| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
3. д̇ад̇ияабан̣н̣аасагам̣
3. Tatiyapaṇṇāsakaṃ
(11) 1. валаахагаваг̇г̇о
(11) 1. Valāhakavaggo
1-2. валаахагасуд̇д̇ад̣̇ваяаван̣н̣анаа
1-2. Valāhakasuttadvayavaṇṇanā
101-2. д̇ад̇ияабан̣н̣аасагасса батамз г̇аж̇ж̇ид̇аад̇и т̇анид̇аа. д̇ад̇т̇а г̇аж̇ж̇ид̇ваа новассанабхааво наама баабаго. мануссаа хи яад̣̇аа д̣̇зво г̇аж̇ж̇ад̇и, д̇ад̣̇аа ‘‘сувудтид̇аа бхависсад̇ий’’д̇и б̣ийж̇аани нийхарид̇ваа вабанд̇и. ат̇а д̣̇звз авассанд̇з кзд̇д̇з б̣ийж̇аани кзд̇д̇зязва нассанд̇и, г̇зхз б̣ийж̇аани г̇зхзязва нассанд̇ийд̇и д̣̇уб̣бхигкам̣ ход̇и. ног̇аж̇ж̇ид̇ваа вассанабхаавоби баабаго. мануссаа хи имасмим̣ гаалз ‘‘д̣̇уб̣б̣удтигаа бхависсад̇ий’’д̇и ниннадтаанзсуязва ваббам̣ гаронд̇и. ат̇а д̣̇зво вассид̇ваа саб̣б̣аб̣ийж̇аани махаасамуд̣̇д̣̇ам̣ баабзд̇и, д̣̇уб̣бхигкамзва ход̇и. г̇аж̇ж̇ид̇ваа вассанабхааво бана бхад̣̇д̣̇аго. д̇ад̣̇аа хи субхигкам̣ ход̇и. ног̇аж̇ж̇ид̇ваа новассанабхааво зганд̇абаабагова. бхаасид̇аа ход̇и но гад̇д̇аад̇и ‘‘ид̣̇аани г̇ант̇ад̇хурам̣ буурзссаами, ваасад̇хурам̣ буурзссаамий’’д̇и гат̇зд̇иязва, на уд̣̇д̣̇зсам̣ г̇ан̣хаад̇и, на гаммадтаанам̣ бхаавзд̇и.
101-2. Tatiyapaṇṇāsakassa paṭhame gajjitāti thanitā. Tattha gajjitvā novassanabhāvo nāma pāpako. Manussā hi yadā devo gajjati, tadā ‘‘suvuṭṭhitā bhavissatī’’ti bījāni nīharitvā vapanti. Atha deve avassante khette bījāni khetteyeva nassanti, gehe bījāni geheyeva nassantīti dubbhikkhaṃ hoti. Nogajjitvā vassanabhāvopi pāpako. Manussā hi imasmiṃ kāle ‘‘dubbuṭṭhikā bhavissatī’’ti ninnaṭṭhānesuyeva vappaṃ karonti. Atha devo vassitvā sabbabījāni mahāsamuddaṃ pāpeti, dubbhikkhameva hoti. Gajjitvā vassanabhāvo pana bhaddako. Tadā hi subhikkhaṃ hoti. Nogajjitvā novassanabhāvo ekantapāpakova. Bhāsitā hoti no kattāti ‘‘idāni ganthadhuraṃ pūressāmi, vāsadhuraṃ pūressāmī’’ti kathetiyeva, na uddesaṃ gaṇhāti, na kammaṭṭhānaṃ bhāveti.
гад̇д̇аа ход̇и но бхаасид̇аад̇и ‘‘г̇ант̇ад̇хурам̣ буурзссаами, ваасад̇хурам̣ ваа’’д̇и на бхаасад̇и, самбад̇д̇з бана гаалз самад̇д̇ам̣ самбаад̣̇зд̇и. иминаа наязна ид̇арзби взд̣̇ид̇аб̣б̣аа. ат̇а ваа саб̣б̣ам̣ банзд̇ам̣ бажжаяад̣̇ааяагзхзва гат̇ид̇ам̣. зго хи ‘‘асугад̣̇ивасз наама д̣̇аанам̣ д̣̇ассаамий’’д̇и сан̇гхам̣ ниманд̇зд̇и, самбад̇д̇з гаалз но гарод̇и. аяам̣ буг̇г̇ало бун̃н̃зна барихааяад̇и, бхигкусан̇гхо бана лаабхзна барихааяад̇и. абаро сан̇гхам̣ аниманд̇зд̇ваа саггаарам̣ гад̇ваа ‘‘бхигкуу аанзссаамий’’д̇и на лабхи, саб̣б̣з ан̃н̃ад̇т̇а ниманд̇ид̇аа хонд̇и. аяамби бун̃н̃зна барихааяад̇и, сан̇гхоби лаабхзна барихааяад̇и. абаро батамам̣ сан̇гхам̣ ниманд̇зд̇ваа бажчаа саггаарам̣ гад̇ваа д̣̇аанам̣ д̣̇зд̇и, аяам̣ гижжагаарий ход̇и. абаро нзва сан̇гхам̣ ниманд̇зд̇и, на д̣̇аанам̣ д̣̇зд̇и, аяам̣ баабабуг̇г̇алод̇и взд̣̇ид̇аб̣б̣о. д̣̇уд̇ияам̣ уд̇д̇аанамзва.
Kattā hoti no bhāsitāti ‘‘ganthadhuraṃ pūressāmi, vāsadhuraṃ vā’’ti na bhāsati, sampatte pana kāle samattaṃ sampādeti. Iminā nayena itarepi veditabbā. Atha vā sabbaṃ panetaṃ paccayadāyakeheva kathitaṃ. Eko hi ‘‘asukadivase nāma dānaṃ dassāmī’’ti saṅghaṃ nimanteti, sampatte kāle no karoti. Ayaṃ puggalo puññena parihāyati, bhikkhusaṅgho pana lābhena parihāyati. Aparo saṅghaṃ animantetvā sakkāraṃ katvā ‘‘bhikkhū ānessāmī’’ti na labhi, sabbe aññattha nimantitā honti. Ayampi puññena parihāyati, saṅghopi lābhena parihāyati. Aparo paṭhamaṃ saṅghaṃ nimantetvā pacchā sakkāraṃ katvā dānaṃ deti, ayaṃ kiccakārī hoti. Aparo neva saṅghaṃ nimanteti, na dānaṃ deti, ayaṃ pāpapuggaloti veditabbo. Dutiyaṃ uttānameva.
валаахагасуд̇д̇ад̣̇ваяаван̣н̣анаа нидтид̇аа.
Valāhakasuttadvayavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
1. батамавалаахагасуд̇д̇ам̣ • 1. Paṭhamavalāhakasuttaṃ
2. д̣̇уд̇ияавалаахагасуд̇д̇ам̣ • 2. Dutiyavalāhakasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1-2. валаахагасуд̇д̇ад̣̇ваяаван̣н̣анаа • 1-2. Valāhakasuttadvayavaṇṇanā
