| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੧੧. વਲਾਹਕਸਂਯੁਤ੍ਤવਣ੍ਣਨਾ
11. Valāhakasaṃyuttavaṇṇanā
੫੫੦-੬੦੬. વਲਾਹਕਸਂਯੁਤ੍ਤੇ વਲਾਹਕਕਾਯਿਕਾਤਿ વਲਾਹਕਨਾਮਕੇ ਦੇવਕਾਯੇ ਉਪ੍ਪਨ੍ਨਾ ਆਕਾਸਚਾਰਿਕਦੇવਾ। ਸੀਤવਲਾਹਕਾਤਿ ਸੀਤਕਰਣવਲਾਹਕਾ। ਸੇਸਪਦੇਸੁਪਿ ਏਸੇવ ਨਯੋ। ਚੇਤੋਪਣਿਧਿਮਨ੍વਾਯਾਤਿ ਚਿਤ੍ਤਟ੍ਠਪਨਂ ਆਗਮ੍ਮ। ਸੀਤਂ ਹੋਤੀਤਿ ਯਂ વਸ੍ਸਾਨੇ વਾ ਹੇਮਨ੍ਤੇ વਾ ਸੀਤਂ ਹੋਤਿ, ਤਂ ਉਤੁਸਮੁਟ੍ਠਾਨਮੇવ। ਯਂ ਪਨ ਸੀਤੇਪਿ ਅਤਿਸੀਤਂ, ਗਿਮ੍ਹੇ ਚ ਉਪ੍ਪਨ੍ਨਂ ਸੀਤਂ, ਤਂ ਦੇવਤਾਨੁਭਾવੇਨ ਨਿਬ੍ਬਤ੍ਤਂ ਸੀਤਂ ਨਾਮ। ਉਣ੍ਹਂ ਹੋਤੀਤਿ ਯਂ ਗਿਮ੍ਹਾਨੇ ਉਣ੍ਹਂ, ਤਂ ਉਤੁਸਮੁਟ੍ਠਾਨਿਕਂ ਪਾਕਤਿਕਮੇવ। ਯਂ ਪਨ ਉਣ੍ਹੇਪਿ ਅਤਿਉਣ੍ਹਂ, ਸੀਤਕਾਲੇ ਚ ਉਪ੍ਪਨ੍ਨਂ ਉਣ੍ਹਂ, ਤਂ ਦੇવਤਾਨੁਭਾવੇਨ ਨਿਬ੍ਬਤ੍ਤਂ ਉਣ੍ਹਂ ਨਾਮ। ਅਬ੍ਭਂ ਹੋਤੀਤਿ ਅਬ੍ਭਮਣ੍ਡਪੋ ਹੋਤਿ। ਇਧਾਪਿ ਯਂ વਸ੍ਸਾਨੇ ਚ ਸਿਸਿਰੇ ਚ ਅਬ੍ਭਂ ਉਪ੍ਪਜ੍ਜਤਿ, ਤਂ ਉਤੁਸਮੁਟ੍ਠਾਨਿਕਂ ਪਾਕਤਿਕਮੇવ। ਯਂ ਪਨ ਅਬ੍ਭੇਯੇવ ਅਤਿਅਬ੍ਭਂ, ਸਤ੍ਤਸਤ੍ਤਾਹਮ੍ਪਿ ਚਨ੍ਦਸੂਰਿਯੇ ਛਾਦੇਤ੍વਾ ਏਕਨ੍ਧਕਾਰਂ ਕਰੋਤਿ, ਯਞ੍ਚ ਚਿਤ੍ਤવੇਸਾਖਮਾਸੇਸੁ ਅਬ੍ਭਂ, ਤਂ ਦੇવਤਾਨੁਭਾવੇਨ ਉਪ੍ਪਨ੍ਨਂ ਅਬ੍ਭਂ ਨਾਮ। વਾਤੋ ਹੋਤੀਤਿ ਯੋ ਤਸ੍ਮਿਂ ਤਸ੍ਮਿਂ ਉਤੁਮ੍ਹਿ ਉਤ੍ਤਰਦਕ੍ਖਿਣਾਦਿਪਕਤਿવਾਤੋ ਹੋਤਿ, ਅਯਂ ਉਤੁਸਮੁਟ੍ਠਾਨੋવ। ਯੋਪਿ ਪਨ ਰੁਕ੍ਖਕ੍ਖਨ੍ਧਾਦਿਪਦਾਲਨੋ ਅਤਿવਾਤੋ ਨਾਮ ਅਤ੍ਥਿ, ਅਯਞ੍ਚੇવ, ਯੋ ਚ ਅਞ੍ਞੋਪਿ ਅਕਾਲવਾਤੋ, ਅਯਂ ਦੇવਤਾਨੁਭਾવਨਿਬ੍ਬਤ੍ਤੋ ਨਾਮ। ਦੇવੋ વਸ੍ਸਤੀਤਿ ਯਂ વਸ੍ਸਿਕੇ ਚਤ੍ਤਾਰੋ ਮਾਸੇ વਸ੍ਸਂ, ਤਂ ਉਤੁਸਮੁਟ੍ਠਾਨਮੇવ। ਯਂ ਪਨ વਸ੍ਸੇਯੇવ ਅਤਿવਸ੍ਸਂ, ਯਞ੍ਚ ਚਿਤ੍ਤવੇਸਾਖਮਾਸੇਸੁ વਸ੍ਸਂ, ਤਂ ਦੇવਤਾਨੁਭਾવਨਿਬ੍ਬਤ੍ਤਂ ਨਾਮ।
550-606. Valāhakasaṃyutte valāhakakāyikāti valāhakanāmake devakāye uppannā ākāsacārikadevā. Sītavalāhakāti sītakaraṇavalāhakā. Sesapadesupi eseva nayo. Cetopaṇidhimanvāyāti cittaṭṭhapanaṃ āgamma. Sītaṃ hotīti yaṃ vassāne vā hemante vā sītaṃ hoti, taṃ utusamuṭṭhānameva. Yaṃ pana sītepi atisītaṃ, gimhe ca uppannaṃ sītaṃ, taṃ devatānubhāvena nibbattaṃ sītaṃ nāma. Uṇhaṃ hotīti yaṃ gimhāne uṇhaṃ, taṃ utusamuṭṭhānikaṃ pākatikameva. Yaṃ pana uṇhepi atiuṇhaṃ, sītakāle ca uppannaṃ uṇhaṃ, taṃ devatānubhāvena nibbattaṃ uṇhaṃ nāma. Abbhaṃ hotīti abbhamaṇḍapo hoti. Idhāpi yaṃ vassāne ca sisire ca abbhaṃ uppajjati, taṃ utusamuṭṭhānikaṃ pākatikameva. Yaṃ pana abbheyeva atiabbhaṃ, sattasattāhampi candasūriye chādetvā ekandhakāraṃ karoti, yañca cittavesākhamāsesu abbhaṃ, taṃ devatānubhāvena uppannaṃ abbhaṃ nāma. Vāto hotīti yo tasmiṃ tasmiṃ utumhi uttaradakkhiṇādipakativāto hoti, ayaṃ utusamuṭṭhānova. Yopi pana rukkhakkhandhādipadālano ativāto nāma atthi, ayañceva, yo ca aññopi akālavāto, ayaṃ devatānubhāvanibbatto nāma. Devo vassatīti yaṃ vassike cattāro māse vassaṃ, taṃ utusamuṭṭhānameva. Yaṃ pana vasseyeva ativassaṃ, yañca cittavesākhamāsesu vassaṃ, taṃ devatānubhāvanibbattaṃ nāma.
ਤਤ੍ਰਿਦਂ વਤ੍ਥੁ – ਏਕੋ ਕਿਰ વਸ੍ਸવਲਾਹਕਦੇવਪੁਤ੍ਤੋ ਤਲਕੂਟਕવਾਸਿ ਖੀਣਾਸવਤ੍ਥੇਰਸ੍ਸ ਸਨ੍ਤਿਕਂ ਗਨ੍ਤ੍વਾ વਨ੍ਦਿਤ੍વਾ ਅਟ੍ਠਾਸਿ। ਥੇਰੋ ‘‘ਕੋਸਿ ਤ੍વ’’ਨ੍ਤਿ ਪੁਚ੍ਛਿ। ‘‘ਅਹਂ, ਭਨ੍ਤੇ, વਸ੍ਸવਲਾਹਕਦੇવਪੁਤ੍ਤੋ’’ਤਿ। ‘‘ਤੁਮ੍ਹਾਕਂ ਕਿਰ ਚਿਤ੍ਤੇਨ ਦੇવੋ વਸ੍ਸਤੀ’’ਤਿ? ‘‘ਆਮ, ਭਨ੍ਤੇ’’ਤਿ। ‘‘ਪਸ੍ਸਿਤੁਕਾਮਾ ਮਯ’’ਨ੍ਤਿ । ‘‘ਤੇਮਿਸ੍ਸਥ, ਭਨ੍ਤੇ’’ਤਿ। ‘‘ਮੇਘਸੀਸਂ વਾ ਗਜ੍ਜਿਤਂ વਾ ਨ ਪਞ੍ਞਾਯਤਿ, ਕਥਂ ਤੇਮਿਸ੍ਸਾਮਾ’’ਤਿ? ‘‘ਭਨ੍ਤੇ, ਅਮ੍ਹਾਕਂਚਿਤ੍ਤੇਨ ਦੇવੋ વਸ੍ਸਤਿ, ਤੁਮ੍ਹੇ ਪਣ੍ਣਸਾਲਂ ਪવਿਸਥਾ’’ਤਿ । ‘‘ਸਾਧੁ ਦੇવਪੁਤ੍ਤਾ’’ਤਿ ਸੋ ਪਾਦੇ ਧੋવਿਤ੍વਾ ਪਣ੍ਣਸਾਲਂ ਪਾવਿਸਿ। ਦੇવਪੁਤ੍ਤੋ ਤਸ੍ਮਿਂ ਪવਿਸਨ੍ਤੇਯੇવ ਏਕਂ ਗੀਤਂ ਗਾਯਿਤ੍વਾ ਹਤ੍ਥਂ ਉਕ੍ਖਿਪਿ। ਸਮਨ੍ਤਾ ਤਿਯੋਜਨਟ੍ਠਾਨਂ ਏਕਮੇਘਂ ਅਹੋਸਿ। ਥੇਰੋ ਅਦ੍ਧਤਿਨ੍ਤੋ ਪਣ੍ਣਸਾਲਂ ਪવਿਟ੍ਠੋਤਿ। ਅਪਿਚ ਦੇવੋ ਨਾਮੇਸ ਅਟ੍ਠਹਿ ਕਾਰਣੇਹਿ વਸ੍ਸਤਿ ਨਾਗਾਨੁਭਾવੇਨ ਸੁਪਣ੍ਣਾਨੁਭਾવੇਨ ਦੇવਤਾਨੁਭਾવੇਨ ਸਚ੍ਚਕਿਰਿਯਾਯ ਉਤੁਸਮੁਟ੍ਠਾਨੇਨ ਮਾਰਾવਟ੍ਟਨੇਨ ਇਦ੍ਧਿਬਲੇਨ વਿਨਾਸਮੇਘੇਨਾਤਿ।
