| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
5. важ̇ж̇ибуд̇д̇ад̇т̇зраабад̣̇аанаван̣н̣анаа
5. Vajjiputtattheraapadānavaṇṇanā
сахассарам̣сий бхаг̇аваад̇иаад̣̇игам̣ ааяасмад̇о важ̇ж̇ибуд̇д̇ад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяам̣ бун̃н̃ам̣ убажинанд̇о ид̇о жад̇унавуд̇игаббз згам̣ бажжзгаб̣уд̣̇д̇хам̣ бхигкааяа г̇ажчанд̇ам̣ д̣̇исваа басаннамаанасо гад̣̇алипалаани ад̣̇ааси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з взсаалияам̣ лижчавирааж̇агумааро худ̇ваа ниб̣б̣ад̇д̇и, важ̇ж̇ирааж̇абуд̇д̇ад̇д̇аа важ̇ж̇ибуд̇д̇од̇взвасса саман̃н̃аа. со д̣̇ахаро худ̇ваа хад̇т̇исиббаад̣̇исигканагаалзби хзд̇усамбаннад̇ааяа ниссаран̣аж̇жхаасаяова худ̇ваа вижаранд̇о сад̇т̇у д̇хаммад̣̇зсанам̣ суд̇ваа бадилад̣̇д̇хасад̣̇д̇хо сад̇т̇у санд̇игз баб̣б̣аж̇ид̇ваа вибассанааяа гаммам̣ гад̇ваа нажирассзва чал̣абхин̃н̃о ахоси. чал̣абхин̃н̃о бана худ̇ваа абарабхааг̇з ажирабариниб̣б̣уд̇з сад̇т̇ари д̇хаммам̣ сан̇г̇ааяид̇ум̣ сан̇гзд̇ам̣ гад̇ваа махаат̇зрзсу д̇ад̇т̇а д̇ад̇т̇а вихаранд̇зсу згад̣̇ивасам̣ ааяасманд̇ам̣ аананд̣̇ам̣ сзкам̣язва самаанам̣ махад̇ияаа барисааяа баривуд̇ам̣ д̇хаммам̣ д̣̇зсзнд̇ам̣ д̣̇исваа д̇асса убаримаг̇г̇аад̇хиг̇амааяа уссаахам̣ ж̇анзнд̇о –
Sahassaraṃsībhagavātiādikaṃ āyasmato vajjiputtattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayaṃ puññaṃ upacinanto ito catunavutikappe ekaṃ paccekabuddhaṃ bhikkhāya gacchantaṃ disvā pasannamānaso kadaliphalāni adāsi. So tena puññakammena devamanussesu saṃsaranto imasmiṃ buddhuppāde vesāliyaṃ licchavirājakumāro hutvā nibbatti, vajjirājaputtattā vajjiputtotvevassa samaññā. So daharo hutvā hatthisippādisikkhanakālepi hetusampannatāya nissaraṇajjhāsayova hutvā vicaranto satthu dhammadesanaṃ sutvā paṭiladdhasaddho satthu santike pabbajitvā vipassanāya kammaṃ katvā nacirasseva chaḷabhiñño ahosi. Chaḷabhiñño pana hutvā aparabhāge aciraparinibbute satthari dhammaṃ saṅgāyituṃ saṅketaṃ katvā mahātheresu tattha tattha viharantesu ekadivasaṃ āyasmantaṃ ānandaṃ sekhaṃyeva samānaṃ mahatiyā parisāya parivutaṃ dhammaṃ desentaṃ disvā tassa uparimaggādhigamāya ussāhaṃ janento –
‘‘ругкамуулаг̇аханам̣ басаггияа, ниб̣б̣аанам̣ хад̣̇аяасмим̣ обияа;
‘‘Rukkhamūlagahanaṃ pasakkiya, nibbānaṃ hadayasmiṃ opiya;
жхааяа г̇од̇ама маа жа бамаад̣̇о, гим̣ д̇з б̣ил̣иб̣ил̣игаа гариссад̇ий’’д̇и. (т̇зраг̇аа. 119) – г̇аат̇ам̣ абхааси;
Jhāya gotama mā ca pamādo, kiṃ te biḷibiḷikā karissatī’’ti. (theragā. 119) – gāthaṃ abhāsi;
д̇ад̇т̇а ругкамуулаг̇ахананд̇и ругкамуулабхууд̇ам̣ г̇аханам̣, г̇аханан̃хи ад̇т̇и, на ругкамуулам̣, ругкамуулан̃жа ад̇т̇и, на г̇аханам̣, д̇зсу ругкамуулаг̇г̇ахан̣зна таанасса чааяааяа самбаннад̇ааяа ваад̇аад̇абабариссаяаабхаавам̣ д̣̇ийбзд̇и, г̇аханаг̇г̇ахан̣зна ниваад̇абхаавзна ваад̇абариссаяаабхаавам̣ ж̇анасамб̣аад̇хаабхааван̃жа д̣̇ассзд̇и, д̇ад̣̇убхаязна жа бхааванааяог̇яад̇ам̣. басаггияаад̇и убаг̇анд̇ваа. ниб̣б̣аанам̣ хад̣̇аяасмим̣ обияаад̇и ‘‘звам̣ маяаа бадибаж̇ж̇ид̇ваа ниб̣б̣аанам̣ ад̇хиг̇анд̇аб̣б̣а’’нд̇и ниб̣б̣уд̇им̣ хад̣̇аяз табзд̇ваа жид̇д̇з гад̇ваа. жхааяаад̇и д̇илагкан̣уубаниж̇жхаанзна жхааяа, вибассанаабхааванаасахид̇ам̣ маг̇г̇абхааванам̣ бхаавзхи. г̇од̇амаад̇и д̇хаммабхан̣д̣ааг̇ааригам̣ г̇од̇д̇знаалабад̇и. маа жа бамаад̣̇од̇и ад̇хигусалзсу д̇хаммзсу маа бамаад̣̇ам̣ аабаж̇ж̇и. ид̣̇аани яаад̣̇исо т̇зрасса бамаад̣̇о, д̇ам̣ бадигкзбавасзна д̣̇ассзнд̇о ‘‘гим̣ д̇з б̣ил̣иб̣ил̣игаа гариссад̇ий’’д̇и ааха. д̇ад̇т̇а б̣ил̣иб̣ил̣игаад̇и б̣ил̣иб̣ил̣игирияаа, б̣ил̣иб̣ил̣ид̇исад̣̇д̣̇абавад̇д̇и яат̇аа нирад̇т̇агаа, звам̣ б̣ил̣иб̣ил̣игаасад̣̇исаа ж̇анабан̃н̃ад̇д̇и. гим̣ д̇з гариссад̇ийд̇и гийд̣̇исам̣ ад̇т̇ам̣ д̇уяхам̣ саад̇хзссад̇и, д̇асмаа ж̇анабан̃н̃ад̇д̇им̣ бахааяа сад̣̇ад̇т̇абасуд̇о хохийд̇и оваад̣̇ам̣ ад̣̇ааси.
