| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
8. ваггалид̇т̇зраг̇аат̇ааван̣н̣анаа
8. Vakkalittheragāthāvaṇṇanā
ваад̇арог̇аабхинийд̇од̇иаад̣̇игаа ааяасмад̇о ваггалид̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинанд̇о бад̣̇умуд̇д̇арасса бхаг̇авад̇о гаалз хам̣савад̇ийнаг̇арз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о сад̇т̇у санд̇игам̣ г̇ажчанд̇зхи убаасагзхи сад̣̇д̇хим̣ вихаарам̣ г̇анд̇ваа барисабарияанд̇з тид̇о д̇хаммам̣ сун̣анд̇о сад̇т̇аарам̣ згам̣ бхигкум̣ сад̣̇д̇хаад̇химуд̇д̇аанам̣ аг̇г̇адтаанз табзнд̇ам̣ д̣̇исваа саяамби д̇ам̣ таанам̣ бад̇т̇знд̇о сад̇д̇аахам̣ махаад̣̇аанам̣ д̣̇ад̇ваа бан̣ид̇хаанам̣ агааси. сад̇т̇аа д̇асса ананд̇арааяад̇ам̣ д̣̇исваа б̣яаагари.
Vātarogābhinītotiādikā āyasmato vakkalittherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinanto padumuttarassa bhagavato kāle haṃsavatīnagare kulagehe nibbattitvā viññutaṃ patto satthu santikaṃ gacchantehi upāsakehi saddhiṃ vihāraṃ gantvā parisapariyante ṭhito dhammaṃ suṇanto satthāraṃ ekaṃ bhikkhuṃ saddhādhimuttānaṃ aggaṭṭhāne ṭhapentaṃ disvā sayampi taṃ ṭhānaṃ patthento sattāhaṃ mahādānaṃ datvā paṇidhānaṃ akāsi. Satthā tassa anantarāyataṃ disvā byākari.
соби яааваж̇ийвам̣ гусалам̣ гад̇ваа д̣̇звамануссзсу сам̣саранд̇о амхаагам̣ сад̇т̇у гаалз саавад̇т̇ияам̣ б̣раахман̣агулз ниб̣б̣ад̇д̇и, ваггалийд̇исса наамам̣ агам̣су. со вуд̣̇д̇хиббад̇д̇о д̇аяо взд̣̇з уг̇г̇ан̣хид̇ваа б̣раахман̣асиббзсу нибпад̇д̇им̣ г̇ад̇о сад̇т̇аарам̣ д̣̇исваа руубагааяасса самбад̇д̇ид̣̇ассанзна ад̇ид̇д̇о сад̇т̇аараа сад̣̇д̇хим̣язва вижарад̇и. ‘‘аг̇аарамаж̇жхз васанд̇о нижжагаалам̣ сад̇т̇аарам̣ д̣̇адтум̣ на лабхиссаамий’’д̇и сад̇т̇у санд̇игз баб̣б̣аж̇ид̇ваа табзд̇ваа бхож̇анавзлам̣ сарийрагижжагаалан̃жа сзсагаалз яад̇т̇а тид̇зна саггаа д̣̇асаб̣алам̣ бассид̇ум̣, д̇ад̇т̇а тид̇о ан̃н̃ам̣ гижжам̣ бахааяа бхаг̇аванд̇ам̣ ологзнд̇ова вихарад̇и. сад̇т̇аа д̇асса н̃аан̣абарибаагам̣ ааг̇амзнд̇о б̣ахугаалам̣ д̇асмим̣ руубад̣̇ассанзнзва вижаранд̇з гин̃жи авад̇ваа бунзгад̣̇ивасам̣ ‘‘гим̣ д̇з, ваггали, иминаа бууд̇игааязна д̣̇идтзна? яо ко, ваггали, д̇хаммам̣ бассад̇и, со мам̣ бассад̇и. яо мам̣ бассад̇и, со д̇хаммам̣ бассад̇и. д̇хамман̃хи, ваггали, бассанд̇о мам̣ бассад̇и, мам̣ бассанд̇о д̇хаммам̣ бассад̇ий’’д̇и (сам̣. ни. 3.87) ааха.
Sopi yāvajīvaṃ kusalaṃ katvā devamanussesu saṃsaranto amhākaṃ satthu kāle sāvatthiyaṃ brāhmaṇakule nibbatti, vakkalītissa nāmaṃ akaṃsu. So vuddhippatto tayo vede uggaṇhitvā brāhmaṇasippesu nipphattiṃ gato satthāraṃ disvā rūpakāyassa sampattidassanena atitto satthārā saddhiṃyeva vicarati. ‘‘Agāramajjhe vasanto niccakālaṃ satthāraṃ daṭṭhuṃ na labhissāmī’’ti satthu santike pabbajitvā ṭhapetvā bhojanavelaṃ sarīrakiccakālañca sesakāle yattha ṭhitena sakkā dasabalaṃ passituṃ, tattha ṭhito aññaṃ kiccaṃ pahāya bhagavantaṃ olokentova viharati. Satthā tassa ñāṇaparipākaṃ āgamento bahukālaṃ tasmiṃ rūpadassaneneva vicarante kiñci avatvā punekadivasaṃ ‘‘kiṃ te, vakkali, iminā pūtikāyena diṭṭhena? Yo kho, vakkali, dhammaṃ passati, so maṃ passati. Yo maṃ passati, so dhammaṃ passati. Dhammañhi, vakkali, passanto maṃ passati, maṃ passanto dhammaṃ passatī’’ti (saṃ. ni. 3.87) āha.
