| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
4. важ̇ж̇ияамаахид̇асуд̇д̇аван̣н̣анаа
4. Vajjiyamāhitasuttavaṇṇanā
94. жад̇уд̇т̇з важ̇ж̇ияамаахид̇од̇и звам̣наамаго. саб̣б̣ам̣ д̇абанд̇и саб̣б̣амзва д̣̇уггарагааригам̣. саб̣б̣ам̣ д̇абассинд̇и саб̣б̣ам̣ д̇абаниссид̇агам̣. луукааж̇ийвинд̇и д̣̇уггарагааригаж̇ийвигаануяог̇ам̣ ануяуд̇д̇ам̣. г̇аараяханд̇и г̇арахид̇аб̣б̣аяуд̇д̇агам̣. басам̣сияанд̇и басам̣сид̇аб̣б̣аяуд̇д̇агам̣. взнаяигод̇и саяам̣ авинийд̇о ан̃н̃зхи винзд̇аб̣б̣о. абан̃н̃ад̇д̇игод̇и на гин̃жи бан̃н̃аабзд̇ум̣ саггод̇и. ат̇а ваа взнаяигод̇и сад̇д̇авинаасаго. абан̃н̃ад̇д̇игод̇и абажжагкам̣ ниб̣б̣аанам̣ бан̃н̃аабзд̇и, саяам̣гад̇аад̣̇ийсу гин̃жи бан̃н̃аабзд̇ум̣ на саггод̇и. на со бхаг̇аваа взнаяигод̇и со бхаг̇аваа звам̣ яаат̇аавад̇о н̃ад̇ваа гусалаагусалам̣ бан̃н̃аабзнд̇о на ан̃н̃зна винзд̇аб̣б̣о на ан̃н̃асигкид̇о. яз жа д̇хаммз убаад̣̇ааяа сад̇д̇о бан̃н̃аабияад̇и, д̇зсам̣ бан̃н̃аабанад̇о на сад̇д̇авинаасаго, сувинийд̇о сусигкид̇о сад̇д̇авинааяагод̇и ад̇т̇о. д̇асса жа бан̃н̃ад̇д̇ияо сабан̃н̃ад̇д̇ияоязваад̇и д̣̇ассзд̇и. вимуд̇д̇им̣ вимужжад̇о агусалаа д̇хаммаад̇и мижчаад̣̇идтисан̇каад̇ам̣ жид̇д̇асса ад̇химуд̇д̇им̣ ад̇химужжад̇о агусалаа д̇хаммаа вад̣дханд̇и наама, д̇ам̣ санд̇хааязд̇ам̣ вуд̇д̇ам̣. саасанз бана жид̇д̇асса вимуд̇д̇исан̇каад̇о вимуд̇д̇и гусалаанам̣язва бажжаяо ход̇и.
94. Catutthe vajjiyamāhitoti evaṃnāmako. Sabbaṃ tapanti sabbameva dukkarakārikaṃ. Sabbaṃ tapassinti sabbaṃ tapanissitakaṃ. Lūkhājīvinti dukkarakārikajīvikānuyogaṃ anuyuttaṃ. Gārayhanti garahitabbayuttakaṃ. Pasaṃsiyanti pasaṃsitabbayuttakaṃ. Venayikoti sayaṃ avinīto aññehi vinetabbo. Apaññattikoti na kiñci paññāpetuṃ sakkoti. Atha vā venayikoti sattavināsako. Apaññattikoti apaccakkhaṃ nibbānaṃ paññāpeti, sayaṃkatādīsu kiñci paññāpetuṃ na sakkoti. Na so bhagavā venayikoti so bhagavā evaṃ yāthāvato ñatvā kusalākusalaṃ paññāpento na aññena vinetabbo na aññasikkhito. Ye ca dhamme upādāya satto paññāpiyati, tesaṃ paññāpanato na sattavināsako, suvinīto susikkhito sattavināyakoti attho. Tassa ca paññattiyo sapaññattiyoyevāti dasseti. Vimuttiṃ vimuccato akusalā dhammāti micchādiṭṭhisaṅkhātaṃ cittassa adhimuttiṃ adhimuccato akusalā dhammā vaḍḍhanti nāma, taṃ sandhāyetaṃ vuttaṃ. Sāsane pana cittassa vimuttisaṅkhāto vimutti kusalānaṃyeva paccayo hoti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 4. важ̇ж̇ияамаахид̇асуд̇д̇ам̣ • 4. Vajjiyamāhitasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-4. гаамабхог̇ийсуд̇д̇аад̣̇иван̣н̣анаа • 1-4. Kāmabhogīsuttādivaṇṇanā
