| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
4. важ̇ж̇ияамаахид̇асуд̇д̇ам̣
4. Vajjiyamāhitasuttaṃ
94. згам̣ самаяам̣ бхаг̇аваа жамбааяам̣ вихарад̇и г̇аг̇г̇арааяа богкаран̣ияаа д̇ийрз. ат̇а ко важ̇ж̇ияамаахид̇о г̇ахабад̇и д̣̇иваа д̣̇ивасса жамбааяа нигками бхаг̇аванд̇ам̣ д̣̇ассанааяа. ат̇а ко важ̇ж̇ияамаахид̇асса г̇ахабад̇исса зд̇ад̣̇ахоси – ‘‘агаало ко д̇аава бхаг̇аванд̇ам̣ д̣̇ассанааяа. бадисаллийно бхаг̇аваа. манобхааванийяаанамби бхигкуунам̣ агаало д̣̇ассанааяа. бадисаллийнаа манобхааванийяааби бхигкуу. яам̣нуунаахам̣ язна ан̃н̃ад̇ид̇т̇ияаанам̣ бариб̣б̣ааж̇агаанам̣ аараамо д̇знубасан̇гамзяяа’’нд̇и.
94. Ekaṃ samayaṃ bhagavā campāyaṃ viharati gaggarāya pokkharaṇiyā tīre. Atha kho vajjiyamāhito gahapati divā divassa campāya nikkhami bhagavantaṃ dassanāya. Atha kho vajjiyamāhitassa gahapatissa etadahosi – ‘‘akālo kho tāva bhagavantaṃ dassanāya. Paṭisallīno bhagavā. Manobhāvanīyānampi bhikkhūnaṃ akālo dassanāya. Paṭisallīnā manobhāvanīyāpi bhikkhū. Yaṃnūnāhaṃ yena aññatitthiyānaṃ paribbājakānaṃ ārāmo tenupasaṅkameyya’’nti.
ат̇а ко важ̇ж̇ияамаахид̇о г̇ахабад̇и язна ан̃н̃ад̇ид̇т̇ияаанам̣ бариб̣б̣ааж̇агаанам̣ аараамо д̇знубасан̇гами. д̇зна ко бана самаязна д̇з ан̃н̃ад̇ид̇т̇ияаа бариб̣б̣ааж̇агаа сан̇г̇амма самааг̇амма уннаад̣̇ино ужжаасад̣̇д̣̇амахаасад̣̇д̣̇аа анзгавихид̇ам̣ д̇иражчаанагат̇ам̣ гат̇знд̇аа нисиннаа хонд̇и.
Atha kho vajjiyamāhito gahapati yena aññatitthiyānaṃ paribbājakānaṃ ārāmo tenupasaṅkami. Tena kho pana samayena te aññatitthiyā paribbājakā saṅgamma samāgamma unnādino uccāsaddamahāsaddā anekavihitaṃ tiracchānakathaṃ kathentā nisinnā honti.
ад̣̇д̣̇асам̣су ко д̇з ан̃н̃ад̇ид̇т̇ияаа бариб̣б̣ааж̇агаа важ̇ж̇ияамаахид̇ам̣ г̇ахабад̇им̣ д̣̇уурад̇ова ааг̇ажчанд̇ам̣. д̣̇исваана ан̃н̃аман̃н̃ам̣ сан̣таабзсум̣ – ‘‘аббасад̣̇д̣̇аа бхонд̇о хонд̇у. маа бхонд̇о сад̣̇д̣̇амагад̇т̇а. аяам̣ важ̇ж̇ияамаахид̇о г̇ахабад̇и ааг̇ажчад̇и саман̣асса г̇од̇амасса сааваго. яаавад̇аа ко бана саман̣асса г̇од̇амасса саавагаа г̇ихий од̣̇аад̇авасанаа жамбааяам̣ бадивасанд̇и, аяам̣ д̇зсам̣ ан̃н̃ад̇аро важ̇ж̇ияамаахид̇о г̇ахабад̇и. аббасад̣̇д̣̇агаамаа ко бана д̇з ааяасманд̇о аббасад̣̇д̣̇авинийд̇аа аббасад̣̇д̣̇асса ван̣н̣аваад̣̇ино. аббзва наама аббасад̣̇д̣̇ам̣ барисам̣ вид̣̇ид̇ваа убасан̇гамид̇аб̣б̣ам̣ ман̃н̃зяяаа’’д̇и.
