| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৫. ৰক্কলিসুত্তৰণ্ণনা
5. Vakkalisuttavaṇṇanā
৮৭. নগরমজ্ঝে মহাআবাধো উপ্পজ্জীতি নগরমজ্ঝেন আগচ্ছন্তো কম্মসমুট্ঠানো মহন্তো আবাধো উপ্পজ্জতি। সমন্ততো অধোসীতি সব্বভাগেন পরিপ্ফন্দি। ইরিযাপথং যাপেতুন্তি সযননিসজ্জাদিভেদং ইরিযাপথং পৰত্তেতুং। নিৰত্তন্তীতি ওসক্কন্তি, পরিহাযন্তীতি অত্থো। অধিগচ্ছন্তীতি ৰড্ঢন্তি। সত্থু গুণসরীরং নাম নৰৰিধলোকুত্তরধম্মাধিগমমূলন্তি কত্ৰা ৰুত্তং ‘‘নৰৰিধো হি…পে॰… কাযো নামা’’তি, যথা সত্তানং কাযো পটিসন্ধিমূলকো।
87.Nagaramajjhe mahāābādho uppajjīti nagaramajjhena āgacchanto kammasamuṭṭhāno mahanto ābādho uppajjati. Samantato adhosīti sabbabhāgena paripphandi. Iriyāpathaṃ yāpetunti sayananisajjādibhedaṃ iriyāpathaṃ pavattetuṃ. Nivattantīti osakkanti, parihāyantīti attho. Adhigacchantīti vaḍḍhanti. Satthu guṇasarīraṃ nāma navavidhalokuttaradhammādhigamamūlanti katvā vuttaṃ ‘‘navavidho hi…pe… kāyo nāmā’’ti, yathā sattānaṃ kāyo paṭisandhimūlako.
কাল়সিলাযং কতৰিহারো কাল়সিলাৰিহারো। মগ্গৰিমোক্খত্থাযাতি অগ্গমগ্গৰিমোক্খাধিগমায। দেৰতাতি সুদ্ধাৰাসদেৰতা। অলামকং নাম পুথুজ্জনকালকিরিযায অভাৰতো। তেনাহ ‘‘থেরো কিরা’’তিআদি । একং দ্ৰে ঞাণানীতি একং দ্ৰে পচ্চৰেক্খণঞাণানি সভাৰতো অৰস্সং উপ্পজ্জন্তি, অযং ধম্মতা। মগ্গফলনিব্বানপচ্চৰেক্খণানি তংতংমগ্গৰুট্ঠানে উপ্পজ্জন্তি এৰ। একং দ্ৰেতি ৰচনং উপ্পন্নভাৰদস্সনত্থং ৰুত্তং।
Kāḷasilāyaṃ katavihāro kāḷasilāvihāro. Maggavimokkhatthāyāti aggamaggavimokkhādhigamāya. Devatāti suddhāvāsadevatā. Alāmakaṃ nāma puthujjanakālakiriyāya abhāvato. Tenāha ‘‘thero kirā’’tiādi . Ekaṃ dve ñāṇānīti ekaṃ dve paccavekkhaṇañāṇāni sabhāvato avassaṃ uppajjanti, ayaṃ dhammatā. Maggaphalanibbānapaccavekkhaṇāni taṃtaṃmaggavuṭṭhāne uppajjanti eva. Ekaṃ dveti vacanaṃ uppannabhāvadassanatthaṃ vuttaṃ.
ধূমাযনভাৰো ধূমাকারতা, তথা তিমিরাযনভাৰো।
Dhūmāyanabhāvo dhūmākāratā, tathā timirāyanabhāvo.
ৰক্কলিসুত্তৰণ্ণনা নিট্ঠিতা।
Vakkalisuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৫. ৰক্কলিসুত্তং • 5. Vakkalisuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৫. ৰক্কলিসুত্তৰণ্ণনা • 5. Vakkalisuttavaṇṇanā
