад̇игаабхзд̣̇о, вибхан̇г̇о д̇ам̣нияаамаго;
‘‘Nidānā mātikābhedo, vibhaṅgo taṃniyāmako;
д̇ад̇о аабад̇д̇ияаа бхзд̣̇о, анаабад̇д̇и д̇ад̣̇ан̃н̃ат̇аа’’д̇и. –
Tato āpattiyā bhedo, anāpatti tadaññathā’’ti. –
аяам̣ наяо взд̣̇ид̇аб̣б̣о. д̇ад̇т̇а суд̣̇иннавад̇т̇у маггадивад̇т̇у важ̇ж̇ибуд̇д̇агавад̇т̇у жаад̇и д̇иббабхзд̣̇ам̣ вад̇т̇у имасса сигкаабад̣̇асса нид̣̇аанам̣ наама, д̇ад̇о нид̣̇аанаа ‘‘яо бана, бхигку, бхигкуунам̣ сигкаасааж̇ийвасамаабанно…бз… асам̣ваасо’’д̇и имиссаа маад̇игааяа бхзд̣̇о ж̇аад̇о. д̇ад̇т̇а хи ‘‘анд̇амасо д̇иражчаанаг̇ад̇ааяаа’’д̇и ид̇т̇илин̇г̇аважанзна ‘‘сажжам̣, аавусо, бхаг̇авад̇аа сигкаабад̣̇ам̣ бан̃н̃ад̇д̇ам̣, д̇ан̃жа ко ид̇т̇ияаа но бурисз но бан̣д̣агз но убхад̇об̣яан̃ж̇анагз жаа’’д̇и маггадибаарааж̇иго вияа ан̃н̃оби лзсам̣ од̣д̣зд̇ум̣ саггод̇и, д̇асмаа д̇аад̣̇исасса алзсогаасасса д̣̇ассанад̇т̇ам̣ ид̣̇ам̣ вужжад̇и. маггадивад̇т̇усан̇каад̇аа нид̣̇аанаа ‘‘анд̇амасо д̇иражчаанаг̇ад̇ааяабий’’д̇и маад̇игааважанабхзд̣̇о на ид̇т̇ияаа зва мзт̇унасид̣̇д̇хид̣̇ассанад̇о гад̇о, д̇асмаа вибхан̇г̇о д̇ам̣нияаамаго д̇ассаа маад̇игааяа ад̇хиббзд̇ад̇т̇анияаамаго вибхан̇г̇о. вибхан̇г̇з хи ‘‘д̇иссо ид̇т̇ияо. д̇аяо убхад̇об̣яан̃ж̇анагаа. д̇аяо бан̣д̣агаа. д̇аяо бурисаа. мануссид̇т̇ияаа д̇аяо маг̇г̇з…бз… д̇иражчаанаг̇ад̇абурисасса д̣̇вз маг̇г̇з’’д̇иаад̣̇инаа (баараа. 56) наязна саб̣б̣алзсогаасам̣ бид̣̇ахид̇ваа нияамо гад̇о.
Ayaṃ nayo veditabbo. Tattha sudinnavatthu makkaṭivatthu vajjiputtakavatthu cāti tippabhedaṃ vatthu imassa sikkhāpadassa nidānaṃ nāma, tato nidānā ‘‘yo pana, bhikkhu, bhikkhūnaṃ sikkhāsājīvasamāpanno…pe… asaṃvāso’’ti imissā mātikāya bhedo jāto. Tattha hi ‘‘antamaso tiracchānagatāyā’’ti itthiliṅgavacanena ‘‘saccaṃ, āvuso, bhagavatā sikkhāpadaṃ paññattaṃ, tañca kho itthiyā no purise no paṇḍake no ubhatobyañjanake cā’’ti makkaṭipārājiko viya aññopi lesaṃ oḍḍetuṃ sakkoti, tasmā tādisassa alesokāsassa dassanatthaṃ idaṃ vuccati. Makkaṭivatthusaṅkhātā nidānā ‘‘antamaso tiracchānagatāyapī’’ti mātikāvacanabhedo na itthiyā eva methunasiddhidassanato kato, tasmā vibhaṅgo taṃniyāmako tassā mātikāya adhippetatthaniyāmako vibhaṅgo. Vibhaṅge hi ‘‘tisso itthiyo. Tayo ubhatobyañjanakā. Tayo paṇḍakā. Tayo purisā. Manussitthiyā tayo magge…pe… tiracchānagatapurisassa dve magge’’tiādinā (pārā. 56) nayena sabbalesokāsaṃ pidahitvā niyamo kato.
зд̇т̇ааха – яад̣̇и звам̣ саад̇хааран̣асигкаабад̣̇авасзна ваа лин̇г̇абаривад̇д̇анавасзна ваа на гзвалам̣ бхигкуунам̣, бхигкунийнамби ‘‘сигкаасааж̇ийвасамаабанно’’д̇и вибхан̇г̇з вад̇д̇аб̣б̣ам̣ сияаа. д̇ад̣̇аважанзна бхигкуний бурисалин̇г̇абаад̇убхаавзна бхигкубхаавз тид̇аа звам̣ вад̣̇зяяа ‘‘наахам̣ убасамбад̣̇агаалз бхигкуунам̣ сигкаасааж̇ийвасамаабаннаа, д̇асмаа на аббажжагкаад̇асигкааби мзт̇унад̇хаммзна баарааж̇игаа хомий’’д̇и? вужжад̇з – д̇ат̇аа на вад̇д̇аб̣б̣ам̣ анидтаббасан̇г̇ад̇о. бхигкунийнамби ‘‘сигкаасааж̇ийвасамаабанно’’д̇и вуд̇д̇з бхигкунийнамби сигкаабажжагкаанам̣ ад̇т̇ийд̇и аабаж̇ж̇ад̇и, д̇ан̃жаанидтам̣. ид̣̇ам̣ абарам̣ анидтаббасан̇г̇од̇и ‘‘саб̣б̣асигкаабад̣̇аани саад̇хааран̣аанзва, наасаад̇хааран̣ааний’’д̇и. абижааяам̣ бхигкуунам̣ сигкаасааж̇ийвасамаабанноваад̇и д̣̇ассанад̇т̇ам̣ ‘‘ануж̇аанаами, бхигкавз, д̇ам̣язва убаж̇жха’’нд̇иаад̣̇и (баараа. 69) вуд̇д̇ам̣, абижа яо д̇ат̇аа лзсам̣ од̣д̣зд̇ваа мзт̇унам̣ д̇хаммам̣ бадисзванд̇о важ̇ж̇ибуд̇д̇агаа вияа баарааж̇иго ход̇и. д̇з хи ‘‘бхигкуунам̣ сигкаасааж̇ийвасамаабанно’’д̇и важанаабхаавз сад̇и ‘‘аабад̇д̇им̣ д̇умхз, бхигкавз, аабаннаа баарааж̇ига’’нд̇и вуд̇д̇аа бхаг̇авад̇аа. зд̇т̇а бана ‘‘бхигкавз’’д̇и вуд̇д̇ад̇д̇аа гзжи бхигкулин̇г̇з тид̇аа, ‘‘ид̣̇аани жзби маяам̣, бханд̇з аананд̣̇а, лабхзяяаама бхаг̇авад̇о санд̇игз баб̣б̣аж̇ж̇ам̣ лабхзяяаама убасамбад̣̇а’’нд̇и вуд̇д̇ад̇д̇аа гзжи виб̣бханд̇аад̇и взд̣̇ид̇аб̣б̣аа. д̇ад̇о аабад̇д̇ияаа бхзд̣̇од̇и д̇ад̇о вибхан̇г̇ад̇о ‘‘агкааяид̇з сарийрз баарааж̇игам̣, язбхуяязна кааяид̇з т̇уллажжаяа’’нд̇иаад̣̇и аабад̇д̇ияаа бхзд̣̇о ход̇и. анаабад̇д̇и д̇ад̣̇ан̃н̃ат̇аад̇и д̇ад̇о зва вибхан̇г̇ад̇о язнаагаарзна аабад̇д̇и вуд̇д̇аа, д̇ад̇о ан̃н̃знаагаарзна анаабад̇д̇ибхзд̣̇ова ход̇и. ‘‘саад̣̇ияад̇и аабад̇д̇и баарааж̇игасса, на саад̣̇ияад̇и анаабад̇д̇ий’’д̇и хи вибхан̇г̇з асад̇и на бан̃н̃ааяад̇и. зд̇д̇аавад̇аа самаасад̇о г̇аат̇аад̇т̇о вуд̇д̇о ход̇и. зд̇т̇а жа бана –