Addasaṃsu kho te aññatitthiyā paribbājakā vajjiyamāhitaṃ gahapatiṃ dūratova āgacchantaṃ. Disvāna aññamaññaṃ saṇṭhāpesuṃ – ‘‘appasaddā bhonto hontu. Mā bhonto saddamakattha. Ayaṃ vajjiyamāhito gahapati āgacchati samaṇassa gotamassa sāvako. Yāvatā kho pana samaṇassa gotamassa sāvakā gihī odātavasanā campāyaṃ paṭivasanti, ayaṃ tesaṃ aññataro vajjiyamāhito gahapati. Appasaddakāmā kho pana te āyasmanto appasaddavinītā appasaddassa vaṇṇavādino. Appeva nāma appasaddaṃ parisaṃ viditvā upasaṅkamitabbaṃ maññeyyā’’ti.
ат̇а ко д̇з ан̃н̃ад̇ид̇т̇ияаа бариб̣б̣ааж̇агаа д̇ун̣хий ахзсум̣. ат̇а ко важ̇ж̇ияамаахид̇о г̇ахабад̇и язна д̇з ан̃н̃ад̇ид̇т̇ияаа бариб̣б̣ааж̇агаа д̇знубасан̇гами; убасан̇гамид̇ваа д̇зхи ан̃н̃ад̇ид̇т̇иязхи бариб̣б̣ааж̇агзхи сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисиннам̣ ко важ̇ж̇ияамаахид̇ам̣ г̇ахабад̇им̣ д̇з ан̃н̃ад̇ид̇т̇ияаа бариб̣б̣ааж̇агаа зд̇ад̣̇авожум̣ – ‘‘сажжам̣ гира, г̇ахабад̇и, саман̣о г̇од̇амо саб̣б̣ам̣ д̇абам̣ г̇арахад̇и, саб̣б̣ам̣ д̇абассим̣ луукааж̇ийвим̣ згам̣сзна убаггосад̇и убавад̣̇ад̇ий’’д̇и? ‘‘на ко, бханд̇з, бхаг̇аваа саб̣б̣ам̣ д̇абам̣ г̇арахад̇и наби саб̣б̣ам̣ д̇абассим̣ луукааж̇ийвим̣ згам̣сзна убаггосад̇и убавад̣̇ад̇и. г̇аараяхам̣ ко, бханд̇з, бхаг̇аваа г̇арахад̇и , басам̣сид̇аб̣б̣ам̣ басам̣сад̇и. г̇аараяхам̣ ко бана, бханд̇з, бхаг̇аваа г̇араханд̇о басам̣сид̇аб̣б̣ам̣ басам̣санд̇о вибхаж̇ж̇аваад̣̇о бхаг̇аваа. на со бхаг̇аваа зд̇т̇а згам̣саваад̣̇о’’д̇и.
