| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
3. ваммигасуд̇д̇аван̣н̣анаа
3. Vammikasuttavaṇṇanā
249. звам̣ мз суд̇анд̇и ваммигасуд̇д̇ам̣. д̇ад̇т̇а ааяасмаад̇и бияаважанамзд̇ам̣. гумаарагассабод̇и д̇асса наамам̣. гумаарагаалз баб̣б̣аж̇ид̇ад̇д̇аа бана бхаг̇авад̇аа, ‘‘гассабам̣ баггосат̇а, ид̣̇ам̣ палам̣ ваа каад̣̇анийяам̣ ваа гассабасса д̣̇зт̇аа’’д̇и вуд̇д̇з, гад̇арасса гассабассаад̇и гумаарагассабассаад̇и звам̣ г̇ахид̇анаамад̇д̇аа д̇ад̇о бадтааяа вуд̣дхагаалзби ‘‘гумаарагассабо’’ д̇взва вужжад̇и. абижа ран̃н̃аа босааванигабуд̇д̇ад̇д̇ааби д̇ам̣ ‘‘гумаарагассабо’’д̇и сан̃ж̇ааним̣су. аяам̣ банасса буб̣б̣аяог̇ад̇о бадтааяа аавибхаавагат̇аа –
249.Evaṃme sutanti vammikasuttaṃ. Tattha āyasmāti piyavacanametaṃ. Kumārakassapoti tassa nāmaṃ. Kumārakāle pabbajitattā pana bhagavatā, ‘‘kassapaṃ pakkosatha, idaṃ phalaṃ vā khādanīyaṃ vā kassapassa dethā’’ti vutte, katarassa kassapassāti kumārakassapassāti evaṃ gahitanāmattā tato paṭṭhāya vuḍḍhakālepi ‘‘kumārakassapo’’ tveva vuccati. Apica raññā posāvanikaputtattāpi taṃ ‘‘kumārakassapo’’ti sañjāniṃsu. Ayaṃ panassa pubbayogato paṭṭhāya āvibhāvakathā –
т̇зро гира бад̣̇умуд̇д̇арасса бхаг̇авад̇о гаалз сздтибуд̇д̇о ахоси. ат̇згад̣̇ивасам̣ бхаг̇аванд̇ам̣ жид̇рагат̇им̣ згам̣ ад̇д̇ано саавагам̣ таананд̇арз табзнд̇ам̣ д̣̇исваа бхаг̇авад̇о сад̇д̇аахам̣ д̣̇аанам̣ д̣̇ад̇ваа, ‘‘ахамби бхаг̇аваа анааг̇ад̇з згасса б̣уд̣̇д̇хасса аяам̣ т̇зро вияа жид̇рагат̇ий сааваго бхавзяяа’’нд̇и бад̇т̇анам̣ гад̇ваа бун̃н̃аани гаронд̇о гассабасса бхаг̇авад̇о саасанз баб̣б̣аж̇ид̇ваа висзсам̣ ниб̣б̣ад̇д̇зд̇ум̣ наасагки.
Thero kira padumuttarassa bhagavato kāle seṭṭhiputto ahosi. Athekadivasaṃ bhagavantaṃ citrakathiṃ ekaṃ attano sāvakaṃ ṭhānantare ṭhapentaṃ disvā bhagavato sattāhaṃ dānaṃ datvā, ‘‘ahampi bhagavā anāgate ekassa buddhassa ayaṃ thero viya citrakathī sāvako bhaveyya’’nti patthanaṃ katvā puññāni karonto kassapassa bhagavato sāsane pabbajitvā visesaṃ nibbattetuṃ nāsakkhi.
д̇ад̣̇аа гира бариниб̣б̣уд̇асса бхаг̇авад̇о саасанз осагганд̇з бан̃жа бхигкуу ниссзн̣им̣ б̣анд̇хид̇ваа баб̣б̣ад̇ам̣ абхируяха саман̣ад̇хаммам̣ агам̣су. сан̇гхад̇т̇зро д̇ад̇ияад̣̇ивасз арахад̇д̇ам̣ бад̇д̇о. анут̇зро жад̇уд̇т̇ад̣̇ивасз анааг̇аамий ахоси. ид̇арз д̇аяо висзсам̣ ниб̣б̣ад̇д̇зд̇ум̣ асаггонд̇аа д̣̇звалогз ниб̣б̣ад̇д̇им̣су. д̇зсам̣ згам̣ б̣уд̣̇д̇ханд̇арам̣ д̣̇звзсу жа мануссзсу жа самбад̇д̇им̣ анубхонд̇аанам̣ зго д̇аггасилааяам̣ рааж̇агулз ниб̣б̣ад̇д̇ид̇ваа буггусаад̇и наама рааж̇аа худ̇ваа бхаг̇аванд̇ам̣ уд̣̇д̣̇исса баб̣б̣аж̇ид̇ваа рааж̇аг̇ахам̣ г̇ажчанд̇о гумбхагаарасаалааяам̣ бхаг̇авад̇о д̇хаммад̣̇зсанам̣ суд̇ваа анааг̇аамипалам̣ бад̇д̇о. зго згасмим̣ самуд̣̇д̣̇абадданз гулагхарз ниб̣б̣ад̇д̇ид̇ваа наавам̣ ааруяха бхиннанааво д̣̇ааружийраани ниваасзд̇ваа лаабхасамбад̇д̇им̣ бад̇д̇о, ‘‘ахам̣ арахаа’’д̇и жид̇д̇ам̣ уббаад̣̇зд̇ваа, ‘‘на д̇вам̣ арахаа, г̇ажча сад̇т̇аарам̣ бан̃хам̣ бужчаа’’д̇и ад̇т̇агаамааяа д̣̇звад̇ааяа жод̣̇ид̇о д̇ат̇аа гад̇ваа арахад̇д̇апалам̣ бад̇д̇о.
Tadā kira parinibbutassa bhagavato sāsane osakkante pañca bhikkhū nisseṇiṃ bandhitvā pabbataṃ abhiruyha samaṇadhammaṃ akaṃsu. Saṅghatthero tatiyadivase arahattaṃ patto. Anuthero catutthadivase anāgāmī ahosi. Itare tayo visesaṃ nibbattetuṃ asakkontā devaloke nibbattiṃsu. Tesaṃ ekaṃ buddhantaraṃ devesu ca manussesu ca sampattiṃ anubhontānaṃ eko takkasilāyaṃ rājakule nibbattitvā pukkusāti nāma rājā hutvā bhagavantaṃ uddissa pabbajitvā rājagahaṃ gacchanto kumbhakārasālāyaṃ bhagavato dhammadesanaṃ sutvā anāgāmiphalaṃ patto. Eko ekasmiṃ samuddapaṭṭane kulaghare nibbattitvā nāvaṃ āruyha bhinnanāvo dārucīrāni nivāsetvā lābhasampattiṃ patto, ‘‘ahaṃ arahā’’ti cittaṃ uppādetvā, ‘‘na tvaṃ arahā, gaccha satthāraṃ pañhaṃ pucchā’’ti atthakāmāya devatāya codito tathā katvā arahattaphalaṃ patto.
зго рааж̇аг̇ахз згиссаа гулад̣̇ааригааяа гужчимхи уббанно. саа жа батамам̣ маад̇аабид̇аро яаажид̇ваа баб̣б̣аж̇ж̇ам̣ алабхамаанаа гулагхарам̣ г̇ад̇аа г̇аб̣бхасан̣тид̇амби аж̇аананд̇ий саамигам̣ аараад̇хзд̇ваа д̇зна анун̃н̃аад̇аа бхигкунийсу баб̣б̣аж̇ид̇аа. д̇ассаа г̇аб̣бхининимид̇д̇ам̣ д̣̇исваа бхигкунияо д̣̇звад̣̇ад̇д̇ам̣ бужчим̣су, со ‘‘ассаман̣ий’’д̇и ааха. д̣̇асаб̣алам̣ бужчим̣су, сад̇т̇аа убаалид̇т̇зрам̣ бадижчаабзси. т̇зро саавад̇т̇инаг̇араваасийни гулаани висаакан̃жа убаасигам̣ баггосаабзд̇ваа сод̇хзнд̇о, – ‘‘бурз лад̣̇д̇хо г̇аб̣бхо, баб̣б̣аж̇ж̇аа арог̇аа’’д̇и ааха. сад̇т̇аа ‘‘сувинижчид̇ам̣ ад̇хигаран̣а’’нд̇и т̇зрасса саад̇хугаарам̣ ад̣̇ааси. саа бхигкуний суван̣н̣аб̣имб̣асад̣̇исам̣ буд̇д̇ам̣ виж̇ааяи, д̇ам̣ г̇ахзд̇ваа рааж̇аа басзнад̣̇и госало босаабзси. ‘‘гассабо’’д̇и жасса наамам̣ гад̇ваа абарабхааг̇з алан̇гарид̇ваа сад̇т̇у санд̇игам̣ нзд̇ваа баб̣б̣ааж̇зси. ид̇и ран̃н̃о босааванигабуд̇д̇ад̇д̇ааби д̇ам̣ ‘‘гумаарагассабо’’д̇и сан̃ж̇ааним̣сууд̇и.
Eko rājagahe ekissā kuladārikāya kucchimhi uppanno. Sā ca paṭhamaṃ mātāpitaro yācitvā pabbajjaṃ alabhamānā kulagharaṃ gatā gabbhasaṇṭhitampi ajānantī sāmikaṃ ārādhetvā tena anuññātā bhikkhunīsu pabbajitā. Tassā gabbhininimittaṃ disvā bhikkhuniyo devadattaṃ pucchiṃsu, so ‘‘assamaṇī’’ti āha. Dasabalaṃ pucchiṃsu, satthā upālittheraṃ paṭicchāpesi. Thero sāvatthinagaravāsīni kulāni visākhañca upāsikaṃ pakkosāpetvā sodhento, – ‘‘pure laddho gabbho, pabbajjā arogā’’ti āha. Satthā ‘‘suvinicchitaṃ adhikaraṇa’’nti therassa sādhukāraṃ adāsi. Sā bhikkhunī suvaṇṇabimbasadisaṃ puttaṃ vijāyi, taṃ gahetvā rājā pasenadi kosalo posāpesi. ‘‘Kassapo’’ti cassa nāmaṃ katvā aparabhāge alaṅkaritvā satthu santikaṃ netvā pabbājesi. Iti rañño posāvanikaputtattāpi taṃ ‘‘kumārakassapo’’ti sañjāniṃsūti.