Etthāha – yadi evaṃ sādhāraṇasikkhāpadavasena vā liṅgaparivattanavasena vā na kevalaṃ bhikkhūnaṃ, bhikkhunīnampi ‘‘sikkhāsājīvasamāpanno’’ti vibhaṅge vattabbaṃ siyā. Tadavacanena bhikkhunī purisaliṅgapātubhāvena bhikkhubhāve ṭhitā evaṃ vadeyya ‘‘nāhaṃ upasampadakāle bhikkhūnaṃ sikkhāsājīvasamāpannā, tasmā na appaccakkhātasikkhāpi methunadhammena pārājikā homī’’ti? Vuccate – tathā na vattabbaṃ aniṭṭhappasaṅgato. Bhikkhunīnampi ‘‘sikkhāsājīvasamāpanno’’ti vutte bhikkhunīnampi sikkhāpaccakkhānaṃ atthīti āpajjati, tañcāniṭṭhaṃ. Idaṃ aparaṃ aniṭṭhappasaṅgoti ‘‘sabbasikkhāpadāni sādhāraṇāneva, nāsādhāraṇānī’’ti. Apicāyaṃ bhikkhūnaṃ sikkhāsājīvasamāpannovāti dassanatthaṃ ‘‘anujānāmi, bhikkhave, taṃyeva upajjha’’ntiādi (pārā. 69) vuttaṃ, apica yo tathā lesaṃ oḍḍetvā methunaṃ dhammaṃ paṭisevanto vajjiputtakā viya pārājiko hoti. Te hi ‘‘bhikkhūnaṃ sikkhāsājīvasamāpanno’’ti vacanābhāve sati ‘‘āpattiṃ tumhe, bhikkhave, āpannā pārājika’’nti vuttā bhagavatā. Ettha pana ‘‘bhikkhave’’ti vuttattā keci bhikkhuliṅge ṭhitā, ‘‘idāni cepi mayaṃ, bhante ānanda, labheyyāma bhagavato santike pabbajjaṃ labheyyāma upasampada’’nti vuttattā keci vibbhantāti veditabbā. Tato āpattiyā bhedoti tato vibhaṅgato ‘‘akkhāyite sarīre pārājikaṃ, yebhuyyena khāyite thullaccaya’’ntiādi āpattiyā bhedo hoti. Anāpatti tadaññathāti tato eva vibhaṅgato yenākārena āpatti vuttā, tato aññenākārena anāpattibhedova hoti. ‘‘Sādiyati āpatti pārājikassa, na sādiyati anāpattī’’ti hi vibhaṅge asati na paññāyati. Ettāvatā samāsato gāthāttho vutto hoti. Ettha ca pana –
‘‘нид̣̇аанамаад̇игаабхзд̣̇о, вибхан̇г̇асса баяож̇анам̣;
‘‘Nidānamātikābhedo, vibhaṅgassa payojanaṃ;
анаабад̇д̇ибагааро жа, батамо ниббаяож̇ано’’д̇и. –
Anāpattipakāro ca, paṭhamo nippayojano’’ti. –
имам̣ наяам̣ д̣̇ассзд̇ваава саб̣б̣асигкаабад̣̇аанам̣ ад̇т̇о багаасид̇аб̣б̣о. гат̇ам̣? бхаг̇авад̇аа бана язнаагаарзна яам̣ сигкаабад̣̇ам̣ бан̃н̃аабид̇ам̣, д̇асса аагаарасса самад̇т̇ам̣ ваа асамад̇т̇ам̣ ваад̇и д̣̇увид̇хам̣ нид̣̇аанам̣, аяам̣ нид̣̇аанабхзд̣̇о. маад̇игааби нид̣̇аанаабзгкаа нид̣̇аанаанабзгкаад̇и д̣̇увид̇хаа. д̇ад̇т̇а жад̇уд̇т̇абаарааж̇игаад̣̇исигкаабад̣̇аани нид̣̇аанаабзгкаани. на хи ваг̇г̇умуд̣̇аад̇ийрияаа бхигкуу саяамзва ад̇д̇ано ад̇д̇ано асанд̇ам̣ уд̇д̇аримануссад̇хаммам̣ мусааваад̣̇алагкан̣ам̣ баабзд̇ваа бхаасим̣су. ан̃н̃аман̃н̃асса хи д̇з уд̇д̇аримануссад̇хаммасса г̇ихийнам̣ ван̣н̣ам̣ бхаасим̣су, на жа д̇аавад̇аа баарааж̇игавад̇т̇у ход̇и. д̇ад̇т̇а д̇зна лзсзна бхаг̇аваа д̇ам̣ вад̇т̇ум̣ нид̣̇аанам̣ гад̇ваа баарааж̇игам̣ бан̃н̃абзси, д̇зна вуд̇д̇ам̣ ‘‘нид̣̇аанаабзгка’’нд̇и. иминаа наязна нид̣̇аанаабзгкаани н̃ад̇ваа д̇аб̣б̣ибарийд̇аани сигкаабад̣̇аани нид̣̇аанаанабзгкаанийд̇и взд̣̇ид̇аб̣б̣аани, аяам̣ маад̇игаабхзд̣̇о.
Imaṃ nayaṃ dassetvāva sabbasikkhāpadānaṃ attho pakāsitabbo. Kathaṃ? Bhagavatā pana yenākārena yaṃ sikkhāpadaṃ paññāpitaṃ, tassa ākārassa samatthaṃ vā asamatthaṃ vāti duvidhaṃ nidānaṃ, ayaṃ nidānabhedo. Mātikāpi nidānāpekkhā nidānānapekkhāti duvidhā. Tattha catutthapārājikādisikkhāpadāni nidānāpekkhāni. Na hi vaggumudātīriyā bhikkhū sayameva attano attano asantaṃ uttarimanussadhammaṃ musāvādalakkhaṇaṃ pāpetvā bhāsiṃsu. Aññamaññassa hi te uttarimanussadhammassa gihīnaṃ vaṇṇaṃ bhāsiṃsu, na ca tāvatā pārājikavatthu hoti. Tattha tena lesena bhagavā taṃ vatthuṃ nidānaṃ katvā pārājikaṃ paññapesi, tena vuttaṃ ‘‘nidānāpekkha’’nti. Iminā nayena nidānāpekkhāni ñatvā tabbiparītāni sikkhāpadāni nidānānapekkhānīti veditabbāni, ayaṃ mātikābhedo.
