| Library / Tipiṭaka / තිපිටක • Tipiṭaka / අපදානපාළි • Apadānapāḷi |
5. වජ්‌ජීපුත්‌තත්‌ථෙරඅපදානං
5. Vajjīputtattheraapadānaṃ
49.
49.
‘‘සහස්‌සරංසී භගවා, සයම්‌භූ අපරාජිතො;
‘‘Sahassaraṃsī bhagavā, sayambhū aparājito;
විවෙකා වුට්‌ඨහිත්‌වාන, ගොචරායාභිනික්‌ඛමි.
Vivekā vuṭṭhahitvāna, gocarāyābhinikkhami.
50.
50.
‘‘ඵලහත්‌ථො අහං දිස්‌වා, උපගච්‌ඡිං නරාසභං;
‘‘Phalahattho ahaṃ disvā, upagacchiṃ narāsabhaṃ;
පසන්‌නචිත්‌තො සුමනො, සවණ්‌ටං අදදිං ඵලං.
Pasannacitto sumano, savaṇṭaṃ adadiṃ phalaṃ.
51.
51.
‘‘චතුන්‌නවුතිතො කප්‌පෙ, යං ඵලං අදදිං තදා;
‘‘Catunnavutito kappe, yaṃ phalaṃ adadiṃ tadā;
දුග්‌ගතිං නාභිජානාමි, ඵලදානස්‌සිදං ඵලං.
Duggatiṃ nābhijānāmi, phaladānassidaṃ phalaṃ.
52.
52.
‘‘කිලෙසා ඣාපිතා මය්‌හං…පෙ.… විහරාමි අනාසවො.
‘‘Kilesā jhāpitā mayhaṃ…pe… viharāmi anāsavo.
53.
53.
‘‘ස්‌වාගතං වත මෙ ආසි…පෙ.… කතං බුද්‌ධස්‌ස සාසනං.
‘‘Svāgataṃ vata me āsi…pe… kataṃ buddhassa sāsanaṃ.
54.
54.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා වජ්‌ජීපුත්‌තො ථෙරො ඉමා ගාථායො
Itthaṃ sudaṃ āyasmā vajjīputto thero imā gāthāyo
අභාසිත්‌ථාති.
Abhāsitthāti.
වජ්‌ජීපුත්‌තත්‌ථෙරස්‌සාපදානං පඤ්‌චමං.
Vajjīputtattherassāpadānaṃ pañcamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 5. වජ්‌ජිපුත්‌තත්‌ථෙරඅපදානවණ්‌ණනා • 5. Vajjiputtattheraapadānavaṇṇanā
