| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
2. важ̇ж̇ибуд̇д̇ад̇т̇зраг̇аат̇ааван̣н̣анаа
2. Vajjiputtattheragāthāvaṇṇanā
згагаа маяам̣ аран̃н̃зд̇и ааяасмад̇о важ̇ж̇ибуд̇д̇ад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяам̣ бун̃н̃ам̣ убажинанд̇о ид̇о зганавуд̇з габбз вибассисса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о згад̣̇ивасам̣ вибассим̣ бхаг̇аванд̇ам̣ д̣̇исваа басаннамаанасо нааг̇абубпагзсарзхи бууж̇ам̣ агааси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з амажжагулз ниб̣б̣ад̇д̇и, важ̇ж̇ибуд̇д̇од̇исса наамам̣ ахоси. со бхаг̇авад̇о взсаалиг̇аманз б̣уд̣̇д̇хаанубхаавам̣ д̣̇исваа бадилад̣̇д̇хасад̣̇д̇хо баб̣б̣аж̇ид̇ваа гад̇абуб̣б̣агижжо гаммадтаанам̣ г̇ахзд̇ваа взсаалияаа авид̣̇уурз ан̃н̃ад̇арасмим̣ ванасан̣д̣з вихарад̇и. д̇зна жа самаязна взсаалияам̣ уссаво ахоси. д̇ад̇т̇а д̇ад̇т̇а нажжаг̇ийд̇аваад̣̇ид̇ам̣ бавад̇д̇ад̇и, махааж̇ано хадтад̇удто уссавасамбад̇д̇им̣ бажжанубход̇и, д̇ам̣ суд̇ваа со бхигку аяонисо уммуж̇ж̇анд̇о вивзгам̣ важ̇ж̇амаано гаммадтаанам̣ виссаж̇ж̇зд̇ваа ад̇д̇ано анабхирад̇им̣ багаасзнд̇о –
Ekakāmayaṃ araññeti āyasmato vajjiputtattherassa gāthā. Kā uppatti? Ayampi purimabuddhesu katādhikāro tattha tattha bhave vivaṭṭūpanissayaṃ puññaṃ upacinanto ito ekanavute kappe vipassissa bhagavato kāle kulagehe nibbattitvā viññutaṃ patto ekadivasaṃ vipassiṃ bhagavantaṃ disvā pasannamānaso nāgapupphakesarehi pūjaṃ akāsi. So tena puññakammena devamanussesu saṃsaranto imasmiṃ buddhuppāde amaccakule nibbatti, vajjiputtotissa nāmaṃ ahosi. So bhagavato vesāligamane buddhānubhāvaṃ disvā paṭiladdhasaddho pabbajitvā katapubbakicco kammaṭṭhānaṃ gahetvā vesāliyā avidūre aññatarasmiṃ vanasaṇḍe viharati. Tena ca samayena vesāliyaṃ ussavo ahosi. Tattha tattha naccagītavāditaṃ pavattati, mahājano haṭṭhatuṭṭho ussavasampattiṃ paccanubhoti, taṃ sutvā so bhikkhu ayoniso ummujjanto vivekaṃ vajjamāno kammaṭṭhānaṃ vissajjetvā attano anabhiratiṃ pakāsento –
‘‘згагаа маяам̣ аран̃н̃з вихараама, абавид̣̇д̇хам̣ва ванасмим̣ д̣̇ааругам̣;
‘‘Ekakā mayaṃ araññe viharāma, apaviddhaṃva vanasmiṃ dārukaṃ;
зд̇аад̣̇исигааяа рад̇д̇ияаа, го су наама амхзхи баабияо’’д̇и. – г̇аат̇амааха;
Etādisikāya rattiyā, ko su nāma amhehi pāpiyo’’ti. – gāthamāha;
д̇ам̣ суд̇ваа ванасан̣д̣з ад̇хивад̇т̇аа д̣̇звад̇аа д̇ам̣ бхигкум̣ анугамбамаанаа ‘‘яад̣̇иби, д̇вам̣ бхигку, аран̃н̃аваасам̣ хийл̣знд̇о вад̣̇аси, вивзгагаамаа бана вид̣̇д̣̇асуно д̇ам̣ б̣аху ман̃н̃анд̇иязваа’’д̇и имамад̇т̇ам̣ д̣̇ассзнд̇ий –