анд̇хаванзд̇и звам̣наамагз ванз. д̇ам̣ гира ванам̣ д̣̇виннам̣ б̣уд̣̇д̇хаанам̣ гаалз авиж̇ахид̇анаамам̣ анд̇хаванам̣д̇взва бан̃н̃ааяад̇и. д̇ад̇рааяам̣ бан̃н̃ад̇д̇ивибхааванаа – аббааяугаб̣уд̣̇д̇хаанан̃хи сарийрад̇хаад̇у на згаг̇гханаа ход̇и. ад̇хидтаанаанубхаавзна виббагирияад̇и. д̇знзва амхаагамби бхаг̇аваа, – ‘‘ахам̣ на жирадтид̇иго, аббагзхи сад̇д̇зхи ахам̣ д̣̇идто, язхи на д̣̇идто, д̇зва б̣ахуд̇араа, д̇з мз д̇хаад̇уяо аад̣̇ааяа д̇ад̇т̇а д̇ад̇т̇а бууж̇знд̇аа саг̇г̇абарааяан̣аа бхависсанд̇ий’’д̇и бариниб̣б̣аанагаалз, ‘‘ад̇д̇ано сарийрам̣ виббагирияад̇уу’’д̇и ад̇хидтааси. д̣̇ийгхааяугаб̣уд̣̇д̇хаанам̣ бана суван̣н̣агканд̇хо вияа згаг̇гханам̣ д̇хаад̇усарийрам̣ д̇идтад̇и.
Andhavaneti evaṃnāmake vane. Taṃ kira vanaṃ dvinnaṃ buddhānaṃ kāle avijahitanāmaṃ andhavanaṃtveva paññāyati. Tatrāyaṃ paññattivibhāvanā – appāyukabuddhānañhi sarīradhātu na ekagghanā hoti. Adhiṭṭhānānubhāvena vippakiriyati. Teneva amhākampi bhagavā, – ‘‘ahaṃ na ciraṭṭhitiko, appakehi sattehi ahaṃ diṭṭho, yehi na diṭṭho, teva bahutarā, te me dhātuyo ādāya tattha tattha pūjentā saggaparāyaṇā bhavissantī’’ti parinibbānakāle, ‘‘attano sarīraṃ vippakiriyatū’’ti adhiṭṭhāsi. Dīghāyukabuddhānaṃ pana suvaṇṇakkhandho viya ekagghanaṃ dhātusarīraṃ tiṭṭhati.
гассабассааби бхаг̇авад̇о д̇ат̇зва адтааси. д̇ад̇о махааж̇анаа саннибад̇ид̇ваа, ‘‘д̇хаад̇уяо згаг̇гханаа на саггаа вияож̇зд̇ум̣, гим̣ гариссаамаа’’д̇и самманд̇аяид̇ваа згаг̇гханамзва жзд̇ияам̣ гариссаама, гид̇д̇агам̣ бана ход̇у д̇анд̇и аахам̣су. згз сад̇д̇аяож̇анияанд̇и аахам̣су. зд̇ам̣ ад̇имаханд̇ам̣, анааг̇ад̇з ж̇аг̇г̇ид̇ум̣ на саггаа, чаяож̇анам̣ ход̇у, бан̃жаяож̇анам̣… жад̇уяож̇анам̣… д̇ияож̇анам̣… д̣̇вияож̇анам̣… згаяож̇анам̣ ход̇ууд̇и саннидтаанам̣ гад̇ваа идтагаа гийд̣̇исаа хонд̇ууд̇и б̣аахиранд̇з идтагаа рад̇д̇асуван̣н̣амаяаа згаг̇гханаа сад̇асахассаг̇гханигаа хонд̇у, аб̣бханд̇ариманд̇з бан̃н̃аасасахассаг̇гханигаа. харид̇ааламаносилаахи мад̇д̇игаагижжам̣ гаяирад̇у, д̇злзна уд̣̇агагижжанд̇и нидтам̣ г̇анд̇ваа жад̇д̇аари мукаани жад̇уд̇хаа вибхаж̇им̣су. рааж̇аа згам̣ мукам̣ г̇ан̣хи, рааж̇абуд̇д̇о бат̇авинд̣̇арагумааро згам̣, амажжаанам̣ ж̇здтаго худ̇ваа сзнаабад̇и згам̣, ж̇анабад̣̇аанам̣ ж̇здтаго худ̇ваа сздти згам̣.
Kassapassāpi bhagavato tatheva aṭṭhāsi. Tato mahājanā sannipatitvā, ‘‘dhātuyo ekagghanā na sakkā viyojetuṃ, kiṃ karissāmā’’ti sammantayitvā ekagghanameva cetiyaṃ karissāma, kittakaṃ pana hotu tanti āhaṃsu. Eke sattayojaniyanti āhaṃsu. Etaṃ atimahantaṃ, anāgate jaggituṃ na sakkā, chayojanaṃ hotu, pañcayojanaṃ… catuyojanaṃ… tiyojanaṃ… dviyojanaṃ… ekayojanaṃ hotūti sanniṭṭhānaṃ katvā iṭṭhakā kīdisā hontūti bāhirante iṭṭhakā rattasuvaṇṇamayā ekagghanā satasahassagghanikā hontu, abbhantarimante paññāsasahassagghanikā. Haritālamanosilāhi mattikākiccaṃ kayiratu, telena udakakiccanti niṭṭhaṃ gantvā cattāri mukhāni catudhā vibhajiṃsu. Rājā ekaṃ mukhaṃ gaṇhi, rājaputto pathavindarakumāro ekaṃ, amaccānaṃ jeṭṭhako hutvā senāpati ekaṃ, janapadānaṃ jeṭṭhako hutvā seṭṭhi ekaṃ.
д̇ад̇т̇а д̇ханасамбаннад̇ааяа рааж̇ааби суван̣н̣ам̣ нийхараабзд̇ваа ад̇д̇анаа г̇ахид̇амукз гаммам̣ аарабхи, убарааж̇ааби, сзнаабад̇иби. сздтинаа г̇ахид̇амукз бана гаммам̣ олийяад̇и. д̇ад̇о яасорад̇о наама зго убаасаго д̇збидаго бхаан̣аго анааг̇аамий арияасааваго, со гаммам̣ олийяад̇ийд̇и н̃ад̇ваа бан̃жа сагадасад̇аани яож̇аабзд̇ваа ж̇анабад̣̇ам̣ г̇анд̇ваа ‘‘гассабасаммаасамб̣уд̣̇д̇хо вийсад̇ивассасахассаани тад̇ваа бариниб̣б̣уд̇о. д̇асса яож̇анигам̣ рад̇анажзд̇ияам̣ гаяирад̇и, яо яам̣ д̣̇аад̇ум̣ уссахад̇и суван̣н̣ам̣ ваа хиран̃н̃ам̣ ваа сад̇д̇арад̇анам̣ ваа харид̇аалам̣ ваа маносилам̣ ваа, со д̇ам̣ д̣̇зд̇уу’’д̇и самаад̣̇абзси. мануссаа ад̇д̇ано ад̇д̇ано т̇аамзна хиран̃н̃асуван̣н̣аад̣̇ийни ад̣̇ам̣су. асаггонд̇аа д̇злад̇ан̣д̣улаад̣̇ийни д̣̇знд̇иязва. убаасаго д̇злад̇ан̣д̣улаад̣̇ийни гаммагаараанам̣ бхад̇д̇авзд̇анад̇т̇ам̣ бахин̣аад̇и, авасзсзхи суван̣н̣ам̣ жзд̇аабзд̇ваа бахин̣аад̇и, звам̣ сагалаж̇амб̣уд̣̇ийбам̣ ажари.
Tattha dhanasampannatāya rājāpi suvaṇṇaṃ nīharāpetvā attanā gahitamukhe kammaṃ ārabhi, uparājāpi, senāpatipi. Seṭṭhinā gahitamukhe pana kammaṃ olīyati. Tato yasorato nāma eko upāsako tepiṭako bhāṇako anāgāmī ariyasāvako, so kammaṃ olīyatīti ñatvā pañca sakaṭasatāni yojāpetvā janapadaṃ gantvā ‘‘kassapasammāsambuddho vīsativassasahassāni ṭhatvā parinibbuto. Tassa yojanikaṃ ratanacetiyaṃ kayirati, yo yaṃ dātuṃ ussahati suvaṇṇaṃ vā hiraññaṃ vā sattaratanaṃ vā haritālaṃ vā manosilaṃ vā, so taṃ detū’’ti samādapesi. Manussā attano attano thāmena hiraññasuvaṇṇādīni adaṃsu. Asakkontā telataṇḍulādīni dentiyeva. Upāsako telataṇḍulādīni kammakārānaṃ bhattavetanatthaṃ pahiṇāti, avasesehi suvaṇṇaṃ cetāpetvā pahiṇāti, evaṃ sakalajambudīpaṃ acari.
жзд̇ияз гаммам̣ нидтид̇анд̇и жзд̇ияадтаанад̇о бан̣н̣ам̣ бахин̣им̣су – ‘‘нидтид̇ам̣ гаммам̣ аажарияо ааг̇анд̇ваа жзд̇ияам̣ ванд̣̇ад̇уу’’д̇и. соби бан̣н̣ам̣ бахин̣и – ‘‘маяаа сагалаж̇амб̣уд̣̇ийбо самаад̣̇абид̇о, яам̣ ад̇т̇и, д̇ам̣ г̇ахзд̇ваа гаммам̣ нидтаабзнд̇уу’’д̇и. д̣̇взби бан̣н̣аани анд̇араамаг̇г̇з самааг̇амим̣су. аажарияасса бан̣н̣ад̇о бана жзд̇ияадтаанад̇о бан̣н̣ам̣ батамад̇арам̣ аажарияасса хад̇т̇ам̣ аг̇амааси. со бан̣н̣ам̣ ваажзд̇ваа жзд̇ияам̣ ванд̣̇иссаамийд̇и згагова нигками. анд̇араамаг̇г̇з адавияам̣ бан̃жа жорасад̇аани удтахим̣су. д̇ад̇рзгажжз д̇ам̣ д̣̇исваа иминаа сагалаж̇амб̣уд̣̇ийбад̇о хиран̃н̃асуван̣н̣ам̣ самбин̣д̣ид̇ам̣, нид̇хигумбхий но баваддамаанаа ааг̇ад̇аад̇и авасзсаанам̣ аарожзд̇ваа д̇ам̣ аг̇г̇ахзсум̣. гасмаа д̇аад̇аа, мам̣ г̇ан̣хат̇аад̇и? д̇аяаа сагалаж̇амб̣уд̣̇ийбад̇о саб̣б̣ам̣ хиран̃н̃асуван̣н̣ам̣ самбин̣д̣ид̇ам̣, амхаагамби т̇огам̣ т̇огам̣ д̣̇зхийд̇и. гим̣ д̇умхз на ж̇аанаат̇а, гассабо бхаг̇аваа бариниб̣б̣уд̇о, д̇асса яож̇анигам̣ рад̇анажзд̇ияам̣ гаяирад̇и, д̇ад̣̇ад̇т̇ааяа маяаа самаад̣̇абид̇ам̣, но ад̇д̇ано ад̇т̇ааяа. д̇ам̣ д̇ам̣ лад̣̇д̇халад̣̇д̇хадтаанад̇о д̇ад̇т̇зва бзсид̇ам̣, маяхам̣ бана нивад̇т̇асаадагамад̇д̇ам̣ табзд̇ваа ан̃н̃ам̣ вид̇д̇ам̣ гааган̣игамби над̇т̇ийд̇и.
