| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[183] 3. ваалод̣̇агаж̇аад̇агаван̣н̣анаа
[183] 3. Vālodakajātakavaṇṇanā
ваалод̣̇агам̣ аббарасам̣ нихийнанд̇и ид̣̇ам̣ сад̇т̇аа ж̇зд̇аванз вихаранд̇о бан̃жасад̇з вигхаасаад̣̇з аараб̣бха гат̇зси. саавад̇т̇ияам̣ гира бан̃жасад̇аа убаасагаа гхарааваасабалиб̣од̇хам̣ буд̇д̇ад̣̇аарасса нияяаад̣̇зд̇ваа сад̇т̇у д̇хаммад̣̇зсанам̣ сун̣анд̇аа згад̇ова вижаранд̇и. д̇зсу гзжи сод̇аабаннаа, гзжи сагад̣̇ааг̇аамино, гзжи анааг̇аамино, згоби бут̇уж̇ж̇ано наама над̇т̇и, сад̇т̇аарам̣ ниманд̇знд̇ааби д̇з убаасагз анд̇огарид̇ваава ниманд̇знд̇и. д̇зсам̣ бана д̣̇анд̇агадтамукод̣̇агавад̇т̇аг̇анд̇хамаалад̣̇ааяагаа бан̃жасад̇аа жуул̣убадтаагаа вигхаасаад̣̇аа худ̇ваа васанд̇и. д̇з бхуд̇д̇абаад̇араасаа нид̣̇д̣̇ааяид̇ваа удтааяа ажиравад̇им̣ г̇анд̇ваа над̣̇ийд̇ийрз уннад̣̇анд̇аа маллаяуд̣̇д̇хам̣ яуж̇жханд̇и. д̇з бана бан̃жасад̇аа убаасагаа аббасад̣̇д̣̇аа аббаниг̇гхосаа бадисаллаанамануяун̃ж̇анд̇и. сад̇т̇аа д̇зсам̣ вигхаасаад̣̇аанам̣ ужжаасад̣̇д̣̇ам̣ суд̇ваа ‘‘гим̣ зсо, аананд̣̇а, сад̣̇д̣̇о’’д̇и т̇зрам̣ бужчид̇ваа ‘‘вигхаасаад̣̇асад̣̇д̣̇о, бханд̇з’’д̇и вуд̇д̇з ‘‘на ко, аананд̣̇а, имз вигхаасаад̣̇аа ид̣̇аанзва вигхаасам̣ каад̣̇ид̇ваа уннад̣̇анд̇и, буб̣б̣зби уннад̣̇анд̇иязва, имзби убаасагаа на ид̣̇аанзва саннисиннаа, буб̣б̣зби саннисиннааязваа’’д̇и вад̇ваа т̇зрзна яаажид̇о ад̇ийд̇ам̣ аахари.
Vālodakaṃapparasaṃ nihīnanti idaṃ satthā jetavane viharanto pañcasate vighāsāde ārabbha kathesi. Sāvatthiyaṃ kira pañcasatā upāsakā gharāvāsapalibodhaṃ puttadārassa niyyādetvā satthu dhammadesanaṃ suṇantā ekatova vicaranti. Tesu keci sotāpannā, keci sakadāgāmino, keci anāgāmino, ekopi puthujjano nāma natthi, satthāraṃ nimantentāpi te upāsake antokaritvāva nimantenti. Tesaṃ pana dantakaṭṭhamukhodakavatthagandhamāladāyakā pañcasatā cūḷupaṭṭhākā vighāsādā hutvā vasanti. Te bhuttapātarāsā niddāyitvā uṭṭhāya aciravatiṃ gantvā nadītīre unnadantā mallayuddhaṃ yujjhanti. Te pana pañcasatā upāsakā appasaddā appanigghosā paṭisallānamanuyuñjanti. Satthā tesaṃ vighāsādānaṃ uccāsaddaṃ sutvā ‘‘kiṃ eso, ānanda, saddo’’ti theraṃ pucchitvā ‘‘vighāsādasaddo, bhante’’ti vutte ‘‘na kho, ānanda, ime vighāsādā idāneva vighāsaṃ khāditvā unnadanti, pubbepi unnadantiyeva, imepi upāsakā na idāneva sannisinnā, pubbepi sannisinnāyevā’’ti vatvā