Atha kho te aññatitthiyā paribbājakā tuṇhī ahesuṃ. Atha kho vajjiyamāhito gahapati yena te aññatitthiyā paribbājakā tenupasaṅkami; upasaṅkamitvā tehi aññatitthiyehi paribbājakehi saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinnaṃ kho vajjiyamāhitaṃ gahapatiṃ te aññatitthiyā paribbājakā etadavocuṃ – ‘‘saccaṃ kira, gahapati, samaṇo gotamo sabbaṃ tapaṃ garahati, sabbaṃ tapassiṃ lūkhājīviṃ ekaṃsena upakkosati upavadatī’’ti? ‘‘Na kho, bhante, bhagavā sabbaṃ tapaṃ garahati napi sabbaṃ tapassiṃ lūkhājīviṃ ekaṃsena upakkosati upavadati. Gārayhaṃ kho, bhante, bhagavā garahati , pasaṃsitabbaṃ pasaṃsati. Gārayhaṃ kho pana, bhante, bhagavā garahanto pasaṃsitabbaṃ pasaṃsanto vibhajjavādo bhagavā. Na so bhagavā ettha ekaṃsavādo’’ti.
звам̣ вуд̇д̇з ан̃н̃ад̇аро бариб̣б̣ааж̇аго важ̇ж̇ияамаахид̇ам̣ г̇ахабад̇им̣ зд̇ад̣̇авожа – ‘‘ааг̇амзхи д̇вам̣, г̇ахабад̇и, яасса д̇вам̣ саман̣асса г̇од̇амасса ван̣н̣ам̣ бхаасад̇и, саман̣о г̇од̇амо взнаяиго аббан̃н̃ад̇д̇иго’’д̇и? ‘‘зд̇т̇абаахам̣, бханд̇з, ааяасманд̇з вагкаами сахад̇хаммзна – ‘ид̣̇ам̣ гусала’нд̇и, бханд̇з, бхаг̇авад̇аа бан̃н̃ад̇д̇ам̣; ‘ид̣̇ам̣ агусала’нд̇и, бханд̇з, бхаг̇авад̇аа бан̃н̃ад̇д̇ам̣. ид̇и гусалаагусалам̣ бхаг̇аваа бан̃н̃аабаяамаано сабан̃н̃ад̇д̇иго бхаг̇аваа; на со бхаг̇аваа взнаяиго аббан̃н̃ад̇д̇иго’’д̇и.
Evaṃ vutte aññataro paribbājako vajjiyamāhitaṃ gahapatiṃ etadavoca – ‘‘āgamehi tvaṃ, gahapati, yassa tvaṃ samaṇassa gotamassa vaṇṇaṃ bhāsati, samaṇo gotamo venayiko appaññattiko’’ti? ‘‘Etthapāhaṃ, bhante, āyasmante vakkhāmi sahadhammena – ‘idaṃ kusala’nti, bhante, bhagavatā paññattaṃ; ‘idaṃ akusala’nti, bhante, bhagavatā paññattaṃ. Iti kusalākusalaṃ bhagavā paññāpayamāno sapaññattiko bhagavā; na so bhagavā venayiko appaññattiko’’ti.
звам̣ вуд̇д̇з д̇з бариб̣б̣ааж̇агаа д̇ун̣хийбхууд̇аа ман̇губхууд̇аа бад̇д̇агканд̇хаа ад̇хомукаа баж̇жхааяанд̇аа аббадибхаанаа нисийд̣̇им̣су. ат̇а ко важ̇ж̇ияамаахид̇о г̇ахабад̇и д̇з бариб̣б̣ааж̇агз д̇ун̣хийбхууд̇з ман̇губхууд̇з бад̇д̇агканд̇хз ад̇хомукз баж̇жхааяанд̇з аббадибхаанз вид̣̇ид̇ваа удтааяаасанаа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко важ̇ж̇ияамаахид̇о г̇ахабад̇и яаавад̇аго ахоси д̇зхи ан̃н̃ад̇ид̇т̇иязхи бариб̣б̣ааж̇агзхи сад̣̇д̇хим̣ гат̇аасаллаабо д̇ам̣ саб̣б̣ам̣ бхаг̇авад̇о аарожзси.