сад̇т̇ари звам̣ вад̣̇анд̇зби т̇зро сад̇т̇у д̣̇ассанам̣ бахааяа ан̃н̃ад̇т̇а г̇анд̇ум̣ на саггод̇и. д̇ад̇о сад̇т̇аа ‘‘нааяам̣ бхигку сам̣взг̇ам̣ алабхид̇ваа б̣уж̇жхиссад̇ий’’д̇и вассуубанааяигад̣̇ивасз ‘‘абзхи, ваггалий’’д̇и т̇зрам̣ бан̣аамзси. со сад̇т̇аараа бан̣аамид̇о саммукз таад̇ум̣ асаггонд̇о ‘‘гим̣ маяхам̣ ж̇ийвид̇зна, яохам̣ сад̇т̇аарам̣ д̣̇адтум̣ на лабхаамий’’д̇и г̇иж̇жхагуудабаб̣б̣ад̇з бабаад̇адтаанам̣ абхирухи. сад̇т̇аа д̇асса д̇ам̣ бавад̇д̇им̣ н̃ад̇ваа ‘‘аяам̣ бхигку мама санд̇игаа ассаасам̣ алабханд̇о маг̇г̇апалаанам̣ убаниссаяам̣ наасзяяаа’’д̇и ад̇д̇аанам̣ д̣̇ассзд̇ум̣ обхаасам̣ виссаж̇ж̇знд̇о –
Satthari evaṃ vadantepi thero satthu dassanaṃ pahāya aññattha gantuṃ na sakkoti. Tato satthā ‘‘nāyaṃ bhikkhu saṃvegaṃ alabhitvā bujjhissatī’’ti vassūpanāyikadivase ‘‘apehi, vakkalī’’ti theraṃ paṇāmesi. So satthārā paṇāmito sammukhe ṭhātuṃ asakkonto ‘‘kiṃ mayhaṃ jīvitena, yohaṃ satthāraṃ daṭṭhuṃ na labhāmī’’ti gijjhakūṭapabbate papātaṭṭhānaṃ abhiruhi. Satthā tassa taṃ pavattiṃ ñatvā ‘‘ayaṃ bhikkhu mama santikā assāsaṃ alabhanto maggaphalānaṃ upanissayaṃ nāseyyā’’ti attānaṃ dassetuṃ obhāsaṃ vissajjento –
‘‘баамож̇ж̇аб̣ахуло бхигку, басанно б̣уд̣̇д̇хасаасанз;
‘‘Pāmojjabahulo bhikkhu, pasanno buddhasāsane;
ад̇хиг̇ажчз бад̣̇ам̣ санд̇ам̣, сан̇кааруубасамам̣ сука’’нд̇и. (д̇ха. ба. 381) –
Adhigacche padaṃ santaṃ, saṅkhārūpasamaṃ sukha’’nti. (dha. pa. 381) –
г̇аат̇ам̣ вад̇ваа ‘‘зхи, ваггалий’’д̇и хад̇т̇ам̣ басаарзси. т̇зро ‘‘д̣̇асаб̣ало мз д̣̇идто, ‘зхий’д̇и авхаанамби лад̣̇д̇ха’’нд̇и б̣алавабийд̇исоманассам̣ уббаад̣̇зд̇ваа ‘‘гуд̇о ааг̇ажчаамий’’д̇и ад̇д̇ано г̇аманабхаавам̣ аж̇аанид̇ваа сад̇т̇у саммукз аагаасз багканд̣̇анд̇о батамабаад̣̇зна баб̣б̣ад̇з тид̇оязва сад̇т̇аараа вуд̇д̇аг̇аат̇ам̣ ааваж̇ж̇знд̇о аагаасзязва бийд̇им̣ вигкамбхзд̇ваа саха бадисамбхид̣̇аахи арахад̇д̇ам̣ баабун̣ийд̇и ан̇г̇уд̇д̇арадтагат̇ааяам̣ (а. ни. адта. 1.1.208) д̇хаммабад̣̇аван̣н̣анааяан̃жа (д̇ха. ба. адта. 2.381) ааг̇ад̇ам̣.
