| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
2. ваггалид̇т̇зраабад̣̇аанаван̣н̣анаа
2. Vakkalittheraapadānavaṇṇanā
д̣̇уд̇ияаабад̣̇аанз ид̇о сад̇асахассамхийд̇иаад̣̇игам̣ ааяасмад̇о ваггалид̇т̇зрасса абад̣̇аанам̣. аяамби т̇зро буримаж̇инаварзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о бад̣̇умуд̇д̇арасса бхаг̇авад̇о гаалз хам̣савад̇ийнаг̇арз гулаг̇зхз ниб̣б̣ад̇д̇о вин̃н̃уд̇ам̣ бад̇д̇о сад̇т̇у санд̇игам̣ г̇ажчанд̇зхи убаасагзхи сад̣̇д̇хим̣ вихаарам̣ г̇анд̇ваа барисабарияанд̇з тид̇о д̇хаммам̣ сун̣анд̇о сад̇т̇аараа згам̣ бхигкум̣ сад̣̇д̇хаад̇химуд̇д̇аанам̣ аг̇г̇адтаанз табид̇ам̣ д̣̇исваа саяамби д̇ам̣ таананд̇арам̣ бад̇т̇знд̇о сад̇д̇аахам̣ б̣уд̣̇д̇хаббамукасса бхигкусан̇гхасса махаад̣̇аанам̣ д̣̇ад̇ваа бан̣ид̇хаанам̣ агааси. сад̇т̇аа д̇асса ананд̇арааяам̣ д̣̇исваа б̣яаагари.
Dutiyāpadāne ito satasahassamhītiādikaṃ āyasmato vakkalittherassa apadānaṃ. Ayampi thero purimajinavaresu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle haṃsavatīnagare kulagehe nibbatto viññutaṃ patto satthu santikaṃ gacchantehi upāsakehi saddhiṃ vihāraṃ gantvā parisapariyante ṭhito dhammaṃ suṇanto satthārā ekaṃ bhikkhuṃ saddhādhimuttānaṃ aggaṭṭhāne ṭhapitaṃ disvā sayampi taṃ ṭhānantaraṃ patthento sattāhaṃ buddhappamukhassa bhikkhusaṅghassa mahādānaṃ datvā paṇidhānaṃ akāsi. Satthā tassa anantarāyaṃ disvā byākari.
со яааваж̇ийвам̣ гусалам̣ гад̇ваа д̣̇звамануссзсу сам̣саранд̇о амхаагам̣ бхаг̇авад̇о гаалз саавад̇т̇ияам̣ б̣раахман̣агулз ниб̣б̣ад̇д̇и, д̇асса ваггалийд̇и наамам̣ гарим̣су. д̇ад̇т̇а галийд̇и абараад̇хад̇илагаал̣агаад̣̇ид̣̇осасса ад̇хиважанам̣. нид̣̇д̇ханд̇асуван̣н̣абин̣д̣асад̣̇исад̇ааяа абаг̇ад̇о б̣яабаг̇ад̇о гали д̣̇осо ассаад̇и ва-гаарааг̇амам̣ гад̇ваа ваггалийд̇и вужжад̇и. со вуд̣̇д̇хиббад̇д̇о д̇аяо взд̣̇з уг̇г̇ан̣хид̇ваа б̣раахман̣асиббзсу нибпад̇д̇им̣ г̇ад̇о, сад̇т̇аарам̣ д̣̇исваа руубагааяасамбад̇д̇ид̣̇ассанзна ад̇ид̇д̇о сад̇т̇аараа сад̣̇д̇хим̣язва вижарад̇и. ‘‘аг̇аарамаж̇жхз васанд̇о нижжагаалам̣ сад̇т̇у д̣̇ассанам̣ на лабхиссаамий’’д̇и сад̇т̇у санд̇игз баб̣б̣аж̇ид̇ваа табзд̇ваа