| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๕. วกฺกลิสุตฺตวณฺณนา
5. Vakkalisuttavaṇṇanā
๘๗. นครมเชฺฌ มหาอาพาโธ อุปฺปชฺชีติ นครมเชฺฌน อาคจฺฉโนฺต กมฺมสมุฎฺฐาโน มหโนฺต อาพาโธ อุปฺปชฺชติฯ สมนฺตโต อโธสีติ สพฺพภาเคน ปริปฺผนฺทิฯ อิริยาปถํ ยาเปตุนฺติ สยนนิสชฺชาทิเภทํ อิริยาปถํ ปวเตฺตตุํฯ นิวตฺตนฺตีติ โอสกฺกนฺติ, ปริหายนฺตีติ อโตฺถฯ อธิคจฺฉนฺตีติ วฑฺฒนฺติฯ สตฺถุ คุณสรีรํ นาม นววิธโลกุตฺตรธมฺมาธิคมมูลนฺติ กตฺวา วุตฺตํ ‘‘นววิโธ หิ…เป.… กาโย นามา’’ติ, ยถา สตฺตานํ กาโย ปฎิสนฺธิมูลโกฯ
87.Nagaramajjhe mahāābādho uppajjīti nagaramajjhena āgacchanto kammasamuṭṭhāno mahanto ābādho uppajjati. Samantato adhosīti sabbabhāgena paripphandi. Iriyāpathaṃ yāpetunti sayananisajjādibhedaṃ iriyāpathaṃ pavattetuṃ. Nivattantīti osakkanti, parihāyantīti attho. Adhigacchantīti vaḍḍhanti. Satthu guṇasarīraṃ nāma navavidhalokuttaradhammādhigamamūlanti katvā vuttaṃ ‘‘navavidho hi…pe… kāyo nāmā’’ti, yathā sattānaṃ kāyo paṭisandhimūlako.
กาฬสิลายํ กตวิหาโร กาฬสิลาวิหาโรฯ มคฺควิโมกฺขตฺถายาติ อคฺคมคฺควิโมกฺขาธิคมายฯ เทวตาติ สุทฺธาวาสเทวตาฯ อลามกํ นาม ปุถุชฺชนกาลกิริยาย อภาวโตฯ เตนาห ‘‘เถโร กิรา’’ติอาทิ ฯ เอกํ เทฺว ญาณานีติ เอกํ เทฺว ปจฺจเวกฺขณญาณานิ สภาวโต อวสฺสํ อุปฺปชฺชนฺติ, อยํ ธมฺมตาฯ มคฺคผลนิพฺพานปจฺจเวกฺขณานิ ตํตํมคฺควุฎฺฐาเน อุปฺปชฺชนฺติ เอวฯ เอกํ เทฺวติ วจนํ อุปฺปนฺนภาวทสฺสนตฺถํ วุตฺตํฯ
Kāḷasilāyaṃ katavihāro kāḷasilāvihāro. Maggavimokkhatthāyāti aggamaggavimokkhādhigamāya. Devatāti suddhāvāsadevatā. Alāmakaṃ nāma puthujjanakālakiriyāya abhāvato. Tenāha ‘‘thero kirā’’tiādi . Ekaṃ dve ñāṇānīti ekaṃ dve paccavekkhaṇañāṇāni sabhāvato avassaṃ uppajjanti, ayaṃ dhammatā. Maggaphalanibbānapaccavekkhaṇāni taṃtaṃmaggavuṭṭhāne uppajjanti eva. Ekaṃ dveti vacanaṃ uppannabhāvadassanatthaṃ vuttaṃ.
ธูมายนภาโว ธูมาการตา, ตถา ติมิรายนภาโวฯ
Dhūmāyanabhāvo dhūmākāratā, tathā timirāyanabhāvo.
วกฺกลิสุตฺตวณฺณนา นิฎฺฐิตาฯ
Vakkalisuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๕. วกฺกลิสุตฺตํ • 5. Vakkalisuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๕. วกฺกลิสุตฺตวณฺณนา • 5. Vakkalisuttavaṇṇanā