Gāthaṃ vatvā ‘‘ehi, vakkalī’’ti hatthaṃ pasāresi. Thero ‘‘dasabalo me diṭṭho, ‘ehī’ti avhānampi laddha’’nti balavapītisomanassaṃ uppādetvā ‘‘kuto āgacchāmī’’ti attano gamanabhāvaṃ ajānitvā satthu sammukhe ākāse pakkhandanto paṭhamapādena pabbate ṭhitoyeva satthārā vuttagāthaṃ āvajjento ākāseyeva pītiṃ vikkhambhetvā saha paṭisambhidāhi arahattaṃ pāpuṇīti aṅguttaraṭṭhakathāyaṃ (a. ni. aṭṭha. 1.1.208) dhammapadavaṇṇanāyañca (dha. pa. aṭṭha. 2.381) āgataṃ.
ид̇ха бана звам̣ вад̣̇анд̇и – ‘‘гим̣ д̇з, ваггалий’’д̇иаад̣̇инаа сад̇т̇аараа овад̣̇ид̇о г̇иж̇жхагуудз вихаранд̇о вибассанам̣ бадтабзси, д̇асса сад̣̇д̇хааяа б̣алавабхаавад̇о зва вибассанаа вийт̇им̣ на од̇арад̇и, бхаг̇аваа д̇ам̣ н̃ад̇ваа гаммадтаанам̣ сод̇хзд̇ваа ад̣̇ааси. буна вибассанам̣ мад̇т̇агам̣ баабзд̇ум̣ наасагкиязва, ат̇асса аахааравзгаллзна ваад̇ааб̣аад̇хо уббаж̇ж̇и, д̇ам̣ ваад̇ааб̣аад̇хзна бийл̣ияамаанам̣ н̃ад̇ваа бхаг̇аваа д̇ад̇т̇а г̇анд̇ваа бужчанд̇о –
Idha pana evaṃ vadanti – ‘‘kiṃ te, vakkalī’’tiādinā satthārā ovadito gijjhakūṭe viharanto vipassanaṃ paṭṭhapesi, tassa saddhāya balavabhāvato eva vipassanā vīthiṃ na otarati, bhagavā taṃ ñatvā kammaṭṭhānaṃ sodhetvā adāsi. Puna vipassanaṃ matthakaṃ pāpetuṃ nāsakkhiyeva, athassa āhāravekallena vātābādho uppajji, taṃ vātābādhena pīḷiyamānaṃ ñatvā bhagavā tattha gantvā pucchanto –
350.
350.
‘‘ваад̇арог̇аабхинийд̇о д̇вам̣, вихарам̣ гаананз ванз;
‘‘Vātarogābhinīto tvaṃ, viharaṃ kānane vane;
бавид̣̇д̇хаг̇ожарз луукз, гат̇ам̣ бхигку гариссасий’’д̇и. –
Paviddhagocare lūkhe, kathaṃ bhikkhu karissasī’’ti. –
ааха. д̇ам̣ суд̇ваа т̇зро –
Āha. Taṃ sutvā thero –
351.
351.
‘‘бийд̇исукзна вибулзна, парамаано самуссаяам̣;
‘‘Pītisukhena vipulena, pharamāno samussayaṃ;
луукамби абхисамбхонд̇о, вихариссаами гаананз.
Lūkhampi abhisambhonto, viharissāmi kānane.
352.
352.
‘‘бхаавзнд̇о сад̇ибадтаанз, инд̣̇рияаани б̣алаани жа;
‘‘Bhāvento satipaṭṭhāne, indriyāni balāni ca;
б̣ож̇жхан̇г̇аани жа бхаавзнд̇о, вихариссаами гаананз.
Bojjhaṅgāni ca bhāvento, viharissāmi kānane.
353.
353.
‘‘аарад̣̇д̇хавийрияз бахид̇ад̇д̇з, нижжам̣ д̣̇ал̣хабараггамз;
‘‘Āraddhavīriye pahitatte, niccaṃ daḷhaparakkame;
самаг̇г̇з сахид̇з д̣̇исваа, вихариссаами гаананз.
Samagge sahite disvā, viharissāmi kānane.
354.
354.
‘‘ануссаранд̇о самб̣уд̣̇д̇хам̣, аг̇г̇ам̣ д̣̇анд̇ам̣ самаахид̇ам̣;
‘‘Anussaranto sambuddhaṃ, aggaṃ dantaṃ samāhitaṃ;
ад̇анд̣̇ид̇о рад̇д̇инд̣̇ивам̣, вихариссаами гаананз’’д̇и. –
Atandito rattindivaṃ, viharissāmi kānane’’ti. –
жад̇ассо г̇аат̇аа абхааси.
Catasso gāthā abhāsi.