Taṃ sutvā vanasaṇḍe adhivatthā devatā taṃ bhikkhuṃ anukampamānā ‘‘yadipi, tvaṃ bhikkhu, araññavāsaṃ hīḷento vadasi, vivekakāmā pana viddasuno taṃ bahu maññantiyevā’’ti imamatthaṃ dassentī –
‘‘згаго д̇вам̣ аран̃н̃з вихараси, абавид̣̇д̇хам̣ва ванасмим̣ д̣̇ааругам̣;
‘‘Ekako tvaṃ araññe viharasi, apaviddhaṃva vanasmiṃ dārukaṃ;
д̇асса д̇з б̣ахугаа бихаяанд̇и, нзраяигаа вияа саг̇г̇аг̇аамина’’нд̇и. –
Tassa te bahukā pihayanti, nerayikā viya saggagāmina’’nti. –
г̇аат̇ам̣ вад̇ваа, ‘‘гат̇ан̃хи наама д̇вам̣, бхигку, нияяаанигз саммаасамб̣уд̣̇д̇хасса саасанз баб̣б̣аж̇ид̇ваа анияяаанигам̣ вид̇аггам̣ вид̇аггзссасий’’д̇и санд̇аж̇ж̇знд̇ий сам̣взж̇зси . звам̣ со бхигку д̇ааяа д̣̇звад̇ааяа сам̣взж̇ид̇о гасаабхихад̇о вияа бхад̣̇ро ассааж̇аанийяо вибассанаавийт̇им̣ од̇арид̇ваа нажирассзва вибассанам̣ уссуггаабзд̇ваа арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.11.62-66) –
Gāthaṃ vatvā, ‘‘kathañhi nāma tvaṃ, bhikkhu, niyyānike sammāsambuddhassa sāsane pabbajitvā aniyyānikaṃ vitakkaṃ vitakkessasī’’ti santajjentī saṃvejesi . Evaṃ so bhikkhu tāya devatāya saṃvejito kasābhihato viya bhadro assājānīyo vipassanāvīthiṃ otaritvā nacirasseva vipassanaṃ ussukkāpetvā arahattaṃ pāpuṇi. Tena vuttaṃ apadāne (apa. thera 1.11.62-66) –
‘‘суван̣н̣аван̣н̣ам̣ самб̣уд̣̇д̇хам̣, сад̇арам̣сим̣ва бхаан̣умам̣;
‘‘Suvaṇṇavaṇṇaṃ sambuddhaṃ, sataraṃsiṃva bhāṇumaṃ;
обхаасзнд̇ам̣ д̣̇исаа саб̣б̣аа, ул̣урааж̇ам̣ва буурид̇ам̣.
Obhāsentaṃ disā sabbā, uḷurājaṃva pūritaṃ.
‘‘бурагкад̇ам̣ саавагзхи, сааг̇арзхзва мзд̣̇аним̣;
‘‘Purakkhataṃ sāvakehi, sāgareheva medaniṃ;
нааг̇ам̣ баг̇г̇аяха рзн̣уухи, вибассиссаабхиробаяим̣.
Nāgaṃ paggayha reṇūhi, vipassissābhiropayiṃ.
‘‘зганавуд̇ид̇о габбз, яам̣ рзн̣умабхиробаяим̣;
‘‘Ekanavutito kappe, yaṃ reṇumabhiropayiṃ;
д̣̇уг̇г̇ад̇им̣ наабхиж̇аанаами, б̣уд̣̇д̇хабууж̇ааяид̣̇ам̣ палам̣.
Duggatiṃ nābhijānāmi, buddhapūjāyidaṃ phalaṃ.
‘‘бан̣н̣ад̇аалийсид̇о габбз, рзн̣у наамааси кад̇д̇ияо;
‘‘Paṇṇatālīsito kappe, reṇu nāmāsi khattiyo;
сад̇д̇арад̇анасамбанно, жаггавад̇д̇ий махаб̣б̣ало.
Sattaratanasampanno, cakkavattī mahabbalo.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа ‘‘аяам̣ мз арахад̇д̇аббад̇д̇ияаа ан̇гусо ж̇аад̇о’’д̇и ад̇д̇ано д̣̇звад̇ааяа жа вуд̇д̇анаяам̣ сам̣гад̣дхид̇ваа –
Arahattaṃ pana patvā ‘‘ayaṃ me arahattappattiyā aṅkuso jāto’’ti attano devatāya ca vuttanayaṃ saṃkaḍḍhitvā –
62.
62.
‘‘згагаа маяам̣ аран̃н̃з вихараама, абавид̣̇д̇хам̣ва ванасмим̣ д̣̇ааругам̣;
‘‘Ekakā mayaṃ araññe viharāma, apaviddhaṃva vanasmiṃ dārukaṃ;
д̇асса мз б̣ахугаа бихаяанд̇и, нзраяигаа вияа саг̇г̇аг̇аамина’’нд̇и. –
Tassa me bahukā pihayanti, nerayikā viya saggagāmina’’nti. –
г̇аат̇ам̣ абхааси.