бхож̇анагаалам̣ сарийрагижжагаалан̃жа сзсагаалз яад̇т̇а тид̇зна саггаа д̣̇асаб̣алам̣ бассид̇ум̣, д̇ад̇т̇а тид̇о ан̃н̃ам̣ гижжам̣ бахааяа бхаг̇аванд̇ам̣ ологзнд̇оязва вихарад̇и. сад̇т̇аа д̇асса н̃аан̣абарибаагам̣ ааг̇амзнд̇о б̣ахугаалам̣ д̇асмим̣ руубад̣̇ассанзнзва вижаранд̇з гин̃жи авад̇ваа бунзгад̣̇ивасам̣ – ‘‘гим̣ д̇з, ваггали, иминаа бууд̇игааязна д̣̇идтзна? яо ко, ваггали, д̇хаммам̣ бассад̇и, со мам̣ бассад̇и; яо мам̣ бассад̇и, со д̇хаммам̣ бассад̇и. д̇хамман̃хи, ваггали, бассанд̇о мам̣ бассад̇ий’’д̇и (сам̣. ни. 3.87) ааха. сад̇т̇ари звам̣ вад̣̇анд̇зби т̇зро сад̇т̇у д̣̇ассанам̣ бахааяа ан̃н̃ад̇т̇а г̇анд̇ум̣ на саггод̇и. д̇ад̇о сад̇т̇аа, ‘‘нааяам̣ бхигку сам̣взг̇ам̣ алабхид̇ваа б̣уж̇жхиссад̇ий’’д̇и вассуубанааяигад̣̇ивасз – ‘‘абзхи, ваггалий’’д̇и т̇зрам̣ бан̣аамзси. со сад̇т̇аараа бан̣аамид̇о сад̇т̇у саммукз таад̇ум̣ асаггонд̇о – ‘‘гим̣ маяхам̣ ж̇ийвид̇зна, яохам̣ сад̇т̇аарам̣ д̣̇адтум̣ на лабхаамий’’д̇и г̇иж̇жхагуудз баб̣б̣ад̇з бабаад̇адтаанам̣ абхирухи? сад̇т̇аа д̇асса д̇ам̣ бавад̇д̇им̣ н̃ад̇ваа – ‘‘аяам̣ бхигку мама санд̇игаа ассаасам̣ алабханд̇о маг̇г̇апалаанам̣ убаниссаяам̣ наасзяяаа’’д̇и ад̇д̇аанам̣ д̣̇ассзд̇ваа обхаасам̣ виссаж̇ж̇знд̇о –
So yāvajīvaṃ kusalaṃ katvā devamanussesu saṃsaranto amhākaṃ bhagavato kāle sāvatthiyaṃ brāhmaṇakule nibbatti, tassa vakkalīti nāmaṃ kariṃsu. Tattha kalīti aparādhatilakāḷakādidosassa adhivacanaṃ. Niddhantasuvaṇṇapiṇḍasadisatāya apagato byapagato kali doso assāti va-kārāgamaṃ katvā vakkalīti vuccati. So vuddhippatto tayo vede uggaṇhitvā brāhmaṇasippesu nipphattiṃ gato, satthāraṃ disvā rūpakāyasampattidassanena atitto satthārā saddhiṃyeva vicarati. ‘‘Agāramajjhe vasanto niccakālaṃ satthu dassanaṃ na labhissāmī’’ti satthu santike pabbajitvā ṭhapetvā bhojanakālaṃ sarīrakiccakālañca sesakāle yattha ṭhitena sakkā dasabalaṃ passituṃ, tattha ṭhito aññaṃ kiccaṃ pahāya bhagavantaṃ olokentoyeva viharati. Satthā tassa ñāṇaparipākaṃ āgamento bahukālaṃ tasmiṃ rūpadassaneneva vicarante kiñci avatvā punekadivasaṃ – ‘‘kiṃ te, vakkali, iminā pūtikāyena diṭṭhena? Yo