| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
5. ваггалисуд̇д̇ам̣
5. Vakkalisuttaṃ
87. згам̣ самаяам̣ бхаг̇аваа рааж̇аг̇ахз вихарад̇и взл̣уванз галанд̣̇аганиваабз. д̇зна ко бана самаязна ааяасмаа ваггали гумбхагааранивзсанз вихарад̇и ааб̣аад̇хиго д̣̇угкид̇о б̣аал̣хаг̇илаано. ат̇а ко ааяасмаа ваггали убадтаагз ааманд̇зси – ‘‘зт̇а д̇умхз, аавусо, язна бхаг̇аваа д̇знубасан̇гамат̇а; убасан̇гамид̇ваа мама важанзна бхаг̇авад̇о баад̣̇з сирасаа ванд̣̇ат̇а – ‘ваггали, бханд̇з, бхигку ааб̣аад̇хиго д̣̇угкид̇о б̣аал̣хаг̇илаано, со бхаг̇авад̇о баад̣̇з сирасаа ванд̣̇ад̇ий’д̇и. зван̃жа вад̣̇зт̇а – ‘саад̇ху гира, бханд̇з, бхаг̇аваа язна ваггали бхигку д̇знубасан̇гамад̇у; анугамбам̣ убаад̣̇ааяаа’’’д̇и. ‘‘звамаавусо’’д̇и ко д̇з бхигкуу ааяасмад̇о ваггалисса бадиссуд̇ваа язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇з бхигкуу бхаг̇аванд̇ам̣ зд̇ад̣̇авожум̣ – ‘‘ваггали, бханд̇з, бхигку ааб̣аад̇хиго д̣̇угкид̇о б̣аал̣хаг̇илаано, со бхаг̇авад̇о баад̣̇з сирасаа ванд̣̇ад̇и; зван̃жа бана вад̣̇зд̇и – ‘саад̇ху гира, бханд̇з, бхаг̇аваа язна ваггали бхигку д̇знубасан̇гамад̇у; анугамбам̣ убаад̣̇ааяаа’’’д̇и. ад̇хиваасзси бхаг̇аваа д̇ун̣хийбхаавзна.
87. Ekaṃ samayaṃ bhagavā rājagahe viharati veḷuvane kalandakanivāpe. Tena kho pana samayena āyasmā vakkali kumbhakāranivesane viharati ābādhiko dukkhito bāḷhagilāno. Atha kho āyasmā vakkali upaṭṭhāke āmantesi – ‘‘etha tumhe, āvuso, yena bhagavā tenupasaṅkamatha; upasaṅkamitvā mama vacanena bhagavato pāde sirasā vandatha – ‘vakkali, bhante, bhikkhu ābādhiko dukkhito bāḷhagilāno, so bhagavato pāde sirasā vandatī’ti. Evañca vadetha – ‘sādhu kira, bhante, bhagavā yena vakkali bhikkhu tenupasaṅkamatu; anukampaṃ upādāyā’’’ti. ‘‘Evamāvuso’’ti kho te bhikkhū āyasmato vakkalissa paṭissutvā yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho te bhikkhū bhagavantaṃ etadavocuṃ – ‘‘vakkali, bhante, bhikkhu ābādhiko dukkhito bāḷhagilāno, so bhagavato pāde sirasā vandati; evañca pana vadeti – ‘sādhu kira, bhante, bhagavā yena vakkali bhikkhu tenupasaṅkamatu; anukampaṃ upādāyā’’’ti. Adhivāsesi bhagavā tuṇhībhāvena.