наанаббагаарад̇о муулаабад̇д̇иббахонагавад̇т̇убаяог̇ажид̇д̇анияаамад̣̇ассанавасзна маад̇игааяа вибхаж̇анабхаавад̣̇ийбанад̇т̇ам̣ д̇зсам̣ аббахонагад̇ааяа ваа д̇ад̣̇ан̃н̃ад̇аравзгаллад̇ааяа ваа вийд̇иггамз сад̇и аабад̇д̇ибхзд̣̇ад̣̇ассанад̇т̇ам̣, асад̇и анаабад̇д̇ид̣̇ассанад̇т̇ан̃жаад̇и саб̣б̣ад̇т̇а д̇аяо ад̇т̇авасз бадижжа маад̇игааяа вибхаж̇анам̣ вибхан̇г̇о аарабхийяад̇ийд̇и взд̣̇ид̇аб̣б̣о. зд̇т̇а бана ‘‘бхигкагод̇и бхигку, бхигкаажарияам̣ аж̇жхубаг̇ад̇од̇и бхигку, бхиннабадад̇харод̇и бхигкуу’’д̇и гзвалам̣ б̣яан̃ж̇анад̇т̇ад̣̇ийбанавасзна бавад̇д̇о ваа, ‘‘саман̃н̃ааяа бхигкуу’’д̇и бхигкубхаавасамбхавам̣ анабзгкид̇вааби гзвалам̣ бхигку наама бавад̇д̇идтаанад̣̇ийбанавасзна бавад̇д̇о ваа, ‘‘зхи бхигкууд̇и бхигку, саран̣аг̇аманзхи убасамбаннод̇и бхигку, н̃ад̇д̇ижад̇уд̇т̇зна гаммзна убасамбаннод̇и бхигкуу’’д̇и убасамбад̣̇аананд̇арзнааби бхигкубхаавасид̣̇д̇хид̣̇ийбанавасзна бавад̇д̇о ваа, ‘‘бхад̣̇ро бхигку, сааро бхигку, сзгко бхигку, асзгко бхигкуу’’д̇и бхигкугаран̣зхи д̇хаммзхи саманнааг̇ад̇абхигкуд̣̇ийбанавасзна бавад̇д̇о ваа вибхан̇г̇о аж̇жхубзгкид̇о саб̣б̣асааман̃н̃абад̣̇ад̇д̇аа, д̇ат̇аа ан̃н̃абхааг̇ияасигкаабад̣̇аад̣̇ийсу сад̣̇вааравасзна, ад̇хигаран̣ад̣̇ассанаад̣̇ивасзна бавад̇д̇о жа аж̇жхубзгкид̇о ид̇арад̇т̇а д̇ад̣̇абхаавад̇од̇и взд̣̇ид̇аб̣б̣о.
Nānappakārato mūlāpattippahonakavatthupayogacittaniyāmadassanavasena mātikāya vibhajanabhāvadīpanatthaṃ tesaṃ appahonakatāya vā tadaññataravekallatāya vā vītikkame sati āpattibhedadassanatthaṃ, asati anāpattidassanatthañcāti sabbattha tayo atthavase paṭicca mātikāya vibhajanaṃ vibhaṅgo ārabhīyatīti veditabbo. Ettha pana ‘‘bhikkhakoti bhikkhu, bhikkhācariyaṃ ajjhupagatoti bhikkhu, bhinnapaṭadharoti bhikkhū’’ti kevalaṃ byañjanatthadīpanavasena pavatto vā, ‘‘samaññāya bhikkhū’’ti bhikkhubhāvasambhavaṃ anapekkhitvāpi kevalaṃ bhikkhu nāma pavattiṭṭhānadīpanavasena pavatto vā, ‘‘ehi bhikkhūti bhikkhu, saraṇagamanehi upasampannoti bhikkhu, ñatticatutthena kammena upasampannoti bhikkhū’’ti upasampadānantarenāpi bhikkhubhāvasiddhidīpanavasena pavatto vā, ‘‘bhadro bhikkhu, sāro bhikkhu, sekkho bhikkhu, asekkho bhikkhū’’ti bhikkhukaraṇehi dhammehi samannāgatabhikkhudīpanavasena pavatto vā vibhaṅgo ajjhupekkhito sabbasāmaññapadattā, tathā aññabhāgiyasikkhāpadādīsu sadvāravasena, adhikaraṇadassanādivasena pavatto ca ajjhupekkhito itarattha tadabhāvatoti veditabbo.
д̇ад̇т̇а д̇иссо ид̇т̇ияод̇иаад̣̇и вад̇т̇унияамад̣̇ассанавасзна бавад̇д̇о, мануссид̇т̇ияаа д̇аяо маг̇г̇з мзт̇унам̣ д̇хаммам̣ бадисзванд̇асса аабад̇д̇и баарааж̇игассаад̇иаад̣̇и баяог̇анияамад̣̇ассанавасзна бавад̇д̇о, бхигкусса сзванажид̇д̇ам̣ убадтид̇зд̇иаад̣̇и жид̇д̇анияамад̣̇ассанавасзна бавад̇д̇о, саад̣̇ияад̇и аабад̇д̇и баарааж̇игасса, на саад̣̇ияад̇и анаабад̇д̇ийд̇иаад̣̇и вад̇т̇убаяог̇анияамз сад̇и жид̇д̇анияамабхааваабхаававасзна аабад̇д̇аанаабад̇д̇ид̣̇ассанад̇т̇ам̣ бавад̇д̇о, мад̇ам̣ язбхуяязна кааяид̇ам̣ аабад̇д̇и т̇уллажжаяассаад̇иаад̣̇и вад̇т̇усса аббахонагад̇ааяа вийд̇иггамз аабад̇д̇ибхзд̣̇ад̣̇ассанад̇т̇ам̣ бавад̇д̇о, на саад̣̇ияад̇и анаабад̇д̇ийд̇и жид̇д̇анияамавзгалязна вийд̇иггамаабхааваа анаабад̇д̇ид̣̇ассанад̇т̇ам̣ бавад̇д̇од̇и. звам̣ ид̇арзсуби сигкаабад̣̇зсу яат̇аасамбхаванаяо аяанд̇и баяож̇ано вибхан̇г̇о.
Tattha tisso itthiyotiādi vatthuniyamadassanavasena pavatto, manussitthiyā tayo magge methunaṃ dhammaṃ paṭisevantassa āpatti pārājikassātiādi payoganiyamadassanavasena pavatto, bhikkhussa sevanacittaṃ upaṭṭhitetiādi cittaniyamadassanavasena pavatto, sādiyati āpatti pārājikassa, na sādiyati anāpattītiādi vatthupayoganiyame sati cittaniyamabhāvābhāvavasena āpattānāpattidassanatthaṃ pavatto, mataṃ yebhuyyena khāyitaṃ āpatti thullaccayassātiādi vatthussa appahonakatāya vītikkame āpattibhedadassanatthaṃ pavatto, na sādiyati anāpattīti cittaniyamavekalyena vītikkamābhāvā anāpattidassanatthaṃ pavattoti. Evaṃ itaresupi sikkhāpadesu yathāsambhavanayo ayanti payojano vibhaṅgo.
