| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৫. ৰালসুত্তৰণ্ণনা
5. Vālasuttavaṇṇanā
১১১৫. পঞ্চমে সন্থাগারেতি সিপ্পুগ্গণ্হনসালাযং। উপাসনং করোন্তেতি কণ্ডখিপনসিপ্পং করোন্তে। অসনং অতিপাতেন্তেতি কণ্ডং অতিক্কমেন্তে। পোঙ্খানুপোঙ্খন্তি একং কণ্ডং খিপিত্ৰা যথা অস্স সরস্স পোঙ্খং ৰিজ্ঝতি, অপরং অনুপোঙ্খং নাম দুতিযস্স পোঙ্খং, পুন অপরং তস্স পোঙ্খন্তি এৰং অতিপাতেন্তে অদ্দস। যত্র হি নামাতি যে নাম। দুরভিসম্ভৰতরন্তি দুক্করতরং। সত্তধা ভিন্নস্স ৰালস্স কোটিযা কোটিং পটিৰিজ্ঝেয্যাতি একং ৰালং সত্তধা ভিন্দিত্ৰা, তস্স একং ভেদং গহেত্ৰা, ৰাতিঙ্গণমজ্ঝে বন্ধিত্ৰা, অপরং ভেদং কণ্ডস্স অগ্গকোটিযং বন্ধিত্ৰা, উসভমত্তে ঠিতো কণ্ডবদ্ধায কোটিযা তং ৰাতিঙ্গণবদ্ধকোটিং পটিৰিজ্ঝেয্যাতি অত্থো। তস্মাতি যস্মা এৰং দুপ্পটিৰিজ্ঝানি চত্তারি সচ্চানি, তস্মা।
1115. Pañcame santhāgāreti sippuggaṇhanasālāyaṃ. Upāsanaṃ karonteti kaṇḍakhipanasippaṃ karonte. Asanaṃ atipātenteti kaṇḍaṃ atikkamente. Poṅkhānupoṅkhanti ekaṃ kaṇḍaṃ khipitvā yathā assa sarassa poṅkhaṃ vijjhati, aparaṃ anupoṅkhaṃ nāma dutiyassa poṅkhaṃ, puna aparaṃ tassa poṅkhanti evaṃ atipātente addasa. Yatra hi nāmāti ye nāma. Durabhisambhavataranti dukkarataraṃ. Sattadhā bhinnassa vālassa koṭiyā koṭiṃ paṭivijjheyyāti ekaṃ vālaṃ sattadhā bhinditvā, tassa ekaṃ bhedaṃ gahetvā, vātiṅgaṇamajjhe bandhitvā, aparaṃ bhedaṃ kaṇḍassa aggakoṭiyaṃ bandhitvā, usabhamatte ṭhito kaṇḍabaddhāya koṭiyā taṃ vātiṅgaṇabaddhakoṭiṃ paṭivijjheyyāti attho. Tasmāti yasmā evaṃ duppaṭivijjhāni cattāri saccāni, tasmā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৫. ৰালসুত্তং • 5. Vālasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৫. ৰালসুত্তৰণ্ণনা • 5. Vālasuttavaṇṇanā