Evaṃ vutte te paribbājakā tuṇhībhūtā maṅkubhūtā pattakkhandhā adhomukhā pajjhāyantā appaṭibhānā nisīdiṃsu. Atha kho vajjiyamāhito gahapati te paribbājake tuṇhībhūte maṅkubhūte pattakkhandhe adhomukhe pajjhāyante appaṭibhāne viditvā uṭṭhāyāsanā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho vajjiyamāhito gahapati yāvatako ahosi tehi aññatitthiyehi paribbājakehi saddhiṃ kathāsallāpo taṃ sabbaṃ bhagavato ārocesi.
‘‘саад̇ху саад̇ху, г̇ахабад̇и! звам̣ ко д̇з, г̇ахабад̇и, могхабурисаа гаалзна гаалам̣ сахад̇хаммзна суниг̇г̇ахид̇ам̣ ниг̇г̇ахзд̇аб̣б̣аа. наахам̣, г̇ахабад̇и, саб̣б̣ам̣ д̇абам̣ д̇абид̇аб̣б̣анд̇и вад̣̇аами; на жа банаахам̣, г̇ахабад̇и, саб̣б̣ам̣ д̇абам̣ на д̇абид̇аб̣б̣анд̇и вад̣̇аами; наахам̣, г̇ахабад̇и, саб̣б̣ам̣ самаад̣̇аанам̣ самаад̣̇ид̇аб̣б̣анд̇и вад̣̇аами; на банаахам̣, г̇ахабад̇и, саб̣б̣ам̣ самаад̣̇аанам̣ на самаад̣̇ид̇аб̣б̣анд̇и вад̣̇аами; наахам̣, г̇ахабад̇и, саб̣б̣ам̣ бад̇хаанам̣ бад̣̇ахид̇аб̣б̣анд̇и вад̣̇аами; на банаахам̣, г̇ахабад̇и, саб̣б̣ам̣ бад̇хаанам̣ на бад̣̇ахид̇аб̣б̣анд̇и вад̣̇аами; наахам̣, г̇ахабад̇и, саб̣б̣о бадиниссаг̇г̇о бадиниссаж̇ж̇ид̇аб̣б̣од̇и вад̣̇аами. на банаахам̣, г̇ахабад̇и, саб̣б̣о бадиниссаг̇г̇о на бадиниссаж̇ж̇ид̇аб̣б̣од̇и вад̣̇аами; наахам̣, г̇ахабад̇и, саб̣б̣аа вимуд̇д̇и вимужжид̇аб̣б̣аад̇и вад̣̇аами; на банаахам̣, г̇ахабад̇и, саб̣б̣аа вимуд̇д̇и на вимужжид̇аб̣б̣аад̇и вад̣̇аами.
‘‘Sādhu sādhu, gahapati! Evaṃ kho te, gahapati, moghapurisā kālena kālaṃ sahadhammena suniggahitaṃ niggahetabbā. Nāhaṃ, gahapati, sabbaṃ tapaṃ tapitabbanti vadāmi; na ca panāhaṃ, gahapati, sabbaṃ tapaṃ na tapitabbanti vadāmi; nāhaṃ, gahapati, sabbaṃ samādānaṃ samāditabbanti vadāmi; na panāhaṃ, gahapati, sabbaṃ samādānaṃ na samāditabbanti vadāmi; nāhaṃ, gahapati, sabbaṃ padhānaṃ padahitabbanti vadāmi; na panāhaṃ, gahapati, sabbaṃ padhānaṃ na padahitabbanti vadāmi; nāhaṃ, gahapati, sabbo paṭinissaggo paṭinissajjitabboti vadāmi. Na panāhaṃ, gahapati, sabbo paṭinissaggo na paṭinissajjitabboti vadāmi; nāhaṃ, gahapati, sabbā vimutti vimuccitabbāti vadāmi; na panāhaṃ, gahapati, sabbā vimutti na vimuccitabbāti vadāmi.