ат̇а ко бхаг̇аваа ниваасзд̇ваа бад̇д̇ажийварамаад̣̇ааяа язнааяасмаа ваггали д̇знубасан̇гами. ад̣̇д̣̇асаа ко ааяасмаа ваггали бхаг̇аванд̇ам̣ д̣̇уурад̇ова ааг̇ажчанд̇ам̣. д̣̇исваана ман̃жагз самад̇хоси 1. ат̇а ко бхаг̇аваа ааяасманд̇ам̣ ваггалим̣ зд̇ад̣̇авожа – ‘‘алам̣, ваггали, маа д̇вам̣ ман̃жагз самад̇хоси. санд̇имаани аасанаани бан̃н̃ад̇д̇аани; д̇ад̇т̇аахам̣ нисийд̣̇иссаамий’’д̇и. нисийд̣̇и бхаг̇аваа бан̃н̃ад̇д̇з аасанз. нисаж̇ж̇а ко бхаг̇аваа ааяасманд̇ам̣ ваггалим̣ зд̇ад̣̇авожа – ‘‘гажжи д̇з, ваггали, каманийяам̣, гажжи яаабанийяам̣, гажжи д̣̇угкаа взд̣̇анаа бадиггаманд̇и, но абхиггаманд̇и; бадиггамосаанам̣ бан̃н̃ааяад̇и, но абхиггамо’’д̇и? ‘‘на мз, бханд̇з, каманийяам̣, на яаабанийяам̣; б̣аал̣хаа мз д̣̇угкаа взд̣̇анаа абхиггаманд̇и, но бадиггаманд̇и; абхиггамосаанам̣ бан̃н̃ааяад̇и, но бадиггамо’’д̇и. ‘‘гажжи д̇з, ваггали, на гин̃жи гуггужжам̣, на гожи виббадисааро’’д̇и? ‘‘д̇аг̇гха мз, бханд̇з, анаббагам̣ гуггужжам̣, анаббаго виббадисааро’’д̇и. ‘‘гажжи бана д̇ам̣, ваггали, ад̇д̇аа сийлад̇о на убавад̣̇ад̇ий’’д̇и? ‘‘на ко мам̣, бханд̇з, ад̇д̇аа сийлад̇о убавад̣̇ад̇ий’’д̇и. ‘‘но жз гира д̇ам̣, ваггали, ад̇д̇аа сийлад̇о убавад̣̇ад̇и; ат̇а гин̃жа д̇з гуггужжам̣ го жа виббадисааро’’д̇и? ‘‘жирабадигаахам̣, бханд̇з, бхаг̇аванд̇ам̣ д̣̇ассанааяа убасан̇гамид̇угаамо, над̇т̇и жа мз гааяасмим̣ д̇аавад̇игаа б̣аламад̇д̇аа, яаавад̇аахам̣ 2 бхаг̇аванд̇ам̣ д̣̇ассанааяа убасан̇гамзяяа’’нд̇и.
Atha kho bhagavā nivāsetvā pattacīvaramādāya yenāyasmā vakkali tenupasaṅkami. Addasā kho āyasmā vakkali bhagavantaṃ dūratova āgacchantaṃ. Disvāna mañcake samadhosi 3. Atha kho bhagavā āyasmantaṃ vakkaliṃ etadavoca – ‘‘alaṃ, vakkali, mā tvaṃ mañcake samadhosi. Santimāni āsanāni paññattāni; tatthāhaṃ nisīdissāmī’’ti. Nisīdi bhagavā paññatte āsane. Nisajja kho bhagavā āyasmantaṃ vakkaliṃ etadavoca – ‘‘kacci te, vakkali, khamanīyaṃ, kacci yāpanīyaṃ, kacci dukkhā vedanā paṭikkamanti, no abhikkamanti; paṭikkamosānaṃ paññāyati, no abhikkamo’’ti? ‘‘Na me, bhante, khamanīyaṃ, na yāpanīyaṃ; bāḷhā me dukkhā vedanā abhikkamanti, no paṭikkamanti; abhikkamosānaṃ paññāyati, no paṭikkamo’’ti. ‘‘Kacci te, vakkali, na kiñci kukkuccaṃ, na koci vippaṭisāro’’ti? ‘‘Taggha me, bhante, anappakaṃ kukkuccaṃ, anappako vippaṭisāro’’ti. ‘‘Kacci pana taṃ, vakkali, attā sīlato na upavadatī’’ti? ‘‘Na kho maṃ, bhante, attā sīlato upavadatī’’ti. ‘‘No ce kira taṃ, vakkali, attā sīlato upavadati; atha kiñca te kukkuccaṃ ko ca vippaṭisāro’’ti? ‘‘Cirapaṭikāhaṃ, bhante, bhagavantaṃ dassanāya upasaṅkamitukāmo, natthi ca me kāyasmiṃ tāvatikā balamattā, yāvatāhaṃ 4 bhagavantaṃ dassanāya upasaṅkameyya’’nti.
