| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੫. વਾਲਸੁਤ੍ਤવਣ੍ਣਨਾ
5. Vālasuttavaṇṇanā
੧੧੧੫. ਉਪਾਸਨਨ੍ਤਿ ਆਚਰਿਯਉਪਾਸਨਂ, ਆਚਰਿਯਂ ਅਨ੍ਤੇવਾਸਿਨਾ વਾ ਦਿવਸੇ ਦਿવਸੇ ਸਿਕ੍ਖਨવਸੇਨ ਉਪਾਸਿਤਬ੍ਬਤੋ ਉਪਾਸਨਨ੍ਤਿ ਲਦ੍ਧਨਾਮਂ ਕਣ੍ਡਖਿਪਨਸਿਪ੍ਪਂ। ਕਣ੍ਡਂ ਅਤਿਕ੍ਕਮਨ੍ਤੇਤਿ ਸਰਂ ਖਿਪਨ੍ਤੇ। ਪੋਙ੍ਖਾਨੁਪੋਙ੍ਖਨ੍ਤਿ ਪੋਙ੍ਖਸਦ੍ਦਤ੍ਥਂ ਪਾਕਟਂ ਕਤ੍વਾ ਦਸ੍ਸੇਤੁਂ ‘‘ਏਕਂ ਕਣ੍ਡਂ ਖਿਪਿਤ੍વਾ’’ਤਿਆਦਿ વੁਤ੍ਤਂ। ਅਪਰਂ ਅਨੁਪੋਙ੍ਖਨ੍ਤਿ ਏਤ੍ਥ ਅਪਰਨ੍ਤਿ ਤਤਿਯਕਣ੍ਡਂ। ਅਨੁਪੋਙ੍ਖਂ ਨਾਮ ਇਦਨ੍ਤਿ ਦਸ੍ਸੇਤੁਂ ‘‘ਅਨੁਪੋਙ੍ਖਂ ਨਾਮ ਦੁਤਿਯਸ੍ਸ ਪੋਙ੍ਖ’’ਨ੍ਤਿ વੁਤ੍ਤਂ। ਤਞ੍ਹਿ ਤਤਿਯੇਨ ਸਰੇਨ વਿਜ੍ਝੀਯਤਿ। ਪੁਨ ਅਪਰਂ ਤਸ੍ਸ ਪੋਙ੍ਖਨ੍ਤਿ ਇਦਂ ਪਨ ਅਪਰਾਪਰਂ ਅવਿਰਜ੍ਝਨਂ ਦਸ੍ਸੇਤੁਂ વੁਤ੍ਤਂ। ਦੁਰਭਿਸਮ੍ਭવਤਰਨ੍ਤਿ ਅਭਿਭવਿਤੁਂ ਅਸਕ੍ਕੁਣੇਯ੍ਯਤਰਂ। વਾਲਨ੍ਤਿ ਕੇਸਂ। ਸਤ੍ਤਧਾ ਭਿਨ੍ਦਿਤ੍વਾਤਿ ਸਤ੍ਤਕ੍ਖਤ੍ਤੁਂ વਿਫਾਲੇਤ੍વਾ। ਤਸ੍ਸ ਏਕਂ ਭੇਦਨ੍ਤਿ ਤਸ੍ਸ ਕੇਸਸ੍ਸ ਏਕਂ ਅਂਸੁਸਙ੍ਖਾਤਂ ਭੇਦਂ ਗਹੇਤ੍વਾ। વਾਤਿਙ੍ਗਣਮਜ੍ਝੇ ਬਨ੍ਧਿਤ੍વਾਤਿ વਾਤਿਙ੍ਗਣਫਲਸ੍ਸ ਮਜ੍ਝਟ੍ਠਾਨੇ ਬਨ੍ਧਿਤ੍વਾ। ਅਪਰਂ ਭੇਦਨ੍ਤਿ ਅਪਰਂ ਕੇਸਸ੍ਸ ਅਂਸੁਸਙ੍ਖਾਤਂ ਭੇਦਂ। ਅਗ੍ਗਕੋਟਿਯਂ ਬਨ੍ਧਿਤ੍વਾਤਿ ਯਥਾ ਤਸ੍ਸ વਾਲਭੇਦਸ੍ਸ ਊਕਾਮਤ੍ਤਂ ਲਿਖਾਮਤ੍ਤਂ વਾ ਕਣ੍ਡਸ੍ਸ ਅਗ੍ਗਕੋਟਿਂ ਅਧਿਕਂ ਹੁਤ੍વਾ ਤਿਟ੍ਠਤਿ, ਏવਂ ਬਨ੍ਧਿਤ੍વਾ। ਉਸਭਮਤ੍ਤੇਤਿ વੀਸਤਿਯਟ੍ਠਿਮਤ੍ਤੇ ਠਾਨੇ ਠਿਤੋ। ਕਣ੍ਡਬਦ੍ਧਾਯ ਕੋਟਿਯਾਤਿ ਕਣ੍ਡਬਦ੍ਧਾਯ વਾਲਸ੍ਸ ਕੋਟਿਯਾ વਾਤਿਙ੍ਗਣਬਨ੍ਧਨવਾਲਸ੍ਸ ਕੋਟਿਂ ਪਟਿવਿਜ੍ਝੇਯ੍ਯ।
1115.Upāsananti ācariyaupāsanaṃ, ācariyaṃ antevāsinā vā divase divase sikkhanavasena upāsitabbato upāsananti laddhanāmaṃ kaṇḍakhipanasippaṃ. Kaṇḍaṃ atikkamanteti saraṃ khipante. Poṅkhānupoṅkhanti poṅkhasaddatthaṃ pākaṭaṃ katvā dassetuṃ ‘‘ekaṃ kaṇḍaṃ khipitvā’’tiādi vuttaṃ. Aparaṃ anupoṅkhanti ettha aparanti tatiyakaṇḍaṃ. Anupoṅkhaṃ nāma idanti dassetuṃ ‘‘anupoṅkhaṃ nāma dutiyassa poṅkha’’nti vuttaṃ. Tañhi tatiyena sarena vijjhīyati. Puna aparaṃ tassa poṅkhanti idaṃ pana aparāparaṃ avirajjhanaṃ dassetuṃ vuttaṃ. Durabhisambhavataranti abhibhavituṃ asakkuṇeyyataraṃ. Vālanti kesaṃ. Sattadhā bhinditvāti sattakkhattuṃ viphāletvā. Tassa ekaṃ bhedanti tassa kesassa ekaṃ aṃsusaṅkhātaṃ bhedaṃ gahetvā. Vātiṅgaṇamajjhe bandhitvāti vātiṅgaṇaphalassa majjhaṭṭhāne bandhitvā. Aparaṃ bhedanti aparaṃ kesassa aṃsusaṅkhātaṃ bhedaṃ. Aggakoṭiyaṃ bandhitvāti yathā tassa vālabhedassa ūkāmattaṃ likhāmattaṃ vā kaṇḍassa aggakoṭiṃ adhikaṃ hutvā tiṭṭhati, evaṃ bandhitvā. Usabhamatteti vīsatiyaṭṭhimatte ṭhāne ṭhito. Kaṇḍabaddhāya koṭiyāti kaṇḍabaddhāya vālassa koṭiyā vātiṅgaṇabandhanavālassa koṭiṃ paṭivijjheyya.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੫. વਾਲਸੁਤ੍ਤਂ • 5. Vālasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੫. વਾਲਸੁਤ੍ਤવਣ੍ਣਨਾ • 5. Vālasuttavaṇṇanā
