| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੧੧. વਲਾਹਕਸਂਯੁਤ੍ਤવਣ੍ਣਨਾ
11. Valāhakasaṃyuttavaṇṇanā
੫੫੦-੬੦੬. ਲੋਕਂ વਾਲੇਨ੍ਤਾ ਸਂવਰਨ੍ਤਾ ਛਾਦੇਨ੍ਤਾ ਅਹਨ੍ਤਿ ਪਰਿਯੇਸਨ੍ਤੀਤਿ વਲਾਹਾ, ਦੇવਪੁਤ੍ਤਾ। ਤੇਸਂ ਸਮੂਹੋ વਲਾਹਕਦੇવਕਾਯੋਤਿ ਆਹ ‘‘વਲਾਹਕਕਾਯਿਕਾ’’ਤਿਆਦਿ। ਸੀਤਕਰਣવਲਾਹਕਾਤਿ ਸੀਤਹਰਣવਲਾਹਕਾ। ਸੇਸਪਦੇਸੂਤਿ ਉਣ੍ਹવਲਾਹਕਾਦਿਪਦੇਸੁ। ਏਸੇવ ਨਯੋਤਿ ‘‘ਉਣ੍ਹਕਰਣવਲਾਹਕਾ’’ਤਿਆਦਿਨਾ ਅਤ੍ਥੋ વੇਦਿਤਬ੍ਬੋ। ਚਿਤ੍ਤਟ੍ਠਪਨਨ੍ਤਿ ‘‘ਸੀਤਂ ਹੋਤੂ’’ਤਿ ਏવਂ ਚਿਤ੍ਤਸ੍ਸ ਉਪ੍ਪਾਦਨਂ। વਸ੍ਸਾਨੇਤਿ વਸ੍ਸਕਾਲੇ। ਉਤੁਸਮੁਟ੍ਠਾਨਮੇવਾਤਿ ਪਾਕਤਿਕਸੀਤਮੇવਾਤਿ ਅਤ੍ਥੋ। ਉਣ੍ਹੇਪੀਤਿ ਉਣ੍ਹਕਾਲੇ। ਅਬ੍ਭਮਣ੍ਡਪੋਤਿ ਮਣ੍ਡਪਸਦਿਸਅਬ੍ਭਪਟਲવਿਤਾਨਮਾਹ। ਅਬ੍ਭਂ ਉਪ੍ਪਜ੍ਜਤੀਤਿ ਤਹਂ ਤਹਂ ਪਟਲਂ ਉਟ੍ਠਹਤਿ। ਅਬ੍ਭੇਯੇવਾਤਿ ਅਬ੍ਭਕਾਲੇ ਏવ, વਸ੍ਸਾਨੇਤਿ ਅਤ੍ਥੋ। ਅਤਿਅਬ੍ਭਨ੍ਤਿ ਸਤਪਟਲਸਹਸ੍ਸਪਟਲਂ ਹੁਤ੍વਾ ਅਬ੍ਭੁਟ੍ਠਾਨਂ। ਚਿਤ੍ਤવੇਸਾਖਮਾਸੇਸੂਤਿ વਸਨ੍ਤਕਾਲਂ ਸਨ੍ਧਾਯਾਹ। ਤਦਾ ਹਿ વਿਦ੍ਧੋ વਿਗਤવਲਾਹਕੋ ਦੇવੋ ਭવਿਤੁਂ ਯੁਤ੍ਤੋ। ਉਤ੍ਤਰਦਕ੍ਖਿਣਾਦੀਤਿ ਆਦਿ-ਸਦ੍ਦੇਨ ਪਚ੍ਛਿਮવਾਤਾਦਿਂ ਸਙ੍ਗਣ੍ਹਾਤਿ। ਪਕਤਿવਾਤੋਤਿ ਪਕਤਿਯਾ ਸਭਾવੇਨ વਾਯਨਕવਾਤੋ। ਤਂ ਉਤੁਸਮੁਟ੍ਠਾਨਮੇવਾਤਿ ਆਹਾਰੂਪਜੀવੀਨਂ ਸਤ੍ਤਾਨਂ ਸਾਧਾਰਣਕਮ੍ਮੂਪਨਿਸ੍ਸਯਉਤੁਸਮੁਟ੍ਠਾਨਮੇવ। ਏਸ ਨਯੋ ਉਤੁਸਮੁਟ੍ਠਾਨਸੀਤੁਣ੍ਹવਾਤੇਸੁਪਿ। ਤਮ੍ਪਿ ਹਿ ਆਹਾਰੂਪਜੀવੀਨਂ ਸਤ੍ਤਾਨਂ ਸਾਧਾਰਣਕਮ੍ਮੂਪਨਿਸ੍ਸਯਮੇવਾਤਿ।
550-606. Lokaṃ vālentā saṃvarantā chādentā ahanti pariyesantīti valāhā, devaputtā. Tesaṃ samūho valāhakadevakāyoti āha ‘‘valāhakakāyikā’’tiādi. Sītakaraṇavalāhakāti sītaharaṇavalāhakā. Sesapadesūti uṇhavalāhakādipadesu. Eseva nayoti ‘‘uṇhakaraṇavalāhakā’’tiādinā attho veditabbo. Cittaṭṭhapananti ‘‘sītaṃ hotū’’ti evaṃ cittassa uppādanaṃ. Vassāneti vassakāle. Utusamuṭṭhānamevāti pākatikasītamevāti attho. Uṇhepīti uṇhakāle. Abbhamaṇḍapoti maṇḍapasadisaabbhapaṭalavitānamāha. Abbhaṃ uppajjatīti tahaṃ tahaṃ paṭalaṃ uṭṭhahati. Abbheyevāti abbhakāle eva, vassāneti attho. Atiabbhanti