‘‘алам̣ , ваггали, гим̣ д̇з иминаа бууд̇игааязна д̣̇идтзна? яо ко, ваггали, д̇хаммам̣ бассад̇и со мам̣ бассад̇и; яо мам̣ бассад̇и со д̇хаммам̣ бассад̇и. д̇хамман̃хи, ваггали, бассанд̇о мам̣ бассад̇и; мам̣ бассанд̇о д̇хаммам̣ бассад̇и.
‘‘Alaṃ , vakkali, kiṃ te iminā pūtikāyena diṭṭhena? Yo kho, vakkali, dhammaṃ passati so maṃ passati; yo maṃ passati so dhammaṃ passati. Dhammañhi, vakkali, passanto maṃ passati; maṃ passanto dhammaṃ passati.
‘‘д̇ам̣ гим̣ ман̃н̃аси, ваггали, руубам̣ нижжам̣ ваа анижжам̣ ваа’’д̇и? ‘‘анижжам̣ , бханд̇з’’. ‘‘яам̣ банаанижжам̣ д̣̇угкам̣ ваа д̇ам̣ сукам̣ ваа’’д̇и? ‘‘д̣̇угкам̣, бханд̇з’’. ‘‘яам̣ банаанижжам̣ д̣̇угкам̣ вибарин̣аамад̇хаммам̣, галлам̣ ну д̇ам̣ саманубассид̇ум̣ – ‘зд̇ам̣ мама, зсохамасми, зсо мз ад̇д̇аа’’’д̇и? ‘‘но хзд̇ам̣, бханд̇з’’. ‘‘взд̣̇анаа… сан̃н̃аа… сан̇каараа… вин̃н̃аан̣ам̣ нижжам̣ ваа анижжам̣ ваа’’д̇и? ‘‘анижжам̣, бханд̇з’’…бз… зсо мз ад̇д̇аад̇и? ‘‘но хзд̇ам̣, бханд̇з’’. ‘‘д̇асмаад̇иха…бз… звам̣ бассам̣…бз… наабарам̣ ид̇т̇ад̇д̇ааяаад̇и баж̇аанаад̇ий’’д̇и.
‘‘Taṃ kiṃ maññasi, vakkali, rūpaṃ niccaṃ vā aniccaṃ vā’’ti? ‘‘Aniccaṃ , bhante’’. ‘‘Yaṃ panāniccaṃ dukkhaṃ vā taṃ sukhaṃ vā’’ti? ‘‘Dukkhaṃ, bhante’’. ‘‘Yaṃ panāniccaṃ dukkhaṃ vipariṇāmadhammaṃ, kallaṃ nu taṃ samanupassituṃ – ‘etaṃ mama, esohamasmi, eso me attā’’’ti? ‘‘No hetaṃ, bhante’’. ‘‘Vedanā… saññā… saṅkhārā… viññāṇaṃ niccaṃ vā aniccaṃ vā’’ti? ‘‘Aniccaṃ, bhante’’…pe… eso me attāti? ‘‘No hetaṃ, bhante’’. ‘‘Tasmātiha…pe… evaṃ passaṃ…pe… nāparaṃ itthattāyāti pajānātī’’ti.
