| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๙. วชฺชิปุตฺตสุตฺตวณฺณนา
9. Vajjiputtasuttavaṇṇanā
๒๒๙. นวเม วชฺชิปุตฺตโกติ วชฺชิรเฎฺฐ ราชปุโตฺต ฉตฺตํ ปหาย ปพฺพชิโตฯ สพฺพรตฺติจาโรติ กตฺติกนกฺขตฺตํ โฆเสตฺวา สกลนครํ ธชปฎากาทีหิ ปฎิมเณฺฑตฺวา ปวตฺติโต สพฺพรตฺติจาโรฯ อิทญฺหิ นกฺขตฺตํ ยาว จาตุมหาราชิเกหิ เอกาพทฺธํ โหติฯ ตูริยตาฬิตวาทิตนิโคฺฆสสทฺทนฺติ เภริอาทิตูริยานํ ตาฬิตานํ วีณาทีนญฺจ วาทิตานํ นิโคฺฆสสทฺทํฯ อภาสีติ เวสาลิยํ กิร สตฺต ราชสหสฺสานิ สตฺตสตานิ สตฺต จ ราชาโน, ตตฺตกาว เตสํ อุปราชเสนาปติอาทโย ฯ เตสุ อลงฺกตปฎิยเตฺตสุ นกฺขตฺตกีฬนตฺถาย วีถิํ โอติเณฺณสุ สฎฺฐิหเตฺถ มหาจงฺกเม จงฺกมมาโน นภสฺส มเชฺฌ ฐิตํ จนฺทํ ทิสฺวา จงฺกมนโกฎิยํ ผลกํ นิสฺสาย ฐิโต อภาสิฯ อปวิทฺธํว วนสฺมิํ ทารุกนฺติ วตฺถเวฐนาลงฺการรหิตตฺตา วเน ฉฑฺฑิตทารุกํ วิย ชาตํฯ ปาปิโยติ ลามกตโร อเมฺหหิ อโญฺญ โกจิ อตฺถิฯ ปิหยนฺตีติ เถโร อารญฺญิโก ปํสุกูลิโก ปิณฺฑปาติโก สปทานจาริโก อปฺปิโจฺฉ สนฺตุโฎฺฐติ พหู ตุยฺหํ ปตฺถยนฺตีติ อโตฺถฯ สคฺคคามินนฺติ สคฺคํ คจฺฉนฺตานํ คตานมฺปิฯ นวมํฯ
229. Navame vajjiputtakoti vajjiraṭṭhe rājaputto chattaṃ pahāya pabbajito. Sabbaratticāroti kattikanakkhattaṃ ghosetvā sakalanagaraṃ dhajapaṭākādīhi paṭimaṇḍetvā pavattito sabbaratticāro. Idañhi nakkhattaṃ yāva cātumahārājikehi ekābaddhaṃ hoti. Tūriyatāḷitavāditanigghosasaddanti bheriāditūriyānaṃ tāḷitānaṃ vīṇādīnañca vāditānaṃ nigghosasaddaṃ. Abhāsīti vesāliyaṃ kira satta rājasahassāni sattasatāni satta ca rājāno, tattakāva tesaṃ uparājasenāpatiādayo . Tesu alaṅkatapaṭiyattesu nakkhattakīḷanatthāya vīthiṃ otiṇṇesu saṭṭhihatthe mahācaṅkame caṅkamamāno nabhassa majjhe ṭhitaṃ candaṃ disvā caṅkamanakoṭiyaṃ phalakaṃ nissāya ṭhito abhāsi. Apaviddhaṃvavanasmiṃ dārukanti vatthaveṭhanālaṅkārarahitattā vane chaḍḍitadārukaṃ viya jātaṃ. Pāpiyoti lāmakataro amhehi añño koci atthi. Pihayantīti thero āraññiko paṃsukūliko piṇḍapātiko sapadānacāriko appiccho santuṭṭhoti bahū tuyhaṃ patthayantīti attho. Saggagāminanti saggaṃ gacchantānaṃ gatānampi. Navamaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๙. วชฺชิปุตฺตสุตฺตํ • 9. Vajjiputtasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๙. วชฺชิปุตฺตสุตฺตวณฺณนา • 9. Vajjiputtasuttavaṇṇanā