satapaṭalasahassapaṭalaṃ hutvā abbhuṭṭhānaṃ. Cittavesākhamāsesūti vasantakālaṃ sandhāyāha. Tadā hi viddho vigatavalāhako devo bhavituṃ yutto. Uttaradakkhiṇādīti ādi-saddena pacchimavātādiṃ saṅgaṇhāti. Pakativātoti pakatiyā sabhāvena vāyanakavāto. Taṃ utusamuṭṭhānamevāti āhārūpajīvīnaṃ sattānaṃ sādhāraṇakammūpanissayautusamuṭṭhānameva. Esa nayo utusamuṭṭhānasītuṇhavātesupi. Tampi hi āhārūpajīvīnaṃ sattānaṃ sādhāraṇakammūpanissayamevāti.
ਗੀਤਨ੍ਤਿ ਮੇਘਗੀਤਂ। ਸਚ੍ਚਕਿਰਿਯਾਯਾਤਿ ਤਾਦਿਸਾਨਂ ਪੁਰਿਸવਿਸੇਸਾਨਂ ਸਚ੍ਚਾਧਿਟ੍ਠਾਨੇਨ। ਇਦ੍ਧਿਬਲੇਨਾਤਿ ਇਦ੍ਧਿਮਨ੍ਤਾਨਂ ਇਦ੍ਧਿਆਨੁਭਾવੇਨ। વਿਨਾਸਮੇਘੇਨਾਤਿ ਕਪ੍ਪવਿਨਾਸਕਮੇਘੇਨ। ਅਞ੍ਞੇਨਪਿ ਕਣ੍ਹਪਾਪਿਕਸਤ੍ਤਾਨਂ ਪਾਪਕਮ੍ਮਪਚ੍ਚਯਾ ਉਪ੍ਪਨ੍ਨવਿਨਾਸਮੇਘੇਨ વੁਟ੍ਠੇਨ ਸੋ ਸੋ ਦੇਸੋ વਿਨਸ੍ਸਤੇવ।
Gītanti meghagītaṃ. Saccakiriyāyāti tādisānaṃ purisavisesānaṃ saccādhiṭṭhānena. Iddhibalenāti iddhimantānaṃ iddhiānubhāvena. Vināsameghenāti kappavināsakameghena. Aññenapi kaṇhapāpikasattānaṃ pāpakammapaccayā uppannavināsameghena vuṭṭhena so so deso vinassateva.
વਲਾਹਕਸਂਯੁਤ੍ਤવਣ੍ਣਨਾ ਨਿਟ੍ਠਿਤਾ।
Valāhakasaṃyuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya
੧. ਸੁਦ੍ਧਿਕਸੁਤ੍ਤਂ • 1. Suddhikasuttaṃ
੨. ਸੁਚਰਿਤਸੁਤ੍ਤਂ • 2. Sucaritasuttaṃ
੩-੧੨. ਸੀਤવਲਾਹਕਦਾਨੂਪਕਾਰਸੁਤ੍ਤਦਸਕਂ • 3-12. Sītavalāhakadānūpakārasuttadasakaṃ
੧੩-੫੨. ਉਣ੍ਹવਲਾਹਕਦਾਨੂਪਕਾਰਸੁਤ੍ਤਚਾਲੀਸਕਂ • 13-52. Uṇhavalāhakadānūpakārasuttacālīsakaṃ
੫੩. ਸੀਤવਲਾਹਕਸੁਤ੍ਤਂ • 53. Sītavalāhakasuttaṃ
੫੪. ਉਣ੍ਹવਲਾਹਕਸੁਤ੍ਤਂ • 54. Uṇhavalāhakasuttaṃ
੫੫. ਅਬ੍ਭવਲਾਹਕਸੁਤ੍ਤਂ • 55. Abbhavalāhakasuttaṃ
੫੬. વਾਤવਲਾਹਕਸੁਤ੍ਤਂ • 56. Vātavalāhakasuttaṃ
੫੭. વਸ੍ਸવਲਾਹਕਸੁਤ੍ਤਂ • 57. Vassavalāhakasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧੧. વਲਾਹਕਸਂਯੁਤ੍ਤવਣ੍ਣਨਾ • 11. Valāhakasaṃyuttavaṇṇanā