ат̇а ко бхаг̇аваа ааяасманд̇ам̣ ваггалим̣ иминаа оваад̣̇зна овад̣̇ид̇ваа удтааяаасанаа язна г̇иж̇жхагуудо баб̣б̣ад̇о д̇зна баггаами. ат̇а ко ааяасмаа ваггали ажирабагганд̇асса бхаг̇авад̇о убадтаагз ааманд̇зси – ‘‘зт̇а мам̣, аавусо, ман̃жагам̣ ааробзд̇ваа язна исиг̇илибассам̣ гаал̣асилаа д̇знубасан̇гамат̇а. гат̇ан̃хи наама маад̣̇исо анд̇арагхарз гаалам̣ гад̇д̇аб̣б̣ам̣ ман̃н̃зяяаа’’д̇и? ‘‘звамаавусо’’д̇и ко д̇з бхигкуу ааяасмад̇о ваггалисса бадиссуд̇ваа ааяасманд̇ам̣ ваггалим̣ ман̃жагам̣ ааробзд̇ваа язна исиг̇илибассам̣ гаал̣асилаа д̇знубасан̇гамим̣су. ат̇а ко бхаг̇аваа д̇ан̃жа рад̇д̇им̣ д̇ан̃жа д̣̇иваавасзсам̣ г̇иж̇жхагуудз баб̣б̣ад̇з вихааси. ат̇а ко д̣̇вз д̣̇звад̇ааяо абхигганд̇ааяа рад̇д̇ияаа абхигганд̇аван̣н̣аа гзвалагаббам̣ г̇иж̇жхагуудам̣ обхаасзд̇ваа язна бхаг̇аваа д̇знубасан̇гамим̣су…бз… згаманд̇ам̣ адтам̣су. згаманд̇ам̣ тид̇аа ко згаа д̣̇звад̇аа бхаг̇аванд̇ам̣ зд̇ад̣̇авожа – ‘‘ваггали, бханд̇з, бхигку вимогкааяа жзд̇зд̇ий’’д̇и. абараа д̣̇звад̇аа бхаг̇аванд̇ам̣ зд̇ад̣̇авожа – ‘‘со хи нууна, бханд̇з, сувимуд̇д̇о вимужжиссад̇ий’’д̇и. ид̣̇амавожум̣ д̇аа д̣̇звад̇ааяо. ид̣̇ам̣ вад̇ваа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа д̇ад̇т̇званд̇арад̇хааяим̣су.
Atha kho bhagavā āyasmantaṃ vakkaliṃ iminā ovādena ovaditvā uṭṭhāyāsanā yena gijjhakūṭo pabbato tena pakkāmi. Atha kho āyasmā vakkali acirapakkantassa bhagavato upaṭṭhāke āmantesi – ‘‘etha maṃ, āvuso, mañcakaṃ āropetvā yena isigilipassaṃ kāḷasilā tenupasaṅkamatha. Kathañhi nāma mādiso antaraghare kālaṃ kattabbaṃ maññeyyā’’ti? ‘‘Evamāvuso’’ti kho te bhikkhū āyasmato vakkalissa paṭissutvā āyasmantaṃ vakkaliṃ mañcakaṃ āropetvā yena isigilipassaṃ kāḷasilā tenupasaṅkamiṃsu. Atha kho bhagavā tañca rattiṃ tañca divāvasesaṃ gijjhakūṭe pabbate vihāsi. Atha kho dve devatāyo abhikkantāya rattiyā abhikkantavaṇṇā kevalakappaṃ gijjhakūṭaṃ obhāsetvā yena bhagavā tenupasaṅkamiṃsu…pe… ekamantaṃ aṭṭhaṃsu. Ekamantaṃ ṭhitā kho ekā devatā bhagavantaṃ etadavoca – ‘‘vakkali, bhante, bhikkhu vimokkhāya cetetī’’ti. Aparā devatā bhagavantaṃ etadavoca – ‘‘so hi nūna, bhante, suvimutto vimuccissatī’’ti. Idamavocuṃ tā devatāyo. Idaṃ vatvā bhagavantaṃ abhivādetvā padakkhiṇaṃ katvā tatthevantaradhāyiṃsu.
ат̇а ко бхаг̇аваа д̇ассаа рад̇д̇ияаа ажжаязна бхигкуу ааманд̇зси – ‘‘зт̇а д̇умхз, бхигкавз, язна ваггали бхигку д̇знубасан̇гамат̇а; убасан̇гамид̇ваа ваггалим̣ бхигкум̣ звам̣ вад̣̇зт̇а –
Atha kho bhagavā tassā rattiyā accayena bhikkhū āmantesi – ‘‘etha tumhe, bhikkhave, yena vakkali bhikkhu tenupasaṅkamatha; upasaṅkamitvā vakkaliṃ bhikkhuṃ evaṃ vadetha –
‘‘‘сун̣аавусо д̇вам̣, ваггали, бхаг̇авад̇о важанам̣ д̣̇виннан̃жа д̣̇звад̇аанам̣. имам̣, аавусо, рад̇д̇им̣ д̣̇вз д̣̇звад̇ааяо абхигганд̇ааяа рад̇д̇ияаа абхигганд̇аван̣н̣аа гзвалагаббам̣ г̇иж̇жхагуудам̣ обхаасзд̇ваа язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтам̣су. згаманд̇ам̣ тид̇аа ко, аавусо, згаа д̣̇звад̇аа бхаг̇аванд̇ам̣ зд̇ад̣̇авожа – ваггали, бханд̇з, бхигку вимогкааяа жзд̇зд̇ийд̇и. абараа д̣̇звад̇аа бхаг̇аванд̇ам̣ зд̇ад̣̇авожа – со хи нууна, бханд̇з, сувимуд̇д̇о вимужжиссад̇ийд̇и. бхаг̇аваа жа д̇ам̣, аавусо ваггали, звамааха – маа бхааяи, ваггали; маа бхааяи, ваггали! абаабагам̣ д̇з маран̣ам̣ бхависсад̇и, абаабигаа гаалагирияаа’’’д̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бадиссуд̇ваа язнааяасмаа ваггали д̇знубасан̇гамим̣су; убасан̇гамид̇ваа ааяасманд̇ам̣ ваггалим̣ зд̇ад̣̇авожум̣ – ‘‘сун̣аавусо ваггали, бхаг̇авад̇о важанам̣ д̣̇виннан̃жа д̣̇звад̇аана’’нд̇и.
