| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
11. валаахагасам̣яуд̇д̇аван̣н̣анаа
11. Valāhakasaṃyuttavaṇṇanā
550-606. валаахагасам̣яуд̇д̇з валаахагагааяигаад̇и валаахаганаамагз д̣̇звагааяз уббаннаа аагаасажааригад̣̇зваа. сийд̇авалаахагаад̇и сийд̇агаран̣авалаахагаа. сзсабад̣̇зсуби зсзва наяо. жзд̇обан̣ид̇химанвааяаад̇и жид̇д̇адтабанам̣ ааг̇амма. сийд̇ам̣ ход̇ийд̇и яам̣ вассаанз ваа хзманд̇з ваа сийд̇ам̣ ход̇и, д̇ам̣ уд̇усамудтаанамзва. яам̣ бана сийд̇зби ад̇исийд̇ам̣, г̇имхз жа уббаннам̣ сийд̇ам̣, д̇ам̣ д̣̇звад̇аанубхаавзна ниб̣б̣ад̇д̇ам̣ сийд̇ам̣ наама. ун̣хам̣ ход̇ийд̇и яам̣ г̇имхаанз ун̣хам̣, д̇ам̣ уд̇усамудтаанигам̣ баагад̇игамзва. яам̣ бана ун̣хзби ад̇иун̣хам̣, сийд̇агаалз жа уббаннам̣ ун̣хам̣, д̇ам̣ д̣̇звад̇аанубхаавзна ниб̣б̣ад̇д̇ам̣ ун̣хам̣ наама. аб̣бхам̣ ход̇ийд̇и аб̣бхаман̣д̣або ход̇и. ид̇хааби яам̣ вассаанз жа сисирз жа аб̣бхам̣ уббаж̇ж̇ад̇и, д̇ам̣ уд̇усамудтаанигам̣ баагад̇игамзва. яам̣ бана аб̣бхзязва ад̇иаб̣бхам̣, сад̇д̇асад̇д̇аахамби жанд̣̇асуурияз чаад̣̇зд̇ваа зганд̇хагаарам̣ гарод̇и, яан̃жа жид̇д̇авзсаакамаасзсу аб̣бхам̣, д̇ам̣ д̣̇звад̇аанубхаавзна уббаннам̣ аб̣бхам̣ наама. ваад̇о ход̇ийд̇и яо д̇асмим̣ д̇асмим̣ уд̇умхи уд̇д̇арад̣̇агкин̣аад̣̇ибагад̇иваад̇о ход̇и, аяам̣ уд̇усамудтаанова. яоби бана ругкагканд̇хаад̣̇ибад̣̇аалано ад̇иваад̇о наама ад̇т̇и, аяан̃жзва, яо жа ан̃н̃оби агаалаваад̇о, аяам̣ д̣̇звад̇аанубхааваниб̣б̣ад̇д̇о наама. д̣̇зво вассад̇ийд̇и яам̣ вассигз жад̇д̇ааро маасз вассам̣, д̇ам̣ уд̇усамудтаанамзва. яам̣ бана вассзязва ад̇ивассам̣, яан̃жа жид̇д̇авзсаакамаасзсу вассам̣, д̇ам̣ д̣̇звад̇аанубхааваниб̣б̣ад̇д̇ам̣ наама.
550-606. Valāhakasaṃyutte valāhakakāyikāti valāhakanāmake devakāye uppannā ākāsacārikadevā. Sītavalāhakāti sītakaraṇavalāhakā. Sesapadesupi eseva nayo. Cetopaṇidhimanvāyāti cittaṭṭhapanaṃ āgamma. Sītaṃ hotīti yaṃ vassāne vā hemante vā sītaṃ hoti, taṃ utusamuṭṭhānameva. Yaṃ pana sītepi atisītaṃ, gimhe ca uppannaṃ sītaṃ, taṃ devatānubhāvena nibbattaṃ sītaṃ nāma. Uṇhaṃ hotīti yaṃ gimhāne uṇhaṃ, taṃ utusamuṭṭhānikaṃ pākatikameva. Yaṃ pana uṇhepi atiuṇhaṃ, sītakāle ca uppannaṃ uṇhaṃ, taṃ devatānubhāvena nibbattaṃ uṇhaṃ nāma. Abbhaṃ hotīti abbhamaṇḍapo hoti. Idhāpi yaṃ vassāne ca sisire ca abbhaṃ uppajjati, taṃ utusamuṭṭhānikaṃ pākatikameva. Yaṃ pana abbheyeva atiabbhaṃ, sattasattāhampi candasūriye chādetvā ekandhakāraṃ karoti, yañca cittavesākhamāsesu abbhaṃ, taṃ devatānubhāvena uppannaṃ abbhaṃ nāma. Vāto hotīti yo tasmiṃ tasmiṃ utumhi uttaradakkhiṇādipakativāto hoti, ayaṃ utusamuṭṭhānova. Yopi pana rukkhakkhandhādipadālano ativāto nāma atthi, ayañceva, yo ca aññopi akālavāto, ayaṃ devatānubhāvanibbatto nāma. Devo vassatīti yaṃ vassike cattāro māse vassaṃ, taṃ utusamuṭṭhānameva. Yaṃ pana vasseyeva ativassaṃ, yañca cittavesākhamāsesu vassaṃ, taṃ devatānubhāvanibbattaṃ nāma.