kho, vakkali, dhammaṃ passati, so maṃ passati; yo maṃ passati, so dhammaṃ passati. Dhammañhi, vakkali, passanto maṃ passatī’’ti (saṃ. ni. 3.87) āha. Satthari evaṃ vadantepi thero satthu dassanaṃ pahāya aññattha gantuṃ na sakkoti. Tato satthā, ‘‘nāyaṃ bhikkhu saṃvegaṃ alabhitvā bujjhissatī’’ti vassūpanāyikadivase – ‘‘apehi, vakkalī’’ti theraṃ paṇāmesi. So satthārā paṇāmito satthu sammukhe ṭhātuṃ asakkonto – ‘‘kiṃ mayhaṃ jīvitena, yohaṃ satthāraṃ daṭṭhuṃ na labhāmī’’ti gijjhakūṭe pabbate papātaṭṭhānaṃ abhiruhi? Satthā tassa taṃ pavattiṃ ñatvā – ‘‘ayaṃ bhikkhu mama santikā assāsaṃ alabhanto maggaphalānaṃ upanissayaṃ nāseyyā’’ti attānaṃ dassetvā obhāsaṃ vissajjento –
‘‘баамож̇ж̇аб̣ахуло бхигку, басанно б̣уд̣̇д̇хасаасанз;
‘‘Pāmojjabahulo bhikkhu, pasanno buddhasāsane;
ад̇хиг̇ажчз бад̣̇ам̣ санд̇ам̣, сан̇кааруубасамам̣ сука’’нд̇и. (д̇ха. ба. 381) –
Adhigacche padaṃ santaṃ, saṅkhārūpasamaṃ sukha’’nti. (dha. pa. 381) –
г̇аат̇ам̣ вад̇ваа ‘‘зхи, ваггалий’’д̇и (д̇ха. ба. адта. 2.381) хад̇т̇ам̣ басаарзси. т̇зро ‘‘д̣̇асаб̣ало мз д̣̇идто, ‘зхий’д̇и авхааяанамби лад̣̇д̇ха’’нд̇и б̣алавабийд̇исоманассам̣ уббаад̣̇зд̇ваа ‘‘гуд̇о г̇ажчаамий’’д̇и ад̇д̇ано г̇аманабхаавам̣ аж̇аанид̇ваава сад̇т̇у саммукз аагаасз багканд̣̇ид̇ваа батамзна баад̣̇зна баб̣б̣ад̇з тид̇оязва сад̇т̇аараа вуд̇д̇аг̇аат̇ааяо ааваж̇ж̇знд̇о аагаасзязва бийд̇им̣ вигкамбхзд̇ваа саха бадисамбхид̣̇аахи арахад̇д̇ам̣ баабун̣ийд̇и ан̇г̇уд̇д̇арадтагат̇ааяам̣ (а. ни. адта. 1.1.208) д̇хаммабад̣̇аван̣н̣анааяан̃жа (д̇ха. ба. адта. 2.381 ваггалид̇т̇зравад̇т̇у) ааг̇ад̇ам̣.
Gāthaṃ vatvā ‘‘ehi, vakkalī’’ti (dha. pa. aṭṭha. 2.381) hatthaṃ pasāresi. Thero ‘‘dasabalo me diṭṭho, ‘ehī’ti avhāyanampi laddha’’nti balavapītisomanassaṃ uppādetvā ‘‘kuto gacchāmī’’ti attano gamanabhāvaṃ ajānitvāva satthu sammukhe ākāse pakkhanditvā paṭhamena pādena pabbate ṭhitoyeva satthārā vuttagāthāyo āvajjento ākāseyeva pītiṃ vikkhambhetvā saha paṭisambhidāhi arahattaṃ pāpuṇīti aṅguttaraṭṭhakathāyaṃ (a. ni. aṭṭha. 1.1.208) dhammapadavaṇṇanāyañca (dha. pa. aṭṭha. 2.381 vakkalittheravatthu) āgataṃ.