‘‘‘Suṇāvuso tvaṃ, vakkali, bhagavato vacanaṃ dvinnañca devatānaṃ. Imaṃ, āvuso, rattiṃ dve devatāyo abhikkantāya rattiyā abhikkantavaṇṇā kevalakappaṃ gijjhakūṭaṃ obhāsetvā yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ aṭṭhaṃsu. Ekamantaṃ ṭhitā kho, āvuso, ekā devatā bhagavantaṃ etadavoca – vakkali, bhante, bhikkhu vimokkhāya cetetīti. Aparā devatā bhagavantaṃ etadavoca – so hi nūna, bhante, suvimutto vimuccissatīti. Bhagavā ca taṃ, āvuso vakkali, evamāha – mā bhāyi, vakkali; mā bhāyi, vakkali! Apāpakaṃ te maraṇaṃ bhavissati, apāpikā kālakiriyā’’’ti. ‘‘Evaṃ, bhante’’ti kho te bhikkhū bhagavato paṭissutvā yenāyasmā vakkali tenupasaṅkamiṃsu; upasaṅkamitvā āyasmantaṃ vakkaliṃ etadavocuṃ – ‘‘suṇāvuso vakkali, bhagavato vacanaṃ dvinnañca devatāna’’nti.
ат̇а ко ааяасмаа ваггали убадтаагз ааманд̇зси – ‘‘зт̇а мам̣, аавусо, ман̃жагаа оробзт̇а. гат̇ан̃хи наама маад̣̇исо ужжз аасанз нисийд̣̇ид̇ваа д̇асса бхаг̇авад̇о саасанам̣ сод̇аб̣б̣ам̣ ман̃н̃зяяаа’’д̇и! ‘‘звамаавусо’’д̇и ко д̇з бхигкуу ааяасмад̇о ваггалисса бадиссуд̇ваа ааяасманд̇ам̣ ваггалим̣ ман̃жагаа оробзсум̣. ‘‘имам̣, аавусо, рад̇д̇им̣ д̣̇вз д̣̇звад̇ааяо абхигганд̇ааяа рад̇д̇ияаа…бз… згаманд̇ам̣ адтам̣су. згаманд̇ам̣ тид̇аа ко, аавусо, згаа д̣̇звад̇аа бхаг̇аванд̇ам̣ зд̇ад̣̇авожа – ‘ваггали, бханд̇з, бхигку вимогкааяа жзд̇зд̇ий’д̇и. абараа д̣̇звад̇аа бхаг̇аванд̇ам̣ зд̇ад̣̇авожа – ‘со хи нууна, бханд̇з, сувимуд̇д̇о вимужжиссад̇ий’д̇и. бхаг̇аваа жа д̇ам̣, аавусо ваггали, звамааха – ‘маа бхааяи, ваггали; маа бхааяи, ваггали! абаабагам̣ д̇з маран̣ам̣ бхависсад̇и, абаабигаа гаалагирияаа’’’д̇и. ‘‘д̇зна хаавусо, мама важанзна бхаг̇авад̇о баад̣̇з сирасаа ванд̣̇ат̇а – ‘ваггали, бханд̇з, бхигку ааб̣аад̇хиго д̣̇угкид̇о б̣аал̣хаг̇илаано. со бхаг̇авад̇о баад̣̇з сирасаа ванд̣̇ад̇ий’д̇и. зван̃жа вад̣̇зт̇а – ‘руубам̣ анижжам̣. д̇аахам̣, бханд̇з, на ган̇каами. яад̣̇анижжам̣ д̇ам̣ д̣̇угканд̇и на вижигижчаами. яад̣̇анижжам̣ д̣̇угкам̣ вибарин̣аамад̇хаммам̣, над̇т̇и мз д̇ад̇т̇а чанд̣̇о ваа рааг̇о ваа бзмам̣ ваад̇и на вижигижчаами. взд̣̇анаа