д̇ад̇т̇а ваад̇арог̇аабхинийд̇од̇и ваад̇ааб̣аад̇хзна асзрибхаавам̣ убанийд̇о, ваад̇аб̣яаад̇хинаа абхибхууд̇о. д̇ванд̇и т̇зрам̣ аалабад̇и. вихаранд̇и д̇зна ирияаабат̇авихаарзна вихаранд̇о. гаананз ванзд̇и гаананабхууд̇з ванз, махаааран̃н̃зд̇и ад̇т̇о. бавид̣̇д̇хаг̇ожарзд̇и виссадтаг̇ожарз д̣̇уллабхабажжаяз. ваад̇арог̇асса саббааяаанам̣ саббиаад̣̇ибхзсаж̇ж̇аанам̣ абхаавзна парусабхуумибхааг̇ад̇ааяа жа луукз луукадтаанз. гат̇ам̣ бхигку гариссасийд̇и бхигку д̇вам̣ гат̇ам̣ вихариссасийд̇и бхаг̇аваа бужчи.
Tattha vātarogābhinītoti vātābādhena aseribhāvaṃ upanīto, vātabyādhinā abhibhūto. Tvanti theraṃ ālapati. Viharanti tena iriyāpathavihārena viharanto. Kānane vaneti kānanabhūte vane, mahāaraññeti attho. Paviddhagocareti vissaṭṭhagocare dullabhapaccaye. Vātarogassa sappāyānaṃ sappiādibhesajjānaṃ abhāvena pharusabhūmibhāgatāya ca lūkhe lūkhaṭṭhāne. Kathaṃ bhikkhu karissasīti bhikkhu tvaṃ kathaṃ viharissasīti bhagavā pucchi.
д̇ам̣ суд̇ваа т̇зро нираамисабийд̇исоманассаад̣̇инаа ад̇д̇ано сукавихаарам̣ багаасзнд̇о ‘‘бийд̇исукзнаа’’д̇иаад̣̇имааха. д̇ад̇т̇а бийд̇исукзнаад̇и уб̣б̣зг̇алагкан̣ааяа паран̣алагкан̣ааяа жа бийд̇ияаа д̇ам̣самбаяуд̇д̇асукзна жа. д̇знааха ‘‘вибулзнаа’’д̇и ул̣аарзнаад̇и ад̇т̇о. парамаано самуссаяанд̇и яат̇аавуд̇д̇абийд̇исукасамудтид̇зхи бан̣ийд̇зхи руубзхи сагалам̣ гааяам̣ параабзнд̇о ниранд̇арам̣ пудам̣ гаронд̇о. луукамби абхисамбхонд̇од̇и аран̃н̃ааваасаж̇анид̇ам̣ саллзкавуд̇д̇ихзд̇угам̣ д̣̇уссахамби бажжаяалуукам̣ абхибхаванд̇о ад̇хиваасзнд̇о. вихариссаами гаананзд̇и жхаанасукзна вибассанаасукзна жа аран̃н̃ааяад̇анз вихариссаамийд̇и ад̇т̇о. д̇знааха – ‘‘сукан̃жа гааязна бадисам̣взд̣̇зси’’нд̇и (баараа. 11).
Taṃ sutvā thero nirāmisapītisomanassādinā attano sukhavihāraṃ pakāsento ‘‘pītisukhenā’’tiādimāha. Tattha pītisukhenāti ubbegalakkhaṇāya pharaṇalakkhaṇāya ca pītiyā taṃsampayuttasukhena ca. Tenāha ‘‘vipulenā’’ti uḷārenāti attho. Pharamāno samussayanti yathāvuttapītisukhasamuṭṭhitehi paṇītehi rūpehi sakalaṃ kāyaṃ pharāpento nirantaraṃ phuṭaṃ karonto. Lūkhampi abhisambhontoti araññāvāsajanitaṃ sallekhavuttihetukaṃ dussahampi paccayalūkhaṃ abhibhavanto adhivāsento. Viharissāmi kānaneti jhānasukhena vipassanāsukhena ca araññāyatane viharissāmīti attho. Tenāha – ‘‘sukhañca kāyena paṭisaṃvedesi’’nti (pārā. 11).
‘‘яад̇о яад̇о саммасад̇и, канд̇хаанам̣ уд̣̇аяаб̣б̣аяам̣;
‘‘Yato yato sammasati, khandhānaṃ udayabbayaṃ;
лабхад̇ий бийд̇ибаамож̇ж̇ам̣, амад̇ам̣ д̇ам̣ виж̇аанад̇а’’нд̇и жа. (д̇ха. ба. 374);
Labhatī pītipāmojjaṃ, amataṃ taṃ vijānata’’nti ca. (dha. pa. 374);
бхаавзнд̇о сад̇ибадтаанзд̇и маг̇г̇абарияаабаннз гааяаанубассанаад̣̇игз жад̇д̇ааро сад̇ибадтаанз уббаад̣̇знд̇о вад̣дхзнд̇о жа. инд̣̇рияаанийд̇и маг̇г̇абарияаабаннаани зва сад̣̇д̇хаад̣̇ийни бан̃жинд̣̇рияаани. б̣алаанийд̇и д̇ат̇аа сад̣̇д̇хаад̣̇ийни бан̃жа б̣алаани. б̣ож̇жхан̇г̇аанийд̇и д̇ат̇аа сад̇исамб̣ож̇жхан̇г̇аад̣̇ийни сад̇д̇а б̣ож̇жхан̇г̇аани. жа-сад̣̇д̣̇зна саммаббад̇хаанаид̣̇д̇хибаад̣̇амаг̇г̇ан̇г̇аани сан̇г̇ан̣хаад̇и. д̇ад̣̇авинаабхаавад̇о хи д̇аг̇г̇ахан̣знзва д̇зсам̣ г̇ахан̣ам̣ ход̇и. вихариссаамийд̇и яат̇аавуд̇д̇з б̣од̇хибагкияад̇хаммз бхаавзнд̇о маг̇г̇асукзна д̇ад̣̇ад̇хиг̇амасид̣̇д̇хзна паласукзна ниб̣б̣аанасукзна жа вихариссаами.