анаабад̇д̇ивааро бана муулаабад̇д̇ид̇о, д̇ад̣̇ан̃н̃згад̣̇зсад̇о, саб̣б̣аабад̇д̇ид̇о жа анаабад̇д̇ид̣̇ийбанавасзна д̇ивид̇хо. д̇ад̇т̇а яо батамо, со вибхан̇г̇о вияа д̇аяо ад̇т̇авасз бадижжа бавад̇д̇о. гад̇амз д̇аяо? маад̇игаабад̣̇аанам̣ саад̇т̇аганирад̇т̇агаанам̣ д̇ад̣̇ан̃н̃ат̇аа уд̣̇д̇харан̣аануд̣̇д̇харан̣авасзна саббаяож̇ананиббаяож̇анабхаавад̣̇ийбанад̇т̇ам̣, д̇ад̣̇ан̃н̃ат̇аа бадибад̇д̇иггамад̣̇ассанад̇т̇ам̣, аабад̇д̇иббахонагадтаанзби виссаж̇ж̇анад̇т̇ан̃жаад̇и. гат̇ам̣? зл̣агаломасигкаабад̣̇з ‘‘бхигкуно банзва ад̣̇д̇хаанамаг̇г̇аббадибаннасса зл̣агаломаани уббаж̇ж̇зяяум̣, ааган̇камаанзна бхигкунаа бадиг̇г̇ахзд̇аб̣б̣ааний’’д̇и (баараа. 572) зд̇аани гзвалам̣ вад̇т̇умад̇д̇ад̣̇ийбанабад̣̇аанийд̇и нирад̇т̇агаани наама, д̇зсам̣ анаабад̇д̇и. ‘‘ад̣̇д̇хаанамаг̇г̇ам̣ аббадибаннасса уббаннз зл̣агаломз анаабад̇д̇и, ааган̇камаанзна бадиг̇г̇ахид̇з’’д̇иаад̣̇инаа наязна д̇ад̣̇ан̃н̃ат̇аа ануд̣̇д̇харан̣зна ниббаяож̇анабхааво д̣̇ийбид̇о ход̇и, яад̣̇ид̣̇ам̣ маад̇игааяам̣ ‘‘мзт̇унам̣ д̇хаммам̣ бадисзвзяяаа’’д̇и, ид̣̇ам̣ саад̇т̇агам̣. д̇асса саббаяож̇анабхаавад̣̇ийбанад̇т̇ам̣ ‘‘анаабад̇д̇и аж̇аананд̇асса асаад̣̇ияанд̇ассаа’’д̇и вуд̇д̇ам̣. яасмаа ж̇аананасаад̣̇ияанабхаавзна аабад̇д̇и, асзванд̇асса анаабад̇д̇и, д̇асмаа вуд̇д̇ам̣ маад̇игааяам̣ ‘‘яо бана бхигку мзт̇унам̣ д̇хаммам̣ бадисзвзяяа, баарааж̇иго ход̇и асам̣ваасо’’д̇и ад̇хиббааяо. ‘‘барабариг̇г̇ахид̇ам̣ барабариг̇г̇ахид̇асан̃н̃ид̇аа г̇арубаригкааро т̇зяяажид̇д̇ам̣ авахаран̣а’’нд̇и вуд̇д̇аанам̣ бан̃жаннамби ан̇г̇аанам̣ баарибуурияаа бзд̇ад̇иражчаанаг̇ад̇абариг̇г̇ахид̇з аабад̇д̇иббахонагадтаанзби виссаж̇ж̇анад̇т̇ам̣ ‘‘анаабад̇д̇и бзд̇абариг̇г̇ахид̇з’’д̇иаад̣̇и (ган̇каа. адта. д̣̇уд̇ияабаарааж̇игаван̣н̣анаа) вуд̇д̇ам̣. анаабад̇д̇и имам̣ ж̇аана, имам̣ д̣̇зхи, имам̣ аахара, иминаа ад̇т̇о, имам̣ габбияам̣ гарохийд̇и бхан̣ад̇ийд̇иаад̣̇и бана д̇ад̣̇ан̃н̃ат̇аа бадибад̇д̇иггамад̣̇ассанад̇т̇ам̣ вуд̇д̇анд̇и взд̣̇ид̇аб̣б̣ам̣. зд̇д̇аавад̇аа ‘‘нид̣̇аанамаад̇игаабхзд̣̇о’’д̇иаад̣̇инаа вуд̇д̇аг̇аат̇ааяа ад̇т̇о багаасид̇о ход̇и.
Anāpattivāro pana mūlāpattito, tadaññekadesato, sabbāpattito ca anāpattidīpanavasena tividho. Tattha yo paṭhamo, so vibhaṅgo viya tayo atthavase paṭicca pavatto. Katame tayo? Mātikāpadānaṃ sātthakaniratthakānaṃ tadaññathā uddharaṇānuddharaṇavasena sappayojananippayojanabhāvadīpanatthaṃ, tadaññathā paṭipattikkamadassanatthaṃ, āpattippahonakaṭṭhānepi vissajjanatthañcāti. Kathaṃ? Eḷakalomasikkhāpade ‘‘bhikkhuno paneva addhānamaggappaṭipannassa eḷakalomāni uppajjeyyuṃ, ākaṅkhamānena bhikkhunā paṭiggahetabbānī’’ti (pārā. 572) etāni kevalaṃ vatthumattadīpanapadānīti niratthakāni nāma, tesaṃ anāpatti. ‘‘Addhānamaggaṃ appaṭipannassa uppanne eḷakalome anāpatti, ākaṅkhamānena paṭiggahite’’tiādinā nayena tadaññathā anuddharaṇena nippayojanabhāvo dīpito hoti, yadidaṃ mātikāyaṃ ‘‘methunaṃ dhammaṃ paṭiseveyyā’’ti, idaṃ sātthakaṃ. Tassa sappayojanabhāvadīpanatthaṃ ‘‘anāpatti ajānantassa asādiyantassā’’ti vuttaṃ. Yasmā jānanasādiyanabhāvena āpatti, asevantassa anāpatti, tasmā vuttaṃ mātikāyaṃ ‘‘yo pana bhikkhu methunaṃ dhammaṃ paṭiseveyya, pārājiko hoti asaṃvāso’’ti adhippāyo. ‘‘Parapariggahitaṃ parapariggahitasaññitā garuparikkhāro theyyacittaṃ avaharaṇa’’nti vuttānaṃ pañcannampi aṅgānaṃ pāripūriyā petatiracchānagatapariggahite āpattippahonakaṭṭhānepi vissajjanatthaṃ ‘‘anāpatti petapariggahite’’tiādi (kaṅkhā. aṭṭha. dutiyapārājikavaṇṇanā) vuttaṃ. Anāpatti imaṃ jāna, imaṃ dehi, imaṃ āhara, iminā attho, imaṃ kappiyaṃ karohīti bhaṇatītiādi pana tadaññathā paṭipattikkamadassanatthaṃ vuttanti veditabbaṃ. Ettāvatā ‘‘nidānamātikābhedo’’tiādinā vuttagāthāya attho pakāsito hoti.
зд̇т̇а батамабан̃н̃ад̇д̇и д̇аава батамаб̣од̇хим̣ ад̇иггамид̇ваа бан̃н̃ад̇д̇ад̇д̇аа, ааяасмад̇о суд̣̇иннасса адтавассигагаалз бан̃н̃ад̇д̇ад̇д̇аа жа рад̇д̇ан̃н̃умахад̇д̇ам̣ бад̇д̇агаалз бан̃н̃ад̇д̇аа. д̣̇уд̇ияаанубан̃н̃ад̇д̇и б̣аахусажжамахад̇д̇ам̣ бад̇д̇агаалз уббаннаа. со хааяасмаа маггадибаарааж̇иго яат̇аа маад̇уг̇аамабадисам̣яуд̇д̇зсу сигкаабад̣̇зсу д̇иражчаанаг̇ад̇ид̇т̇ий анад̇хиббзд̇аа, д̇ат̇аа ид̇хаабийд̇и сан̃н̃ааяа ‘‘сажжам̣, аавусо, бхаг̇авад̇аа сигкаабад̣̇ам̣ бан̃н̃ад̇д̇ам̣, д̇ан̃жа ко мануссид̇т̇ияаа, но д̇иражчаанаг̇ад̇ид̇т̇ияаа’’д̇и ааха. д̇ад̇ияаанубан̃н̃ад̇д̇и лаабхаг̇г̇амахад̇д̇ам̣ бад̇д̇агаалз уббаннаа. д̇з хи важ̇ж̇ибуд̇д̇агаа лаабхаг̇г̇амахад̇д̇ам̣ бад̇д̇аа худ̇ваа яаавад̣̇ад̇т̇ам̣ бхун̃ж̇ид̇ваа нхааяид̇ваа варасаяанзсу саяид̇ваа д̇ад̇ияаанубан̃н̃ад̇д̇ияаа вад̇т̇ум̣ уббаад̣̇зсум̣, д̇з жа взбулламахад̇д̇ам̣ бад̇д̇з сан̇гхз уббаннаа, саяан̃жа взбулламахад̇д̇ам̣ бад̇д̇аад̇и ‘‘взбулламахад̇д̇амбзд̇т̇а лаб̣бхад̇ий’’д̇и вуд̇д̇ам̣. ид̣̇ам̣ батамабаарааж̇игасигкаабад̣̇ам̣ д̇ивид̇хамби вад̇т̇ум̣ убаад̣̇ааяа жад̇уб̣б̣ид̇хамби д̇ам̣ гаалам̣ бад̇ваа бан̃н̃ад̇д̇анд̇и взд̣̇ид̇аб̣б̣ам̣.