Cetiye kammaṃ niṭṭhitanti cetiyaṭṭhānato paṇṇaṃ pahiṇiṃsu – ‘‘niṭṭhitaṃ kammaṃ ācariyo āgantvā cetiyaṃ vandatū’’ti. Sopi paṇṇaṃ pahiṇi – ‘‘mayā sakalajambudīpo samādapito, yaṃ atthi, taṃ gahetvā kammaṃ niṭṭhāpentū’’ti. Dvepi paṇṇāni antarāmagge samāgamiṃsu. Ācariyassa paṇṇato pana cetiyaṭṭhānato paṇṇaṃ paṭhamataraṃ ācariyassa hatthaṃ agamāsi. So paṇṇaṃ vācetvā cetiyaṃ vandissāmīti ekakova nikkhami. Antarāmagge aṭaviyaṃ pañca corasatāni uṭṭhahiṃsu. Tatrekacce taṃ disvā iminā sakalajambudīpato hiraññasuvaṇṇaṃ sampiṇḍitaṃ, nidhikumbhī no pavaṭṭamānā āgatāti avasesānaṃ ārocetvā taṃ aggahesuṃ. Kasmā tātā, maṃ gaṇhathāti? Tayā sakalajambudīpato sabbaṃ hiraññasuvaṇṇaṃ sampiṇḍitaṃ, amhākampi thokaṃ thokaṃ dehīti. Kiṃ tumhe na jānātha, kassapo bhagavā parinibbuto, tassa yojanikaṃ ratanacetiyaṃ kayirati, tadatthāya mayā samādapitaṃ, no attano atthāya. Taṃ taṃ laddhaladdhaṭṭhānato tattheva pesitaṃ, mayhaṃ pana nivatthasāṭakamattaṃ ṭhapetvā aññaṃ vittaṃ kākaṇikampi natthīti.
згз, ‘‘звамзд̇ам̣ виссаж̇зт̇а аажарияа’’нд̇и аахам̣су. згз, ‘‘аяам̣ рааж̇абууж̇ид̇о амажжабууж̇ид̇о , амхзсу ган̃жид̣̇зва наг̇аравийт̇ияам̣ д̣̇исваа рааж̇арааж̇амахаамад̇д̇аад̣̇ийнам̣ аарожзд̇ваа анаяавяасанам̣ баабун̣аабзяяаа’’д̇и аахам̣су. убаасаго, ‘‘д̇аад̇аа, наахам̣ звам̣ гариссаамий’’д̇и ааха. д̇ан̃жа ко д̇зсу гаарун̃н̃зна, на ад̇д̇ано ж̇ийвид̇аниганд̇ияаа. ат̇а д̇зсу г̇ахзд̇аб̣б̣о виссаж̇ж̇зд̇аб̣б̣од̇и вивад̣̇анд̇зсу г̇ахзд̇аб̣б̣од̇и лад̣̇д̇хигаа зва б̣ахуд̇араа худ̇ваа ж̇ийвид̇аа воробаяим̣су.
Eke, ‘‘evametaṃ vissajetha ācariya’’nti āhaṃsu. Eke, ‘‘ayaṃ rājapūjito amaccapūjito , amhesu kañcideva nagaravīthiyaṃ disvā rājarājamahāmattādīnaṃ ārocetvā anayavyasanaṃ pāpuṇāpeyyā’’ti āhaṃsu. Upāsako, ‘‘tātā, nāhaṃ evaṃ karissāmī’’ti āha. Tañca kho tesu kāruññena, na attano jīvitanikantiyā. Atha tesu gahetabbo vissajjetabboti vivadantesu gahetabboti laddhikā eva bahutarā hutvā jīvitā voropayiṃsu.
д̇зсам̣ б̣алаваг̇ун̣з арияасаавагз абараад̇хзна ниб̣б̣уд̇ад̣̇ийбасикаа вияа агкийни анд̇арад̇хааяим̣су. д̇з, ‘‘гахам̣ бхо жагку, гахам̣ бхо жагкуу’’д̇и виббалабанд̇аа згажжз н̃аад̇агзхи г̇зхам̣ нийд̇аа. згажжз нон̃аад̇агаа анаат̇аад̇и д̇ад̇т̇зва адавияам̣ ругкамуулз бан̣н̣асаалааяам̣ васим̣су. адавим̣ ааг̇ад̇амануссаа гаарун̃н̃зна д̇зсам̣ д̇ан̣д̣улам̣ ваа будабхад̇д̇ам̣ ваа бариб̣б̣аяам̣ ваа д̣̇знд̇и. д̣̇аарубан̣н̣аад̣̇ийнам̣ ад̇т̇ааяа г̇анд̇ваа ааг̇ад̇аа мануссаа гухим̣ г̇ад̇ад̇т̇аад̇и вуд̇д̇з анд̇хаванам̣ г̇ад̇амхаад̇и вад̣̇анд̇и. звам̣ д̣̇виннамби б̣уд̣̇д̇хаанам̣ гаалз д̇ам̣ ванам̣ анд̇хаванам̣д̇взва бан̃н̃ааяад̇и. гассабаб̣уд̣̇д̇хагаалз банзд̇ам̣ чад̣д̣ид̇аж̇анабад̣̇з адави ахоси. амхаагам̣ бхаг̇авад̇о гаалз саавад̇т̇ияаа авид̣̇уурз ж̇зд̇аванасса бидтибхааг̇з бавивзгагаамаанам̣ гулабуд̇д̇аанам̣ васанадтаанам̣ бад̇хаанагхарам̣ ахоси, д̇ад̇т̇а ааяасмаа гумаарагассабо д̇зна самаязна сзкабадибад̣̇ам̣ буураяамаано вихарад̇и. д̇зна вуд̇д̇ам̣ ‘‘анд̇хаванз вихарад̇ий’’д̇и.
Tesaṃ balavaguṇe ariyasāvake aparādhena nibbutadīpasikhā viya akkhīni antaradhāyiṃsu. Te, ‘‘kahaṃ bho cakkhu, kahaṃ bho cakkhū’’ti vippalapantā ekacce ñātakehi gehaṃ nītā. Ekacce noñātakā anāthāti tattheva aṭaviyaṃ rukkhamūle paṇṇasālāyaṃ vasiṃsu. Aṭaviṃ āgatamanussā kāruññena tesaṃ taṇḍulaṃ vā puṭabhattaṃ vā paribbayaṃ vā denti. Dārupaṇṇādīnaṃ atthāya gantvā āgatā manussā kuhiṃ gatatthāti vutte andhavanaṃ gatamhāti vadanti. Evaṃ dvinnampi buddhānaṃ kāle taṃ vanaṃ andhavanaṃtveva paññāyati. Kassapabuddhakāle panetaṃ chaḍḍitajanapade aṭavi ahosi. Amhākaṃ bhagavato kāle sāvatthiyā avidūre jetavanassa piṭṭhibhāge pavivekakāmānaṃ kulaputtānaṃ vasanaṭṭhānaṃ padhānagharaṃ ahosi, tattha āyasmā kumārakassapo tena samayena sekhapaṭipadaṃ pūrayamāno viharati. Tena vuttaṃ ‘‘andhavane viharatī’’ti.
ан̃н̃ад̇араа д̣̇звад̇аад̇и наамаг̇од̇д̇авасзна абаагадаа згаа д̣̇звад̇аад̇и ад̇т̇о. ‘‘абхиж̇аанаад̇и но, бханд̇з, бхаг̇аваа ахун̃аад̇ан̃н̃ад̇арасса махзсагкасса сам̣кид̇д̇зна д̇ан̣хаасан̇каяавимуд̇д̇им̣ бхаасид̇аа’’д̇и (ма. ни. 1.365) зд̇т̇а бана абхин̃н̃аад̇о саггоби д̣̇зварааж̇аа ан̃н̃ад̇арод̇и вуд̇д̇о. д̣̇звад̇аад̇и жа ид̣̇ам̣ д̣̇зваанамби д̣̇звад̇хийд̇аанамби саад̇хааран̣аважанам̣. имасмим̣ банад̇т̇з д̣̇зво ад̇хиббзд̇о. абхигганд̇ааяа рад̇д̇ияаад̇и зд̇т̇а абхигганд̇асад̣̇д̣̇о каяасунд̣̇араабхируубааб̣бханумод̣̇анаад̣̇ийсу д̣̇иссад̇и. д̇ад̇т̇а – ‘‘абхигганд̇аа, бханд̇з, рад̇д̇и, нигканд̇о батамо яаамо, жиранисинно бхигкусан̇гхо, уд̣̇д̣̇исад̇у, бханд̇з, бхаг̇аваа бхигкуунам̣ баад̇имогка’’нд̇и звамаад̣̇ийсу (а. ни. 8.20) каяз д̣̇иссад̇и. ‘‘аяам̣ имзсам̣ жад̇уннам̣ буг̇г̇алаанам̣ абхигганд̇ад̇аро жа бан̣ийд̇ад̇аро жаа’’д̇и (а. ни. 4.100) звамаад̣̇ийсу сунд̣̇арз.
Aññatarā devatāti nāmagottavasena apākaṭā ekā devatāti attho. ‘‘Abhijānāti no, bhante, bhagavā ahuñātaññatarassa mahesakkhassa saṃkhittena taṇhāsaṅkhayavimuttiṃ bhāsitā’’ti (ma. ni. 1.365) ettha pana abhiññāto sakkopi devarājā aññataroti vutto. Devatāti ca idaṃ devānampi devadhītānampi sādhāraṇavacanaṃ. Imasmiṃ panatthe devo adhippeto. Abhikkantāya rattiyāti ettha abhikkantasaddo khayasundarābhirūpaabbhanumodanādīsu dissati. Tattha – ‘‘abhikkantā, bhante, ratti, nikkhanto paṭhamo yāmo, ciranisinno bhikkhusaṅgho, uddisatu, bhante, bhagavā bhikkhūnaṃ pātimokkha’’nti evamādīsu (a. ni. 8.20) khaye dissati. ‘‘Ayaṃ imesaṃ catunnaṃ puggalānaṃ abhikkantataro ca paṇītataro cā’’ti (a. ni. 4.100) evamādīsu sundare.