Bhāvento satipaṭṭhāneti maggapariyāpanne kāyānupassanādike cattāro satipaṭṭhāne uppādento vaḍḍhento ca. Indriyānīti maggapariyāpannāni eva saddhādīni pañcindriyāni. Balānīti tathā saddhādīni pañca balāni. Bojjhaṅgānīti tathā satisambojjhaṅgādīni satta bojjhaṅgāni. Ca-saddena sammappadhānaiddhipādamaggaṅgāni saṅgaṇhāti. Tadavinābhāvato hi taggahaṇeneva tesaṃ gahaṇaṃ hoti. Viharissāmīti yathāvutte bodhipakkhiyadhamme bhāvento maggasukhena tadadhigamasiddhena phalasukhena nibbānasukhena ca viharissāmi.
аарад̣̇д̇хавийриязд̇и жад̇уб̣б̣ид̇хасаммаббад̇хаанавасзна баг̇г̇ахид̇авийрияз. бахид̇ад̇д̇зд̇и ниб̣б̣аанам̣ бад̇ибзсид̇ажид̇д̇з. нижжам̣ д̣̇ал̣хабараггамзд̇и саб̣б̣агаалам̣ асит̇илавийрияз. авиваад̣̇авасзна гааяасаамаг̇г̇ид̣̇аанавасзна жа самаг̇г̇з. д̣̇идтисийласааман̃н̃зна сахид̇з саб̣рахмажаарий д̣̇исваа. зд̇зна галяаан̣амид̇д̇асамбад̇д̇им̣ д̣̇ассзд̇и.
Āraddhavīriyeti catubbidhasammappadhānavasena paggahitavīriye. Pahitatteti nibbānaṃ patipesitacitte. Niccaṃ daḷhaparakkameti sabbakālaṃ asithilavīriye. Avivādavasena kāyasāmaggidānavasena ca samagge. Diṭṭhisīlasāmaññena sahite sabrahmacārī disvā. Etena kalyāṇamittasampattiṃ dasseti.
ануссаранд̇о самб̣уд̣̇д̇ханд̇и саммаа саамам̣ саб̣б̣ад̇хаммаанам̣ б̣уд̣̇д̇хад̇д̇аа саммаасамб̣уд̣̇д̇хам̣ саб̣б̣асад̇д̇уд̇д̇амад̇ааяа, аг̇г̇ам̣ уд̇д̇амзна д̣̇амат̇зна д̣̇анд̇ам̣, ануд̇д̇арасамаад̇хинаа самаахид̇ам̣ ад̇анд̣̇ид̇о аналасо худ̇ваа, рад̇д̇инд̣̇ивам̣ саб̣б̣агаалам̣ ‘‘ид̇иби со бхаг̇аваа араха’’нд̇иаад̣̇инаа ануссаранд̇о вихариссаами. зд̇зна б̣уд̣̇д̇хаануссад̇ибхааванааяа яуд̇д̇аагаарад̣̇ассанзна саб̣б̣ад̇т̇а гаммадтаанаануяог̇амааха, буримзна баарихаарияагаммадтаанаануяог̇ам̣.
Anussaranto sambuddhanti sammā sāmaṃ sabbadhammānaṃ buddhattā sammāsambuddhaṃ sabbasattuttamatāya, aggaṃ uttamena damathena dantaṃ, anuttarasamādhinā samāhitaṃ atandito analaso hutvā, rattindivaṃ sabbakālaṃ ‘‘itipi so bhagavā araha’’ntiādinā anussaranto viharissāmi. Etena buddhānussatibhāvanāya yuttākāradassanena sabbattha kammaṭṭhānānuyogamāha, purimena pārihāriyakammaṭṭhānānuyogaṃ.
звам̣ бана вад̇ваа т̇зро вибассанам̣ уссуггаабзд̇ваа арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 2.54.28-65) –
Evaṃ pana vatvā thero vipassanaṃ ussukkāpetvā arahattaṃ pāpuṇi. Tena vuttaṃ apadāne (apa. thera 2.54.28-65) –
‘‘ид̇о сад̇асахассамхи, габбз уббаж̇ж̇и нааяаго;
‘‘Ito satasahassamhi, kappe uppajji nāyako;
аноманаамо амид̇о, наамзна бад̣̇умуд̇д̇аро.
