| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੫. વਾਲਸੁਤ੍ਤવਣ੍ਣਨਾ
5. Vālasuttavaṇṇanā
੧੧੧੫. ਪਞ੍ਚਮੇ ਸਨ੍ਥਾਗਾਰੇਤਿ ਸਿਪ੍ਪੁਗ੍ਗਣ੍ਹਨਸਾਲਾਯਂ। ਉਪਾਸਨਂ ਕਰੋਨ੍ਤੇਤਿ ਕਣ੍ਡਖਿਪਨਸਿਪ੍ਪਂ ਕਰੋਨ੍ਤੇ। ਅਸਨਂ ਅਤਿਪਾਤੇਨ੍ਤੇਤਿ ਕਣ੍ਡਂ ਅਤਿਕ੍ਕਮੇਨ੍ਤੇ। ਪੋਙ੍ਖਾਨੁਪੋਙ੍ਖਨ੍ਤਿ ਏਕਂ ਕਣ੍ਡਂ ਖਿਪਿਤ੍વਾ ਯਥਾ ਅਸ੍ਸ ਸਰਸ੍ਸ ਪੋਙ੍ਖਂ વਿਜ੍ਝਤਿ, ਅਪਰਂ ਅਨੁਪੋਙ੍ਖਂ ਨਾਮ ਦੁਤਿਯਸ੍ਸ ਪੋਙ੍ਖਂ, ਪੁਨ ਅਪਰਂ ਤਸ੍ਸ ਪੋਙ੍ਖਨ੍ਤਿ ਏવਂ ਅਤਿਪਾਤੇਨ੍ਤੇ ਅਦ੍ਦਸ। ਯਤ੍ਰ ਹਿ ਨਾਮਾਤਿ ਯੇ ਨਾਮ। ਦੁਰਭਿਸਮ੍ਭવਤਰਨ੍ਤਿ ਦੁਕ੍ਕਰਤਰਂ। ਸਤ੍ਤਧਾ ਭਿਨ੍ਨਸ੍ਸ વਾਲਸ੍ਸ ਕੋਟਿਯਾ ਕੋਟਿਂ ਪਟਿવਿਜ੍ਝੇਯ੍ਯਾਤਿ ਏਕਂ વਾਲਂ ਸਤ੍ਤਧਾ ਭਿਨ੍ਦਿਤ੍વਾ, ਤਸ੍ਸ ਏਕਂ ਭੇਦਂ ਗਹੇਤ੍વਾ, વਾਤਿਙ੍ਗਣਮਜ੍ਝੇ ਬਨ੍ਧਿਤ੍વਾ, ਅਪਰਂ ਭੇਦਂ ਕਣ੍ਡਸ੍ਸ ਅਗ੍ਗਕੋਟਿਯਂ ਬਨ੍ਧਿਤ੍વਾ, ਉਸਭਮਤ੍ਤੇ ਠਿਤੋ ਕਣ੍ਡਬਦ੍ਧਾਯ ਕੋਟਿਯਾ ਤਂ વਾਤਿਙ੍ਗਣਬਦ੍ਧਕੋਟਿਂ ਪਟਿવਿਜ੍ਝੇਯ੍ਯਾਤਿ ਅਤ੍ਥੋ। ਤਸ੍ਮਾਤਿ ਯਸ੍ਮਾ ਏવਂ ਦੁਪ੍ਪਟਿવਿਜ੍ਝਾਨਿ ਚਤ੍ਤਾਰਿ ਸਚ੍ਚਾਨਿ, ਤਸ੍ਮਾ।
1115. Pañcame santhāgāreti sippuggaṇhanasālāyaṃ. Upāsanaṃ karonteti kaṇḍakhipanasippaṃ karonte. Asanaṃ atipātenteti kaṇḍaṃ atikkamente. Poṅkhānupoṅkhanti ekaṃ kaṇḍaṃ khipitvā yathā assa sarassa poṅkhaṃ vijjhati, aparaṃ anupoṅkhaṃ nāma dutiyassa poṅkhaṃ, puna aparaṃ tassa poṅkhanti evaṃ atipātente addasa. Yatra hi nāmāti ye nāma. Durabhisambhavataranti dukkarataraṃ. Sattadhā bhinnassa vālassa koṭiyā koṭiṃ paṭivijjheyyāti ekaṃ vālaṃ sattadhā bhinditvā, tassa ekaṃ bhedaṃ gahetvā, vātiṅgaṇamajjhe bandhitvā, aparaṃ bhedaṃ kaṇḍassa aggakoṭiyaṃ bandhitvā, usabhamatte ṭhito kaṇḍabaddhāya koṭiyā taṃ vātiṅgaṇabaddhakoṭiṃ paṭivijjheyyāti attho. Tasmāti yasmā evaṃ duppaṭivijjhāni cattāri saccāni, tasmā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੫. વਾਲਸੁਤ੍ਤਂ • 5. Vālasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੫. વਾਲਸੁਤ੍ਤવਣ੍ਣਨਾ • 5. Vālasuttavaṇṇanā