‘‘го мз ванд̣̇ад̇и баад̣̇аани, ид̣̇д̇хияаа яасасаа ж̇алам̣;
‘‘Ko me vandati pādāni, iddhiyā yasasā jalaṃ;
абхигганд̇зна ван̣н̣зна, саб̣б̣аа обхаасаяам̣ д̣̇исаа’’д̇и. (ви. ва. 857) –
Abhikkantena vaṇṇena, sabbā obhāsayaṃ disā’’ti. (vi. va. 857) –
звамаад̣̇ийсу абхируубз. ‘‘абхигганд̇ам̣, бхо г̇од̇амаа’’д̇и звамаад̣̇ийсу (баараа. 15) аб̣бханумод̣̇анз. ид̇ха бана каяз. д̇зна абхигганд̇ааяа рад̇д̇ияаад̇и баригкийн̣ааяа рад̇д̇ияаад̇и вуд̇д̇ам̣ ход̇и. д̇ад̇т̇ааяам̣ д̣̇звабуд̇д̇о маж̇жхимаяаамасамананд̇арз ааг̇ад̇од̇и взд̣̇ид̇аб̣б̣о. абхигганд̇аван̣н̣аад̇и ид̇ха абхигганд̇асад̣̇д̣̇о абхируубз. ван̣н̣асад̣̇д̣̇о бана чави-т̇уд̇и-гулаваг̇г̇агааран̣а-сан̣таанабамаан̣аруубааяад̇анаад̣̇ийсу д̣̇иссад̇и. д̇ад̇т̇а, ‘‘суван̣н̣аван̣н̣оси бхаг̇аваа’’д̇и звамаад̣̇ийсу чавияаа. ‘‘гад̣̇аа сан̃н̃уул̣хаа бана д̇з г̇ахабад̇и саман̣асса г̇од̇амасса ван̣н̣аа’’д̇и (ма. ни. 2.77) звамаад̣̇ийсу т̇уд̇ияам̣. ‘‘жад̇д̇ааромз, бхо г̇од̇ама, ван̣н̣аа’’д̇и звамаад̣̇ийсу (д̣̇ий. ни. 3.115) гулаваг̇г̇з. ‘‘ат̇а гзна ну ван̣н̣зна, г̇анд̇хат̇знод̇и вужжад̇ий’’д̇и звамаад̣̇ийсу (сам̣. ни. 1.234) гааран̣з. ‘‘маханд̇ам̣ хад̇т̇ирааж̇аван̣н̣ам̣ абхинимминид̇ваа’’д̇и звамаад̣̇ийсу (сам̣. ни. 1.138) сан̣таанз. ‘‘д̇аяо бад̇д̇асса ван̣н̣аа’’д̇и звамаад̣̇ийсу (баараа. 602) бамаан̣з. ‘‘ван̣н̣о г̇анд̇хо расо ож̇аа’’д̇и звамаад̣̇ийсу руубааяад̇анз. со ид̇ха чавияам̣ д̣̇адтаб̣б̣о. д̇зна абхигганд̇аван̣н̣аад̇и абхируубачавиидтаван̣н̣аа, манаабаван̣н̣аад̇и вуд̇д̇ам̣ ход̇и. д̣̇звад̇аа хи мануссалогам̣ ааг̇ажчамаанаа багад̇иван̣н̣ам̣ багад̇иид̣̇д̇хим̣ баж̇ахид̇ваа ол̣ааригам̣ ад̇д̇абхаавам̣ гад̇ваа ад̇ирзгаван̣н̣ам̣ ад̇ирзгаид̣̇д̇хим̣ маабзд̇ваа надасамаж̇ж̇аад̣̇ийни г̇ажчанд̇аа мануссаа вияа абхисан̇кад̇зна гааязна ааг̇ажчанд̇и. аяамби д̣̇звабуд̇д̇о д̇ат̇зва ааг̇ад̇о. д̇зна вуд̇д̇ам̣ ‘‘абхигганд̇аван̣н̣аа’’д̇и.
Evamādīsu abhirūpe. ‘‘Abhikkantaṃ, bho gotamā’’ti evamādīsu (pārā. 15) abbhanumodane. Idha pana khaye. Tena abhikkantāya rattiyāti parikkhīṇāya rattiyāti vuttaṃ hoti. Tatthāyaṃ devaputto majjhimayāmasamanantare āgatoti veditabbo. Abhikkantavaṇṇāti idha abhikkantasaddo abhirūpe. Vaṇṇasaddo pana chavi-thuti-kulavaggakāraṇa-saṇṭhānapamāṇarūpāyatanādīsu dissati. Tattha, ‘‘suvaṇṇavaṇṇosi bhagavā’’ti evamādīsu chaviyā. ‘‘Kadā saññūḷhā pana te gahapati samaṇassa gotamassa vaṇṇā’’ti (ma. ni. 2.77) evamādīsu thutiyaṃ. ‘‘Cattārome, bho gotama, vaṇṇā’’ti evamādīsu (dī. ni. 3.115) kulavagge. ‘‘Atha kena nu vaṇṇena, gandhathenoti vuccatī’’ti evamādīsu (saṃ. ni. 1.234) kāraṇe. ‘‘Mahantaṃ hatthirājavaṇṇaṃ abhinimminitvā’’ti evamādīsu (saṃ. ni. 1.138) saṇṭhāne. ‘‘Tayo pattassa vaṇṇā’’ti evamādīsu (pārā. 602) pamāṇe. ‘‘Vaṇṇo gandho raso ojā’’ti evamādīsu rūpāyatane. So idha chaviyaṃ daṭṭhabbo. Tena abhikkantavaṇṇāti abhirūpachaviiṭṭhavaṇṇā, manāpavaṇṇāti vuttaṃ hoti. Devatā hi manussalokaṃ āgacchamānā pakativaṇṇaṃ pakatiiddhiṃ pajahitvā oḷārikaṃ attabhāvaṃ katvā atirekavaṇṇaṃ atirekaiddhiṃ māpetvā naṭasamajjādīni gacchantā manussā viya abhisaṅkhatena kāyena āgacchanti. Ayampi devaputto tatheva āgato. Tena vuttaṃ ‘‘abhikkantavaṇṇā’’ti.
гзвалагаббанд̇и зд̇т̇а гзваласад̣̇д̣̇о анавасзса-язбхууяяа-аб̣яаамиссаанад̇ирзгад̣̇ал̣хад̇т̇а-висам̣яог̇аад̣̇ианзгад̇т̇о. д̇ат̇аа хисса, ‘‘гзвалабарибун̣н̣ам̣ барисуд̣̇д̇хам̣ б̣рахмажарияа’’нд̇и (баараа. 1) звамаад̣̇ийсу анавасзсад̇д̇амад̇т̇о. ‘‘гзвалагаббаа жа ан̇г̇амаг̇ад̇хаа бахууд̇ам̣ каад̣̇анийяам̣ бхож̇анийяам̣ аад̣̇ааяа убасан̇гамиссанд̇ий’’д̇и звамаад̣̇ийсу язбхуяяад̇аа. ‘‘гзваласса д̣̇угкагканд̇хасса самуд̣̇аяо ход̇ий’’д̇и (вибха. 225) звамаад̣̇ийсу аб̣яаамиссад̇аа. ‘‘гзвалам̣ сад̣̇д̇хаамад̇д̇агам̣ нууна аяамааяасмаа’’д̇и (махаава. 244) звамаад̣̇ийсу анад̇ирзгад̇аа. ‘‘ааяасмад̇о ануруд̣̇д̇хасса б̣аахияо наама сад̣̇д̇хивихаариго гзвалагаббам̣ сан̇гхабхзд̣̇ааяа тид̇о’’д̇и (а. ни. 4.243) звамаад̣̇ийсу д̣̇ал̣хад̇т̇ад̇аа . ‘‘гзвалий вусид̇аваа уд̇д̇амабурисод̇и вужжад̇ий’’д̇и (сам̣. ни. 3.57) звамаад̣̇ийсу висам̣яог̇о. ид̇ха банасса анавасзсад̇д̇амад̇т̇од̇и ад̇хиббзд̇о.
Kevalakappanti ettha kevalasaddo anavasesa-yebhūyya-abyāmissānatirekadaḷhattha-visaṃyogādianekattho. Tathā hissa, ‘‘kevalaparipuṇṇaṃ parisuddhaṃ brahmacariya’’nti (pārā. 1) evamādīsu anavasesattamattho. ‘‘Kevalakappā ca aṅgamagadhā pahūtaṃ khādanīyaṃ bhojanīyaṃ ādāya upasaṅkamissantī’’ti evamādīsu yebhuyyatā. ‘‘Kevalassa dukkhakkhandhassa samudayo hotī’’ti (vibha. 225) evamādīsu abyāmissatā. ‘‘Kevalaṃ saddhāmattakaṃ nūna ayamāyasmā’’ti (mahāva. 244) evamādīsu anatirekatā. ‘‘Āyasmato anuruddhassa bāhiyo nāma saddhivihāriko kevalakappaṃ saṅghabhedāya ṭhito’’ti (a. ni. 4.243) evamādīsu daḷhatthatā . ‘‘Kevalī vusitavā uttamapurisoti vuccatī’’ti (saṃ. ni. 3.57) evamādīsu visaṃyogo. Idha panassa anavasesattamatthoti adhippeto.
габбасад̣̇д̣̇о банааяам̣ абхисад̣̇д̣̇ахана-вохаара-гаала-бан̃н̃ад̇д̇и- чзд̣̇ана-вигабба-лзса-саманд̇абхааваад̣̇и-анзгад̇т̇о. д̇ат̇аа хисса, ‘‘огаббанияамзд̇ам̣ бход̇о г̇од̇амасса, яат̇аа д̇ам̣ арахад̇о саммаасамб̣уд̣̇д̇хассаа’’д̇и (ма. ни. 1.387) звамаад̣̇ийсу абхисад̣̇д̣̇аханамад̇т̇о. ‘‘ануж̇аанаами, бхигкавз, бан̃жахи саман̣агаббзхи палам̣ барибхун̃ж̇ид̇у’’нд̇и (жуул̣ава. 250) звамаад̣̇ийсу вохааро. ‘‘язна суд̣̇ам̣ нижжагаббам̣ вихараамий’’д̇и звамаад̣̇ийсу (ма. ни. 1.387) гаало. ‘‘ижжааяасмаа габбо’’д̇и (сам̣. ни. 3.124) звамаад̣̇ийсу бан̃н̃ад̇д̇и. ‘‘алан̇гад̇аа габбид̇агзсамассуу’’д̇и (сам̣. ни. 4.365) звамаад̣̇ийсу чзд̣̇анам̣. ‘‘габбад̇и д̣̇ван̇г̇улагаббо’’д̇и (жуул̣ава. 446) звамаад̣̇ийсу вигаббо. ‘‘ад̇т̇и габбо нибаж̇ж̇ид̇у’’нд̇и (а. ни. 8.80) звамаад̣̇ийсу лзсо. ‘‘гзвалагаббам̣ взл̣уванам̣ обхаасзд̇ваа’’д̇и (сам̣. ни. 1.94) звамаад̣̇ийсу саманд̇абхааво. ид̇ха банасса саманд̇абхааво ад̇т̇о ад̇хиббзд̇о. д̇асмаа гзвалагаббам̣ анд̇хавананд̇и зд̇т̇а анавасзсам̣ саманд̇ад̇о анд̇хавананд̇и звамад̇т̇о д̣̇адтаб̣б̣о.