Anomanāmo amito, nāmena padumuttaro.
‘‘бад̣̇умаагааравад̣̇ано, бад̣̇умаамаласужчавий;
‘‘Padumākāravadano, padumāmalasucchavī;
логзнаанубалид̇д̇ова, д̇оязна бад̣̇умам̣ яат̇аа.
Lokenānupalittova, toyena padumaṃ yathā.
‘‘вийро бад̣̇умабад̇д̇агко, ганд̇о жа бад̣̇умам̣ яат̇аа;
‘‘Vīro padumapattakkho, kanto ca padumaṃ yathā;
бад̣̇умуд̇д̇араг̇анд̇хова, д̇асмаа со бад̣̇умуд̇д̇аро.
Padumuttaragandhova, tasmā so padumuttaro.
‘‘логаж̇здто жа ниммаано, анд̇хаанам̣ наяануубамо;
‘‘Lokajeṭṭho ca nimmāno, andhānaṃ nayanūpamo;
санд̇авзсо г̇ун̣анид̇хи, гарун̣аамад̇исааг̇аро.
Santaveso guṇanidhi, karuṇāmatisāgaro.
‘‘са гад̣̇аажи махаавийро, б̣рахмаасурасуражжид̇о;
‘‘Sa kadāci mahāvīro, brahmāsurasuraccito;
сад̣̇звамануж̇аагин̣н̣з, ж̇анамаж̇жхз ж̇инуд̇д̇амо.
Sadevamanujākiṇṇe, janamajjhe jinuttamo.
‘‘вад̣̇анзна суг̇анд̇хзна, мад̇хурзна руд̇зна жа;
‘‘Vadanena sugandhena, madhurena rutena ca;
ран̃ж̇аяам̣ барисам̣ саб̣б̣ам̣, сант̇авий саавагам̣ сагам̣.
Rañjayaṃ parisaṃ sabbaṃ, santhavī sāvakaṃ sakaṃ.
‘‘сад̣̇д̇хаад̇химуд̇д̇о сумад̇и, мама д̣̇ассаналааласо;
‘‘Saddhādhimutto sumati, mama dassanalālaso;
над̇т̇и зд̇аад̣̇исо ан̃н̃о, яат̇ааяам̣ бхигку ваггали.
Natthi etādiso añño, yathāyaṃ bhikkhu vakkali.
‘‘д̇ад̣̇аахам̣ хам̣савад̇ияам̣, наг̇арз б̣раахман̣ад̇раж̇о;
‘‘Tadāhaṃ haṃsavatiyaṃ, nagare brāhmaṇatrajo;
худ̇ваа суд̇ваа жа д̇ам̣ ваагяам̣, д̇ам̣ таанамабхирожаяим̣.
Hutvā sutvā ca taṃ vākyaṃ, taṃ ṭhānamabhirocayiṃ.
‘‘сасаавагам̣ д̇ам̣ вималам̣, ниманд̇зд̇ваа д̇ат̇ааг̇ад̇ам̣;
‘‘Sasāvakaṃ taṃ vimalaṃ, nimantetvā tathāgataṃ;
сад̇д̇аахам̣ бхож̇аяид̇ваана, д̣̇уссзхажчаад̣̇аяим̣ д̇ад̣̇аа.
Sattāhaṃ bhojayitvāna, dussehacchādayiṃ tadā.
‘‘нибажжа сирасаа д̇асса, ананд̇аг̇ун̣асааг̇арз;
‘‘Nipacca sirasā tassa, anantaguṇasāgare;
нимуг̇г̇о бийд̇исамбун̣н̣о, ид̣̇ам̣ важанамаб̣равим̣.
Nimuggo pītisampuṇṇo, idaṃ vacanamabraviṃ.
‘‘яо со д̇аяаа сант̇авид̇о, ид̇о сад̇д̇амагз муни;
‘‘Yo so tayā santhavito, ito sattamake muni;
бхигку сад̣̇д̇хаавад̇ам̣ аг̇г̇о, д̇аад̣̇исо хомахам̣ мунз.
Bhikkhu saddhāvataṃ aggo, tādiso homahaṃ mune.
‘‘звам̣ вуд̇д̇з махаавийро, анааваран̣ад̣̇ассано;
‘‘Evaṃ vutte mahāvīro, anāvaraṇadassano;
имам̣ ваагяам̣ уд̣̇ийрзси, барисааяа махаамуни.
Imaṃ vākyaṃ udīresi, parisāya mahāmuni.
‘‘бассат̇зд̇ам̣ маан̣авагам̣, бийд̇амадтаниваасанам̣;
‘‘Passathetaṃ māṇavakaṃ, pītamaṭṭhanivāsanaṃ;
хзмаяан̃н̃обажид̇ан̇г̇ам̣, ж̇ананзд̇д̇аманохарам̣.
