| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๕. วาลสุตฺตวณฺณนา
5. Vālasuttavaṇṇanā
๑๑๑๕. ปญฺจเม สนฺถาคาเรติ สิปฺปุคฺคณฺหนสาลายํฯ อุปาสนํ กโรเนฺตติ กณฺฑขิปนสิปฺปํ กโรเนฺตฯ อสนํ อติปาเตเนฺตติ กณฺฑํ อติกฺกเมเนฺตฯ โปงฺขานุโปงฺขนฺติ เอกํ กณฺฑํ ขิปิตฺวา ยถา อสฺส สรสฺส โปงฺขํ วิชฺฌติ, อปรํ อนุโปงฺขํ นาม ทุติยสฺส โปงฺขํ, ปุน อปรํ ตสฺส โปงฺขนฺติ เอวํ อติปาเตเนฺต อทฺทสฯ ยตฺร หิ นามาติ เย นามฯ ทุรภิสมฺภวตรนฺติ ทุกฺกรตรํฯ สตฺตธา ภินฺนสฺส วาลสฺส โกฎิยา โกฎิํ ปฎิวิเชฺฌยฺยาติ เอกํ วาลํ สตฺตธา ภินฺทิตฺวา, ตสฺส เอกํ เภทํ คเหตฺวา, วาติงฺคณมเชฺฌ พนฺธิตฺวา, อปรํ เภทํ กณฺฑสฺส อคฺคโกฎิยํ พนฺธิตฺวา, อุสภมเตฺต ฐิโต กณฺฑพทฺธาย โกฎิยา ตํ วาติงฺคณพทฺธโกฎิํ ปฎิวิเชฺฌยฺยาติ อโตฺถฯ ตสฺมาติ ยสฺมา เอวํ ทุปฺปฎิวิชฺฌานิ จตฺตาริ สจฺจานิ, ตสฺมาฯ
1115. Pañcame santhāgāreti sippuggaṇhanasālāyaṃ. Upāsanaṃ karonteti kaṇḍakhipanasippaṃ karonte. Asanaṃ atipātenteti kaṇḍaṃ atikkamente. Poṅkhānupoṅkhanti ekaṃ kaṇḍaṃ khipitvā yathā assa sarassa poṅkhaṃ vijjhati, aparaṃ anupoṅkhaṃ nāma dutiyassa poṅkhaṃ, puna aparaṃ tassa poṅkhanti evaṃ atipātente addasa. Yatra hi nāmāti ye nāma. Durabhisambhavataranti dukkarataraṃ. Sattadhā bhinnassa vālassa koṭiyā koṭiṃ paṭivijjheyyāti ekaṃ vālaṃ sattadhā bhinditvā, tassa ekaṃ bhedaṃ gahetvā, vātiṅgaṇamajjhe bandhitvā, aparaṃ bhedaṃ kaṇḍassa aggakoṭiyaṃ bandhitvā, usabhamatte ṭhito kaṇḍabaddhāya koṭiyā taṃ vātiṅgaṇabaddhakoṭiṃ paṭivijjheyyāti attho. Tasmāti yasmā evaṃ duppaṭivijjhāni cattāri saccāni, tasmā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๕. วาลสุตฺตํ • 5. Vālasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๕. วาลสุตฺตวณฺณนา • 5. Vālasuttavaṇṇanā