Kappasaddo panāyaṃ abhisaddahana-vohāra-kāla-paññatti- chedana-vikappa-lesa-samantabhāvādi-anekattho. Tathā hissa, ‘‘okappaniyametaṃ bhoto gotamassa, yathā taṃ arahato sammāsambuddhassā’’ti (ma. ni. 1.387) evamādīsu abhisaddahanamattho. ‘‘Anujānāmi, bhikkhave, pañcahi samaṇakappehi phalaṃ paribhuñjitu’’nti (cūḷava. 250) evamādīsu vohāro. ‘‘Yena sudaṃ niccakappaṃ viharāmī’’ti evamādīsu (ma. ni. 1.387) kālo. ‘‘Iccāyasmā kappo’’ti (saṃ. ni. 3.124) evamādīsu paññatti. ‘‘Alaṅkatā kappitakesamassū’’ti (saṃ. ni. 4.365) evamādīsu chedanaṃ. ‘‘Kappati dvaṅgulakappo’’ti (cūḷava. 446) evamādīsu vikappo. ‘‘Atthi kappo nipajjitu’’nti (a. ni. 8.80) evamādīsu leso. ‘‘Kevalakappaṃ veḷuvanaṃ obhāsetvā’’ti (saṃ. ni. 1.94) evamādīsu samantabhāvo. Idha panassa samantabhāvo attho adhippeto. Tasmā kevalakappaṃ andhavananti ettha anavasesaṃ samantato andhavananti evamattho daṭṭhabbo.
обхаасзд̇ваад̇и вад̇т̇аалан̇гаарасарийрасамудтид̇ааяа аабхааяа парид̇ваа, жанд̣̇имаа вияа жа суурияо вияа жа згобхаасам̣ згабаж̇ж̇од̇ам̣ гарид̇ваад̇и ад̇т̇о. згаманд̇ам̣ адтаасийд̇и згасмим̣ анд̇з, згасмим̣ огаасз адтааси. зд̇ад̣̇авожаад̇и зд̇ам̣ ‘‘бхигку бхигкуу’’д̇иаад̣̇иважанамавожа. гасмаа банааяам̣ аванд̣̇ид̇ваа саман̣авохаарзнзва гат̇зд̇ийд̇и? саман̣асан̃н̃аасамуд̣̇аажаарзнзва. звам̣ гирасса ахоси – ‘‘аяам̣ анд̇араа гаамааважарз васи. ахам̣ бана асми д̇ад̇о гаалад̇о бадтааяа б̣рахмажаарий’’д̇и саман̣асан̃н̃аавасса самуд̣̇аажарад̇и, д̇асмаа аванд̣̇ид̇ваа саман̣авохаарзнзва гат̇зд̇и. буб̣б̣асахааяо гирзсо д̣̇звабуд̇д̇о т̇зрасса. гуд̇о бадтааяаад̇и? гассабасаммаасамб̣уд̣̇д̇хагаалад̇о бадтааяа. яо хи буб̣б̣аяог̇з ааг̇ад̇зсу бан̃жасу сахааязсу анут̇зро жад̇уд̇т̇ад̣̇ивасз анааг̇аамий ахосийд̇и вуд̇д̇о, аяам̣ со. д̇ад̣̇аа гира д̇зсу сан̇гхад̇т̇зрасса арахад̇д̇знзва сад̣̇д̇хим̣ абхин̃н̃аа ааг̇амим̣су. со, ‘‘маяхам̣ гижжам̣ мад̇т̇агам̣ бад̇д̇а’’нд̇и взхаасам̣ уббад̇ид̇ваа анод̇ад̇д̇ад̣̇ахз мукам̣ д̇ховид̇ваа уд̇д̇арагуруд̇о бин̣д̣абаад̇ам̣ аад̣̇ааяа ааг̇анд̇ваа, ‘‘имам̣, аавусо, бин̣д̣абаад̇ам̣ бхун̃ж̇ид̇ваа аббамад̇д̇аа саман̣ад̇хаммам̣ гарот̇аа’’д̇и ааха. ид̇арз аахам̣су – ‘‘на, аавусо, амхаагам̣ звам̣ гад̇игаа ад̇т̇и – ‘яо батамам̣ висзсам̣ ниб̣б̣ад̇д̇зд̇ваа бин̣д̣абаад̇ам̣ аахарад̇и, д̇знаабхад̇ам̣ бхун̃ж̇ид̇ваа сзсзхи саман̣ад̇хаммо гаад̇аб̣б̣о’д̇и. д̇умхз ад̇д̇ано убаниссаязна гижжам̣ мад̇т̇агам̣ баабаяид̇т̇а. маяамби сажз но убаниссаяо бхависсад̇и, гижжам̣ мад̇т̇агам̣ баабзссаама. бабан̃жо зса амхаагам̣, г̇ажчат̇а д̇умхз’’д̇и. со яат̇аапаасугам̣ г̇анд̇ваа ааяубарияосаанз бариниб̣б̣ааяи.
Obhāsetvāti vatthālaṅkārasarīrasamuṭṭhitāya ābhāya pharitvā, candimā viya ca sūriyo viya ca ekobhāsaṃ ekapajjotaṃ karitvāti attho. Ekamantaṃ aṭṭhāsīti ekasmiṃ ante, ekasmiṃ okāse aṭṭhāsi. Etadavocāti etaṃ ‘‘bhikkhu bhikkhū’’tiādivacanamavoca. Kasmā panāyaṃ avanditvā samaṇavohāreneva kathetīti? Samaṇasaññāsamudācāreneva. Evaṃ kirassa ahosi – ‘‘ayaṃ antarā kāmāvacare vasi. Ahaṃ pana asmi tato kālato paṭṭhāya brahmacārī’’ti samaṇasaññāvassa samudācarati, tasmā avanditvā samaṇavohāreneva katheti. Pubbasahāyo kireso devaputto therassa. Kuto paṭṭhāyāti? Kassapasammāsambuddhakālato paṭṭhāya. Yo hi pubbayoge āgatesu pañcasu sahāyesu anuthero catutthadivase anāgāmī ahosīti vutto, ayaṃ so. Tadā kira tesu saṅghattherassa arahatteneva saddhiṃ abhiññā āgamiṃsu. So, ‘‘mayhaṃ kiccaṃ matthakaṃ patta’’nti vehāsaṃ uppatitvā anotattadahe mukhaṃ dhovitvā uttarakuruto piṇḍapātaṃ ādāya āgantvā, ‘‘imaṃ, āvuso, piṇḍapātaṃ bhuñjitvā appamattā samaṇadhammaṃ karothā’’ti āha. Itare āhaṃsu – ‘‘na, āvuso, amhākaṃ evaṃ katikā atthi – ‘yo paṭhamaṃ visesaṃ nibbattetvā piṇḍapātaṃ āharati, tenābhataṃ bhuñjitvā sesehi samaṇadhammo kātabbo’ti. Tumhe attano upanissayena kiccaṃ matthakaṃ pāpayittha. Mayampi sace no upanissayo bhavissati, kiccaṃ matthakaṃ pāpessāma. Papañco esa amhākaṃ, gacchatha tumhe’’ti. So yathāphāsukaṃ gantvā āyupariyosāne parinibbāyi.
бунад̣̇ивасз анут̇зро анааг̇аамипалам̣ сажчагааси, д̇асса абхин̃н̃ааяо ааг̇амим̣су. соби д̇ат̇зва бин̣д̣абаад̇ам̣ аахарид̇ваа д̇зхи бадигкид̇д̇о яат̇аапаасугам̣ г̇анд̇ваа ааяубарияосаанз суд̣̇д̇хааваасз ниб̣б̣ад̇д̇и. со суд̣̇д̇хааваасз тад̇ваа д̇з сахааяз ологзнд̇о, зго д̇ад̣̇аава бариниб̣б̣уд̇о, зго ад̇хунаа бхаг̇авад̇о санд̇игз арияабхуумим̣ бад̇д̇о, зго лаабхасаггаарам̣ ниссааяа, ‘‘ахам̣ арахаа’’д̇и жид̇д̇ам̣ уббаад̣̇зд̇ваа суббаарагабадданз васад̇ийд̇и д̣̇исваа д̇ам̣ убасан̇гамид̇ваа, ‘‘на д̇вам̣ арахаа, на арахад̇д̇амаг̇г̇ам̣ бадибанно, г̇ажча бхаг̇аванд̇ам̣ убасан̇гамид̇ваа д̇хаммам̣ сун̣аахий’’д̇и уяяож̇зси. соби анд̇арагхарз бхаг̇аванд̇ам̣ оваад̣̇ам̣ яаажид̇ваа, ‘‘д̇асмаа д̇иха д̇з б̣аахияа звам̣ сигкид̇аб̣б̣ам̣ д̣̇идтз д̣̇идтамад̇д̇ам̣ ход̇уу’’д̇и (уд̣̇аа. 10) бхаг̇авад̇аа сам̣кид̇д̇зна овад̣̇ид̇о арияабхуумим̣ самбаабун̣и.
Punadivase anuthero anāgāmiphalaṃ sacchakāsi, tassa abhiññāyo āgamiṃsu. Sopi tatheva piṇḍapātaṃ āharitvā tehi paṭikkhitto yathāphāsukaṃ gantvā āyupariyosāne suddhāvāse nibbatti. So suddhāvāse ṭhatvā te sahāye olokento, eko tadāva parinibbuto, eko adhunā bhagavato santike ariyabhūmiṃ patto, eko lābhasakkāraṃ nissāya, ‘‘ahaṃ arahā’’ti cittaṃ uppādetvā suppārakapaṭṭane vasatīti disvā taṃ upasaṅkamitvā, ‘‘na tvaṃ arahā, na arahattamaggaṃ paṭipanno, gaccha bhagavantaṃ upasaṅkamitvā dhammaṃ suṇāhī’’ti uyyojesi. Sopi antaraghare bhagavantaṃ ovādaṃ yācitvā, ‘‘tasmā tiha te bāhiya evaṃ sikkhitabbaṃ diṭṭhe diṭṭhamattaṃ hotū’’ti (udā. 10) bhagavatā saṃkhittena ovadito ariyabhūmiṃ sampāpuṇi.