Hemayaññopacitaṅgaṃ, jananettamanoharaṃ.
‘‘зсо анааг̇ад̇ад̣̇д̇хаанз, г̇од̇амасса махзсино;
‘‘Eso anāgataddhāne, gotamassa mahesino;
аг̇г̇о сад̣̇д̇хаад̇химуд̇д̇аанам̣, саавагояам̣ бхависсад̇и.
Aggo saddhādhimuttānaṃ, sāvakoyaṃ bhavissati.
‘‘д̣̇звабхууд̇о мануссо ваа, саб̣б̣асанд̇аабаваж̇ж̇ид̇о;
‘‘Devabhūto manusso vā, sabbasantāpavajjito;
саб̣б̣абхог̇абариб̣яуул̣хо, сукид̇о сам̣сариссад̇и.
Sabbabhogaparibyūḷho, sukhito saṃsarissati.
‘‘сад̇асахассид̇о габбз, оггаагагуласамбхаво;
‘‘Satasahassito kappe, okkākakulasambhavo;
г̇од̇амо наама г̇од̇д̇зна, сад̇т̇аа логз бхависсад̇и.
Gotamo nāma gottena, satthā loke bhavissati.
‘‘д̇асса д̇хаммзсу д̣̇ааяаад̣̇о, орасо д̇хамманиммид̇о;
‘‘Tassa dhammesu dāyādo, oraso dhammanimmito;
ваггали наама наамзна, хзссад̇и сад̇т̇у сааваго.
Vakkali nāma nāmena, hessati satthu sāvako.
‘‘д̇зна гаммависзсзна, жзд̇анаабан̣ид̇хийхи жа;
‘‘Tena kammavisesena, cetanāpaṇidhīhi ca;
ж̇ахид̇ваа маанусам̣ д̣̇зхам̣, д̇аавад̇им̣самаг̇ажчахам̣.
Jahitvā mānusaṃ dehaṃ, tāvatiṃsamagacchahaṃ.
‘‘саб̣б̣ад̇т̇а сукид̇о худ̇ваа, сам̣саранд̇о бхаваабхавз;
‘‘Sabbattha sukhito hutvā, saṃsaranto bhavābhave;
саавад̇т̇ияам̣ бурз ж̇аад̇о, гулз ан̃н̃ад̇арз ахам̣.
Sāvatthiyaṃ pure jāto, kule aññatare ahaṃ.
‘‘нонийд̇асукумаалам̣ мам̣, ж̇аад̇абаллавагомалам̣;
‘‘Nonītasukhumālaṃ maṃ, jātapallavakomalaṃ;
манд̣̇ам̣ уд̇д̇аанасаяанам̣, бисаажабхаяад̇аж̇ж̇ид̇аа.
Mandaṃ uttānasayanaṃ, pisācabhayatajjitā.
‘‘баад̣̇амуулз махзсисса, сааязсум̣ д̣̇ийнамаанасаа;
‘‘Pādamūle mahesissa, sāyesuṃ dīnamānasā;
имам̣ д̣̇ад̣̇аама д̇з наат̇а, саран̣ам̣ хохи нааяага.
Imaṃ dadāma te nātha, saraṇaṃ hohi nāyaka.
‘‘д̇ад̣̇аа бадиг̇г̇ахи со мам̣, бхийд̇аанам̣ саран̣о муни;
‘‘Tadā paṭiggahi so maṃ, bhītānaṃ saraṇo muni;
ж̇аалинаа жагган̇гид̇зна, муд̣̇угомалабаан̣инаа.
Jālinā cakkaṅkitena, mudukomalapāṇinā.
‘‘д̇ад̣̇аа бабхуд̇и д̇знаахам̣, арагкзяязна рагкид̇о;
‘‘Tadā pabhuti tenāhaṃ, arakkheyyena rakkhito;
саб̣б̣авзравинимуд̇д̇о, сукзна баривуд̣̇д̇хид̇о.
Sabbaveravinimutto, sukhena parivuddhito.
‘‘суг̇ад̇зна винаа бхууд̇о, угган̣таами мухуд̇д̇агам̣;
‘‘Sugatena vinā bhūto, ukkaṇṭhāmi muhuttakaṃ;
ж̇аад̇ияаа сад̇д̇авассохам̣, баб̣б̣аж̇им̣ анаг̇аарияам̣.
Jātiyā sattavassohaṃ, pabbajiṃ anagāriyaṃ.
‘‘саб̣б̣абаарамисамбхууд̇ам̣ , нийлагкинаяанам̣ варам̣;
‘‘Sabbapāramisambhūtaṃ , nīlakkhinayanaṃ varaṃ;
руубам̣ саб̣б̣асубхаагин̣н̣ам̣, ад̇ид̇д̇о вихараамахам̣.
Rūpaṃ sabbasubhākiṇṇaṃ, atitto viharāmahaṃ.