ид̇ха бана звам̣ взд̣̇ид̇аб̣б̣ам̣ – ‘‘гим̣ д̇з, ваггалий’’д̇иаад̣̇инаа сад̇т̇аараа овад̣̇ид̇о г̇иж̇жхагуудз вихаранд̇о вибассанам̣ бадтабзси, д̇асса сад̣̇д̇хааяа б̣алавабхаавад̇о зва вибассанаа вийт̇им̣ на од̇арад̇и? бхаг̇аваа д̇ам̣ н̃ад̇ваа гаммадтаанам̣ сод̇хзд̇ваа ад̣̇ааси. со буна вибассанам̣ мад̇т̇агам̣ баабзд̇ум̣ наасагкиязва. ат̇асса аахааравзгаллзна ваад̇ааб̣аад̇хо уббаж̇ж̇и, д̇ам̣ ваад̇ааб̣аад̇хзна бийл̣ияамаанам̣ н̃ад̇ваа бхаг̇аваа д̇ад̇т̇а г̇анд̇ваа бужчанд̇о –
Idha pana evaṃ veditabbaṃ – ‘‘kiṃ te, vakkalī’’tiādinā satthārā ovadito gijjhakūṭe viharanto vipassanaṃ paṭṭhapesi, tassa saddhāya balavabhāvato eva vipassanā vīthiṃ na otarati? Bhagavā taṃ ñatvā kammaṭṭhānaṃ sodhetvā adāsi. So puna vipassanaṃ matthakaṃ pāpetuṃ nāsakkhiyeva. Athassa āhāravekallena vātābādho uppajji, taṃ vātābādhena pīḷiyamānaṃ ñatvā bhagavā tattha gantvā pucchanto –
‘‘ваад̇арог̇аабхинийд̇о д̇вам̣, вихарам̣ гаананз ванз;
‘‘Vātarogābhinīto tvaṃ, viharaṃ kānane vane;
бавид̣̇д̇хаг̇ожарз луукз, гат̇ам̣ бхигку гариссасий’’д̇и. (т̇зраг̇аа. 350) –
Paviddhagocare lūkhe, kathaṃ bhikkhu karissasī’’ti. (theragā. 350) –
ааха. д̇ам̣ суд̇ваа т̇зро –
Āha. Taṃ sutvā thero –
‘‘бийд̇исукзна вибулзна, парамаано самуссаяам̣;
‘‘Pītisukhena vipulena, pharamāno samussayaṃ;
луукамби абхисамбхонд̇о, вихариссаами гаананз.
Lūkhampi abhisambhonto, viharissāmi kānane.
‘‘бхаавзнд̇о сад̇ибадтаанз, инд̣̇рияаани б̣алаани жа;
‘‘Bhāvento satipaṭṭhāne, indriyāni balāni ca;
б̣ож̇жхан̇г̇аани жа бхаавзнд̇о, вихариссаами гаананз.
Bojjhaṅgāni ca bhāvento, viharissāmi kānane.
‘‘аарад̣̇д̇хавийрияз бахид̇ад̇д̇з, нижжам̣ д̣̇ал̣хабараггамз;
‘‘Āraddhavīriye pahitatte, niccaṃ daḷhaparakkame;
самаг̇г̇з сахид̇з д̣̇исваа, вихариссаами гаананз.
Samagge sahite disvā, viharissāmi kānane.
‘‘ануссаранд̇о самб̣уд̣̇д̇хам̣, аг̇г̇ам̣ д̣̇анд̇ам̣ самаахид̇ам̣;
‘‘Anussaranto sambuddhaṃ, aggaṃ dantaṃ samāhitaṃ;
ад̇анд̣̇ид̇о рад̇д̇инд̣̇ивам̣, вихариссаами гаананз’’д̇и. (т̇зраг̇аа. 351-354) –
Atandito rattindivaṃ, viharissāmi kānane’’ti. (theragā. 351-354) –
жад̇ассо г̇аат̇ааяо абхааси. д̇аасам̣ ад̇т̇о т̇зраг̇аат̇ааван̣н̣анааяам̣ (т̇зраг̇аа. адта. 2.351-354) вуд̇д̇оязва. звам̣ т̇зро вибассанам̣ уссуггаабзд̇ваа арахад̇д̇ам̣ баабун̣и.
Catasso gāthāyo abhāsi. Tāsaṃ attho theragāthāvaṇṇanāyaṃ (theragā. aṭṭha. 2.351-354) vuttoyeva. Evaṃ thero vipassanaṃ ussukkāpetvā arahattaṃ pāpuṇi.