Tatridaṃ vatthu – eko kira vassavalāhakadevaputto talakūṭakavāsi khīṇāsavattherassa santikaṃ gantvā vanditvā aṭṭhāsi. Thero ‘‘kosi tva’’nti pucchi. ‘‘Ahaṃ, bhante, vassavalāhakadevaputto’’ti. ‘‘Tumhākaṃ kira cittena devo vassatī’’ti? ‘‘Āma, bhante’’ti. ‘‘Passitukāmā maya’’nti . ‘‘Temissatha, bhante’’ti. ‘‘Meghasīsaṃ vā gajjitaṃ vā na paññāyati, kathaṃ temissāmā’’ti? ‘‘Bhante, amhākaṃcittena devo vassati, tumhe paṇṇasālaṃ pavisathā’’ti . ‘‘Sādhu devaputtā’’ti so pāde dhovitvā paṇṇasālaṃ pāvisi. Devaputto tasmiṃ pavisanteyeva ekaṃ gītaṃ gāyitvā hatthaṃ ukkhipi. Samantā tiyojanaṭṭhānaṃ ekameghaṃ ahosi. Thero addhatinto paṇṇasālaṃ paviṭṭhoti. Apica devo nāmesa aṭṭhahi kāraṇehi vassati nāgānubhāvena supaṇṇānubhāvena devatānubhāvena saccakiriyāya utusamuṭṭhānena mārāvaṭṭanena iddhibalena vināsameghenāti.
વਲਾਹਕਸਂਯੁਤ੍ਤવਣ੍ਣਨਾ ਨਿਟ੍ਠਿਤਾ।
Valāhakasaṃyuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya
੧. ਸੁਦ੍ਧਿਕਸੁਤ੍ਤਂ • 1. Suddhikasuttaṃ
੨. ਸੁਚਰਿਤਸੁਤ੍ਤਂ • 2. Sucaritasuttaṃ
੩-੧੨. ਸੀਤવਲਾਹਕਦਾਨੂਪਕਾਰਸੁਤ੍ਤਦਸਕਂ • 3-12. Sītavalāhakadānūpakārasuttadasakaṃ
੧੩-੫੨. ਉਣ੍ਹવਲਾਹਕਦਾਨੂਪਕਾਰਸੁਤ੍ਤਚਾਲੀਸਕਂ • 13-52. Uṇhavalāhakadānūpakārasuttacālīsakaṃ
੫੩. ਸੀਤવਲਾਹਕਸੁਤ੍ਤਂ • 53. Sītavalāhakasuttaṃ
੫੪. ਉਣ੍ਹવਲਾਹਕਸੁਤ੍ਤਂ • 54. Uṇhavalāhakasuttaṃ
੫੫. ਅਬ੍ਭવਲਾਹਕਸੁਤ੍ਤਂ • 55. Abbhavalāhakasuttaṃ
੫੬. વਾਤવਲਾਹਕਸੁਤ੍ਤਂ • 56. Vātavalāhakasuttaṃ
੫੭. વਸ੍ਸવਲਾਹਕਸੁਤ੍ਤਂ • 57. Vassavalāhakasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧੧. વਲਾਹਕਸਂਯੁਤ੍ਤવਣ੍ਣਨਾ • 11. Valāhakasaṃyuttavaṇṇanā