‘‘б̣уд̣̇д̇харуубарад̇им̣ н̃ад̇ваа, д̇ад̣̇аа овад̣̇и мам̣ ж̇ино;
‘‘Buddharūparatiṃ ñatvā, tadā ovadi maṃ jino;
алам̣ ваггали гим̣ руубз, рамасз б̣аалананд̣̇ид̇з.
Alaṃ vakkali kiṃ rūpe, ramase bālanandite.
‘‘яо хи бассад̇и сад̣̇д̇хаммам̣, со мам̣ бассад̇и бан̣д̣ид̇о;
‘‘Yo hi passati saddhammaṃ, so maṃ passati paṇḍito;
абассамаано сад̣̇д̇хаммам̣, мам̣ бассамби на бассад̇и.
Apassamāno saddhammaṃ, maṃ passampi na passati.
‘‘ананд̇аад̣̇ийнаво гааяо, висаругкасамуубамо;
‘‘Anantādīnavo kāyo, visarukkhasamūpamo;
ааваасо саб̣б̣арог̇аанам̣, бун̃ж̇о д̣̇угкасса гзвало.
Āvāso sabbarogānaṃ, puñjo dukkhassa kevalo.
‘‘ниб̣б̣инд̣̇ияа д̇ад̇о руубз, канд̇хаанам̣ уд̣̇аяаб̣б̣аяам̣;
‘‘Nibbindiya tato rūpe, khandhānaṃ udayabbayaṃ;
басса убаггилзсаанам̣, сукзнанд̇ам̣ г̇амиссаси.
Passa upakkilesānaṃ, sukhenantaṃ gamissasi.
‘‘звам̣ д̇знаанусидтохам̣, нааяагзна хид̇зсинаа;
‘‘Evaṃ tenānusiṭṭhohaṃ, nāyakena hitesinā;
г̇иж̇жхагуудам̣ самааруяха, жхааяаами г̇ириганд̣̇арз.
Gijjhakūṭaṃ samāruyha, jhāyāmi girikandare.
‘‘тид̇о баб̣б̣ад̇абаад̣̇амхи, ассаасаяи махаамуни;
‘‘Ṭhito pabbatapādamhi, assāsayi mahāmuni;
ваггалийд̇и ж̇ино ваажам̣, д̇ам̣ суд̇ваа муд̣̇ид̇о ахам̣.
Vakkalīti jino vācaṃ, taṃ sutvā mudito ahaṃ.
‘‘багканд̣̇им̣ сзлабаб̣бхаарз, анзгасад̇аборисз;
‘‘Pakkhandiṃ selapabbhāre, anekasataporise;
д̇ад̣̇аа б̣уд̣̇д̇хаанубхаавзна, сукзнзва махим̣ г̇ад̇о.
Tadā buddhānubhāvena, sukheneva mahiṃ gato.
‘‘буноби д̇хаммам̣ д̣̇зсзд̇и, канд̇хаанам̣ уд̣̇аяаб̣б̣аяам̣;
‘‘Punopi dhammaṃ deseti, khandhānaṃ udayabbayaṃ;
д̇амахам̣ д̇хаммаман̃н̃ааяа, арахад̇д̇амабаабун̣им̣.
Tamahaṃ dhammamaññāya, arahattamapāpuṇiṃ.
‘‘сумахаабарисамаж̇жхз, д̇ад̣̇аа мам̣ жаран̣анд̇аг̇о;
‘‘Sumahāparisamajjhe, tadā maṃ caraṇantago;
аг̇г̇ам̣ сад̣̇д̇хаад̇химуд̇д̇аанам̣, бан̃н̃абзси махаамад̇и.
Aggaṃ saddhādhimuttānaṃ, paññapesi mahāmati.
‘‘сад̇асахассид̇о габбз, яам̣ гаммамагарим̣ д̇ад̣̇аа;
‘‘Satasahassito kappe, yaṃ kammamakariṃ tadā;
д̣̇уг̇г̇ад̇им̣ наабхиж̇аанаами, б̣уд̣̇д̇хабууж̇ааяид̣̇ам̣ палам̣.
Duggatiṃ nābhijānāmi, buddhapūjāyidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа ан̃н̃ам̣ б̣яаагаронд̇оби т̇зро имаа зва г̇аат̇аа абхааси. ат̇а нам̣ сад̇т̇аа бхигкусан̇гхамаж̇жхз нисинно сад̣̇д̇хаад̇химуд̇д̇аанам̣ аг̇г̇адтаанз табзсийд̇и.
Arahattaṃ pana patvā aññaṃ byākarontopi thero imā eva gāthā abhāsi. Atha naṃ satthā bhikkhusaṅghamajjhe nisinno saddhādhimuttānaṃ aggaṭṭhāne ṭhapesīti.
ваггалид̇т̇зраг̇аат̇ааван̣н̣анаа нидтид̇аа.
Vakkalittheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 8. ваггалид̇т̇зраг̇аат̇аа • 8. Vakkalittheragāthā