Ettha paṭhamapaññatti tāva paṭhamabodhiṃ atikkamitvā paññattattā, āyasmato sudinnassa aṭṭhavassikakāle paññattattā ca rattaññumahattaṃ pattakāle paññattā. Dutiyaanupaññatti bāhusaccamahattaṃ pattakāle uppannā. So hāyasmā makkaṭipārājiko yathā mātugāmapaṭisaṃyuttesu sikkhāpadesu tiracchānagatitthī anadhippetā, tathā idhāpīti saññāya ‘‘saccaṃ, āvuso, bhagavatā sikkhāpadaṃ paññattaṃ, tañca kho manussitthiyā, no tiracchānagatitthiyā’’ti āha. Tatiyānupaññatti lābhaggamahattaṃ pattakāle uppannā. Te hi vajjiputtakā lābhaggamahattaṃ pattā hutvā yāvadatthaṃ bhuñjitvā nhāyitvā varasayanesu sayitvā tatiyānupaññattiyā vatthuṃ uppādesuṃ, te ca vepullamahattaṃ patte saṅghe uppannā, sayañca vepullamahattaṃ pattāti ‘‘vepullamahattampettha labbhatī’’ti vuttaṃ. Idaṃ paṭhamapārājikasikkhāpadaṃ tividhampi vatthuṃ upādāya catubbidhampi taṃ kālaṃ patvā paññattanti veditabbaṃ.
д̇ад̇т̇а яо банаад̇и анавасзсабарияаад̣̇аанабад̣̇ам̣. бхигкууд̇и д̇асса ад̇иббасан̇г̇анияамабад̣̇ам̣. бхигкуунам̣ сигкаасааж̇ийвасамаабаннод̇и д̇асса висзсанаважанам̣. на хи саб̣б̣оби бхигкунаамаго яаа бхаг̇авад̇аа яааяа гааяажи убасамбад̣̇ааяа убасамбаннабхигкуунам̣ хздтимабарижчзд̣̇зна сигкид̇аб̣б̣асигкаа вихид̇аа, ‘‘зд̇т̇а саха ж̇ийванд̇ий’’д̇и яо жа ааж̇ийво вуд̇д̇о, д̇ам̣ убхаяам̣ самаабаннова ход̇и. гад̣̇аа бана самаабанно ахоси? яааяа гааяажи убасамбад̣̇ааяа убасамбаннасамананд̇арамзва д̇ад̣̇убхаяам̣ ж̇аананд̇оби аж̇аананд̇оби д̇ад̣̇аж̇жхубаг̇ад̇ад̇д̇аа самаабанно наама ход̇и. саха ж̇ийванд̇ийд̇и яаава сигкам̣ на бажжагкаад̇и, баарааж̇игабхааван̃жа на баабун̣аад̇и, яам̣ бана вуд̇д̇ам̣ анд̇хагадтагат̇ааяам̣ ‘‘сигкам̣ барибуурзнд̇о сигкаасамаабанно сааж̇ийвам̣ авийд̇иггаманд̇о сааж̇ийвасамаабанно ход̇ий’’д̇и, д̇ам̣ уггадтабарижчзд̣̇авасзна вуд̇д̇ам̣. на хи сигкам̣ абарибуурзнд̇о гаамавид̇аггаад̣̇иб̣ахуло ваа згажжам̣ саавасзсам̣ сааж̇ийвам̣ вийд̇иггаманд̇о ваа сигкаасааж̇ийвасамаабанно наама на ход̇и. уггадтабарижчзд̣̇зна бана жад̇уггам̣ лаб̣бхад̇и ад̇т̇и бхигку сигкаасамаабанно сийлаани бажжавзгканд̇о на сааж̇ийвасамаабанно ажид̇д̇агам̣ сигкаабад̣̇ам̣ вийд̇иггаманд̇о, ад̇т̇и на сигкаасамаабанно гаамавид̇аггаад̣̇иб̣ахуло сааж̇ийвасамаабанно нираабад̇д̇иго, ад̇т̇и на сигкаасамаабанно на жа сааж̇ийвасамаабанно анавасзсам̣ аабад̇д̇им̣ аабанно, ад̇т̇и сигкаасамаабанно жа сааж̇ийвасамаабанно жа сигкам̣ барибуурзнд̇о сааж̇ийван̃жа авийд̇иггаманд̇о, аяамзва жад̇уд̇т̇о бхигку уггадто ид̇ха ад̇хиббзд̇о сияаа. на хи бхаг̇аваа ануггадтам̣ вад̇д̇ум̣ яуд̇д̇од̇и жз? на, ‘‘д̇ад̇ра яааяам̣ ад̇хисийласигкаа, аяам̣ имасмим̣ ад̇т̇з ад̇хиббзд̇аа сигкаа’’д̇иважанавирод̇хад̇о. уггадтаг̇г̇ахан̣аад̇хиббааяз сад̇и ‘‘сигкаад̇и д̇иссо сигкаа’’д̇и зд̇д̇агамзва вад̇д̇аб̣б̣анд̇и ад̇хиббааяо. сигкад̇д̇аяасамаабанно хи саб̣б̣уггадтод̇и.
Tattha yo panāti anavasesapariyādānapadaṃ. Bhikkhūti tassa atippasaṅganiyamapadaṃ. Bhikkhūnaṃ sikkhāsājīvasamāpannoti tassa visesanavacanaṃ. Na hi sabbopi bhikkhunāmako yā bhagavatā yāya kāyaci upasampadāya upasampannabhikkhūnaṃ heṭṭhimaparicchedena sikkhitabbasikkhā vihitā, ‘‘ettha saha jīvantī’’ti yo ca ājīvo vutto, taṃ ubhayaṃ samāpannova hoti. Kadā pana samāpanno ahosi? Yāya kāyaci upasampadāya upasampannasamanantarameva tadubhayaṃ jānantopi ajānantopi tadajjhupagatattā samāpanno nāma hoti. Saha jīvantīti yāva sikkhaṃ na paccakkhāti, pārājikabhāvañca na pāpuṇāti, yaṃ pana vuttaṃ andhakaṭṭhakathāyaṃ ‘‘sikkhaṃ paripūrento sikkhāsamāpanno sājīvaṃ avītikkamanto sājīvasamāpanno hotī’’ti, taṃ ukkaṭṭhaparicchedavasena vuttaṃ. Na hi sikkhaṃ aparipūrento kāmavitakkādibahulo vā ekaccaṃ sāvasesaṃ sājīvaṃ vītikkamanto vā sikkhāsājīvasamāpanno nāma na hoti. Ukkaṭṭhaparicchedena pana catukkaṃ labbhati atthi bhikkhu sikkhāsamāpanno sīlāni paccavekkhanto na sājīvasamāpanno acittakaṃ sikkhāpadaṃ vītikkamanto, atthi na sikkhāsamāpanno kāmavitakkādibahulo sājīvasamāpanno nirāpattiko, atthi na sikkhāsamāpanno na ca sājīvasamāpanno anavasesaṃ āpattiṃ āpanno, atthi sikkhāsamāpanno ca sājīvasamāpanno ca sikkhaṃ paripūrento sājīvañca avītikkamanto, ayameva catuttho bhikkhu ukkaṭṭho idha adhippeto siyā. Na hi bhagavā anukkaṭṭhaṃ vattuṃ yuttoti ce? Na, ‘‘tatra yāyaṃ adhisīlasikkhā, ayaṃ imasmiṃ atthe adhippetā sikkhā’’tivacanavirodhato. Ukkaṭṭhaggahaṇādhippāye sati ‘‘sikkhāti tisso sikkhā’’ti ettakameva vattabbanti adhippāyo. Sikkhattayasamāpanno hi sabbukkaṭṭhoti.
