| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[300] 10. вагаж̇аад̇агаван̣н̣анаа
[300] 10. Vakajātakavaṇṇanā
барабаан̣арод̇хаа ж̇ийванд̇од̇и ид̣̇ам̣ сад̇т̇аа ж̇зд̇аванз вихаранд̇о бураан̣асант̇ад̇ам̣ аараб̣бха гат̇зси. вад̇т̇у винаяз (баараа. 565 аад̣̇аяо) вид̇т̇аарад̇о ааг̇ад̇амзва. аяам̣ банзд̇т̇а сан̇кзбо – ааяасмаа убасзно д̣̇увассиго згавассигзна сад̣̇д̇хивихааригзна сад̣̇д̇хим̣ сад̇т̇аарам̣ убасан̇гамид̇ваа сад̇т̇аараа г̇арахид̇о ванд̣̇ид̇ваа багганд̇о вибассанам̣ бадтабзд̇ваа арахад̇д̇аббад̇д̇о аббижчад̇аад̣̇иг̇ун̣аяуд̇д̇о д̇зраса д̇худ̇ан̇г̇аани самаад̣̇ааяа барисамби д̇зрасад̇худ̇ан̇г̇ад̇харам̣ гад̇ваа бхаг̇авад̇и д̇змаасам̣ бадисаллийнз сабарисо сад̇т̇аарам̣ убасан̇гамид̇ваа барисам̣ ниссааяа батамам̣ г̇арахам̣ лабхид̇ваа ад̇хаммигааяа гад̇игааяа ананувад̇д̇анз д̣̇уд̇ияам̣ саад̇хугаарам̣ лабхид̇ваа ‘‘ид̇о бадтааяа д̇худ̇ан̇г̇ад̇хараа бхигкуу яат̇аасукам̣ убасан̇гамид̇ваа мам̣ бассанд̇уу’’д̇и сад̇т̇аараа гад̇аануг̇г̇ахо нигкамид̇ваа бхигкуунам̣ д̇амад̇т̇ам̣ аарожзси. д̇ад̇о бабхуд̇и бхигкуу д̇худ̇ан̇г̇ад̇хараа худ̇ваа сад̇т̇аарам̣ д̣̇ассанааяа убасан̇гамид̇ваа сад̇т̇ари бадисаллаанаа вудтид̇з д̇ад̇т̇а д̇ад̇т̇а бам̣сугуулаани чад̣д̣зд̇ваа ад̇д̇ано бад̇д̇ажийвараанзва г̇ан̣хим̣су. сад̇т̇аа самб̣ахулзхи бхигкуухи сад̣̇д̇хим̣ сзнаасанажааригам̣ жаранд̇о д̇ад̇т̇а д̇ад̇т̇а бад̇ид̇аани бам̣сугуулаани д̣̇исваа бужчид̇ваа д̇амад̇т̇ам̣ суд̇ваа ‘‘бхигкавз, имзсам̣ наама бхигкуунам̣ д̇худ̇ан̇г̇асамаад̣̇аанам̣ на жирадтид̇игам̣ вагасса убосат̇агаммасад̣̇исам̣ ахосий’’д̇и вад̇ваа ад̇ийд̇ам̣ аахари.
Parapāṇarodhā jīvantoti idaṃ satthā jetavane viharanto purāṇasanthataṃ ārabbha kathesi. Vatthu vinaye (pārā. 565 ādayo) vitthārato āgatameva. Ayaṃ panettha saṅkhepo – āyasmā upaseno duvassiko ekavassikena saddhivihārikena saddhiṃ satthāraṃ upasaṅkamitvā satthārā garahito vanditvā pakkanto vipassanaṃ paṭṭhapetvā arahattappatto appicchatādiguṇayutto terasa dhutaṅgāni samādāya parisampi terasadhutaṅgadharaṃ katvā bhagavati temāsaṃ paṭisallīne sapariso satthāraṃ upasaṅkamitvā parisaṃ nissāya paṭhamaṃ garahaṃ labhitvā adhammikāya katikāya ananuvattane dutiyaṃ sādhukāraṃ labhitvā ‘‘ito paṭṭhāya dhutaṅgadharā bhikkhū yathāsukhaṃ upasaṅkamitvā maṃ passantū’’ti satthārā katānuggaho nikkhamitvā bhikkhūnaṃ tamatthaṃ ārocesi. Tato pabhuti bhikkhū dhutaṅgadharā hutvā satthāraṃ dassanāya upasaṅkamitvā satthari paṭisallānā vuṭṭhite tattha tattha paṃsukūlāni chaḍḍetvā attano pattacīvarāneva gaṇhiṃsu. Satthā sambahulehi bhikkhūhi saddhiṃ senāsanacārikaṃ caranto tattha tattha patitāni paṃsukūlāni