28. со арахад̇д̇ам̣ бад̇ваа ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о ид̇о сад̇асахассамхийд̇иаад̣̇имааха. д̇ад̇т̇а ид̇од̇и гагусанд̇хаад̣̇ийнам̣ уббаннабхад̣̇д̣̇агаббад̇о хздтаа габбасад̇асахассамад̇т̇агзд̇и ад̇т̇о.
28. So arahattaṃ patvā attano pubbakammaṃ saritvā somanassajāto pubbacaritāpadānaṃ pakāsento ito satasahassamhītiādimāha. Tattha itoti kakusandhādīnaṃ uppannabhaddakappato heṭṭhā kappasatasahassamatthaketi attho.
29. бад̣̇умаагааравад̣̇анод̇и субубпид̇абад̣̇умасассирийгамуко. бад̣̇умабад̇д̇агкод̇и сзд̇абад̣̇умабубпабан̣н̣асад̣̇исаагкийд̇и ад̇т̇о.
29.Padumākāravadanoti supupphitapadumasassirīkamukho. Padumapattakkhoti setapadumapupphapaṇṇasadisaakkhīti attho.
30. бад̣̇умуд̇д̇араг̇анд̇ховаад̇и бад̣̇умаг̇анд̇хамукод̇и ад̇т̇о.
30.Padumuttaragandhovāti padumagandhamukhoti attho.
31. анд̇хаанам̣ наяануубамод̇и жагкувирахид̇аанам̣ сад̇д̇аанам̣ наяанасад̣̇исо, д̇хаммад̣̇зсанааяа саб̣б̣асад̇д̇аанам̣ бан̃н̃аажагкаад̣̇ижагкуд̣̇ааяагод̇и ад̇т̇о. санд̇авзсод̇и санд̇асабхааво санд̇аирияаабат̇о. г̇ун̣анид̇хийд̇и г̇ун̣аанам̣ нид̇хи, саб̣б̣аг̇ун̣аг̇ан̣аанам̣ нид̇хаанадтаанабхууд̇од̇и ад̇т̇о. гарун̣аамад̇иаагарод̇и саад̇хуунам̣ жид̇д̇агамбанасан̇каад̇ааяа гарун̣ааяа жа ад̇т̇аанад̇т̇аминанабарижчиннамад̇ияаа жа аагаро аад̇хаарабхууд̇о.
31.Andhānaṃnayanūpamoti cakkhuvirahitānaṃ sattānaṃ nayanasadiso, dhammadesanāya sabbasattānaṃ paññācakkhādicakkhudāyakoti attho. Santavesoti santasabhāvo santairiyāpatho. Guṇanidhīti guṇānaṃ nidhi, sabbaguṇagaṇānaṃ nidhānaṭṭhānabhūtoti attho. Karuṇāmatiākaroti sādhūnaṃ cittakampanasaṅkhātāya karuṇāya ca atthānatthaminanaparicchinnamatiyā ca ākaro ādhārabhūto.
32. б̣рахмаасурасуражжид̇од̇и б̣рахмзхи жа асурзхи жа д̣̇звзхи жа ажжид̇о бууж̇ид̇од̇и ад̇т̇о.
32.Brahmāsurasuraccitoti brahmehi ca asurehi ca devehi ca accito pūjitoti attho.
33. мад̇хурзна руд̇зна жаад̇и гаравийгаруд̇амад̇хурзна сад̣̇д̣̇зна сагалам̣ ж̇анам̣ ран̃ж̇аяанд̇ийд̇и самб̣анд̇хо. сант̇авий саавагам̣ саганд̇и ад̇д̇ано саавагам̣ мад̇хурад̇хаммад̣̇зсанааяа сант̇авий, т̇уд̇им̣ агаасийд̇и ад̇т̇о.
33.Madhurena rutena cāti karavīkarutamadhurena saddena sakalaṃ janaṃ rañjayantīti sambandho. Santhavī sāvakaṃ sakanti attano sāvakaṃ madhuradhammadesanāya santhavī, thutiṃ akāsīti attho.
