| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
9. важ̇ж̇ибуд̇д̇асуд̇д̇аван̣н̣анаа
9. Vajjiputtasuttavaṇṇanā
229. навамз важ̇ж̇ибуд̇д̇агод̇и важ̇ж̇ирадтз рааж̇абуд̇д̇о чад̇д̇ам̣ бахааяа баб̣б̣аж̇ид̇о. саб̣б̣арад̇д̇ижаарод̇и гад̇д̇иганагкад̇д̇ам̣ гхосзд̇ваа сагаланаг̇арам̣ д̇хаж̇абадаагаад̣̇ийхи бадиман̣д̣зд̇ваа бавад̇д̇ид̇о саб̣б̣арад̇д̇ижааро. ид̣̇ан̃хи нагкад̇д̇ам̣ яаава жаад̇умахаарааж̇игзхи згааб̣ад̣̇д̇хам̣ ход̇и. д̇уурияад̇аал̣ид̇аваад̣̇ид̇аниг̇гхосасад̣̇д̣̇анд̇и бхзриаад̣̇ид̇уурияаанам̣ д̇аал̣ид̇аанам̣ вийн̣аад̣̇ийнан̃жа ваад̣̇ид̇аанам̣ ниг̇гхосасад̣̇д̣̇ам̣. абхаасийд̇и взсаалияам̣ гира сад̇д̇а рааж̇асахассаани сад̇д̇асад̇аани сад̇д̇а жа рааж̇аано, д̇ад̇д̇агаава д̇зсам̣ убарааж̇асзнаабад̇иаад̣̇аяо . д̇зсу алан̇гад̇абадияад̇д̇зсу нагкад̇д̇агийл̣анад̇т̇ааяа вийт̇им̣ од̇ин̣н̣зсу садтихад̇т̇з махаажан̇гамз жан̇гамамаано набхасса маж̇жхз тид̇ам̣ жанд̣̇ам̣ д̣̇исваа жан̇гаманагодияам̣ палагам̣ ниссааяа тид̇о абхааси. абавид̣̇д̇хам̣ва ванасмим̣ д̣̇ааруганд̇и вад̇т̇авзтанаалан̇гаарарахид̇ад̇д̇аа ванз чад̣д̣ид̇ад̣̇ааругам̣ вияа ж̇аад̇ам̣. баабияод̇и лаамагад̇аро амхзхи ан̃н̃о гожи ад̇т̇и. бихаяанд̇ийд̇и т̇зро ааран̃н̃иго бам̣сугуулиго бин̣д̣абаад̇иго сабад̣̇аанажаариго аббижчо санд̇удтод̇и б̣ахуу д̇уяхам̣ бад̇т̇аяанд̇ийд̇и ад̇т̇о. саг̇г̇аг̇ааминанд̇и саг̇г̇ам̣ г̇ажчанд̇аанам̣ г̇ад̇аанамби. навамам̣.
229. Navame vajjiputtakoti vajjiraṭṭhe rājaputto chattaṃ pahāya pabbajito. Sabbaratticāroti kattikanakkhattaṃ ghosetvā sakalanagaraṃ dhajapaṭākādīhi paṭimaṇḍetvā pavattito sabbaratticāro. Idañhi nakkhattaṃ yāva cātumahārājikehi ekābaddhaṃ hoti. Tūriyatāḷitavāditanigghosasaddanti bheriāditūriyānaṃ tāḷitānaṃ vīṇādīnañca vāditānaṃ nigghosasaddaṃ. Abhāsīti vesāliyaṃ kira satta rājasahassāni sattasatāni satta ca rājāno, tattakāva tesaṃ uparājasenāpatiādayo . Tesu alaṅkatapaṭiyattesu nakkhattakīḷanatthāya vīthiṃ otiṇṇesu saṭṭhihatthe mahācaṅkame caṅkamamāno nabhassa majjhe ṭhitaṃ candaṃ disvā caṅkamanakoṭiyaṃ phalakaṃ nissāya ṭhito abhāsi. Apaviddhaṃvavanasmiṃ dārukanti vatthaveṭhanālaṅkārarahitattā vane chaḍḍitadārukaṃ viya jātaṃ. Pāpiyoti lāmakataro amhehi añño koci atthi. Pihayantīti thero āraññiko paṃsukūliko piṇḍapātiko sapadānacāriko appiccho santuṭṭhoti bahū tuyhaṃ patthayantīti attho. Saggagāminanti saggaṃ gacchantānaṃ gatānampi. Navamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 9. важ̇ж̇ибуд̇д̇асуд̇д̇ам̣ • 9. Vajjiputtasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9. важ̇ж̇ибуд̇д̇асуд̇д̇аван̣н̣анаа • 9. Vajjiputtasuttavaṇṇanā
