| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
5. ваггалисуд̇д̇аван̣н̣анаа
5. Vakkalisuttavaṇṇanā
87. наг̇арамаж̇жхз махааааб̣аад̇хо уббаж̇ж̇ийд̇и наг̇арамаж̇жхзна ааг̇ажчанд̇о гаммасамудтаано маханд̇о ааб̣аад̇хо уббаж̇ж̇ад̇и. саманд̇ад̇о ад̇хосийд̇и саб̣б̣абхааг̇зна барибпанд̣̇и. ирияаабат̇ам̣ яаабзд̇унд̇и саяананисаж̇ж̇аад̣̇ибхзд̣̇ам̣ ирияаабат̇ам̣ бавад̇д̇зд̇ум̣. нивад̇д̇анд̇ийд̇и осагганд̇и, барихааяанд̇ийд̇и ад̇т̇о. ад̇хиг̇ажчанд̇ийд̇и вад̣дханд̇и. сад̇т̇у г̇ун̣асарийрам̣ наама нававид̇халогуд̇д̇арад̇хаммаад̇хиг̇амамууланд̇и гад̇ваа вуд̇д̇ам̣ ‘‘нававид̇хо хи…бз… гааяо наамаа’’д̇и, яат̇аа сад̇д̇аанам̣ гааяо бадисанд̇химуулаго.
87.Nagaramajjhe mahāābādho uppajjīti nagaramajjhena āgacchanto kammasamuṭṭhāno mahanto ābādho uppajjati. Samantato adhosīti sabbabhāgena paripphandi. Iriyāpathaṃ yāpetunti sayananisajjādibhedaṃ iriyāpathaṃ pavattetuṃ. Nivattantīti osakkanti, parihāyantīti attho. Adhigacchantīti vaḍḍhanti. Satthu guṇasarīraṃ nāma navavidhalokuttaradhammādhigamamūlanti katvā vuttaṃ ‘‘navavidho hi…pe… kāyo nāmā’’ti, yathā sattānaṃ kāyo paṭisandhimūlako.
гаал̣асилааяам̣ гад̇авихааро гаал̣асилаавихааро. маг̇г̇авимогкад̇т̇ааяаад̇и аг̇г̇амаг̇г̇авимогкаад̇хиг̇амааяа. д̣̇звад̇аад̇и суд̣̇д̇хааваасад̣̇звад̇аа. алаамагам̣ наама бут̇уж̇ж̇анагаалагирияааяа абхаавад̇о. д̇знааха ‘‘т̇зро гираа’’д̇иаад̣̇и . згам̣ д̣̇вз н̃аан̣аанийд̇и згам̣ д̣̇вз бажжавзгкан̣ан̃аан̣аани сабхаавад̇о авассам̣ уббаж̇ж̇анд̇и, аяам̣ д̇хаммад̇аа. маг̇г̇апаланиб̣б̣аанабажжавзгкан̣аани д̇ам̣д̇ам̣маг̇г̇авудтаанз уббаж̇ж̇анд̇и зва. згам̣ д̣̇взд̇и важанам̣ уббаннабхаавад̣̇ассанад̇т̇ам̣ вуд̇д̇ам̣.
Kāḷasilāyaṃ katavihāro kāḷasilāvihāro. Maggavimokkhatthāyāti aggamaggavimokkhādhigamāya. Devatāti suddhāvāsadevatā. Alāmakaṃ nāma puthujjanakālakiriyāya abhāvato. Tenāha ‘‘thero kirā’’tiādi . Ekaṃ dve ñāṇānīti ekaṃ dve paccavekkhaṇañāṇāni sabhāvato avassaṃ uppajjanti, ayaṃ dhammatā. Maggaphalanibbānapaccavekkhaṇāni taṃtaṃmaggavuṭṭhāne uppajjanti eva. Ekaṃ dveti vacanaṃ uppannabhāvadassanatthaṃ vuttaṃ.
д̇хуумааяанабхааво д̇хуумаагаарад̇аа, д̇ат̇аа д̇имирааяанабхааво.
Dhūmāyanabhāvo dhūmākāratā, tathā timirāyanabhāvo.
ваггалисуд̇д̇аван̣н̣анаа нидтид̇аа.
Vakkalisuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. ваггалисуд̇д̇ам̣ • 5. Vakkalisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. ваггалисуд̇д̇аван̣н̣анаа • 5. Vakkalisuttavaṇṇanā