34. сад̣̇д̇хаад̇химуд̇д̇од̇и сад̣̇д̣̇аханасад̣̇д̇хааяа саасанз ад̇химуд̇д̇о бад̇идтид̇од̇и ад̇т̇о. мама д̣̇ассаналааласод̇и маяхам̣ д̣̇ассанз б̣яаавадо д̇аббаро.
34.Saddhādhimuttoti saddahanasaddhāya sāsane adhimutto patiṭṭhitoti attho. Mama dassanalālasoti mayhaṃ dassane byāvaṭo tapparo.
35. д̇ам̣ таанамабхирожаяинд̇и д̇ам̣ сад̣̇д̇хаад̇химуд̇д̇адтаананд̇арам̣ абхирожаяим̣, ижчим̣ бад̇т̇зсинд̇и ад̇т̇о.
35.Taṃṭhānamabhirocayinti taṃ saddhādhimuttaṭṭhānantaraṃ abhirocayiṃ, icchiṃ patthesinti attho.
40. бийд̇амадтаниваасананд̇и силидтасуван̣н̣аван̣н̣авад̇т̇з нивад̇т̇анд̇и ад̇т̇о. хзмаяан̃н̃обажид̇ан̇г̇анд̇и суван̣н̣абааман̇г̇алаг̇г̇ид̇аг̇ад̇д̇анд̇и ад̇т̇о.
40.Pītamaṭṭhanivāsananti siliṭṭhasuvaṇṇavaṇṇavatthe nivatthanti attho. Hemayaññopacitaṅganti suvaṇṇapāmaṅgalaggitagattanti attho.
47-48. нонийд̇асукумаалам̣ манд̇и наванийд̇амива муд̣̇уд̇алун̣ахад̇т̇абаад̣̇ам̣. ж̇аад̇абаллавагомаланд̇и асогабаллавабад̇д̇агомаламива муд̣̇уганд̇и ад̇т̇о. бисаажийбхаяад̇аж̇ж̇ид̇аад̇и д̇ад̣̇аа звам̣бхууд̇ам̣ гумаарам̣ мам̣ ан̃н̃аа бисаажий згаа рагкасий бхаязна д̇аж̇ж̇зси бхим̣саабзсийд̇и ад̇т̇о. д̇ад̣̇аа махзсисса саммаасамб̣уд̣̇д̇хасса баад̣̇амуулз мам̣ сааязсум̣ нибаж̇ж̇аабзсум̣. д̣̇ийнамаанасаа бхийд̇ажид̇д̇аа мама маад̇аабид̇аро имам̣ д̣̇аарагам̣ д̇з д̣̇ад̣̇аама, имасса саран̣ам̣ бад̇идтаа ход̇у наат̇а нааяагаад̇и самб̣анд̇хо.
47-48.Nonītasukhumālaṃ manti navanītamiva mudutaluṇahatthapādaṃ. Jātapallavakomalanti asokapallavapattakomalamiva mudukanti attho. Pisācībhayatajjitāti tadā evaṃbhūtaṃ kumāraṃ maṃ aññā pisācī ekā rakkhasī bhayena tajjesi bhiṃsāpesīti attho. Tadā mahesissa sammāsambuddhassa pādamūle maṃ sāyesuṃ nipajjāpesuṃ. Dīnamānasā bhītacittā mama mātāpitaro imaṃ dārakaṃ te dadāma, imassa saraṇaṃ patiṭṭhā hotu nātha nāyakāti sambandho.
49. д̇ад̣̇аа бадиг̇г̇ахи со манд̇и со бхаг̇аваа д̇ад̣̇аа д̇асмим̣ мама маад̇уяаа д̣̇иннагаалз ж̇аалинаа ж̇аалаяуд̇д̇зна сан̇каалагзна жаггалагкан̣аад̣̇ийхи лагкид̇зна муд̣̇угомалабаан̣инаа муд̣̇угзна висуд̣̇д̇хзна хад̇т̇ад̇алзна мам̣ аг̇г̇ахзсийд̇и ад̇т̇о.
