| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
3. ததியபண்ணாஸகங்
3. Tatiyapaṇṇāsakaṃ
(11) 1. வலாஹகவக்³கோ³
(11) 1. Valāhakavaggo
1-2. வலாஹகஸுத்தத்³வயவண்ணனா
1-2. Valāhakasuttadvayavaṇṇanā
101-2. ததியபண்ணாஸகஸ்ஸ பட²மே க³ஜ்ஜிதாதி த²னிதா. தத்த² க³ஜ்ஜித்வா நோவஸ்ஸனபா⁴வோ நாம பாபகோ. மனுஸ்ஸா ஹி யதா³ தே³வோ க³ஜ்ஜதி, ததா³ ‘‘ஸுவுட்டி²தா ப⁴விஸ்ஸதீ’’தி பீ³ஜானி நீஹரித்வா வபந்தி. அத² தே³வே அவஸ்ஸந்தே கெ²த்தே பீ³ஜானி கெ²த்தேயேவ நஸ்ஸந்தி, கே³ஹே பீ³ஜானி கே³ஹேயேவ நஸ்ஸந்தீதி து³ப்³பி⁴க்க²ங் ஹோதி. நோக³ஜ்ஜித்வா வஸ்ஸனபா⁴வோபி பாபகோ. மனுஸ்ஸா ஹி இமஸ்மிங் காலே ‘‘து³ப்³பு³ட்டி²கா ப⁴விஸ்ஸதீ’’தி நின்னட்டா²னேஸுயேவ வப்பங் கரொந்தி. அத² தே³வோ வஸ்ஸித்வா ஸப்³ப³பீ³ஜானி மஹாஸமுத்³த³ங் பாபேதி, து³ப்³பி⁴க்க²மேவ ஹோதி. க³ஜ்ஜித்வா வஸ்ஸனபா⁴வோ பன ப⁴த்³த³கோ. ததா³ ஹி ஸுபி⁴க்க²ங் ஹோதி. நோக³ஜ்ஜித்வா நோவஸ்ஸனபா⁴வோ ஏகந்தபாபகோவ. பா⁴ஸிதா ஹோதி நோ கத்தாதி ‘‘இதா³னி க³ந்த²து⁴ரங் பூரெஸ்ஸாமி, வாஸது⁴ரங் பூரெஸ்ஸாமீ’’தி கதே²தியேவ, ந உத்³தே³ஸங் க³ண்ஹாதி, ந கம்மட்டா²னங் பா⁴வேதி.
101-2. Tatiyapaṇṇāsakassa paṭhame gajjitāti thanitā. Tattha gajjitvā novassanabhāvo nāma pāpako. Manussā hi yadā devo gajjati, tadā ‘‘suvuṭṭhitā bhavissatī’’ti bījāni nīharitvā vapanti. Atha deve avassante khette bījāni khetteyeva nassanti, gehe bījāni geheyeva nassantīti dubbhikkhaṃ hoti. Nogajjitvā vassanabhāvopi pāpako. Manussā hi imasmiṃ kāle ‘‘dubbuṭṭhikā bhavissatī’’ti ninnaṭṭhānesuyeva vappaṃ karonti. Atha devo vassitvā sabbabījāni mahāsamuddaṃ pāpeti, dubbhikkhameva hoti. Gajjitvā vassanabhāvo pana bhaddako. Tadā hi subhikkhaṃ hoti. Nogajjitvā novassanabhāvo ekantapāpakova. Bhāsitā hoti no kattāti ‘‘idāni ganthadhuraṃ pūressāmi, vāsadhuraṃ pūressāmī’’ti kathetiyeva, na uddesaṃ gaṇhāti, na kammaṭṭhānaṃ bhāveti.
கத்தா ஹோதி நோ பா⁴ஸிதாதி ‘‘க³ந்த²து⁴ரங் பூரெஸ்ஸாமி, வாஸது⁴ரங் வா’’தி ந பா⁴ஸதி, ஸம்பத்தே பன காலே ஸமத்தங் ஸம்பாதே³தி. இமினா நயேன இதரேபி வேதி³தப்³பா³. அத² வா ஸப்³ப³ங் பனேதங் பச்சயதா³யகேஹேவ கதி²தங். ஏகோ ஹி ‘‘அஸுகதி³வஸே நாம தா³னங் த³ஸ்ஸாமீ’’தி ஸங்க⁴ங் நிமந்தேதி, ஸம்பத்தே காலே நோ கரோதி. அயங் புக்³க³லோ புஞ்ஞேன பரிஹாயதி, பி⁴க்கு²ஸங்கோ⁴ பன லாபே⁴ன பரிஹாயதி. அபரோ ஸங்க⁴ங் அனிமந்தெத்வா ஸக்காரங் கத்வா ‘‘பி⁴க்கூ² ஆனெஸ்ஸாமீ’’தி ந லபி⁴, ஸப்³பே³ அஞ்ஞத்த² நிமந்திதா ஹொந்தி. அயம்பி புஞ்ஞேன பரிஹாயதி, ஸங்கோ⁴பி லாபே⁴ன பரிஹாயதி. அபரோ பட²மங் ஸங்க⁴ங் நிமந்தெத்வா பச்சா² ஸக்காரங் கத்வா தா³னங் தே³தி, அயங் கிச்சகாரீ ஹோதி. அபரோ நேவ ஸங்க⁴ங் நிமந்தேதி, ந தா³னங் தே³தி, அயங் பாபபுக்³க³லோதி வேதி³தப்³போ³. து³தியங் உத்தானமேவ.
Kattā hoti no bhāsitāti ‘‘ganthadhuraṃ pūressāmi, vāsadhuraṃ vā’’ti na bhāsati, sampatte pana kāle samattaṃ sampādeti. Iminā nayena itarepi veditabbā. Atha vā sabbaṃ panetaṃ paccayadāyakeheva kathitaṃ. Eko hi ‘‘asukadivase nāma dānaṃ dassāmī’’ti saṅghaṃ nimanteti, sampatte kāle no karoti. Ayaṃ puggalo puññena parihāyati, bhikkhusaṅgho pana lābhena parihāyati. Aparo saṅghaṃ animantetvā sakkāraṃ katvā ‘‘bhikkhū ānessāmī’’ti na labhi, sabbe aññattha nimantitā honti. Ayampi puññena parihāyati, saṅghopi lābhena parihāyati. Aparo paṭhamaṃ saṅghaṃ nimantetvā pacchā sakkāraṃ katvā dānaṃ deti, ayaṃ kiccakārī hoti. Aparo neva saṅghaṃ nimanteti, na dānaṃ deti, ayaṃ pāpapuggaloti veditabbo. Dutiyaṃ uttānameva.
வலாஹகஸுத்தத்³வயவண்ணனா நிட்டி²தா.
Valāhakasuttadvayavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya
1. பட²மவலாஹகஸுத்தங் • 1. Paṭhamavalāhakasuttaṃ
2. து³தியவலாஹகஸுத்தங் • 2. Dutiyavalāhakasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 1-2. வலாஹகஸுத்தத்³வயவண்ணனா • 1-2. Valāhakasuttadvayavaṇṇanā
