| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
9. важ̇ж̇ибуд̇д̇ад̇т̇зраг̇аат̇ааван̣н̣анаа
9. Vajjiputtattheragāthāvaṇṇanā
ругкамуулаг̇аханам̣ басаггияаад̇и ааяасмад̇о важ̇ж̇ибуд̇д̇ад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяам̣ бун̃н̃ам̣ убажинанд̇о ид̇о жад̇унавуд̇з габбз згам̣ бажжзгасамб̣уд̣̇д̇хам̣ бхигкааяа г̇ажчанд̇ам̣ д̣̇исваа басаннамаанасо гад̣̇алипалаани ад̣̇ааси. со д̇зна бун̃н̃агаммзна д̣̇звалогз ниб̣б̣ад̇д̇ид̇ваа абараабарам̣ бун̃н̃аани гад̇ваа д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з взсаалияам̣ лижчавирааж̇абуд̇д̇о худ̇ваа ниб̣б̣ад̇д̇и, важ̇ж̇ирааж̇абуд̇д̇ад̇д̇аа важ̇ж̇ибуд̇д̇од̇взва жасса саман̃н̃аа ахоси. со д̣̇ахаро худ̇ваа хад̇т̇исигкаад̣̇исигканагаалзби хзд̇усамбаннад̇ааяа ниссаран̣аж̇жхаасаяова худ̇ваа вижаранд̇о сад̇т̇у д̇хаммад̣̇зсанаагаалз вихаарам̣ г̇анд̇ваа барисабарияанд̇з нисинно д̇хаммам̣ суд̇ваа бадилад̣̇д̇хасад̣̇д̇хо сад̇т̇у санд̇игз баб̣б̣аж̇ид̇ваа вибассанааяа гаммам̣ гаронд̇о нажирассзва чал̣абхин̃н̃о ахоси. д̇зна вуд̇д̇ам̣ абад̣̇аанз (аба. т̇зра 2.51.57-62) –
Rukkhamūlagahanaṃpasakkiyāti āyasmato vajjiputtattherassa gāthā. Kā uppatti? Ayampi purimabuddhesu katādhikāro tattha tattha bhave vivaṭṭūpanissayaṃ puññaṃ upacinanto ito catunavute kappe ekaṃ paccekasambuddhaṃ bhikkhāya gacchantaṃ disvā pasannamānaso kadaliphalāni adāsi. So tena puññakammena devaloke nibbattitvā aparāparaṃ puññāni katvā devamanussesu saṃsaranto imasmiṃ buddhuppāde vesāliyaṃ licchavirājaputto hutvā nibbatti, vajjirājaputtattā vajjiputtotveva cassa samaññā ahosi. So daharo hutvā hatthisikkhādisikkhanakālepi hetusampannatāya nissaraṇajjhāsayova hutvā vicaranto satthu dhammadesanākāle vihāraṃ gantvā parisapariyante nisinno dhammaṃ sutvā paṭiladdhasaddho satthu santike pabbajitvā vipassanāya kammaṃ karonto nacirasseva chaḷabhiñño ahosi. Tena vuttaṃ apadāne (apa. thera 2.51.57-62) –
‘‘сахассарам̣сий бхаг̇аваа, саяамбхуу абарааж̇ид̇о;
‘‘Sahassaraṃsī bhagavā, sayambhū aparājito;
вивзгаа вудтахид̇ваана, г̇ожарааяаабхинигками.
Vivekā vuṭṭhahitvāna, gocarāyābhinikkhami.
‘‘палахад̇т̇о ахам̣ д̣̇исваа, убаг̇ажчим̣ нараасабхам̣;
‘‘Phalahattho ahaṃ disvā, upagacchiṃ narāsabhaṃ;
басаннажид̇д̇о сумано, авадам̣ ад̣̇ад̣̇им̣ палам̣.
Pasannacitto sumano, avaṭaṃ adadiṃ phalaṃ.
