| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
3. валлияад̇т̇зраг̇аат̇ааван̣н̣анаа
3. Valliyattheragāthāvaṇṇanā
маггадо бан̃жад̣̇ваарааяанд̇иаад̣̇игаа ааяасмад̇о валлияад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинанд̇о ид̇о згад̇им̣сз габбз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о згад̣̇ивасам̣ гзнажид̣̇зва гаран̣ийязна аран̃н̃ам̣ г̇ад̇о д̇ад̇т̇а наарад̣̇ам̣ наама бажжзгасамб̣уд̣̇д̇хам̣ ругкамуулз васанд̇ам̣ д̣̇исваа басаннамаанасо нал̣зхи саалам̣ гад̇ваа д̇ин̣зхи чаад̣̇зд̇ваа ад̣̇ааси. жан̇гаманадтаанан̃жасса сод̇хзд̇ваа ваалугаа огирид̇ваа ад̣̇ааси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з саавад̇т̇ияам̣ б̣раахман̣амахаасааласса буд̇д̇о худ̇ваа ниб̣б̣ад̇д̇и, валлияод̇исса наамам̣ ахоси. со ваяаббад̇д̇о яоб̣б̣анамануббад̇д̇о инд̣̇рияавасиго худ̇ваа вижаранд̇о галяаан̣амид̇д̇асам̣саг̇г̇зна бхаг̇аванд̇ам̣ убасан̇гамид̇ваа д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа вибассанам̣ бадтабзд̇ваа нажирассзва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 2.50.93-103) –
Makkaṭo pañcadvārāyantiādikā āyasmato valliyattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinanto ito ekatiṃse kappe kulagehe nibbattitvā viññutaṃ patto ekadivasaṃ kenacideva karaṇīyena araññaṃ gato tattha nāradaṃ nāma paccekasambuddhaṃ rukkhamūle vasantaṃ disvā pasannamānaso naḷehi sālaṃ katvā tiṇehi chādetvā adāsi. Caṅkamanaṭṭhānañcassa sodhetvā vālukā okiritvā adāsi. So tena puññakammena devamanussesu saṃsaranto imasmiṃ buddhuppāde sāvatthiyaṃ brāhmaṇamahāsālassa putto hutvā nibbatti, valliyotissa nāmaṃ ahosi. So vayappatto yobbanamanuppatto indriyavasiko hutvā vicaranto kalyāṇamittasaṃsaggena bhagavantaṃ upasaṅkamitvā dhammaṃ sutvā paṭiladdhasaddho pabbajitvā vipassanaṃ paṭṭhapetvā nacirasseva arahattaṃ pāpuṇi. Tena vuttaṃ apadāne (apa. thera 2.50.93-103) –
‘‘химаванд̇ассаавид̣̇уурз, хаарид̇о наама баб̣б̣ад̇о;
‘‘Himavantassāvidūre, hārito nāma pabbato;
саяамбхуу наарад̣̇о наама, ругкамуулз васий д̇ад̣̇аа.
Sayambhū nārado nāma, rukkhamūle vasī tadā.
‘‘нал̣ааг̇аарам̣ гарид̇ваана, д̇ин̣зна чаад̣̇аяим̣ ахам̣;
‘‘Naḷāgāraṃ karitvāna, tiṇena chādayiṃ ahaṃ;
жан̇гамам̣ сод̇хаяид̇ваана, саяамбхусса ад̣̇аасахам̣.
Caṅkamaṃ sodhayitvāna, sayambhussa adāsahaṃ.
‘‘д̇зна гаммзна сугад̇зна, жзд̇анаабан̣ид̇хийхи жа;
‘‘Tena kammena sukatena, cetanāpaṇidhīhi ca;
ж̇ахид̇ваа маанусам̣ д̣̇зхам̣, д̇аавад̇им̣самаг̇ажчахам̣.
Jahitvā mānusaṃ dehaṃ, tāvatiṃsamagacchahaṃ.