анижжаа. д̇аахам̣, бханд̇з, на ган̇каами . яад̣̇анижжам̣ д̇ам̣ д̣̇угканд̇и на вижигижчаами. яад̣̇анижжам̣ д̣̇угкам̣ вибарин̣аамад̇хаммам̣, над̇т̇и мз д̇ад̇т̇а чанд̣̇о ваа рааг̇о ваа бзмам̣ ваад̇и на вижигижчаами. сан̃н̃аа… сан̇каараа анижжаа. д̇аахам̣, бханд̇з, на ган̇каами. яад̣̇анижжам̣ д̇ам̣ д̣̇угканд̇и на вижигижчаами. яад̣̇анижжам̣ д̣̇угкам̣ вибарин̣аамад̇хаммам̣, над̇т̇и мз д̇ад̇т̇а чанд̣̇о ваа рааг̇о ваа бзмам̣ ваад̇и на вижигижчаами. вин̃н̃аан̣ам̣ анижжам̣. д̇аахам̣, бханд̇з, на ган̇каами. яад̣̇анижжам̣ д̇ам̣ д̣̇угканд̇и на вижигижчаами. яад̣̇анижжам̣ д̣̇угкам̣ вибарин̣аамад̇хаммам̣, над̇т̇и мз д̇ад̇т̇а чанд̣̇о ваа рааг̇о ваа бзмам̣ ваад̇и на вижигижчаамий’’’д̇и. ‘‘звамаавусо’’д̇и ко д̇з бхигкуу ааяасмад̇о ваггалисса бадиссуд̇ваа баггамим̣су. ат̇а ко ааяасмаа ваггали ажирабагганд̇зсу д̇зсу бхигкуусу сад̇т̇ам̣ аахарзси.
Atha kho āyasmā vakkali upaṭṭhāke āmantesi – ‘‘etha maṃ, āvuso, mañcakā oropetha. Kathañhi nāma mādiso ucce āsane nisīditvā tassa bhagavato sāsanaṃ sotabbaṃ maññeyyā’’ti! ‘‘Evamāvuso’’ti kho te bhikkhū āyasmato vakkalissa paṭissutvā āyasmantaṃ vakkaliṃ mañcakā oropesuṃ. ‘‘Imaṃ, āvuso, rattiṃ dve devatāyo abhikkantāya rattiyā…pe… ekamantaṃ aṭṭhaṃsu. Ekamantaṃ ṭhitā kho, āvuso, ekā devatā bhagavantaṃ etadavoca – ‘vakkali, bhante, bhikkhu vimokkhāya cetetī’ti. Aparā devatā bhagavantaṃ etadavoca – ‘so hi nūna, bhante, suvimutto vimuccissatī’ti. Bhagavā ca taṃ, āvuso vakkali, evamāha – ‘mā bhāyi, vakkali; mā bhāyi, vakkali! Apāpakaṃ te maraṇaṃ bhavissati, apāpikā kālakiriyā’’’ti. ‘‘Tena hāvuso, mama vacanena bhagavato pāde sirasā vandatha – ‘vakkali, bhante, bhikkhu ābādhiko dukkhito bāḷhagilāno. So bhagavato pāde sirasā vandatī’ti. Evañca vadetha – ‘rūpaṃ aniccaṃ. Tāhaṃ, bhante, na kaṅkhāmi. Yadaniccaṃ taṃ dukkhanti na vicikicchāmi. Yadaniccaṃ dukkhaṃ vipariṇāmadhammaṃ, natthi me tattha chando vā rāgo vā pemaṃ vāti na vicikicchāmi. Vedanā aniccā. Tāhaṃ, bhante, na kaṅkhāmi . Yadaniccaṃ taṃ dukkhanti na vicikicchāmi. Yadaniccaṃ dukkhaṃ vipariṇāmadhammaṃ, natthi me tattha chando