disvā pucchitvā tamatthaṃ sutvā ‘‘bhikkhave, imesaṃ nāma bhikkhūnaṃ dhutaṅgasamādānaṃ na ciraṭṭhitikaṃ vakassa uposathakammasadisaṃ ahosī’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о сагго д̣̇зварааж̇аа ахоси. ат̇зго ваго г̇ан̇г̇аад̇ийрз баасаан̣абидтз васад̇и, ат̇а г̇ан̇г̇ааяа маход̣̇агам̣ ааг̇анд̇ваа д̇ам̣ баасаан̣ам̣ баригкиби. ваго абхирухид̇ваа баасаан̣абидтз нибаж̇ж̇и, нзвасса г̇ожаро ад̇т̇и, на г̇ожарааяа г̇аманамаг̇г̇о, уд̣̇агамби вад̣дхад̇зва. со жинд̇зси – ‘‘маяхам̣ нзва г̇ожаро ад̇т̇и, на г̇ожарааяа г̇аманамаг̇г̇о, ниггаммасса бана нибаж̇ж̇анад̇о убосат̇агаммам̣ вара’’нд̇и манасаава убосат̇ам̣ ад̇хидтааяа сийлаани самаад̣̇ияид̇ваа нибаж̇ж̇и. д̇ад̣̇аа сагго д̣̇зварааж̇аа ааваж̇ж̇амаано д̇асса д̇ам̣ д̣̇уб̣б̣аласамаад̣̇аанам̣ н̃ад̇ваа ‘‘зд̇ам̣ вагам̣ вихзтзссаамий’’д̇и зл̣агаруубзна ааг̇анд̇ваа д̇асса авид̣̇уурз тад̇ваа ад̇д̇аанам̣ д̣̇ассзси. ваго д̇ам̣ д̣̇исваа ‘‘ан̃н̃асмим̣ д̣̇ивасз убосат̇агаммам̣ ж̇ааниссаамий’’д̇и удтааяа д̇ам̣ г̇ан̣хид̇ум̣ багканд̣̇и. зл̣агоби ид̇о жид̇о жа багканд̣̇ид̇ваа ад̇д̇аанам̣ г̇ахзд̇ум̣ наад̣̇ааси. ваго д̇ам̣ г̇ахзд̇ум̣ асаггонд̇о нивад̇д̇ид̇ваа ааг̇амма ‘‘убосат̇агаммам̣ д̇аава мз на бхиж̇ж̇ад̇ий’’д̇и д̇ад̇т̇зва буна нибаж̇ж̇и. сагго саггад̇д̇абхаавзнзва аагаасз тад̇ваа ‘‘д̇аад̣̇исасса д̣̇уб̣б̣алаж̇жхаасаяасса гим̣ убосат̇агаммзна, д̇вам̣ мама саггабхаавам̣ аж̇аананд̇о зл̣агамам̣сам̣ каад̣̇ид̇угаамо ахосий’’д̇и д̇ам̣ вихзтзд̇ваа г̇арахид̇ваа д̣̇звалогамзва г̇ад̇о.
Atīte bārāṇasiyaṃ brahmadatte rajjaṃ kārente bodhisatto sakko devarājā ahosi. Atheko vako gaṅgātīre pāsāṇapiṭṭhe vasati, atha gaṅgāya mahodakaṃ āgantvā taṃ pāsāṇaṃ parikkhipi. Vako abhiruhitvā pāsāṇapiṭṭhe nipajji, nevassa gocaro atthi, na gocarāya gamanamaggo, udakampi vaḍḍhateva. So cintesi – ‘‘mayhaṃ neva gocaro atthi, na gocarāya gamanamaggo, nikkammassa pana nipajjanato uposathakammaṃ vara’’nti manasāva uposathaṃ adhiṭṭhāya sīlāni samādiyitvā nipajji. Tadā sakko devarājā āvajjamāno tassa taṃ dubbalasamādānaṃ ñatvā ‘‘etaṃ vakaṃ viheṭhessāmī’’ti eḷakarūpena āgantvā tassa avidūre ṭhatvā attānaṃ dassesi. Vako taṃ disvā ‘‘aññasmiṃ divase uposathakammaṃ jānissāmī’’ti uṭṭhāya taṃ gaṇhituṃ pakkhandi. Eḷakopi ito cito ca pakkhanditvā attānaṃ gahetuṃ nādāsi. Vako taṃ gahetuṃ asakkonto nivattitvā āgamma ‘‘uposathakammaṃ tāva me na bhijjatī’’ti tattheva puna nipajji. Sakko sakkattabhāveneva ākāse ṭhatvā ‘‘tādisassa dubbalajjhāsayassa kiṃ uposathakammena, tvaṃ mama sakkabhāvaṃ ajānanto eḷakamaṃsaṃ khāditukāmo ahosī’’ti taṃ viheṭhetvā garahitvā devalokameva gato.