‘‘д̇ад̇т̇а мз сугад̇ам̣ б̣яамхам̣, нал̣агудиганиммид̇ам̣;
‘‘Tattha me sukataṃ byamhaṃ, naḷakuṭikanimmitaṃ;
садтияож̇анамуб̣б̣зд̇хам̣, д̇им̣саяож̇анавид̇т̇ад̇ам̣.
Saṭṭhiyojanamubbedhaṃ, tiṃsayojanavitthataṃ.
‘‘жад̇уд̣̇д̣̇асзсу габбзсу, д̣̇звалогз рамим̣ ахам̣;
‘‘Catuddasesu kappesu, devaloke ramiṃ ahaṃ;
згасад̇д̇ад̇игкад̇д̇ун̃жа, д̣̇звараж̇ж̇амагаараяим̣.
Ekasattatikkhattuñca, devarajjamakārayiṃ.
‘‘жад̇уд̇д̇им̣сад̇игкад̇д̇ун̃жа, жаггавад̇д̇ий ахосахам̣;
‘‘Catuttiṃsatikkhattuñca, cakkavattī ahosahaṃ;
бад̣̇зсараж̇ж̇ам̣ вибулам̣, г̇ан̣анаад̇о асан̇кияам̣.
Padesarajjaṃ vipulaṃ, gaṇanāto asaṅkhiyaṃ.
‘‘д̇хаммабаасаад̣̇амааруяха, саб̣б̣аагаараваруубамам̣;
‘‘Dhammapāsādamāruyha, sabbākāravarūpamaṃ;
яад̣̇ижчагаахам̣ вихарз, сагяабуд̇д̇асса саасанз.
Yadicchakāhaṃ vihare, sakyaputtassa sāsane.
‘‘згад̇им̣сз ид̇о габбз, яам̣ гаммамагарим̣ д̇ад̣̇аа;
‘‘Ekatiṃse ito kappe, yaṃ kammamakariṃ tadā;
д̣̇уг̇г̇ад̇им̣ наабхиж̇аанаами, нал̣агудияид̣̇ам̣ палам̣.
Duggatiṃ nābhijānāmi, naḷakuṭiyidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа бут̇уж̇ж̇анагаалз ад̇д̇ано жид̇д̇асса руубаад̣̇иаарамман̣зсу яат̇аагаамаббавад̇д̇ияаа, ид̣̇аани арияамаг̇г̇зна ниг̇г̇ахид̇абхаавасса жа вибхааванзна ан̃н̃ам̣ б̣яаагаронд̇о –
Arahattaṃ pana patvā puthujjanakāle attano cittassa rūpādiārammaṇesu yathākāmappavattiyā, idāni ariyamaggena niggahitabhāvassa ca vibhāvanena aññaṃ byākaronto –
125.
125.
‘‘маггадо бан̃жад̣̇ваарааяам̣, гудигааяам̣ басаггияа;
‘‘Makkaṭo pañcadvārāyaṃ, kuṭikāyaṃ pasakkiya;
д̣̇ваарзна анубариязд̇и, гхаддаяанд̇о мухум̣ мухум̣.
Dvārena anupariyeti, ghaṭṭayanto muhuṃ muhuṃ.
126.
126.