‘‘мзт̇унам̣ д̇хаммам̣ бадисзвзяяаа’’д̇и барад̇о важанам̣ абзгкид̇ваа ад̇хисийласигкаава вуд̇д̇аад̇и жз? на, д̇ассааби абхаб̣б̣ад̇д̇аа. на хи ад̇хисийласигкам̣ барибуурзнд̇о сааж̇ийван̃жа авийд̇иггаманд̇о мзт̇унам̣ д̇хаммам̣ бадисзвид̇ум̣ бхаб̣б̣о, д̇ам̣ сигкам̣ абарибуурзнд̇о сааж̇ийван̃жа вийд̇иггаманд̇о зва хи бадисзвзяяаад̇и ад̇хиббааяо, д̇асмаа звамзд̇т̇а ад̇т̇о г̇ахзд̇аб̣б̣о. яасмаа сигкаабад̣̇асан̇каад̇о сааж̇ийво ад̇хисийласигкамзва сан̇г̇ан̣хаад̇и, нзд̇арам̣ ад̇хижид̇д̇асигкам̣ ад̇хибан̃н̃аасигкам̣ ваа, д̇асмаа ‘‘д̇ад̇ра яааяам̣ ад̇хисийласигкаа, аяам̣ имасмим̣ ад̇т̇з ад̇хиббзд̇аа сигкаа’’д̇и вуд̇д̇ам̣, д̇асмаа ад̇хисийласигкааяа сан̇г̇аахаго сааж̇ийво сигкаасааж̇ийвод̇и вуд̇д̇о. ид̇и сааж̇ийвависзсанад̇т̇ам̣ сигкааг̇г̇ахан̣ам̣ гад̇ам̣. д̇ад̣̇ад̇т̇ад̣̇ийбанад̇т̇амзва вибхан̇г̇з сигкам̣ абараамасид̇ваа ‘‘д̇асмим̣ сигкад̇и, д̇зна вужжад̇и сааж̇ийвасамаабанно’’д̇и вуд̇д̇ам̣ , д̇зна згамзвид̣̇ам̣ ад̇т̇абад̣̇анд̇и д̣̇ийбид̇ам̣ ход̇и. д̇ан̃жа убасамбад̣̇уубаг̇амананд̇арад̇о бадтааяа сигканаад̇хигаарад̇д̇аа ‘‘сигкад̇ий’’д̇и жа ‘‘самаабанно’’д̇и жа вужжад̇и. яо звам̣ ‘‘сигкаасааж̇ийвасамаабанно’’д̇и сан̇кяам̣ г̇ад̇о, д̇аад̣̇исам̣ бажжаяам̣ бадижжа абарабхааг̇з сааж̇ийвасан̇каад̇амзва сигкам̣ аббажжагкааяа, д̇асмим̣язва жа д̣̇уб̣б̣аляам̣ анаавигад̇ваа мзт̇унам̣ д̇хаммам̣ бадисзвзяяаад̇и аяамад̇т̇о яуж̇ж̇ад̇и. гинд̇у адтагат̇аанаяо бадигкид̇д̇о ход̇и. со жа на бадигкзбаараход̇и д̇зна д̇ад̣̇анусаарзна бхавид̇аб̣б̣ам̣.
‘‘Methunaṃ dhammaṃ paṭiseveyyā’’ti parato vacanaṃ apekkhitvā adhisīlasikkhāva vuttāti ce? Na, tassāpi abhabbattā. Na hi adhisīlasikkhaṃ paripūrento sājīvañca avītikkamanto methunaṃ dhammaṃ paṭisevituṃ bhabbo, taṃ sikkhaṃ aparipūrento sājīvañca vītikkamanto eva hi paṭiseveyyāti adhippāyo, tasmā evamettha attho gahetabbo. Yasmā sikkhāpadasaṅkhāto sājīvo adhisīlasikkhameva saṅgaṇhāti, netaraṃ adhicittasikkhaṃ adhipaññāsikkhaṃ vā, tasmā ‘‘tatra yāyaṃ adhisīlasikkhā, ayaṃ imasmiṃ atthe adhippetā sikkhā’’ti vuttaṃ, tasmā adhisīlasikkhāya saṅgāhako sājīvo sikkhāsājīvoti vutto. Iti sājīvavisesanatthaṃ sikkhāggahaṇaṃ kataṃ. Tadatthadīpanatthameva vibhaṅge sikkhaṃ aparāmasitvā ‘‘tasmiṃ sikkhati, tena vuccati sājīvasamāpanno’’ti vuttaṃ , tena ekamevidaṃ atthapadanti dīpitaṃ hoti. Tañca upasampadūpagamanantarato paṭṭhāya sikkhanādhikārattā ‘‘sikkhatī’’ti ca ‘‘samāpanno’’ti ca vuccati. Yo evaṃ ‘‘sikkhāsājīvasamāpanno’’ti saṅkhyaṃ gato, tādisaṃ paccayaṃ paṭicca aparabhāge sājīvasaṅkhātameva sikkhaṃ appaccakkhāya, tasmiṃyeva ca dubbalyaṃ anāvikatvā methunaṃ dhammaṃ paṭiseveyyāti ayamattho yujjati. Kintu aṭṭhakathānayo paṭikkhitto hoti. So ca na paṭikkhepārahoti tena tadanusārena bhavitabbaṃ.