therena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о амажжагулз ниб̣б̣ад̇д̇ид̇ваа ваяаббад̇д̇о ран̃н̃о ад̇т̇ад̇хаммаанусаасаго ахоси. ат̇згасмим̣ гаалз со рааж̇аа ‘‘бажжанд̇о губид̇о’’д̇и суд̇ваа бан̃жасад̇з синд̇хавз габбаабзд̇ваа жад̇уран̇г̇инияаа сзнааяа г̇анд̇ваа бажжанд̇ам̣ вуубасамзд̇ваа б̣аараан̣асимзва бажжааг̇анд̇ваа ‘‘синд̇хаваа гиланд̇аа алларасамзва нзсам̣ муд̣̇д̣̇игабаанам̣ д̣̇зт̇аа’’д̇и аан̣аабзси. синд̇хаваа г̇анд̇хабаанам̣ бивид̇ваа ассасаалам̣ г̇анд̇ваа ад̇д̇ано ад̇д̇ано таанзсу адтам̣су. д̇зсам̣ бана д̣̇иннаавасидтагам̣ аббарасам̣ б̣ахугасадам̣ ахоси. мануссаа ‘‘ид̣̇ам̣ гим̣ гаромаа’’д̇и рааж̇аанам̣ бужчим̣су. рааж̇аа уд̣̇агзна мад̣̇д̣̇ид̇ваа магажибилод̇игаахи бариссаавзд̇ваа ‘‘яз г̇ад̣̇рабхаа синд̇хаваанам̣ ниваабам̣ бахим̣су, д̇зсам̣ д̣̇аабзт̇аа’’д̇и д̣̇аабзси. г̇ад̣̇рабхаа гасадауд̣̇агам̣ бивид̇ваа мад̇д̇аа худ̇ваа вираванд̇аа рааж̇ан̇г̇ан̣з вижарим̣су. рааж̇аа махааваад̇абаанам̣ виварид̇ваа рааж̇ан̇г̇ан̣ам̣ ологаяамаано самийбз тид̇ам̣ б̣од̇хисад̇д̇ам̣ ааманд̇зд̇ваа ‘‘басса, имз г̇ад̣̇рабхаа гасадод̣̇агам̣ бивид̇ваа мад̇д̇аа худ̇ваа вираванд̇аа уббад̇анд̇аа вижаранд̇и, синд̇хавагулз ж̇аад̇асинд̇хаваа бана г̇анд̇хабаанам̣ бивид̇ваа ниссад̣̇д̣̇аа саннисиннаа на уббилаванд̇и, гим̣ ну ко гааран̣а’’нд̇и бужчанд̇о батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto amaccakule nibbattitvā vayappatto rañño atthadhammānusāsako ahosi. Athekasmiṃ kāle so rājā ‘‘paccanto kupito’’ti sutvā pañcasate sindhave kappāpetvā caturaṅginiyā senāya gantvā paccantaṃ vūpasametvā bārāṇasimeva paccāgantvā ‘‘sindhavā kilantā allarasameva nesaṃ muddikapānaṃ dethā’’ti āṇāpesi. Sindhavā gandhapānaṃ pivitvā assasālaṃ gantvā attano attano ṭhānesu aṭṭhaṃsu. Tesaṃ pana dinnāvasiṭṭhakaṃ apparasaṃ bahukasaṭaṃ ahosi. Manussā ‘‘idaṃ kiṃ karomā’’ti rājānaṃ pucchiṃsu. Rājā udakena madditvā makacipilotikāhi parissāvetvā ‘‘ye gadrabhā sindhavānaṃ nivāpaṃ pahiṃsu, tesaṃ dāpethā’’ti dāpesi. Gadrabhā kasaṭaudakaṃ pivitvā mattā hutvā viravantā rājaṅgaṇe vicariṃsu. Rājā mahāvātapānaṃ vivaritvā rājaṅgaṇaṃ olokayamāno samīpe ṭhitaṃ bodhisattaṃ āmantetvā ‘‘passa, ime gadrabhā kasaṭodakaṃ pivitvā mattā hutvā viravantā uppatantā vicaranti, sindhavakule jātasindhavā pana gandhapānaṃ pivitvā nissaddā sannisinnā na uppilavanti, kiṃ nu kho kāraṇa’’nti pucchanto paṭhamaṃ gāthamāha –
65.
65.