‘‘яан̃хи, г̇ахабад̇и, д̇абам̣ д̇абад̇о агусалаа д̇хаммаа абхивад̣дханд̇и, гусалаа д̇хаммаа барихааяанд̇и, зваруубам̣ д̇абам̣ на д̇абид̇аб̣б̣анд̇и вад̣̇аами. яан̃жа квасса г̇ахабад̇и, д̇абам̣ д̇абад̇о агусалаа д̇хаммаа барихааяанд̇и, гусалаа д̇хаммаа абхивад̣дханд̇и, зваруубам̣ д̇абам̣ д̇абид̇аб̣б̣анд̇и вад̣̇аами.
‘‘Yañhi, gahapati, tapaṃ tapato akusalā dhammā abhivaḍḍhanti, kusalā dhammā parihāyanti, evarūpaṃ tapaṃ na tapitabbanti vadāmi. Yañca khvassa gahapati, tapaṃ tapato akusalā dhammā parihāyanti, kusalā dhammā abhivaḍḍhanti, evarūpaṃ tapaṃ tapitabbanti vadāmi.
‘‘яан̃хи, г̇ахабад̇и, самаад̣̇аанам̣ самаад̣̇ияад̇о агусалаа д̇хаммаа абхивад̣дханд̇и, гусалаа д̇хаммаа барихааяанд̇и, зваруубам̣ самаад̣̇аанам̣ на самаад̣̇ид̇аб̣б̣анд̇и вад̣̇аами. яан̃жа квасса, г̇ахабад̇и, самаад̣̇аанам̣ самаад̣̇ияад̇о агусалаа д̇хаммаа барихааяанд̇и, гусалаа д̇хаммаа абхивад̣дханд̇и, зваруубам̣ самаад̣̇аанам̣ самаад̣̇ид̇аб̣б̣анд̇и вад̣̇аами.
‘‘Yañhi, gahapati, samādānaṃ samādiyato akusalā dhammā abhivaḍḍhanti, kusalā dhammā parihāyanti, evarūpaṃ samādānaṃ na samāditabbanti vadāmi. Yañca khvassa, gahapati, samādānaṃ samādiyato akusalā dhammā parihāyanti, kusalā dhammā abhivaḍḍhanti, evarūpaṃ samādānaṃ samāditabbanti vadāmi.
‘‘яан̃хи, г̇ахабад̇и, бад̇хаанам̣ бад̣̇ахад̇о агусалаа д̇хаммаа абхивад̣дханд̇и, гусалаа д̇хаммаа барихааяанд̇и, зваруубам̣ бад̇хаанам̣ на бад̣̇ахид̇аб̣б̣анд̇и вад̣̇аами. яан̃жа квасса, г̇ахабад̇и, бад̇хаанам̣ бад̣̇ахад̇о агусалаа д̇хаммаа барихааяанд̇и гусалаа д̇хаммаа абхивад̣дханд̇и , зваруубам̣ бад̇хаанам̣ бад̣̇ахид̇аб̣б̣анд̇и вад̣̇аами.
‘‘Yañhi, gahapati, padhānaṃ padahato akusalā dhammā abhivaḍḍhanti, kusalā dhammā parihāyanti, evarūpaṃ padhānaṃ na padahitabbanti vadāmi. Yañca khvassa, gahapati, padhānaṃ padahato akusalā dhammā parihāyanti kusalā dhammā abhivaḍḍhanti , evarūpaṃ padhānaṃ padahitabbanti vadāmi.
‘‘яан̃хи , г̇ахабад̇и, бадиниссаг̇г̇ам̣ бадиниссаж̇ж̇ад̇о агусалаа д̇хаммаа абхивад̣дханд̇и, гусалаа д̇хаммаа барихааяанд̇и, зваруубо бадиниссаг̇г̇о на бадиниссаж̇ж̇ид̇аб̣б̣од̇и вад̣̇аами. яан̃жа квасса, г̇ахабад̇и, бадиниссаг̇г̇ам̣ бадиниссаж̇ж̇ад̇о агусалаа д̇хаммаа барихааяанд̇и, гусалаа д̇хаммаа абхивад̣дханд̇и, зваруубо бадиниссаг̇г̇о бадиниссаж̇ж̇ид̇аб̣б̣од̇и вад̣̇аами.