vā rāgo vā pemaṃ vāti na vicikicchāmi. Saññā… saṅkhārā aniccā. Tāhaṃ, bhante, na kaṅkhāmi. Yadaniccaṃ taṃ dukkhanti na vicikicchāmi. Yadaniccaṃ dukkhaṃ vipariṇāmadhammaṃ, natthi me tattha chando vā rāgo vā pemaṃ vāti na vicikicchāmi. Viññāṇaṃ aniccaṃ. Tāhaṃ, bhante, na kaṅkhāmi. Yadaniccaṃ taṃ dukkhanti na vicikicchāmi. Yadaniccaṃ dukkhaṃ vipariṇāmadhammaṃ, natthi me tattha chando vā rāgo vā pemaṃ vāti na vicikicchāmī’’’ti. ‘‘Evamāvuso’’ti kho te bhikkhū āyasmato vakkalissa paṭissutvā pakkamiṃsu. Atha kho āyasmā vakkali acirapakkantesu tesu bhikkhūsu satthaṃ āharesi.
ат̇а ко д̇з бхигкуу язна бхаг̇аваа д̇знубасан̇гамим̣су; убасан̇гамид̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇з бхигкуу бхаг̇аванд̇ам̣ зд̇ад̣̇авожум̣ – ‘‘ваггали, бханд̇з, бхигку ааб̣аад̇хиго д̣̇угкид̇о б̣аал̣хаг̇илаано; со бхаг̇авад̇о баад̣̇з сирасаа ванд̣̇ад̇и; зван̃жа вад̣̇зд̇и – ‘руубам̣ анижжам̣. д̇аахам̣, бханд̇з, на ган̇каами. яад̣̇анижжам̣ д̇ам̣ д̣̇угканд̇и на вижигижчаами. яад̣̇анижжам̣ д̣̇угкам̣ вибарин̣аамад̇хаммам̣, над̇т̇и мз д̇ад̇т̇а чанд̣̇о ваа рааг̇о ваа бзмам̣ ваад̇и на вижигижчаами. взд̣̇анаа… сан̃н̃аа… сан̇каараа … вин̃н̃аан̣ам̣ анижжам̣. д̇аахам̣, бханд̇з, на ган̇каами. яад̣̇анижжам̣ д̇ам̣ д̣̇угканд̇и на вижигижчаами. яад̣̇анижжам̣ д̣̇угкам̣ вибарин̣аамад̇хаммам̣, над̇т̇и мз д̇ад̇т̇а чанд̣̇о ваа рааг̇о ваа бзмам̣ ваад̇и на вижигижчаамий’’’д̇и.
Atha kho te bhikkhū yena bhagavā tenupasaṅkamiṃsu; upasaṅkamitvā ekamantaṃ nisīdiṃsu. Ekamantaṃ nisinnā kho te bhikkhū bhagavantaṃ etadavocuṃ – ‘‘vakkali, bhante, bhikkhu ābādhiko dukkhito bāḷhagilāno; so bhagavato pāde sirasā vandati; evañca vadeti – ‘rūpaṃ aniccaṃ. Tāhaṃ, bhante, na kaṅkhāmi. Yadaniccaṃ taṃ dukkhanti na vicikicchāmi. Yadaniccaṃ dukkhaṃ vipariṇāmadhammaṃ, natthi me tattha chando vā rāgo vā pemaṃ vāti na vicikicchāmi. Vedanā… saññā… saṅkhārā … viññāṇaṃ aniccaṃ. Tāhaṃ, bhante, na kaṅkhāmi. Yadaniccaṃ taṃ dukkhanti na vicikicchāmi. Yadaniccaṃ dukkhaṃ vipariṇāmadhammaṃ, natthi me tattha chando vā rāgo vā pemaṃ vāti na vicikicchāmī’’’ti.