д̇ад̇о ан̃н̃о зго ад̇т̇и, со гухинд̇и ологзнд̇о анд̇хаванз сзгкабадибад̣̇ам̣ буураяамаано вихарад̇ийд̇и д̣̇исваа жинд̇зси – ‘‘сахааяагасса санд̇игз г̇амиссаамийд̇и, г̇ажчанд̇зна бана д̇ужчахад̇т̇зна аг̇анд̇ваа гин̃жи бан̣н̣аагаарам̣ г̇ахзд̇ваа г̇анд̇ум̣ ваддад̇и, сахааяо ко бана мз нираамисо баб̣б̣ад̇амад̇т̇агз васанд̇о маяаа аагаасз тад̇ваа д̣̇иннам̣ бин̣д̣абаад̇амби абарибхун̃ж̇ид̇ваа саман̣ад̇хаммам̣ агааси, ид̣̇аани аамисабан̣н̣аагаарам̣ гим̣ г̇ан̣хиссад̇и? д̇хаммабан̣н̣аагаарам̣ г̇ахзд̇ваа г̇амиссаамий’’д̇и б̣рахмалогз тид̇ова рад̇анаавал̣им̣ г̇ант̇знд̇о вияа баннараса бан̃хз вибхаж̇ид̇ваа д̇ам̣ д̇хаммабан̣н̣аагаарам̣ аад̣̇ааяа ааг̇анд̇ваа сахааяасса авид̣̇уурз тад̇ваа ад̇д̇ано саман̣асан̃н̃аасамуд̣̇аажааравасзна д̇ам̣ анабхиваад̣̇зд̇ваава, ‘‘бхигку бхигкуу’’д̇и аалабид̇ваа аяам̣ ваммигод̇иаад̣̇имааха. д̇ад̇т̇а д̇урид̇аалабанавасзна бхигку бхигкууд̇и аамзд̣ид̇ам̣ взд̣̇ид̇аб̣б̣ам̣. яат̇аа ваа зганзва д̇илагзна налаадам̣ на собхад̇и, д̇ам̣ бариваарзд̇ваа ан̃н̃зсуби д̣̇иннзсу пуллид̇аман̣д̣ид̇ам̣ вияа собхад̇и, звам̣ згзнзва бад̣̇зна важанам̣ на собхад̇и , баривааригабад̣̇зна сад̣̇д̇хим̣ пуллид̇аман̣д̣ид̇ам̣ вияа собхад̇ийд̇и д̇ам̣ баривааригабад̣̇авасзна важанам̣ пуллид̇аман̣д̣ид̇ам̣ вияа гаронд̇оби звамааха.
Tato añño eko atthi, so kuhinti olokento andhavane sekkhapaṭipadaṃ pūrayamāno viharatīti disvā cintesi – ‘‘sahāyakassa santike gamissāmīti, gacchantena pana tucchahatthena agantvā kiñci paṇṇākāraṃ gahetvā gantuṃ vaṭṭati, sahāyo kho pana me nirāmiso pabbatamatthake vasanto mayā ākāse ṭhatvā dinnaṃ piṇḍapātampi aparibhuñjitvā samaṇadhammaṃ akāsi, idāni āmisapaṇṇākāraṃ kiṃ gaṇhissati? Dhammapaṇṇākāraṃ gahetvā gamissāmī’’ti brahmaloke ṭhitova ratanāvaḷiṃ ganthento viya pannarasa pañhe vibhajitvā taṃ dhammapaṇṇākāraṃ ādāya āgantvā sahāyassa avidūre ṭhatvā attano samaṇasaññāsamudācāravasena taṃ anabhivādetvāva, ‘‘bhikkhu bhikkhū’’ti ālapitvā ayaṃ vammikotiādimāha. Tattha turitālapanavasena bhikkhu bhikkhūti āmeḍitaṃ veditabbaṃ. Yathā vā ekaneva tilakena nalāṭaṃ na sobhati, taṃ parivāretvā aññesupi dinnesu phullitamaṇḍitaṃ viya sobhati, evaṃ ekeneva padena vacanaṃ na sobhati , parivārikapadena saddhiṃ phullitamaṇḍitaṃ viya sobhatīti taṃ parivārikapadavasena vacanaṃ phullitamaṇḍitaṃ viya karontopi evamāha.
аяам̣ ваммигод̇и бурад̇о тид̇о ваммиго наама над̇т̇и, д̣̇зсанаавасзна бана бурад̇о тид̇ам̣ д̣̇ассзнд̇о вияа аяанд̇и ааха. лан̇г̇инд̇и сад̇т̇ам̣ аад̣̇ааяа кан̣анд̇о балигхам̣ ад̣̇д̣̇аса. угкиба лан̇г̇им̣ абхигкан̣а сумзд̇хаад̇и д̇аад̇а, бан̣д̣ид̇а, лан̇г̇ий наама рад̇д̇им̣ д̇хуумааяад̇и д̣̇иваа баж̇ж̇алад̇и. угкибзд̇а барам̣ барад̇о кан̣аад̇и. звам̣ саб̣б̣абад̣̇зсу ад̇т̇о д̣̇адтаб̣б̣о. уд̣̇д̇хумааяиганд̇и ман̣д̣уугам̣. жан̇гавааранд̇и каарабариссааванам̣. гумманд̇и гажчабам̣. асисуунанд̇и мам̣сажчзд̣̇агам̣ асин̃жзва ад̇хигудданан̃жа. мам̣сабзсинд̇и нисад̣̇абод̇аббамаан̣ам̣ алламам̣сабин̣д̣ам̣. нааг̇анд̇и суманабубпагалаабасад̣̇исам̣ махаапан̣ам̣ д̇ивид̇хасовад̇т̇игабаригкид̇д̇ам̣ ахинааг̇ам̣ ад̣̇д̣̇аса. маа нааг̇ам̣ гхаддзсийд̇и д̣̇ан̣д̣агагодияаа ваа валлигодияаа ваа бам̣сужун̣н̣ам̣ ваа бана кибамаано маа нааг̇ам̣ гхаддаяи. намо гарохи нааг̇ассаад̇и убариваад̇ад̇о абаг̇амма суд̣̇д̇хавад̇т̇ам̣ ниваасзд̇ваа нааг̇асса намаггаарам̣ гарохи. нааг̇зна ад̇хисаяид̇ам̣ д̇ханам̣ наама яаава сад̇д̇амаа гулабариваддаа каад̣̇ад̇о на кийяад̇и, нааг̇о д̇з ад̇хисаяид̇ам̣ д̇ханам̣ д̣̇ассад̇и, д̇асмаа намо гарохи нааг̇ассаад̇и. ид̇о ваа бана суд̇ваад̇и яат̇аа д̣̇угкагканд̇хз ид̇од̇и саасанз ниссагам̣, на д̇ат̇аа ид̇ха. ид̇ха бана д̣̇звабуд̇д̇з ниссаггам̣, д̇асмаа ид̇о ваа банаад̇и мама ваа бана санд̇игаа суд̇ваад̇и аяамзд̇т̇а ад̇т̇о.
Ayaṃvammikoti purato ṭhito vammiko nāma natthi, desanāvasena pana purato ṭhitaṃ dassento viya ayanti āha. Laṅginti satthaṃ ādāya khaṇanto palighaṃ addasa. Ukkhipa laṅgiṃ abhikkhaṇa sumedhāti tāta, paṇḍita, laṅgī nāma rattiṃ dhūmāyati divā pajjalati. Ukkhipeta paraṃ parato khaṇāti. Evaṃ sabbapadesu attho daṭṭhabbo. Uddhumāyikanti maṇḍūkaṃ. Caṅkavāranti khāraparissāvanaṃ. Kummanti kacchapaṃ. Asisūnanti maṃsacchedakaṃ asiñceva adhikuṭṭanañca. Maṃsapesinti nisadapotappamāṇaṃ allamaṃsapiṇḍaṃ. Nāganti sumanapupphakalāpasadisaṃ mahāphaṇaṃ tividhasovatthikaparikkhittaṃ ahināgaṃ addasa. Mā nāgaṃ ghaṭṭesīti daṇḍakakoṭiyā vā vallikoṭiyā vā paṃsucuṇṇaṃ vā pana khipamāno mā nāgaṃ ghaṭṭayi. Namo karohi nāgassāti uparivātato apagamma suddhavatthaṃ nivāsetvā nāgassa namakkāraṃ karohi. Nāgena adhisayitaṃ dhanaṃ nāma yāva sattamā kulaparivaṭṭā khādato na khīyati, nāgo te adhisayitaṃ dhanaṃ dassati, tasmā namo karohi nāgassāti. Ito vā pana sutvāti yathā dukkhakkhandhe itoti sāsane nissakaṃ, na tathā idha. Idha pana devaputte nissakkaṃ, tasmā ito vā panāti mama vā pana santikā sutvāti ayamettha attho.