д̇ад̇рид̣̇ам̣ вад̇т̇у – зго гира вассавалаахагад̣̇звабуд̇д̇о д̇алагуудагавааси кийн̣аасавад̇т̇зрасса санд̇игам̣ г̇анд̇ваа ванд̣̇ид̇ваа адтааси. т̇зро ‘‘госи д̇ва’’нд̇и бужчи. ‘‘ахам̣, бханд̇з, вассавалаахагад̣̇звабуд̇д̇о’’д̇и. ‘‘д̇умхаагам̣ гира жид̇д̇зна д̣̇зво вассад̇ий’’д̇и? ‘‘аама, бханд̇з’’д̇и. ‘‘бассид̇угаамаа маяа’’нд̇и . ‘‘д̇змиссат̇а, бханд̇з’’д̇и. ‘‘мзгхасийсам̣ ваа г̇аж̇ж̇ид̇ам̣ ваа на бан̃н̃ааяад̇и, гат̇ам̣ д̇змиссаамаа’’д̇и? ‘‘бханд̇з, амхаагам̣жид̇д̇зна д̣̇зво вассад̇и, д̇умхз бан̣н̣асаалам̣ бависат̇аа’’д̇и . ‘‘саад̇ху д̣̇звабуд̇д̇аа’’д̇и со баад̣̇з д̇ховид̇ваа бан̣н̣асаалам̣ баависи. д̣̇звабуд̇д̇о д̇асмим̣ бависанд̇зязва згам̣ г̇ийд̇ам̣ г̇ааяид̇ваа хад̇т̇ам̣ угкиби. саманд̇аа д̇ияож̇анадтаанам̣ згамзгхам̣ ахоси. т̇зро ад̣̇д̇хад̇инд̇о бан̣н̣асаалам̣ бавидтод̇и. абижа д̣̇зво наамзса адтахи гааран̣зхи вассад̇и нааг̇аанубхаавзна субан̣н̣аанубхаавзна д̣̇звад̇аанубхаавзна сажжагирияааяа уд̇усамудтаанзна маараавадданзна ид̣̇д̇хиб̣алзна винаасамзгхзнаад̇и.
Tatridaṃ vatthu – eko kira vassavalāhakadevaputto talakūṭakavāsi khīṇāsavattherassa santikaṃ gantvā vanditvā aṭṭhāsi. Thero ‘‘kosi tva’’nti pucchi. ‘‘Ahaṃ, bhante, vassavalāhakadevaputto’’ti. ‘‘Tumhākaṃ kira cittena devo vassatī’’ti? ‘‘Āma, bhante’’ti. ‘‘Passitukāmā maya’’nti . ‘‘Temissatha, bhante’’ti. ‘‘Meghasīsaṃ vā gajjitaṃ vā na paññāyati, kathaṃ temissāmā’’ti? ‘‘Bhante, amhākaṃcittena devo vassati, tumhe paṇṇasālaṃ pavisathā’’ti . ‘‘Sādhu devaputtā’’ti so pāde dhovitvā paṇṇasālaṃ pāvisi. Devaputto tasmiṃ pavisanteyeva ekaṃ gītaṃ gāyitvā hatthaṃ ukkhipi. Samantā tiyojanaṭṭhānaṃ ekameghaṃ ahosi. Thero addhatinto paṇṇasālaṃ paviṭṭhoti. Apica devo nāmesa aṭṭhahi kāraṇehi vassati nāgānubhāvena supaṇṇānubhāvena devatānubhāvena saccakiriyāya utusamuṭṭhānena mārāvaṭṭanena iddhibalena vināsameghenāti.
валаахагасам̣яуд̇д̇аван̣н̣анаа нидтид̇аа.
Valāhakasaṃyuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya
1. суд̣̇д̇хигасуд̇д̇ам̣ • 1. Suddhikasuttaṃ
2. сужарид̇асуд̇д̇ам̣ • 2. Sucaritasuttaṃ
3-12. сийд̇авалаахагад̣̇аануубагаарасуд̇д̇ад̣̇асагам̣ • 3-12. Sītavalāhakadānūpakārasuttadasakaṃ
13-52. ун̣хавалаахагад̣̇аануубагаарасуд̇д̇ажаалийсагам̣ • 13-52. Uṇhavalāhakadānūpakārasuttacālīsakaṃ
53. сийд̇авалаахагасуд̇д̇ам̣ • 53. Sītavalāhakasuttaṃ
54. ун̣хавалаахагасуд̇д̇ам̣ • 54. Uṇhavalāhakasuttaṃ
55. аб̣бхавалаахагасуд̇д̇ам̣ • 55. Abbhavalāhakasuttaṃ
56. ваад̇авалаахагасуд̇д̇ам̣ • 56. Vātavalāhakasuttaṃ
57. вассавалаахагасуд̇д̇ам̣ • 57. Vassavalāhakasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 11. валаахагасам̣яуд̇д̇аван̣н̣анаа • 11. Valāhakasaṃyuttavaṇṇanā
