| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
11. валаахагасам̣яуд̇д̇аван̣н̣анаа
11. Valāhakasaṃyuttavaṇṇanā
550-606. логам̣ ваалзнд̇аа сам̣варанд̇аа чаад̣̇знд̇аа аханд̇и бариязсанд̇ийд̇и валаахаа, д̣̇звабуд̇д̇аа. д̇зсам̣ самуухо валаахагад̣̇звагааяод̇и ааха ‘‘валаахагагааяигаа’’д̇иаад̣̇и. сийд̇агаран̣авалаахагаад̇и сийд̇ахаран̣авалаахагаа. сзсабад̣̇зсууд̇и ун̣хавалаахагаад̣̇ибад̣̇зсу. зсзва наяод̇и ‘‘ун̣хагаран̣авалаахагаа’’д̇иаад̣̇инаа ад̇т̇о взд̣̇ид̇аб̣б̣о. жид̇д̇адтабананд̇и ‘‘сийд̇ам̣ ход̇уу’’д̇и звам̣ жид̇д̇асса уббаад̣̇анам̣. вассаанзд̇и вассагаалз. уд̇усамудтаанамзваад̇и баагад̇игасийд̇амзваад̇и ад̇т̇о. ун̣хзбийд̇и ун̣хагаалз. аб̣бхаман̣д̣абод̇и ман̣д̣абасад̣̇исааб̣бхабадалавид̇аанамааха. аб̣бхам̣ уббаж̇ж̇ад̇ийд̇и д̇ахам̣ д̇ахам̣ бадалам̣ удтахад̇и. аб̣бхзязваад̇и аб̣бхагаалз зва, вассаанзд̇и ад̇т̇о. ад̇иаб̣бханд̇и сад̇абадаласахассабадалам̣ худ̇ваа аб̣бхудтаанам̣. жид̇д̇авзсаакамаасзсууд̇и васанд̇агаалам̣ санд̇хааяааха. д̇ад̣̇аа хи вид̣̇д̇хо виг̇ад̇авалаахаго д̣̇зво бхавид̇ум̣ яуд̇д̇о. уд̇д̇арад̣̇агкин̣аад̣̇ийд̇и аад̣̇и-сад̣̇д̣̇зна бажчимаваад̇аад̣̇им̣ сан̇г̇ан̣хаад̇и. багад̇иваад̇од̇и багад̇ияаа сабхаавзна вааяанагаваад̇о. д̇ам̣ уд̇усамудтаанамзваад̇и аахааруубаж̇ийвийнам̣ сад̇д̇аанам̣ саад̇хааран̣агаммуубаниссаяауд̇усамудтаанамзва. зса наяо уд̇усамудтаанасийд̇ун̣хаваад̇зсуби. д̇амби хи аахааруубаж̇ийвийнам̣ сад̇д̇аанам̣ саад̇хааран̣агаммуубаниссаяамзваад̇и.
550-606. Lokaṃ vālentā saṃvarantā chādentā ahanti pariyesantīti valāhā, devaputtā. Tesaṃ samūho valāhakadevakāyoti āha ‘‘valāhakakāyikā’’tiādi. Sītakaraṇavalāhakāti sītaharaṇavalāhakā. Sesapadesūti uṇhavalāhakādipadesu. Eseva nayoti ‘‘uṇhakaraṇavalāhakā’’tiādinā attho veditabbo. Cittaṭṭhapananti ‘‘sītaṃ hotū’’ti evaṃ cittassa uppādanaṃ. Vassāneti vassakāle. Utusamuṭṭhānamevāti pākatikasītamevāti attho. Uṇhepīti uṇhakāle. Abbhamaṇḍapoti maṇḍapasadisaabbhapaṭalavitānamāha. Abbhaṃ uppajjatīti tahaṃ tahaṃ paṭalaṃ uṭṭhahati. Abbheyevāti abbhakāle eva, vassāneti attho. Atiabbhanti satapaṭalasahassapaṭalaṃ hutvā abbhuṭṭhānaṃ. Cittavesākhamāsesūti vasantakālaṃ sandhāyāha. Tadā hi viddho vigatavalāhako devo bhavituṃ yutto. Uttaradakkhiṇādīti ādi-saddena pacchimavātādiṃ saṅgaṇhāti. Pakativātoti pakatiyā sabhāvena vāyanakavāto. Taṃ utusamuṭṭhānamevāti āhārūpajīvīnaṃ sattānaṃ sādhāraṇakammūpanissayautusamuṭṭhānameva. Esa nayo utusamuṭṭhānasītuṇhavātesupi. Tampi hi āhārūpajīvīnaṃ sattānaṃ sādhāraṇakammūpanissayamevāti.
г̇ийд̇анд̇и мзгхаг̇ийд̇ам̣. сажжагирияааяаад̇и д̇аад̣̇исаанам̣ бурисависзсаанам̣ сажжаад̇хидтаанзна. ид̣̇д̇хиб̣алзнаад̇и ид̣̇д̇химанд̇аанам̣ ид̣̇д̇хиаанубхаавзна. винаасамзгхзнаад̇и габбавинаасагамзгхзна. ан̃н̃знаби ган̣хабаабигасад̇д̇аанам̣ баабагаммабажжаяаа уббаннавинаасамзгхзна вудтзна со со д̣̇зсо винассад̇зва.
Gītanti meghagītaṃ. Saccakiriyāyāti tādisānaṃ purisavisesānaṃ saccādhiṭṭhānena. Iddhibalenāti iddhimantānaṃ iddhiānubhāvena. Vināsameghenāti kappavināsakameghena. Aññenapi kaṇhapāpikasattānaṃ pāpakammapaccayā uppannavināsameghena vuṭṭhena so so deso vinassateva.
валаахагасам̣яуд̇д̇аван̣н̣анаа нидтид̇аа.
Valāhakasaṃyuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya
1. суд̣̇д̇хигасуд̇д̇ам̣ • 1. Suddhikasuttaṃ
2. сужарид̇асуд̇д̇ам̣ • 2. Sucaritasuttaṃ
3-12. сийд̇авалаахагад̣̇аануубагаарасуд̇д̇ад̣̇асагам̣ • 3-12. Sītavalāhakadānūpakārasuttadasakaṃ
13-52. ун̣хавалаахагад̣̇аануубагаарасуд̇д̇ажаалийсагам̣ • 13-52. Uṇhavalāhakadānūpakārasuttacālīsakaṃ
53. сийд̇авалаахагасуд̇д̇ам̣ • 53. Sītavalāhakasuttaṃ
54. ун̣хавалаахагасуд̇д̇ам̣ • 54. Uṇhavalāhakasuttaṃ
55. аб̣бхавалаахагасуд̇д̇ам̣ • 55. Abbhavalāhakasuttaṃ
56. ваад̇авалаахагасуд̇д̇ам̣ • 56. Vātavalāhakasuttaṃ
57. вассавалаахагасуд̇д̇ам̣ • 57. Vassavalāhakasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 11. валаахагасам̣яуд̇д̇аван̣н̣анаа • 11. Valāhakasaṃyuttavaṇṇanā