251. жаад̇уммахаабхууд̇игассаад̇и жад̇умахаабхууд̇амаяасса. гааяассзд̇ам̣ ад̇хиважананд̇и сарийрасса наамам̣. яат̇зва хи б̣аахираго ваммиго, вамад̇ийд̇и ванд̇агод̇и ванд̇уссаяод̇и ванд̇асинзхасамб̣анд̇ход̇и жад̇уухи гааран̣зхи ваммигод̇и вужжад̇и. со хи ахиман̇г̇усаунд̣̇уурагхараг̇ол̣игаад̣̇аяо наанаббагаарз баан̣агз вамад̇ийд̇и ваммиго. убажигаахи ванд̇агод̇и ваммиго. убажигаахи вамид̇ваа мукад̇ун̣д̣агзна угкид̇д̇абам̣сужун̣н̣зна гадиббамаан̣знаби борисаббамаан̣знаби уссид̇од̇и ваммиго. убажигаахи ванд̇акзл̣асинзхзна ааб̣ад̣̇д̇хад̇ааяа сад̇д̇асад̇д̇аахам̣ д̣̇звз вассанд̇зби на виббагирияад̇и, нид̣̇аагхзби д̇ад̇о бам̣сумудтим̣ г̇ахзд̇ваа д̇асмим̣ мудтинаа бийл̣ияамаанз синзхо нигкамад̇и, звам̣ ванд̇асинзхзна самб̣ад̣̇д̇ход̇и ваммиго. звамаяам̣ гааяоби, ‘‘агкимхаа агкиг̇уут̇аго’’д̇иаад̣̇инаа наязна наанаббагаарагам̣ асужигалималам̣ вамад̇ийд̇и ваммиго. б̣уд̣̇д̇хабажжзгаб̣уд̣̇д̇хакийн̣аасаваа имасмим̣ ад̇д̇абхаавз ниганд̇ибарияаад̣̇аанзна ад̇д̇абхаавам̣ чад̣д̣зд̇ваа г̇ад̇аад̇и ариязхи ванд̇агод̇иби ваммиго. язхи жааяам̣ д̇ийхи адтисад̇зхи уссид̇о нхаарусамб̣ад̣̇д̇хо мам̣саавалзбано аллажаммабарияонад̣̇д̇хо чавиран̃ж̇ид̇о сад̇д̇з ван̃жзд̇и, д̇ам̣ саб̣б̣ам̣ ариязхи ванд̇амзваад̇и ванд̇уссаяод̇иби ваммиго. ‘‘д̇ан̣хаа ж̇анзд̇и бурисам̣, жид̇д̇амасса вид̇хаавад̇ий’’д̇и (сам̣. ни. 1.55) звам̣ д̇ан̣хааяа ж̇анид̇ад̇д̇аа ариязхи ванд̇знзва д̇ан̣хаасинзхзна самб̣ад̣̇д̇хо аяанд̇и ванд̇асинзхзна самб̣ад̣̇д̇ход̇иби ваммиго. яат̇аа жа ваммигасса анд̇о наанаббагаараа баан̣агаа д̇ад̇т̇зва ж̇ааяанд̇и, ужжаарабассаавам̣ гаронд̇и, г̇илаанаа саяанд̇и, мад̇аа бад̇анд̇и. ид̇и со д̇зсам̣ сууд̇игхарам̣ важжагуди г̇илаанасаалаа сусаанан̃жа ход̇и. звам̣ кад̇д̇ияамахаасаалаад̣̇ийнамби гааяо аяам̣ г̇обид̇арагкид̇о ман̣д̣ид̇аббасаад̇хид̇о махаанубхааваанам̣ гааяод̇и ажинд̇зд̇ваа чавиниссид̇аа баан̣аа жамманиссид̇аа баан̣аа мам̣саниссид̇аа баан̣аа нхааруниссид̇аа баан̣аа адтиниссид̇аа баан̣аа адтимин̃ж̇аниссид̇аа баан̣аад̇и звам̣ гулаг̇ан̣анааяа асийд̇имад̇д̇аани гимигуласахассаани анд̇огааяасмим̣язва ж̇ааяанд̇и, ужжаарабассаавам̣ гаронд̇и, г̇злан̃н̃зна аад̇урид̇аани саяанд̇и, мад̇аани бад̇анд̇и, ид̇и аяамби д̇зсам̣ баан̣аанам̣ сууд̇игхарам̣ важжагуди г̇илаанасаалаа сусаанан̃жа ход̇ийд̇и ‘‘ваммиго’’ д̇взва сан̇кам̣ г̇ад̇о. д̇знааха бхаг̇аваа – ‘‘ваммигод̇и ко, бхигку, имасса жаад̇умахаабхууд̇игасса гааяассзд̇ам̣ ад̇хиважана’’нд̇и.
251.Cātummahābhūtikassāti catumahābhūtamayassa. Kāyassetaṃ adhivacananti sarīrassa nāmaṃ. Yatheva hi bāhirako vammiko, vamatīti vantakoti vantussayoti vantasinehasambandhoti catūhi kāraṇehi vammikoti vuccati. So hi ahimaṅgusaundūragharagoḷikādayo nānappakāre pāṇake vamatīti vammiko. Upacikāhi vantakoti vammiko. Upacikāhi vamitvā mukhatuṇḍakena ukkhittapaṃsucuṇṇena kaṭippamāṇenapi porisappamāṇenapi ussitoti vammiko. Upacikāhi vantakheḷasinehena ābaddhatāya sattasattāhaṃ deve vassantepi na vippakiriyati, nidāghepi tato paṃsumuṭṭhiṃ gahetvā tasmiṃ muṭṭhinā pīḷiyamāne sineho nikkhamati, evaṃ vantasinehena sambaddhoti vammiko. Evamayaṃ kāyopi, ‘‘akkhimhā akkhigūthako’’tiādinā nayena nānappakārakaṃ asucikalimalaṃ vamatīti vammiko. Buddhapaccekabuddhakhīṇāsavā imasmiṃ attabhāve nikantipariyādānena attabhāvaṃ chaḍḍetvā gatāti ariyehi vantakotipi vammiko. Yehi cāyaṃ tīhi aṭṭhisatehi ussito nhārusambaddho maṃsāvalepano allacammapariyonaddho chavirañjito satte vañceti, taṃ sabbaṃ ariyehi vantamevāti vantussayotipi vammiko. ‘‘Taṇhā janeti purisaṃ, cittamassa vidhāvatī’’ti (saṃ. ni. 1.55) evaṃ taṇhāya janitattā ariyehi vanteneva taṇhāsinehena sambaddho ayanti vantasinehena sambaddhotipi vammiko. Yathā ca vammikassa anto nānappakārā pāṇakā tattheva jāyanti, uccārapassāvaṃ karonti, gilānā sayanti, matā patanti. Iti so tesaṃ sūtigharaṃ vaccakuṭi gilānasālā susānañca hoti. Evaṃ khattiyamahāsālādīnampi kāyo ayaṃ gopitarakkhito maṇḍitappasādhito mahānubhāvānaṃ kāyoti acintetvā chavinissitā pāṇā cammanissitā pāṇā maṃsanissitā pāṇā nhārunissitā pāṇā aṭṭhinissitā pāṇā aṭṭhimiñjanissitā pāṇāti evaṃ kulagaṇanāya asītimattāni kimikulasahassāni antokāyasmiṃyeva jāyanti, uccārapassāvaṃ karonti, gelaññena āturitāni sayanti, matāni patanti, iti ayampi tesaṃ pāṇānaṃ sūtigharaṃ vaccakuṭi gilānasālā susānañca hotīti ‘‘vammiko’’ tveva saṅkhaṃ gato. Tenāha bhagavā – ‘‘vammikoti kho, bhikkhu, imassa cātumahābhūtikassa kāyassetaṃ adhivacana’’nti.
маад̇аабзд̇д̇игасамбхавассаад̇и маад̇ид̇о жа бид̇ид̇о жа ниб̣б̣ад̇д̇зна маад̇аабзд̇д̇игзна суггасон̣ид̇зна самбхууд̇асса. од̣̇анагуммаасуубажаяассаад̇и од̣̇анзна жзва гуммаасзна жа убажид̇асса вад̣дхид̇асса. анижжужчаад̣̇анабаримад̣̇д̣̇анабхзд̣̇анавид̣̇д̇хам̣санад̇хаммассаад̇и зд̇т̇а аяам̣ гааяо худ̇ваа абхаавадтзна анижжад̇хаммо. д̣̇уг̇г̇анд̇хавигхаад̇ад̇т̇ааяа д̇анувилзбанзна ужчаад̣̇анад̇хаммо. ан̇г̇абажжан̇г̇ааб̣аад̇хавинод̣̇анад̇т̇ааяа куд̣̇д̣̇агасамб̣ааханзна баримад̣̇д̣̇анад̇хаммо. д̣̇ахарагаалз ваа ууруусу саяаабзд̇ваа г̇аб̣бхаваасзна д̣̇уссан̣тид̇аанам̣ д̇зсам̣ д̇зсам̣ ан̇г̇аанам̣ сан̣таанасамбаад̣̇анад̇т̇ам̣ ан̃чанабийл̣анаад̣̇ивасзна баримад̣̇д̣̇анад̇хаммо. звам̣ барихарад̇оби жа бхзд̣̇анавид̣̇д̇хам̣санад̇хаммо бхиж̇ж̇ад̇и жзва вигирад̇и жа, звам̣ сабхаавод̇и ад̇т̇о. д̇ад̇т̇а маад̇аабзд̇д̇игасамбхаваод̣̇анагуммаасуубажаяаужчаад̣̇анабаримад̣̇д̣̇анабад̣̇зхи самуд̣̇аяо гат̇ид̇о, анижжабхзд̣̇авид̣̇д̇хам̣санабад̣̇зхи ад̇т̇ан̇г̇амо. звам̣ сад̇д̇ахиби бад̣̇зхи жаад̇умахаабхууд̇игасса гааяасса ужжааважабхааво вад̣дхибарихаани самуд̣̇аяад̇т̇ан̇г̇амо гат̇ид̇од̇и взд̣̇ид̇аб̣б̣о.
Mātāpettikasambhavassāti mātito ca pitito ca nibbattena mātāpettikena sukkasoṇitena sambhūtassa. Odanakummāsūpacayassāti odanena ceva kummāsena ca upacitassa vaḍḍhitassa. Aniccucchādanaparimaddanabhedanaviddhaṃsanadhammassāti ettha ayaṃ kāyo hutvā abhāvaṭṭhena aniccadhammo. Duggandhavighātatthāya tanuvilepanena ucchādanadhammo. Aṅgapaccaṅgābādhavinodanatthāya khuddakasambāhanena parimaddanadhammo. Daharakāle vā ūrūsu sayāpetvā gabbhavāsena dussaṇṭhitānaṃ tesaṃ tesaṃ aṅgānaṃ saṇṭhānasampādanatthaṃ añchanapīḷanādivasena parimaddanadhammo. Evaṃ pariharatopi ca bhedanaviddhaṃsanadhammo bhijjati ceva vikirati ca, evaṃ sabhāvoti attho. Tattha mātāpettikasambhavaodanakummāsūpacayaucchādanaparimaddanapadehi samudayo kathito, aniccabhedaviddhaṃsanapadehi atthaṅgamo. Evaṃ sattahipi padehi cātumahābhūtikassa kāyassa uccāvacabhāvo vaḍḍhiparihāni samudayatthaṅgamo kathitoti veditabbo.