‘‘Yañhi , gahapati, paṭinissaggaṃ paṭinissajjato akusalā dhammā abhivaḍḍhanti, kusalā dhammā parihāyanti, evarūpo paṭinissaggo na paṭinissajjitabboti vadāmi. Yañca khvassa, gahapati, paṭinissaggaṃ paṭinissajjato akusalā dhammā parihāyanti, kusalā dhammā abhivaḍḍhanti, evarūpo paṭinissaggo paṭinissajjitabboti vadāmi.
‘‘яан̃хи, г̇ахабад̇и, вимуд̇д̇им̣ вимужжад̇о агусалаа д̇хаммаа абхивад̣дханд̇и, гусалаа д̇хаммаа барихааяанд̇и, зваруубаа вимуд̇д̇и на вимужжид̇аб̣б̣аад̇и вад̣̇аами. яан̃жа квасса, г̇ахабад̇и, вимуд̇д̇им̣ вимужжад̇о агусалаа д̇хаммаа барихааяанд̇и, гусалаа д̇хаммаа абхивад̣дханд̇и, зваруубаа вимуд̇д̇и вимужжид̇аб̣б̣аад̇и вад̣̇аамий’’д̇и.
‘‘Yañhi, gahapati, vimuttiṃ vimuccato akusalā dhammā abhivaḍḍhanti, kusalā dhammā parihāyanti, evarūpā vimutti na vimuccitabbāti vadāmi. Yañca khvassa, gahapati, vimuttiṃ vimuccato akusalā dhammā parihāyanti, kusalā dhammā abhivaḍḍhanti, evarūpā vimutti vimuccitabbāti vadāmī’’ti.
ат̇а ко важ̇ж̇ияамаахид̇о г̇ахабад̇и бхаг̇авад̇аа д̇хаммияаа гат̇ааяа санд̣̇ассид̇о самаад̣̇абид̇о самуд̇д̇зж̇ид̇о самбахам̣сид̇о удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггаами.
Atha kho vajjiyamāhito gahapati bhagavatā dhammiyā kathāya sandassito samādapito samuttejito sampahaṃsito uṭṭhāyāsanā bhagavantaṃ abhivādetvā padakkhiṇaṃ katvā pakkāmi.
ат̇а ко бхаг̇аваа ажирабагганд̇з важ̇ж̇ияамаахид̇з г̇ахабад̇имхи бхигкуу ааманд̇зси – ‘‘яоби со, бхигкавз, бхигку д̣̇ийгхарад̇д̇ам̣ аббараж̇агко имасмим̣ д̇хаммавинаяз, соби звамзвам̣ ан̃н̃ад̇ид̇т̇ияз бариб̣б̣ааж̇агз сахад̇хаммзна суниг̇г̇ахид̇ам̣ ниг̇г̇ан̣хзяяа яат̇аа д̇ам̣ важ̇ж̇ияамаахид̇зна г̇ахабад̇инаа ниг̇г̇ахид̇аа’’д̇и. жад̇уд̇т̇ам̣.
Atha kho bhagavā acirapakkante vajjiyamāhite gahapatimhi bhikkhū āmantesi – ‘‘yopi so, bhikkhave, bhikkhu dīgharattaṃ apparajakkho imasmiṃ dhammavinaye, sopi evamevaṃ aññatitthiye paribbājake sahadhammena suniggahitaṃ niggaṇheyya yathā taṃ vajjiyamāhitena gahapatinā niggahitā’’ti. Catutthaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 4. важ̇ж̇ияамаахид̇асуд̇д̇аван̣н̣анаа • 4. Vajjiyamāhitasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-4. гаамабхог̇ийсуд̇д̇аад̣̇иван̣н̣анаа • 1-4. Kāmabhogīsuttādivaṇṇanā