ат̇а ко бхаг̇аваа бхигкуу ааманд̇зси – ‘‘ааяаама, бхигкавз, язна исиг̇илибассам̣ гаал̣асилаа д̇знубасан̇гамиссаама; яад̇т̇а ваггалинаа гулабуд̇д̇зна сад̇т̇амаахарид̇а’’нд̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бажжассосум̣. ат̇а ко бхаг̇аваа самб̣ахулзхи бхигкуухи сад̣̇д̇хим̣ язна исиг̇илибассам̣ гаал̣асилаа д̇знубасан̇гами. ад̣̇д̣̇асаа ко бхаг̇аваа ааяасманд̇ам̣ ваггалим̣ д̣̇уурад̇ова ман̃жагз вивад̇д̇агканд̇хам̣ сзмаанам̣.
Atha kho bhagavā bhikkhū āmantesi – ‘‘āyāma, bhikkhave, yena isigilipassaṃ kāḷasilā tenupasaṅkamissāma; yattha vakkalinā kulaputtena satthamāharita’’nti. ‘‘Evaṃ, bhante’’ti kho te bhikkhū bhagavato paccassosuṃ. Atha kho bhagavā sambahulehi bhikkhūhi saddhiṃ yena isigilipassaṃ kāḷasilā tenupasaṅkami. Addasā kho bhagavā āyasmantaṃ vakkaliṃ dūratova mañcake vivattakkhandhaṃ semānaṃ.
д̇зна ко бана самаязна д̇хуумааяид̇ад̇д̇ам̣ д̇имирааяид̇ад̇д̇ам̣ г̇ажчад̇зва буримам̣ д̣̇исам̣, г̇ажчад̇и бажчимам̣ д̣̇исам̣, г̇ажчад̇и уд̇д̇арам̣ д̣̇исам̣, г̇ажчад̇и д̣̇агкин̣ам̣ д̣̇исам̣, г̇ажчад̇и уд̣̇д̇хам̣ д̣̇исам̣, г̇ажчад̇и ад̇хо д̣̇исам̣, г̇ажчад̇и ануд̣̇исам̣. ат̇а ко бхаг̇аваа бхигкуу ааманд̇зси – ‘‘бассат̇а но д̇умхз, бхигкавз, зд̇ам̣ д̇хуумааяид̇ад̇д̇ам̣ д̇имирааяид̇ад̇д̇ам̣ г̇ажчад̇зва буримам̣ д̣̇исам̣…бз… г̇ажчад̇и ануд̣̇иса’’нд̇и. ‘‘звам̣, бханд̇з’’. ‘‘зсо ко, бхигкавз, мааро баабимаа ваггалисса гулабуд̇д̇асса вин̃н̃аан̣ам̣ саманвзсад̇и 5 – ‘гад̇т̇а ваггалисса гулабуд̇д̇асса вин̃н̃аан̣ам̣ бад̇идтид̇а’нд̇и? аббад̇идтид̇зна жа, бхигкавз, вин̃н̃аан̣зна ваггали гулабуд̇д̇о бариниб̣б̣уд̇о’’д̇и. бан̃жамам̣.
Tena kho pana samayena dhūmāyitattaṃ timirāyitattaṃ gacchateva purimaṃ disaṃ, gacchati pacchimaṃ disaṃ, gacchati uttaraṃ disaṃ, gacchati dakkhiṇaṃ disaṃ, gacchati uddhaṃ disaṃ, gacchati adho disaṃ, gacchati anudisaṃ. Atha kho bhagavā bhikkhū āmantesi – ‘‘passatha no tumhe, bhikkhave, etaṃ dhūmāyitattaṃ timirāyitattaṃ gacchateva purimaṃ disaṃ…pe… gacchati anudisa’’nti. ‘‘Evaṃ, bhante’’. ‘‘Eso kho, bhikkhave, māro pāpimā vakkalissa kulaputtassa viññāṇaṃ samanvesati 6 – ‘kattha vakkalissa kulaputtassa viññāṇaṃ patiṭṭhita’nti? Appatiṭṭhitena ca, bhikkhave, viññāṇena vakkali kulaputto parinibbuto’’ti. Pañcamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. ваггалисуд̇д̇аван̣н̣анаа • 5. Vakkalisuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. ваггалисуд̇д̇аван̣н̣анаа • 5. Vakkalisuttavaṇṇanā