ад̇хиббааяо банзд̇т̇а бариязсид̇аб̣б̣о, со д̣̇аани вужжад̇и – саб̣б̣зсуби сигкаабад̣̇зсу ид̣̇амзва бхигкулагкан̣ам̣ саад̇хааран̣ам̣, яад̣̇ид̣̇ам̣ ‘‘бхигкуунам̣ сигкаасааж̇ийвасамаабанно’’д̇и. кийн̣аасавоби сааваго аабад̇д̇им̣ аабаж̇ж̇ад̇и ажид̇д̇агам̣, д̇ат̇аа сзгко. бут̇уж̇ж̇ано бана сажид̇д̇агамби, д̇асмаа сзгкаасзгкабут̇уж̇ж̇анабхигкуунам̣ сааман̃н̃амид̣̇ам̣ бхигкулагкан̣анд̇и гад̇ваа гзвалам̣ сигкаасамаабанно, гзвалам̣ сааж̇ийвасамаабанно жа убхаяасамаабанно жаад̇и саруубзгад̣̇зсзгасзсанаязна ‘‘сигкаасааж̇ийвасамааабанно’’д̇взва самбин̣д̣зд̇ваа уггадтаг̇г̇ахан̣зна ануггадтаанам̣ г̇ахан̣асид̣̇д̇хид̇о адтагат̇ааяам̣ уггадтова вуд̇д̇о. д̇амзва самбаад̣̇зд̇ум̣ ‘‘д̇асмим̣ сигкад̇и, д̇зна вужжад̇и сааж̇ийвасамаабанно’’д̇и зд̇т̇а сигкаабад̣̇асса аважанз барихаарам̣ вад̇ваа яасмаа бана со асигкамби самаабанно, д̇асмаа сигкаасамаабаннод̇иби ад̇т̇ад̇о взд̣̇ид̇аб̣б̣од̇и жа вад̇ваа ‘‘яам̣ сигкам̣ самаабанно д̇ам̣ аббажжагкааяа яан̃жа сааж̇ийвам̣ самаабанно д̇ад̇т̇а д̣̇уб̣б̣аляам̣ анаавигад̇ваа’’д̇и вуд̇д̇анд̇и аяамадтагат̇ааяам̣ ад̇хиббааяо взд̣̇ид̇аб̣б̣о. зд̇асмим̣ бана ад̇хиббааяз ад̇хисийласигкааяа зва г̇ахан̣ам̣ саб̣б̣ад̇т̇игад̇д̇аа, сийлаад̇хигаарад̇о жа винаяассаад̇и взд̣̇ид̇аб̣б̣ам̣. яат̇аа жа сигкаабад̣̇ам̣ самаад̣̇ияанд̇о сийлам̣ самаад̣̇ияад̇ийд̇и вужжад̇и, звам̣ сигкаабад̣̇ам̣ бажжагканд̇о сийласан̇каад̇ам̣ сигкам̣ бажжагкаад̇ийд̇и вад̇д̇ум̣ яуж̇ж̇ад̇и, д̇асмаа д̇ад̇т̇а вуд̇д̇ам̣ ‘‘яам̣ сигкам̣ самаабанно, д̇ам̣ аббажжагкааяаа’’д̇и. сигкам̣ бажжагкааяа бадисзвид̇амзт̇унасса убасамбад̣̇ам̣ ануж̇аананд̇о на самууханад̇и наама. на хи со бхигку худ̇ваа бадисзви, ‘‘яо бана бхигкуу’’д̇и жа бан̃н̃ад̇д̇ам̣. зд̇д̇аавад̇аа самаасад̇о ‘‘сигкаасааж̇ийвасамаанно’’д̇и зд̇т̇а вад̇д̇аб̣б̣ам̣ вуд̇д̇ам̣.
Adhippāyo panettha pariyesitabbo, so dāni vuccati – sabbesupi sikkhāpadesu idameva bhikkhulakkhaṇaṃ sādhāraṇaṃ, yadidaṃ ‘‘bhikkhūnaṃ sikkhāsājīvasamāpanno’’ti. Khīṇāsavopi sāvako āpattiṃ āpajjati acittakaṃ, tathā sekkho. Puthujjano pana sacittakampi, tasmā sekkhāsekkhaputhujjanabhikkhūnaṃ sāmaññamidaṃ bhikkhulakkhaṇanti katvā kevalaṃ sikkhāsamāpanno, kevalaṃ sājīvasamāpanno ca ubhayasamāpanno cāti sarūpekadesekasesanayena ‘‘sikkhāsājīvasamaāpanno’’tveva sampiṇḍetvā ukkaṭṭhaggahaṇena anukkaṭṭhānaṃ gahaṇasiddhito aṭṭhakathāyaṃ ukkaṭṭhova vutto. Tameva sampādetuṃ ‘‘tasmiṃ sikkhati, tena vuccati sājīvasamāpanno’’ti ettha sikkhāpadassa avacane parihāraṃ vatvā yasmā pana so asikkhampi samāpanno, tasmā sikkhāsamāpannotipi atthato veditabboti ca vatvā ‘‘yaṃ sikkhaṃ samāpanno taṃ appaccakkhāya yañca sājīvaṃ samāpanno tattha dubbalyaṃ anāvikatvā’’ti vuttanti ayamaṭṭhakathāyaṃ adhippāyo veditabbo. Etasmiṃ pana adhippāye adhisīlasikkhāya eva gahaṇaṃ sabbatthikattā, sīlādhikārato ca vinayassāti veditabbaṃ. Yathā ca sikkhāpadaṃ samādiyanto sīlaṃ samādiyatīti vuccati, evaṃ sikkhāpadaṃ paccakkhanto sīlasaṅkhātaṃ sikkhaṃ paccakkhātīti vattuṃ yujjati, tasmā tattha vuttaṃ ‘‘yaṃ sikkhaṃ samāpanno, taṃ appaccakkhāyā’’ti. Sikkhaṃ paccakkhāya paṭisevitamethunassa upasampadaṃ anujānanto na samūhanati nāma. Na hi so bhikkhu hutvā paṭisevi, ‘‘yo pana bhikkhū’’ti ca paññattaṃ. Ettāvatā samāsato ‘‘sikkhāsājīvasamānno’’ti ettha vattabbaṃ vuttaṃ.
гим̣ иминаа висзсаважанзна баяож̇анам̣, нану ‘‘яо бана бхигку сигкам̣ аббажжагкааяа д̣̇уб̣б̣аляам̣ анаавигад̇ваа…бз… асам̣ваасо’’д̇и зд̇д̇агамзва вад̇д̇аб̣б̣анд̇и жз ? на вад̇д̇аб̣б̣ам̣ анидтаббасан̇г̇ад̇о. яо бана сигкаасааж̇ийвасамаабанно т̇зяяасам̣ваасаад̣̇иго гзвалзна саман̃н̃аамад̇д̇зна, бадин̃н̃аамад̇д̇зна ваа бхигку, д̇ассааби сигкаабажжагкаанам̣ ад̇т̇и. сигкам̣ аббажжагкааяа жа мзт̇унам̣ д̇хаммам̣ бадисзванд̇асса баарааж̇игаабад̇д̇и. яо ваа бажчаа баарааж̇игам̣ аабад̇д̇им̣ аабаж̇ж̇ид̇ваа на сигкаасааж̇ийвасамаабанно д̇асса жа, яо ваа багкабан̣д̣агад̇д̇аа бан̣д̣агабхаавуубаг̇аманзна на сигкаасааж̇ийвасамаабанно д̇асса жа д̇ад̣̇убхаяам̣ ад̇т̇ийд̇и аабаж̇ж̇ад̇и. ‘‘бан̣д̣агабхаавабагкз жа багкабан̣д̣аго убасамбад̣̇ааяа на вад̇т̇уу’’д̇и вуд̇д̇ам̣, д̇асмаа ид̇арасмим̣ багкз вад̇т̇ууд̇и сид̣̇д̇хам̣, д̇асмим̣ багкз убасамбанно бан̣д̣агабхаавабагкз бан̣д̣агад̇д̇аа на сигкаасааж̇ийвасамаабанно, со барижжаж̇ид̇аб̣б̣асигкааяа абхаавзна сигкам̣ аббажжагкааяа мукзна барасса ан̇г̇аж̇аад̇аг̇г̇ахан̣аад̣̇аяо мзт̇унам̣ д̇хаммам̣ бадисзвзяяа, д̇асса гуд̇о баарааж̇игаабад̇д̇ийд̇и ад̇хиббааяо. аяам̣ наяо абан̣д̣агабагкам̣ алабхамаанассзва барад̇о яуж̇ж̇ад̇и, лабханд̇асса бана аруубасад̇д̇аанам̣ гусалаанам̣ самаабад̇д̇игкан̣з бхаван̇г̇авижчзд̣̇з сад̇иби амаран̣ам̣ вияа бан̣д̣агабхаавабагкзби бхигкубхааво ад̇т̇и. сам̣ваасам̣ ваа саад̣̇ияанд̇асса на т̇зяяасам̣ваасагабхааво ад̇т̇и анд̇имавад̇т̇ум̣ аж̇жхаабаннасса вияа. на жа сахасзяяаад̣̇игам̣ ж̇анзд̇и. г̇ан̣абуураго бана на ход̇и анд̇имавад̇т̇ум̣ аж̇жхаабанно вияа, на со сигкаасааж̇ийвасамаабанно, ид̇арасмим̣ бана багкз ход̇и, аяам̣ имасса д̇ад̇о висзсо. гимаяам̣ сахзд̇уго, уд̣̇ааху ахзд̇угод̇и? на ахзд̇уго. яад̇о убасамбад̣̇аа д̇асса абан̣д̣агабагкз анун̃н̃аад̇аа сахзд̇угабадисанд̇хигад̇д̇аа. бан̣д̣агабхаавабагкзби гисса наанун̃н̃аад̇аад̇и жз? бан̣д̣агабхууд̇ад̇д̇аа обаггамигабан̣д̣агасса вияа.