‘‘д̇идта маггада маа д̇хаави, на хи д̇з д̇ам̣ яат̇аа бурз;
‘‘Tiṭṭha makkaṭa mā dhāvi, na hi te taṃ yathā pure;
ниг̇г̇ахийд̇оси бан̃н̃ааяа, нзва д̣̇уурам̣ г̇амиссасий’’д̇и. – г̇аат̇аад̣̇ваяам̣ абхааси;
Niggahītosi paññāya, neva dūraṃ gamissasī’’ti. – gāthādvayaṃ abhāsi;
д̇ад̇т̇а гхаддаяанд̇од̇и ад̇д̇ано лолабхаавзна ругкасса ан̃н̃ам̣ саакам̣ мун̃жид̇ваа ан̃н̃асса г̇ахан̣зна анзгаваарам̣ д̇ад̇т̇а ругкам̣ жаалзнд̇о палуубабхог̇амаггадо вияа д̇зна д̇зна жагкаад̣̇ид̣̇ваарзна руубаад̣̇иаарамман̣зсу ан̃н̃ам̣ мун̃жид̇ваа ан̃н̃ам̣ г̇ан̣ханд̇о жид̇д̇асанд̇аанасса самаад̣̇аанавасзна нижжалам̣ таад̇ум̣ аббад̣̇аанзна абхигкан̣ам̣ гхаддаяанд̇о жаалзнд̇о д̇асмим̣язва руубаад̣̇иаарамман̣з анубаривад̇д̇ад̇и яат̇аагаамам̣ вижарад̇и. вад̇д̇амаанасамийбад̇ааяа жзд̇т̇а вад̇д̇амаанаважанам̣. звам̣ анубарияанд̇о жа д̇идта, маггада, маа д̇хаави д̇вам̣, жид̇д̇амаггада, ид̣̇аани д̇идта маа д̇хаави, ид̇о бадтааяа д̇з д̇хаавид̇ум̣ на саггаа, д̇асмаа на хи д̇з д̇ам̣ яат̇аа буурз яасмаа д̇ам̣ ад̇д̇абхааваг̇зхам̣ буб̣б̣з вияа на д̇з сзвид̇ам̣ бихид̇ад̣̇ваарабхаавад̇о, гин̃жа ниг̇г̇ахийд̇оси бан̃н̃ааяа саяан̃жа ид̣̇аани маг̇г̇абан̃н̃ааяа гилзсаабхисан̇каарасан̇каад̇аанам̣ баад̣̇аанам̣ чзд̣̇анзна ажжанд̇игам̣ ниг̇г̇ахам̣ бад̇д̇оси, д̇асмаа нзва д̣̇уурам̣ г̇амиссаси ид̇о ад̇д̇абхаавад̇о д̣̇уурам̣ д̣̇уд̇ияаад̣̇иад̇д̇абхаавам̣ нзва г̇амиссаси яааважаримагажид̇д̇ам̣ зва д̇з г̇амананд̇и д̣̇ассзд̇и. ‘‘нзд̇о д̣̇уура’’нд̇иби баато, со звад̇т̇о.
Tattha ghaṭṭayantoti attano lolabhāvena rukkhassa aññaṃ sākhaṃ muñcitvā aññassa gahaṇena anekavāraṃ tattha rukkhaṃ cālento phalūpabhogamakkaṭo viya tena tena cakkhādidvārena rūpādiārammaṇesu aññaṃ muñcitvā aññaṃ gaṇhanto cittasantānassa samādānavasena niccalaṃ ṭhātuṃ appadānena abhikkhaṇaṃ ghaṭṭayanto cālento tasmiṃyeva rūpādiārammaṇe anuparivattati yathākāmaṃ vicarati. Vattamānasamīpatāya cettha vattamānavacanaṃ. Evaṃ anupariyanto ca tiṭṭha, makkaṭa, mā dhāvi tvaṃ, cittamakkaṭa, idāni tiṭṭha mā dhāvi, ito paṭṭhāya te dhāvituṃ na sakkā, tasmā na hi te taṃ yathā pūre yasmā taṃ attabhāvagehaṃ pubbe viya na te sevitaṃ pihitadvārabhāvato, kiñca niggahītosi paññāya sayañca idāni maggapaññāya kilesābhisaṅkhārasaṅkhātānaṃ pādānaṃ chedanena accantikaṃ niggahaṃ pattosi, tasmā neva dūraṃ gamissasi ito attabhāvato dūraṃ dutiyādiattabhāvaṃ neva gamissasi yāvacarimakacittaṃ eva te gamananti dasseti. ‘‘Neto dūra’’ntipi pāṭho, so evattho.
валлияад̇т̇зраг̇аат̇ааван̣н̣анаа нидтид̇аа.
Valliyattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 3. валлияад̇т̇зраг̇аат̇аа • 3. Valliyattheragāthā