‘‘жад̇уннавуд̇ид̇о габбз, яам̣ палам̣ ад̣̇ад̣̇им̣ д̇ад̣̇аа;
‘‘Catunnavutito kappe, yaṃ phalaṃ adadiṃ tadā;
д̣̇уг̇г̇ад̇им̣ наабхиж̇аанаами, палад̣̇аанассид̣̇ам̣ палам̣.
Duggatiṃ nābhijānāmi, phaladānassidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
чал̣абхин̃н̃о бана худ̇ваа абарабхааг̇з ажирабариниб̣б̣уд̇з сад̇т̇ари д̇хаммам̣ сан̇г̇ааяид̇ум̣ сан̇гзд̇ам̣ гад̇ваа махаат̇зрзсу д̇ад̇т̇а д̇ад̇т̇а вихаранд̇зсу згад̣̇ивасам̣ ааяасманд̇ам̣ аананд̣̇ам̣ сзкам̣язва самаанам̣ махад̇ияаа барисааяа баривуд̇ам̣ д̇хаммам̣ д̣̇зсзнд̇ам̣ д̣̇исваа д̇асса убаримаг̇г̇аад̇хиг̇амааяа уссаахам̣ ж̇анзнд̇о –
Chaḷabhiñño pana hutvā aparabhāge aciraparinibbute satthari dhammaṃ saṅgāyituṃ saṅketaṃ katvā mahātheresu tattha tattha viharantesu ekadivasaṃ āyasmantaṃ ānandaṃ sekhaṃyeva samānaṃ mahatiyā parisāya parivutaṃ dhammaṃ desentaṃ disvā tassa uparimaggādhigamāya ussāhaṃ janento –
119.
119.
‘‘ругкамуулаг̇аханам̣ басаггияа, ниб̣б̣аанам̣ хад̣̇аяасмим̣ обияа;
‘‘Rukkhamūlagahanaṃ pasakkiya, nibbānaṃ hadayasmiṃ opiya;
жхааяа г̇од̇ама маа жа бамаад̣̇о, гим̣ д̇з б̣ил̣иб̣ил̣игаа гариссад̇ий’’д̇и. –
Jhāya gotama mā ca pamādo, kiṃ te biḷibiḷikā karissatī’’ti. –
г̇аат̇ам̣ абхааси.
Gāthaṃ abhāsi.
д̇ад̇т̇а ругкамуулаг̇ахананд̇и ругкамуулабхууд̇ам̣ г̇аханам̣, г̇аханан̃хи ад̇т̇и, на ругкамуулам̣, ругкамуулан̃жа ад̇т̇и, на г̇аханам̣, д̇зсу ругкамуулаг̇г̇ахан̣зна таанасса чааяаасамбаннад̇ааяа ваад̇аад̇абабариссаяаабхаавам̣ д̣̇ассзд̇и. г̇аханаг̇г̇ахан̣зна ниваад̇абхаавзна ваад̇абариссаяаабхаавам̣ ж̇анасамб̣аад̇хаабхааван̃жа д̣̇ассзд̇и, д̇ад̣̇убхаязна жа бхааванааяог̇яад̇ам̣. басаггияаад̇и убаг̇анд̇ваа. ниб̣б̣аанам̣ хад̣̇аяасмим̣ обияаад̇и ‘‘звам̣ маяаа бадибаж̇ж̇ид̇ваа ниб̣б̣аанам̣ ад̇хиг̇анд̇аб̣б̣а’’нд̇и ниб̣б̣уд̇им̣ хад̣̇аяз табзд̇ваа жид̇д̇з гарид̇ваа. жхааяаад̇и лагкан̣уубаниж̇жхаанзна жхааяа, вибассанаабхааванаасахид̇ам̣ маг̇г̇абхааванам̣ бхаавзхи. г̇од̇амаад̇и д̇хаммабхан̣д̣ааг̇ааригам̣ г̇од̇д̇зна аалабад̇и. маа жа бамаад̣̇од̇и ад̇хигусалзсу д̇хаммзсу маа бамаад̣̇ам̣ аабаж̇ж̇и. ид̣̇аани яаад̣̇исо т̇зрасса бамаад̣̇о, д̇ам̣ бадигкзбавасзна д̣̇ассзнд̇о ‘‘гим̣ д̇з б̣ил̣иб̣ил̣игаа гариссад̇ий’’д̇и ааха. д̇ад̇т̇а б̣ил̣иб̣ил̣игаад̇и вил̣ивил̣игирияаа, б̣ил̣иб̣ил̣ийд̇и сад̣̇д̣̇абавад̇д̇и яат̇аа нирад̇т̇агаа, звам̣ б̣ил̣иб̣ил̣игаасад̣̇исаа ж̇анабан̃н̃ад̇д̇и гим̣ д̇з гариссад̇и гийд̣̇исам̣ ад̇т̇ам̣ д̇уяхам̣ саад̇хзд̇и, д̇асмаа ж̇анабан̃н̃ад̇д̇им̣ бахааяа сад̣̇ад̇т̇абасуд̇о хохийд̇и оваад̣̇ам̣ ад̣̇ааси.
Tattha rukkhamūlagahananti rukkhamūlabhūtaṃ gahanaṃ, gahanañhi atthi, na rukkhamūlaṃ, rukkhamūlañca atthi, na gahanaṃ, tesu rukkhamūlaggahaṇena ṭhānassa chāyāsampannatāya vātātapaparissayābhāvaṃ dasseti. Gahanaggahaṇena nivātabhāvena vātaparissayābhāvaṃ janasambādhābhāvañca dasseti, tadubhayena ca bhāvanāyogyataṃ. Pasakkiyāti upagantvā. Nibbānaṃ hadayasmiṃ opiyāti ‘‘evaṃ mayā paṭipajjitvā nibbānaṃ adhigantabba’’nti nibbutiṃ hadaye ṭhapetvā citte karitvā. Jhāyāti lakkhaṇūpanijjhānena jhāya, vipassanābhāvanāsahitaṃ maggabhāvanaṃ bhāvehi. Gotamāti dhammabhaṇḍāgārikaṃ gottena ālapati. Mā ca pamādoti adhikusalesu dhammesu mā pamādaṃ āpajji. Idāni yādiso therassa pamādo, taṃ paṭikkhepavasena dassento ‘‘kiṃ te biḷibiḷikā karissatī’’ti āha. Tattha biḷibiḷikāti viḷiviḷikiriyā, biḷibiḷīti saddapavatti yathā niratthakā, evaṃ biḷibiḷikāsadisā janapaññatti kiṃ te karissati kīdisaṃ atthaṃ tuyhaṃ sādheti, tasmā janapaññattiṃ pahāya sadatthapasuto hohīti ovādaṃ adāsi.
д̇ам̣ суд̇ваа ан̃н̃зхи вуд̇д̇ависаг̇анд̇хавааяанаважанзна сам̣взг̇аж̇аад̇о б̣ахуд̣̇зва рад̇д̇им̣ жан̇гамзна вийд̇инаамзнд̇о вибассанам̣ уссуггаабзд̇ваа сзнаасанам̣ бависид̇ваа ман̃жагз нибаннамад̇д̇ова арахад̇д̇ам̣ баабун̣и.
Taṃ sutvā aññehi vuttavisagandhavāyanavacanena saṃvegajāto bahudeva rattiṃ caṅkamena vītināmento vipassanaṃ ussukkāpetvā senāsanaṃ pavisitvā mañcake nipannamattova arahattaṃ pāpuṇi.
важ̇ж̇ибуд̇д̇ад̇т̇зраг̇аат̇ааван̣н̣анаа нидтид̇аа.
Vajjiputtattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 9. важ̇ж̇ибуд̇д̇ад̇т̇зраг̇аат̇аа • 9. Vajjiputtattheragāthā