49.Tadā paṭiggahi so manti so bhagavā tadā tasmiṃ mama mātuyā dinnakāle jālinā jālayuttena saṅkhālakena cakkalakkhaṇādīhi lakkhitena mudukomalapāṇinā mudukena visuddhena hatthatalena maṃ aggahesīti attho.
52. саб̣б̣абаарамисамбхууд̇анд̇и саб̣б̣зхи д̣̇аанабаарамид̇аад̣̇ийхи самбхууд̇ам̣ ж̇аад̇ам̣. нийлагкинаяанам̣ варам̣ бун̃н̃асамбхаараж̇ам̣ уд̇д̇аманийлаагкиванд̇ам̣. саб̣б̣асубхаагин̣н̣ам̣ саб̣б̣зна субхзна ван̣н̣зна сан̣таанзна аагин̣н̣ам̣ г̇аханийбхууд̇ам̣ руубам̣ бхаг̇авад̇о хад̇т̇абаад̣̇асийсаад̣̇ируубам̣ д̣̇исваад̇и ад̇т̇о, д̇ид̇д̇им̣ абад̇д̇о вихараами аханд̇и самб̣анд̇хо.
52.Sabbapāramisambhūtanti sabbehi dānapāramitādīhi sambhūtaṃ jātaṃ. Nīlakkhinayanaṃ varaṃ puññasambhārajaṃ uttamanīlaakkhivantaṃ. Sabbasubhākiṇṇaṃ sabbena subhena vaṇṇena saṇṭhānena ākiṇṇaṃ gahanībhūtaṃ rūpaṃ bhagavato hatthapādasīsādirūpaṃ disvāti attho, tittiṃ apatto viharāmi ahanti sambandho.
61. д̇ад̣̇аа мам̣ жаран̣анд̇аг̇од̇и д̇асмим̣ маяхам̣ арахад̇д̇ам̣ бад̇д̇агаалз сийлаад̣̇ибаннарасаннам̣ жаран̣ад̇хаммаанам̣ анд̇аг̇о, барияосаанаббад̇д̇о барибуурагаарийд̇и ад̇т̇о. ‘‘маран̣анд̇аг̇о’’д̇иби баато. д̇асса маран̣асса анд̇ам̣ ниб̣б̣аанам̣ бад̇д̇од̇и ад̇т̇о. сад̣̇д̇хаад̇химуд̇д̇аанам̣ аг̇г̇ам̣ бан̃н̃абзсийд̇и самб̣анд̇хо. ат̇а сад̇т̇аа бхигкусан̇гхамаж̇жхз нисинно ‘‘зд̇ад̣̇аг̇г̇ам̣, бхигкавз, мама саавагаанам̣ сад̣̇д̇хаад̇химуд̇д̇аанам̣ яад̣̇ид̣̇ам̣, ваггалий’’д̇и (а. ни. 1.198, 208) мам̣ зд̇ад̣̇аг̇г̇адтаанз табзсийд̇и вуд̇д̇ам̣ ход̇и. сзсам̣ сувин̃н̃зяяамзваад̇и.
61.Tadā maṃ caraṇantagoti tasmiṃ mayhaṃ arahattaṃ pattakāle sīlādipannarasannaṃ caraṇadhammānaṃ antago, pariyosānappatto paripūrakārīti attho. ‘‘Maraṇantago’’tipi pāṭho. Tassa maraṇassa antaṃ nibbānaṃ pattoti attho. Saddhādhimuttānaṃ aggaṃ paññapesīti sambandho. Atha satthā bhikkhusaṅghamajjhe nisinno ‘‘etadaggaṃ, bhikkhave, mama sāvakānaṃ saddhādhimuttānaṃ yadidaṃ, vakkalī’’ti (a. ni. 1.198, 208) maṃ etadaggaṭṭhāne ṭhapesīti vuttaṃ hoti. Sesaṃ suviññeyyamevāti.
ваггалид̇т̇зраабад̣̇аанаван̣н̣анаа самад̇д̇аа.
Vakkalittheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 2. ваггалид̇т̇зраабад̣̇аанам̣ • 2. Vakkalittheraapadānaṃ