Gāthaṃ abhāsi.
д̇ассад̇т̇о – анабзгкабхаавзна ванз чад̣д̣ид̇ад̣̇ааругкан̣д̣ам̣ вияа яад̣̇иби маяам̣ згагаа згаагино асахааяаа имасмим̣ аран̃н̃з вихараама, звам̣ вихарад̇о бана д̇асса мз б̣ахугаа бихаяанд̇и мам̣ б̣ахуу ад̇т̇агаамаруубаа гулабуд̇д̇аа абхибад̇т̇знд̇и, ‘‘ахо вад̇асса маяамби важ̇ж̇ибуд̇д̇ад̇т̇зро вияа гхараб̣анд̇ханам̣ бахааяа аран̃н̃з вихарзяяаамаа’’д̇и. яат̇аа гим̣? нзраяигаа вияа саг̇г̇аг̇ааминам̣, яат̇аа наама нзраяигаа ад̇д̇ано баабагаммзна нираяз ниб̣б̣ад̇д̇асад̇д̇аа саг̇г̇аг̇аамийнам̣ саг̇г̇уубаг̇аамийнам̣ бихаяанд̇и – ‘‘ахо вад̇а маяамби нираяад̣̇угкам̣ бахааяа саг̇г̇асукам̣ бажжанубхавзяяаамаа’’д̇и звам̣самбад̣̇амид̣̇анд̇и ад̇т̇о. зд̇т̇а жа ад̇д̇ани г̇аруб̣ахуважанаббаяог̇асса ижчид̇аб̣б̣ад̇д̇аа ‘‘згагаа маяам̣ вихараамаа’’д̇и буна д̇асса ад̇т̇асса згад̇д̇ам̣ санд̇хааяа ‘‘д̇асса мз’’д̇и згаважанаббаяог̇о гад̇о. ‘‘д̇асса мз’’, ‘‘саг̇г̇аг̇аамина’’нд̇и жа убхаяамби ‘бихаяанд̇ий’д̇и бад̣̇ам̣ абзгкид̇ваа убаяог̇ад̇т̇з самбад̣̇аананид̣̇д̣̇зсо д̣̇адтаб̣б̣о. д̇ам̣ абхибад̇т̇знд̇ийд̇и жа д̇аад̣̇исз аран̃н̃аваасаад̣̇иг̇ун̣з абхибад̇т̇знд̇аа наама хонд̇ийд̇и гад̇ваа вуд̇д̇ам̣. д̇асса мзд̇и ваа д̇асса мама санд̇игз г̇ун̣зд̇и ад̇хиббааяо.
Tassattho – anapekkhabhāvena vane chaḍḍitadārukkhaṇḍaṃ viya yadipi mayaṃ ekakā ekākino asahāyā imasmiṃ araññe viharāma, evaṃ viharato pana tassa me bahukā pihayanti maṃ bahū atthakāmarūpā kulaputtā abhipatthenti, ‘‘aho vatassa mayampi vajjiputtatthero viya gharabandhanaṃ pahāya araññe vihareyyāmā’’ti. Yathā kiṃ? Nerayikā viya saggagāminaṃ, yathā nāma nerayikā attano pāpakammena niraye nibbattasattā saggagāmīnaṃ saggūpagāmīnaṃ pihayanti – ‘‘aho vata mayampi nirayadukkhaṃ pahāya saggasukhaṃ paccanubhaveyyāmā’’ti evaṃsampadamidanti attho. Ettha ca attani garubahuvacanappayogassa icchitabbattā ‘‘ekakā mayaṃ viharāmā’’ti puna tassa atthassa ekattaṃ sandhāya ‘‘tassa me’’ti ekavacanappayogo kato. ‘‘Tassa me’’, ‘‘saggagāmina’’nti ca ubhayampi ‘pihayantī’ti padaṃ apekkhitvā upayogatthe sampadānaniddeso daṭṭhabbo. Taṃ abhipatthentīti ca tādise araññavāsādiguṇe abhipatthentā nāma hontīti katvā vuttaṃ. Tassa meti vā tassa mama santike guṇeti adhippāyo.
важ̇ж̇ибуд̇д̇ад̇т̇зраг̇аат̇ааван̣н̣анаа нидтид̇аа.
Vajjiputtattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 2. важ̇ж̇ибуд̇д̇ад̇т̇зраг̇аат̇аа • 2. Vajjiputtattheragāthā