Kiṃ iminā visesavacanena payojanaṃ, nanu ‘‘yo pana bhikkhu sikkhaṃ appaccakkhāya dubbalyaṃ anāvikatvā…pe… asaṃvāso’’ti ettakameva vattabbanti ce ? Na vattabbaṃ aniṭṭhappasaṅgato. Yo pana sikkhāsājīvasamāpanno theyyasaṃvāsādiko kevalena samaññāmattena, paṭiññāmattena vā bhikkhu, tassāpi sikkhāpaccakkhānaṃ atthi. Sikkhaṃ appaccakkhāya ca methunaṃ dhammaṃ paṭisevantassa pārājikāpatti. Yo vā pacchā pārājikaṃ āpattiṃ āpajjitvā na sikkhāsājīvasamāpanno tassa ca, yo vā pakkhapaṇḍakattā paṇḍakabhāvūpagamanena na sikkhāsājīvasamāpanno tassa ca tadubhayaṃ atthīti āpajjati. ‘‘Paṇḍakabhāvapakkhe ca pakkhapaṇḍako upasampadāya na vatthū’’ti vuttaṃ, tasmā itarasmiṃ pakkhe vatthūti siddhaṃ, tasmiṃ pakkhe upasampanno paṇḍakabhāvapakkhe paṇḍakattā na sikkhāsājīvasamāpanno, so pariccajitabbasikkhāya abhāvena sikkhaṃ appaccakkhāya mukhena parassa aṅgajātaggahaṇādayo methunaṃ dhammaṃ paṭiseveyya, tassa kuto pārājikāpattīti adhippāyo. Ayaṃ nayo apaṇḍakapakkhaṃ alabhamānasseva parato yujjati, labhantassa pana arūpasattānaṃ kusalānaṃ samāpattikkhaṇe bhavaṅgavicchede satipi amaraṇaṃ viya paṇḍakabhāvapakkhepi bhikkhubhāvo atthi. Saṃvāsaṃ vā sādiyantassa na theyyasaṃvāsakabhāvo atthi antimavatthuṃ ajjhāpannassa viya. Na ca sahaseyyādikaṃ janeti. Gaṇapūrako pana na hoti antimavatthuṃ ajjhāpanno viya, na so sikkhāsājīvasamāpanno, itarasmiṃ pana pakkhe hoti, ayaṃ imassa tato viseso. Kimayaṃ sahetuko, udāhu ahetukoti? Na ahetuko. Yato upasampadā tassa apaṇḍakapakkhe anuññātā sahetukapaṭisandhikattā. Paṇḍakabhāvapakkhepi kissa nānuññātāti ce? Paṇḍakabhūtattā opakkamikapaṇḍakassa viya.
абижа сигкаасааж̇ийвасамаабаннод̇и иминаа д̇асса сигкаасамаад̣̇аанам̣ д̣̇ийбзд̇ваа д̇ам̣ самаад̣̇иннасигкам̣ аббажжагкааяа д̇ад̇т̇а жа д̣̇уб̣б̣аляам̣ анаавигад̇ваад̇и вад̇д̇ум̣ яуж̇ж̇ад̇и, на ан̃н̃ат̇аад̇и иминаа гааран̣зна яат̇аавуд̇д̇аанидтаббасан̇г̇ад̇о ‘‘яо бана бхигку бхигкуунам̣ сигкаасааж̇ийвасамаабанно сигкам̣ аббажжагкааяаа’’д̇иаад̣̇и вуд̇д̇ам̣. яат̇аа жзд̇т̇а, д̇ат̇аа ‘‘яо бана бхигку бхигкуунам̣ сигкаасааж̇ийвасамаабанно сигкам̣ аббажжагкааяа д̣̇уб̣б̣аляам̣ анаавигад̇ваа г̇аамаа ваа аран̃н̃аа ваа ад̣̇иннам̣ т̇зяяасан̇каад̇ам̣ аад̣̇иязяяа (баараа. 89), суг̇ад̇ажийвараббамаан̣ам̣ жийварам̣ гаараабзяяа ад̇ирзгам̣ ваа, чзд̣̇анагам̣ баажид̇д̇ияа’’нд̇иаад̣̇инаа (баажи. 548) наязна саб̣б̣ад̇т̇а яож̇зд̇аб̣б̣ам̣ . анд̇амасо д̇иражчаанаг̇ад̇ааяабийд̇и мануссид̇т̇им̣ убаад̣̇ааяа вуд̇д̇ам̣. на хи ‘‘баг̇зва бан̣д̣агз бурисз ваа’’д̇и вад̇д̇ум̣ яуж̇ж̇ад̇и. сзсам̣ д̇ад̇т̇а д̇ад̇т̇а вуд̇д̇анаяамзва.
Apica sikkhāsājīvasamāpannoti iminā tassa sikkhāsamādānaṃ dīpetvā taṃ samādinnasikkhaṃ appaccakkhāya tattha ca dubbalyaṃ anāvikatvāti vattuṃ yujjati, na aññathāti iminā kāraṇena yathāvuttāniṭṭhappasaṅgato ‘‘yo pana bhikkhu bhikkhūnaṃ sikkhāsājīvasamāpanno sikkhaṃ appaccakkhāyā’’tiādi vuttaṃ. Yathā cettha, tathā ‘‘yo pana bhikkhu bhikkhūnaṃ sikkhāsājīvasamāpanno sikkhaṃ appaccakkhāya dubbalyaṃ anāvikatvā gāmā vā araññā vā adinnaṃ theyyasaṅkhātaṃ ādiyeyya (pārā. 89), sugatacīvarappamāṇaṃ cīvaraṃ kārāpeyya atirekaṃ vā, chedanakaṃ pācittiya’’ntiādinā (pāci. 548) nayena sabbattha yojetabbaṃ . Antamaso tiracchānagatāyapīti manussitthiṃ upādāya vuttaṃ. Na hi ‘‘pageva paṇḍake purise vā’’ti vattuṃ yujjati. Sesaṃ tattha tattha vuttanayameva.
аяам̣ батамабаарааж̇игасса маад̇игааяа д̇аава винижчаяо.
Ayaṃ paṭhamapārājikassa mātikāya tāva vinicchayo.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. батамабаарааж̇игам̣ • 1. Paṭhamapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 1. батамабаарааж̇игам̣ • 1. Paṭhamapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / важ̇ж̇ибуд̇д̇агавад̇т̇уван̣н̣анаа • Vajjiputtakavatthuvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / важ̇ж̇ибуд̇д̇агавад̇т̇угат̇ааван̣н̣анаа • Vajjiputtakavatthukathāvaṇṇanā
