| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
5. வாலஸுத்தவண்ணனா
5. Vālasuttavaṇṇanā
1115. பஞ்சமே ஸந்தா²கா³ரேதி ஸிப்புக்³க³ண்ஹனஸாலாயங். உபாஸனங் கரொந்தேதி கண்ட³கி²பனஸிப்பங் கரொந்தே. அஸனங் அதிபாதெந்தேதி கண்ட³ங் அதிக்கமெந்தே. பொங்கா²னுபொங்க²ந்தி ஏகங் கண்ட³ங் கி²பித்வா யதா² அஸ்ஸ ஸரஸ்ஸ பொங்க²ங் விஜ்ஜ²தி, அபரங் அனுபொங்க²ங் நாம து³தியஸ்ஸ பொங்க²ங், புன அபரங் தஸ்ஸ பொங்க²ந்தி ஏவங் அதிபாதெந்தே அத்³த³ஸ. யத்ர ஹி நாமாதி யே நாம. து³ரபி⁴ஸம்ப⁴வதரந்தி து³க்கரதரங். ஸத்ததா⁴ பி⁴ன்னஸ்ஸ வாலஸ்ஸ கோடியா கோடிங் படிவிஜ்ஜெ²ய்யாதி ஏகங் வாலங் ஸத்ததா⁴ பி⁴ந்தி³த்வா, தஸ்ஸ ஏகங் பே⁴த³ங் க³ஹெத்வா, வாதிங்க³ணமஜ்ஜே² ப³ந்தி⁴த்வா, அபரங் பே⁴த³ங் கண்ட³ஸ்ஸ அக்³க³கோடியங் ப³ந்தி⁴த்வா, உஸப⁴மத்தே டி²தோ கண்ட³ப³த்³தா⁴ய கோடியா தங் வாதிங்க³ணப³த்³த⁴கோடிங் படிவிஜ்ஜெ²ய்யாதி அத்தோ². தஸ்மாதி யஸ்மா ஏவங் து³ப்படிவிஜ்ஜா²னி சத்தாரி ஸச்சானி, தஸ்மா.
1115. Pañcame santhāgāreti sippuggaṇhanasālāyaṃ. Upāsanaṃ karonteti kaṇḍakhipanasippaṃ karonte. Asanaṃ atipātenteti kaṇḍaṃ atikkamente. Poṅkhānupoṅkhanti ekaṃ kaṇḍaṃ khipitvā yathā assa sarassa poṅkhaṃ vijjhati, aparaṃ anupoṅkhaṃ nāma dutiyassa poṅkhaṃ, puna aparaṃ tassa poṅkhanti evaṃ atipātente addasa. Yatra hi nāmāti ye nāma. Durabhisambhavataranti dukkarataraṃ. Sattadhā bhinnassa vālassa koṭiyā koṭiṃ paṭivijjheyyāti ekaṃ vālaṃ sattadhā bhinditvā, tassa ekaṃ bhedaṃ gahetvā, vātiṅgaṇamajjhe bandhitvā, aparaṃ bhedaṃ kaṇḍassa aggakoṭiyaṃ bandhitvā, usabhamatte ṭhito kaṇḍabaddhāya koṭiyā taṃ vātiṅgaṇabaddhakoṭiṃ paṭivijjheyyāti attho. Tasmāti yasmā evaṃ duppaṭivijjhāni cattāri saccāni, tasmā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 5. வாலஸுத்தங் • 5. Vālasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 5. வாலஸுத்தவண்ணனா • 5. Vālasuttavaṇṇanā
