| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
5. вааласуд̇д̇аван̣н̣анаа
5. Vālasuttavaṇṇanā
1115. убаасананд̇и аажарияаубаасанам̣, аажарияам̣ анд̇зваасинаа ваа д̣̇ивасз д̣̇ивасз сигканавасзна убаасид̇аб̣б̣ад̇о убаасананд̇и лад̣̇д̇ханаамам̣ ган̣д̣акибанасиббам̣. ган̣д̣ам̣ ад̇иггаманд̇зд̇и сарам̣ кибанд̇з. бон̇каанубон̇канд̇и бон̇касад̣̇д̣̇ад̇т̇ам̣ баагадам̣ гад̇ваа д̣̇ассзд̇ум̣ ‘‘згам̣ ган̣д̣ам̣ кибид̇ваа’’д̇иаад̣̇и вуд̇д̇ам̣. абарам̣ анубон̇канд̇и зд̇т̇а абаранд̇и д̇ад̇ияаган̣д̣ам̣. анубон̇кам̣ наама ид̣̇анд̇и д̣̇ассзд̇ум̣ ‘‘анубон̇кам̣ наама д̣̇уд̇ияасса бон̇ка’’нд̇и вуд̇д̇ам̣. д̇ан̃хи д̇ад̇иязна сарзна виж̇жхийяад̇и. буна абарам̣ д̇асса бон̇канд̇и ид̣̇ам̣ бана абараабарам̣ авираж̇жханам̣ д̣̇ассзд̇ум̣ вуд̇д̇ам̣. д̣̇урабхисамбхавад̇аранд̇и абхибхавид̇ум̣ асаггун̣зяяад̇арам̣. вааланд̇и гзсам̣. сад̇д̇ад̇хаа бхинд̣̇ид̇ваад̇и сад̇д̇агкад̇д̇ум̣ випаалзд̇ваа. д̇асса згам̣ бхзд̣̇анд̇и д̇асса гзсасса згам̣ ам̣сусан̇каад̇ам̣ бхзд̣̇ам̣ г̇ахзд̇ваа. ваад̇ин̇г̇ан̣амаж̇жхз б̣анд̇хид̇ваад̇и ваад̇ин̇г̇ан̣апаласса маж̇жхадтаанз б̣анд̇хид̇ваа. абарам̣ бхзд̣̇анд̇и абарам̣ гзсасса ам̣сусан̇каад̇ам̣ бхзд̣̇ам̣. аг̇г̇агодияам̣ б̣анд̇хид̇ваад̇и яат̇аа д̇асса ваалабхзд̣̇асса уугаамад̇д̇ам̣ ликаамад̇д̇ам̣ ваа ган̣д̣асса аг̇г̇агодим̣ ад̇хигам̣ худ̇ваа д̇идтад̇и, звам̣ б̣анд̇хид̇ваа. усабхамад̇д̇зд̇и вийсад̇ияадтимад̇д̇з таанз тид̇о. ган̣д̣аб̣ад̣̇д̇хааяа годияаад̇и ган̣д̣аб̣ад̣̇д̇хааяа вааласса годияаа ваад̇ин̇г̇ан̣аб̣анд̇ханавааласса годим̣ бадивиж̇жхзяяа.
1115.Upāsananti ācariyaupāsanaṃ, ācariyaṃ antevāsinā vā divase divase sikkhanavasena upāsitabbato upāsananti laddhanāmaṃ kaṇḍakhipanasippaṃ. Kaṇḍaṃ atikkamanteti saraṃ khipante. Poṅkhānupoṅkhanti poṅkhasaddatthaṃ pākaṭaṃ katvā dassetuṃ ‘‘ekaṃ kaṇḍaṃ khipitvā’’tiādi vuttaṃ. Aparaṃ anupoṅkhanti ettha aparanti tatiyakaṇḍaṃ. Anupoṅkhaṃ nāma idanti dassetuṃ ‘‘anupoṅkhaṃ nāma dutiyassa poṅkha’’nti vuttaṃ. Tañhi tatiyena sarena vijjhīyati. Puna aparaṃ tassa poṅkhanti idaṃ pana aparāparaṃ avirajjhanaṃ dassetuṃ vuttaṃ. Durabhisambhavataranti abhibhavituṃ asakkuṇeyyataraṃ. Vālanti kesaṃ. Sattadhā bhinditvāti sattakkhattuṃ viphāletvā. Tassa ekaṃ bhedanti tassa kesassa ekaṃ aṃsusaṅkhātaṃ bhedaṃ gahetvā. Vātiṅgaṇamajjhe bandhitvāti vātiṅgaṇaphalassa majjhaṭṭhāne bandhitvā. Aparaṃ bhedanti aparaṃ kesassa aṃsusaṅkhātaṃ bhedaṃ. Aggakoṭiyaṃ bandhitvāti yathā tassa vālabhedassa ūkāmattaṃ likhāmattaṃ vā kaṇḍassa aggakoṭiṃ adhikaṃ hutvā tiṭṭhati, evaṃ bandhitvā. Usabhamatteti vīsatiyaṭṭhimatte ṭhāne ṭhito. Kaṇḍabaddhāya koṭiyāti kaṇḍabaddhāya vālassa koṭiyā vātiṅgaṇabandhanavālassa koṭiṃ paṭivijjheyya.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. вааласуд̇д̇ам̣ • 5. Vālasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. вааласуд̇д̇аван̣н̣анаа • 5. Vālasuttavaṇṇanā