148.
148.
‘‘барабаан̣арод̇хаа ж̇ийванд̇о, мам̣салохид̇абхож̇ано;
‘‘Parapāṇarodhā jīvanto, maṃsalohitabhojano;
ваго вад̇ам̣ самаад̣̇ааяа, убабаж̇ж̇и убосат̇ам̣.
Vako vataṃ samādāya, upapajji uposathaṃ.
149.
149.
‘‘д̇асса сагго вад̇ан̃н̃ааяа, аж̇аруубзнубааг̇ами;
‘‘Tassa sakko vataññāya, ajarūpenupāgami;
вийд̇ад̇або аж̇жхаббад̇д̇о, бхан̃ж̇и лохид̇або д̇абам̣.
Vītatapo ajjhappatto, bhañji lohitapo tapaṃ.
150.
150.
‘‘звамзва ид̇хзгажжз, самаад̣̇аанамхи д̣̇уб̣б̣алаа;
‘‘Evameva idhekacce, samādānamhi dubbalā;
лахум̣ гаронд̇и ад̇д̇аанам̣, вагова аж̇агааран̣аа’’д̇и. –
Lahuṃ karonti attānaṃ, vakova ajakāraṇā’’ti. –
д̇иссоби абхисамб̣уд̣̇д̇хаг̇аат̇аава.
Tissopi abhisambuddhagāthāva.
д̇ад̇т̇а убабаж̇ж̇и убосат̇анд̇и убосат̇аваасам̣ убаг̇ад̇о. вад̇ан̃н̃ааяаад̇и д̇асса д̣̇уб̣б̣алавад̇ам̣ ан̃н̃ааяа. вийд̇ад̇або аж̇жхаббад̇д̇од̇и виг̇ад̇ад̇або худ̇ваа убаг̇ад̇о, д̇ам̣ каад̣̇ид̇ум̣ багканд̣̇ийд̇и ад̇т̇о. лохид̇абод̇и лохид̇абааяий. д̇абанд̇и д̇ам̣ ад̇д̇ано самаад̣̇аанад̇абам̣ бхинд̣̇и.
Tattha upapajji uposathanti uposathavāsaṃ upagato. Vataññāyāti tassa dubbalavataṃ aññāya. Vītatapo ajjhappattoti vigatatapo hutvā upagato, taṃ khādituṃ pakkhandīti attho. Lohitapoti lohitapāyī. Tapanti taṃ attano samādānatapaṃ bhindi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа сагго ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā sakko ahameva ahosi’’nti.
вагаж̇аад̇агаван̣н̣анаа д̣̇асамаа.
Vakajātakavaṇṇanā dasamā.
гумбхаваг̇г̇о бан̃жамо.
Kumbhavaggo pañcamo.
д̇ассуд̣̇д̣̇аанам̣ –
Tassuddānaṃ –
варагумбха субад̇д̇а сиривхаяано, сужисаммад̇а б̣инд̣̇усаро жусабхо;
Varakumbha supatta sirivhayano, sucisammata bindusaro cusabho;
сарид̇ам̣бад̇и жан̣д̣и ж̇араагабинаа, ат̇а маггадияаа вагагзна д̣̇асаад̇и.
Saritaṃpati caṇḍi jarākapinā, atha makkaṭiyā vakakena dasāti.
ат̇а ваг̇г̇уд̣̇д̣̇аанам̣ –
Atha vagguddānaṃ –
сан̇габбо бад̣̇умо жзва, уд̣̇абаанзна д̇ад̇ияам̣;
Saṅkappo padumo ceva, udapānena tatiyaṃ;
аб̣бханд̇арам̣ гхадабхзд̣̇ам̣, д̇иганибаад̇амхилан̇гад̇анд̇и.
Abbhantaraṃ ghaṭabhedaṃ, tikanipātamhilaṅkatanti.
д̇иганибаад̇аван̣н̣анаа нидтид̇аа.
Tikanipātavaṇṇanā niṭṭhitā.
(д̣̇уд̇ияо бхааг̇о нидтид̇о.)
(Dutiyo bhāgo niṭṭhito.)
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 300. вагаж̇аад̇агам̣ • 300. Vakajātakaṃ
