| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
9. වජ්‌ජිපුත්‌තසුත්‌තං
9. Vajjiputtasuttaṃ
229. එකං සමයං අඤ්‌ඤතරො වජ්‌ජිපුත්‌තකො භික්‌ඛු වෙසාලියං විහරති අඤ්‌ඤතරස්‌මිං වනසණ්‌ඩෙ. තෙන ඛො පන සමයෙන වෙසාලියං වජ්‌ජිපුත්‌තකො සබ්‌බරත්‌තිචාරො හොති. අථ ඛො සො භික්‌ඛු වෙසාලියා තූරිය-තාළිත-වාදිත-නිග්‌ඝොසසද්‌දං සුත්‌වා පරිදෙවමානො තායං වෙලායං ඉමං ගාථං අභාසි –
229. Ekaṃ samayaṃ aññataro vajjiputtako bhikkhu vesāliyaṃ viharati aññatarasmiṃ vanasaṇḍe. Tena kho pana samayena vesāliyaṃ vajjiputtako sabbaratticāro hoti. Atha kho so bhikkhu vesāliyā tūriya-tāḷita-vādita-nigghosasaddaṃ sutvā paridevamāno tāyaṃ velāyaṃ imaṃ gāthaṃ abhāsi –
‘‘එකකා මයං අරඤ්‌ඤෙ විහරාම,
‘‘Ekakā mayaṃ araññe viharāma,
එතාදිසිකාය රත්‌තියා,
Etādisikāya rattiyā,
අථ ඛො යා තස්‌මිං වනසණ්‌ඩෙ අධිවත්‌ථා දෙවතා තස්‌ස භික්‌ඛුනො අනුකම්‌පිකා අත්‌ථකාමා තං භික්‌ඛුං සංවෙජෙතුකාමා යෙන සො භික්‌ඛු තෙනුපසඞ්‌කමි; උපසඞ්‌කමිත්‌වා තං භික්‌ඛුං ගාථාය අජ්‌ඣභාසි –
Atha kho yā tasmiṃ vanasaṇḍe adhivatthā devatā tassa bhikkhuno anukampikā atthakāmā taṃ bhikkhuṃ saṃvejetukāmā yena so bhikkhu tenupasaṅkami; upasaṅkamitvā taṃ bhikkhuṃ gāthāya ajjhabhāsi –
‘‘එකකොව ත්‌වං අරඤ්‌ඤෙ විහරසි, අපවිද්‌ධංව වනස්‌මිං දාරුකං;
‘‘Ekakova tvaṃ araññe viharasi, apaviddhaṃva vanasmiṃ dārukaṃ;
තස්‌ස තෙ බහුකා පිහයන්‌ති, නෙරයිකා විය සග්‌ගගාමින’’න්‌ති.
Tassa te bahukā pihayanti, nerayikā viya saggagāmina’’nti.
අථ ඛො සො භික්‌ඛු තාය දෙවතාය සංවෙජිතො සංවෙගමාපාදීති.
Atha kho so bhikkhu tāya devatāya saṃvejito saṃvegamāpādīti.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 9. වජ්‌ජිපුත්‌තසුත්‌තවණ්‌ණනා • 9. Vajjiputtasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 9. වජ්‌ජිපුත්‌තසුත්‌තවණ්‌ණනා • 9. Vajjiputtasuttavaṇṇanā