Tattha rukkhamūlagahananti rukkhamūlabhūtaṃ gahanaṃ, gahanañhi atthi, na rukkhamūlaṃ, rukkhamūlañca atthi, na gahanaṃ, tesu rukkhamūlaggahaṇena ṭhānassa chāyāya sampannatāya vātātapaparissayābhāvaṃ dīpeti, gahanaggahaṇena nivātabhāvena vātaparissayābhāvaṃ janasambādhābhāvañca dasseti, tadubhayena ca bhāvanāyogyataṃ. Pasakkiyāti upagantvā. Nibbānaṃ hadayasmiṃ opiyāti ‘‘evaṃ mayā paṭipajjitvā nibbānaṃ adhigantabba’’nti nibbutiṃ hadaye ṭhapetvā citte katvā. Jhāyāti tilakkhaṇūpanijjhānena jhāya, vipassanābhāvanāsahitaṃ maggabhāvanaṃ bhāvehi. Gotamāti dhammabhaṇḍāgārikaṃ gottenālapati. Mā ca pamādoti adhikusalesu dhammesu mā pamādaṃ āpajji. Idāni yādiso therassa pamādo, taṃ paṭikkhepavasena dassento ‘‘kiṃ te biḷibiḷikā karissatī’’ti āha. Tattha biḷibiḷikāti biḷibiḷikiriyā, biḷibiḷitisaddapavatti yathā niratthakā, evaṃ biḷibiḷikāsadisā janapaññatti. Kiṃ te karissatīti kīdisaṃ atthaṃ tuyhaṃ sādhessati, tasmā janapaññattiṃ pahāya sadatthapasuto hohīti ovādaṃ adāsi.
д̇ам̣ суд̇ваа ан̃н̃зхи вуд̇д̇зна виссаг̇анд̇хавааяанаважанзна сам̣взг̇аж̇аад̇о б̣ахуд̣̇зва рад̇д̇им̣ жан̇гамзна вийд̇инаамзнд̇о вибассанам̣ уссуггаабзд̇ваа сзнаасанам̣ бависид̇ваа ман̃жагз нисиннамад̇д̇ова ‘‘гин̃жи саяаамий’’д̇и сийсам̣ б̣имб̣оханамасамбад̇д̇ам̣ баад̣̇ам̣ бхуумид̇о уг̇г̇ад̇ам̣ сарийрасса аагаасаг̇ад̇агкан̣зязва арахад̇д̇ам̣ баабун̣и.
Taṃ sutvā aññehi vuttena vissagandhavāyanavacanena saṃvegajāto bahudeva rattiṃ caṅkamena vītināmento vipassanaṃ ussukkāpetvā senāsanaṃ pavisitvā mañcake nisinnamattova ‘‘kiñci sayāmī’’ti sīsaṃ bimbohanamasampattaṃ pādaṃ bhūmito uggataṃ sarīrassa ākāsagatakkhaṇeyeva arahattaṃ pāpuṇi.
49. важ̇ж̇ибуд̇д̇ад̇т̇зро абарабхааг̇з соманассаж̇аад̇о ад̇д̇ано буб̣б̣ажарид̇аабад̣̇аанам̣ багаасзнд̇о сахассарам̣сий бхаг̇аваад̇иаад̣̇имааха. д̇ад̇т̇а сахассарам̣сийд̇и зд̇т̇а ‘‘анзгасад̇асахассарам̣сий’’д̇и вад̇д̇аб̣б̣з г̇аат̇ааб̣анд̇хасукад̇т̇ам̣ ‘‘сахассарам̣сий’’д̇и вуд̇д̇анд̇и взд̣̇ид̇аб̣б̣ам̣. сзсам̣ сувин̃н̃зяяамзваад̇и.
49. Vajjiputtatthero aparabhāge somanassajāto attano pubbacaritāpadānaṃ pakāsento sahassaraṃsī bhagavātiādimāha. Tattha sahassaraṃsīti ettha ‘‘anekasatasahassaraṃsī’’ti vattabbe gāthābandhasukhatthaṃ ‘‘sahassaraṃsī’’ti vuttanti veditabbaṃ. Sesaṃ suviññeyyamevāti.
важ̇ж̇ибуд̇д̇ад̇т̇зраабад̣̇аанаван̣н̣анаа самад̇д̇аа.
Vajjiputtattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 5. важ̇ж̇ийбуд̇д̇ад̇т̇зраабад̣̇аанам̣ • 5. Vajjīputtattheraapadānaṃ