‘‘ваалод̣̇агам̣ аббарасам̣ нихийнам̣, бид̇ваа мад̣̇о ж̇ааяад̇и г̇ад̣̇рабхаанам̣;
‘‘Vālodakaṃ apparasaṃ nihīnaṃ, pitvā mado jāyati gadrabhānaṃ;
иман̃жа бид̇ваана расам̣ бан̣ийд̇ам̣, мад̣̇о на сан̃ж̇ааяад̇и синд̇хаваана’’нд̇и.
Imañca pitvāna rasaṃ paṇītaṃ, mado na sañjāyati sindhavāna’’nti.
д̇ад̇т̇а ваалод̣̇аганд̇и магаживаалзхи бариссаавид̇ауд̣̇агам̣. ‘‘ваалуд̣̇ага’’нд̇иби баато. нихийнанд̇и нихийнарасабхаавзна нихийнам̣. на сан̃ж̇ааяад̇ийд̇и синд̇хаваанам̣ мад̣̇о на ж̇ааяад̇и, гим̣ ну ко гааран̣анд̇и бужчи.
Tattha vālodakanti makacivālehi parissāvitaudakaṃ. ‘‘Vāludaka’’ntipi pāṭho. Nihīnanti nihīnarasabhāvena nihīnaṃ. Na sañjāyatīti sindhavānaṃ mado na jāyati, kiṃ nu kho kāraṇanti pucchi.
ат̇асса гааран̣ам̣ аажигканд̇о б̣од̇хисад̇д̇о д̣̇уд̇ияам̣ г̇аат̇амааха –
Athassa kāraṇaṃ ācikkhanto bodhisatto dutiyaṃ gāthamāha –
66.
66.
‘‘аббам̣ бивид̇ваана нихийнаж̇ажжо, со маж̇ж̇ад̇ий д̇зна ж̇анинд̣̇а будто;
‘‘Appaṃ pivitvāna nihīnajacco, so majjatī tena janinda puṭṭho;
д̇хораяхасийлий жа гуламхи ж̇аад̇о, на маж̇ж̇ад̇ий аг̇г̇арасам̣ бивид̇ваа’’д̇и.
Dhorayhasīlī ca kulamhi jāto, na majjatī aggarasaṃ pivitvā’’ti.
д̇ад̇т̇а д̇зна ж̇анинд̣̇а будтод̇и ж̇анинд̣̇а уд̇д̇амарааж̇а яо нихийнаж̇ажжо, д̇зна нихийнаж̇ажжабхаавзна будто маж̇ж̇ад̇и бамаж̇ж̇ад̇и. д̇хораяхасийлийд̇и д̇хораяхасийло д̇хураваханагааажаарзна самбанно ж̇аад̇исинд̇хаво. аг̇г̇арасанд̇и саб̣б̣абатамам̣ г̇ахид̇ам̣ муд̣̇д̣̇игарасам̣ бивид̇вааби на маж̇ж̇ад̇и.
Tattha tena janinda puṭṭhoti janinda uttamarāja yo nihīnajacco, tena nihīnajaccabhāvena puṭṭho majjati pamajjati. Dhorayhasīlīti dhorayhasīlo dhuravahanakaācārena sampanno jātisindhavo. Aggarasanti sabbapaṭhamaṃ gahitaṃ muddikarasaṃ pivitvāpi na majjati.
рааж̇аа б̣од̇хисад̇д̇асса важанам̣ суд̇ваа г̇ад̣̇рабхз рааж̇ан̇г̇ан̣аа нийхараабзд̇ваа д̇ассзва оваад̣̇з тид̇о д̣̇аанаад̣̇ийни бун̃н̃аани гад̇ваа яат̇аагаммам̣ г̇ад̇о.
Rājā bodhisattassa vacanaṃ sutvā gadrabhe rājaṅgaṇā nīharāpetvā tasseva ovāde ṭhito dānādīni puññāni katvā yathākammaṃ gato.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа бан̃жасад̇аа г̇ад̣̇рабхаа имз вигхаасаад̣̇аа ахзсум̣, бан̃жасад̇аа синд̇хаваа имз убаасагаа, рааж̇аа аананд̣̇о, бан̣д̣ид̇аамажжо бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā pañcasatā gadrabhā ime vighāsādā ahesuṃ, pañcasatā sindhavā ime upāsakā, rājā ānando, paṇḍitāmacco pana ahameva ahosi’’nti.
ваалод̣̇агаж̇аад̇агаван̣н̣анаа д̇ад̇ияаа.
Vālodakajātakavaṇṇanā tatiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 183. ваалод̣̇агаж̇аад̇агам̣ • 183. Vālodakajātakaṃ