д̣̇иваа гамманд̇зд̇и д̣̇иваа гад̇д̇аб̣б̣агамманд̇з. д̇хуумааяанаад̇и зд̇т̇а аяам̣ д̇хуумасад̣̇д̣̇о год̇хз д̇ан̣хааяа вид̇аггз бан̃жасу гаамаг̇ун̣зсу д̇хаммад̣̇зсанааяа багад̇ид̇хуумзд̇и имзсу ад̇т̇зсу вад̇д̇ад̇и. ‘‘год̇хо д̇хуумо бхасманимосаваж̇ж̇а’’нд̇и (сам̣. ни. 1.165) зд̇т̇а хи год̇хз вад̇д̇ад̇и. ‘‘ижчаад̇хуумааяид̇аа сад̇д̇аа’’д̇и зд̇т̇а д̇ан̣хааяа. ‘‘д̇зна ко бана самаязна ан̃н̃ад̇аро бхигку бхаг̇авад̇о авид̣̇уурз д̇хуумааяанд̇о нисинно ход̇ий’’д̇и зд̇т̇а вид̇аггз.
Divā kammanteti divā kattabbakammante. Dhūmāyanāti ettha ayaṃ dhūmasaddo kodhe taṇhāya vitakke pañcasu kāmaguṇesu dhammadesanāya pakatidhūmeti imesu atthesu vattati. ‘‘Kodho dhūmo bhasmanimosavajja’’nti (saṃ. ni. 1.165) ettha hi kodhe vattati. ‘‘Icchādhūmāyitā sattā’’ti ettha taṇhāya. ‘‘Tena kho pana samayena aññataro bhikkhu bhagavato avidūre dhūmāyanto nisinno hotī’’ti ettha vitakke.
‘‘бан̇го жа гаамаа балибо жа гаамаа,
‘‘Paṅko ca kāmā palipo ca kāmā,
бхаяан̃жа мзд̇ам̣ д̇имуулам̣ бавуд̇д̇ам̣;
Bhayañca metaṃ timūlaṃ pavuttaṃ;
раж̇о жа д̇хуумо жа маяаа багаасид̇аа;
Rajo ca dhūmo ca mayā pakāsitā;
хид̇ваа д̇увам̣ баб̣б̣аж̇а б̣рахмад̣̇ад̇д̇аа’’д̇и. (ж̇аа. 1.6.14) –
Hitvā tuvaṃ pabbaja brahmadattā’’ti. (jā. 1.6.14) –
зд̇т̇а бан̃жагаамаг̇ун̣зсу. ‘‘д̇хуумам̣ гад̇д̇аа ход̇ий’’д̇и (ма. ни. 1.349) зд̇т̇а д̇хаммад̣̇зсанааяа. ‘‘д̇хаж̇о рат̇асса бан̃н̃аан̣ам̣, д̇хуумо бан̃н̃аан̣амаг̇г̇ино’’д̇и (сам̣. ни. 1.72) зд̇т̇а багад̇ид̇хуумз. ид̇ха банааяам̣ вид̇аггз ад̇хиббзд̇о. д̇знааха ‘‘аяам̣ рад̇д̇им̣ д̇хуумааяанаа’’д̇и.
Ettha pañcakāmaguṇesu. ‘‘Dhūmaṃ kattā hotī’’ti (ma. ni. 1.349) ettha dhammadesanāya. ‘‘Dhajo rathassa paññāṇaṃ, dhūmo paññāṇamaggino’’ti (saṃ. ni. 1.72) ettha pakatidhūme. Idha panāyaṃ vitakke adhippeto. Tenāha ‘‘ayaṃ rattiṃ dhūmāyanā’’ti.
д̇ат̇ааг̇ад̇ассзд̇ам̣ ад̇хиважананд̇и д̇ат̇ааг̇ад̇о хи сад̇д̇аннам̣ д̇хаммаанам̣ б̣аахид̇ад̇д̇аа б̣раахман̣о наама. яат̇ааха – ‘‘сад̇д̇аннам̣ ко, бхигку, д̇хаммаанам̣ б̣аахид̇ад̇д̇аа б̣раахман̣о. гад̇амзсам̣ сад̇д̇аннам̣? рааг̇о б̣аахид̇о ход̇и, д̣̇осо… мохо… маано… саггааяад̣̇идти… вижигижчаа… сийлаб̣б̣ад̇абараамаасо б̣аахид̇о ход̇и. имзсам̣ бхигку сад̇д̇аннам̣ д̇хаммаанам̣ б̣аахид̇ад̇д̇аа б̣раахман̣о’’д̇и (жуул̣ани. мзд̇д̇аг̇уумаан̣авабужчаанид̣̇д̣̇зса 28). сумзд̇ход̇и сунд̣̇арабан̃н̃о. сзгкассаад̇и зд̇т̇а сигкад̇ийд̇и сзгко. яат̇ааха – ‘‘сигкад̇ийд̇и ко, бхигку, д̇асмаа сзгкод̇и вужжад̇и. гин̃жа сигкад̇и? ад̇хисийламби сигкад̇и, ад̇хижид̇д̇амби сигкад̇и, ад̇хибан̃н̃амби сигкад̇ий’’д̇и (а. ни. 3.86).
Tathāgatassetaṃ adhivacananti tathāgato hi sattannaṃ dhammānaṃ bāhitattā brāhmaṇo nāma. Yathāha – ‘‘sattannaṃ kho, bhikkhu, dhammānaṃ bāhitattā brāhmaṇo. Katamesaṃ sattannaṃ? Rāgo bāhito hoti, doso… moho… māno… sakkāyadiṭṭhi… vicikicchā… sīlabbataparāmāso bāhito hoti. Imesaṃ bhikkhu sattannaṃ dhammānaṃ bāhitattā brāhmaṇo’’ti (cūḷani. mettagūmāṇavapucchāniddesa 28). Sumedhoti sundarapañño. Sekkhassāti ettha sikkhatīti sekkho. Yathāha – ‘‘sikkhatīti kho, bhikkhu, tasmā sekkhoti vuccati. Kiñca sikkhati? Adhisīlampi sikkhati, adhicittampi sikkhati, adhipaññampi sikkhatī’’ti (a. ni. 3.86).
бан̃н̃ааяа ад̇хиважананд̇и логияалогуд̇д̇арааяа бан̃н̃ааяа зд̇ам̣ ад̇хиважанам̣, на аавуд̇хасад̇т̇асса. вийрияаарамбхассаад̇и гааяигажзд̇асигавийрияасса. д̇ам̣ бан̃н̃ааг̇ад̇игамзва ход̇и. логияааяа бан̃н̃ааяа логияам̣, логуд̇д̇арааяа бан̃н̃ааяа логуд̇д̇арам̣. зд̇т̇а банааяам̣ ад̇т̇ад̣̇ийбанаа –
Paññāyaadhivacananti lokiyalokuttarāya paññāya etaṃ adhivacanaṃ, na āvudhasatthassa. Vīriyārambhassāti kāyikacetasikavīriyassa. Taṃ paññāgatikameva hoti. Lokiyāya paññāya lokiyaṃ, lokuttarāya paññāya lokuttaraṃ. Ettha panāyaṃ atthadīpanā –
зго гира ж̇аанабад̣̇о б̣раахман̣о баад̇ова маан̣авагзхи сад̣̇д̇хим̣ г̇аамад̇о нигкамма д̣̇ивасам̣ аран̃н̃з манд̇з ваажзд̇ваа сааяам̣ г̇аамам̣ ааг̇ажчад̇и. анд̇араамаг̇г̇з жа зго ваммиго ад̇т̇и. со рад̇д̇им̣ д̇хуумааяад̇и, д̣̇иваа баж̇ж̇алад̇и. б̣раахман̣о анд̇зваасим̣ сумзд̇хам̣ маан̣авам̣ ааха – ‘‘д̇аад̇а, аяам̣ ваммиго рад̇д̇им̣ д̇хуумааяад̇и, д̣̇иваа баж̇ж̇алад̇и, вигаарамасса бассиссаама, бхинд̣̇ид̇ваа нам̣ жад̇д̇ааро годтаасз гад̇ваа кибаахий’’д̇и. со саад̇хууд̇и гуд̣̇аалам̣ г̇ахзд̇ваа самзхи баад̣̇зхи бат̇авияам̣ бад̇идтааяа д̇ат̇аа агааси. д̇ад̇ра аажарияаб̣раахман̣о вияа бхаг̇аваа. сумзд̇хамаан̣аваго вияа сзгко бхигку. ваммиго вияа гааяо. ‘‘д̇аад̇а, аяам̣ ваммиго рад̇д̇им̣ д̇хуумааяад̇и, д̣̇иваа баж̇ж̇алад̇и, вигаарамасса бассиссаама, бхинд̣̇ид̇ваа нам̣ жад̇д̇ааро годтаасз гад̇ваа кибаахий’’д̇и б̣раахман̣зна вуд̇д̇агаало вияа, ‘‘бхигку жаад̇умахаабхууд̇игам̣ гааяам̣ жад̇д̇ааро годтаасз гад̇ваа бариг̇г̇ан̣хаахий’’д̇и бхаг̇авад̇аа вуд̇д̇агаало. д̇асса саад̇хууд̇и гуд̣̇аалам̣ г̇ахзд̇ваа д̇ат̇аагаран̣ам̣ вияа сзгкасса бхигкуно, ‘‘яо вийсад̇ияаа годтаасзсу т̇ад̣̇д̇хабхааво, аяам̣ бат̇авийд̇хаад̇у. яо д̣̇ваад̣̇асасу годтаасзсу ааб̣анд̇ханабхааво, аяам̣ аабод̇хаад̇у. яо жад̇уусу годтаасзсу барибаажанабхааво, аяам̣ д̇зж̇од̇хаад̇у. яо часу годтаасзсу вид̇т̇амбханабхааво, аяам̣ вааяод̇хаад̇уу’’д̇и звам̣ жад̇уд̇хаад̇увавад̇т̇аанавасзна гааяабариг̇г̇ахо взд̣̇ид̇аб̣б̣о.
Eko kira jānapado brāhmaṇo pātova māṇavakehi saddhiṃ gāmato nikkhamma divasaṃ araññe mante vācetvā sāyaṃ gāmaṃ āgacchati. Antarāmagge ca eko vammiko atthi. So rattiṃ dhūmāyati, divā pajjalati. Brāhmaṇo antevāsiṃ sumedhaṃ māṇavaṃ āha – ‘‘tāta, ayaṃ vammiko rattiṃ dhūmāyati, divā pajjalati, vikāramassa passissāma, bhinditvā naṃ cattāro koṭṭhāse katvā khipāhī’’ti. So sādhūti kudālaṃ gahetvā samehi pādehi pathaviyaṃ patiṭṭhāya tathā akāsi. Tatra ācariyabrāhmaṇo viya bhagavā. Sumedhamāṇavako viya sekkho bhikkhu. Vammiko viya kāyo. ‘‘Tāta, ayaṃ vammiko rattiṃ dhūmāyati, divā pajjalati, vikāramassa passissāma, bhinditvā naṃ cattāro koṭṭhāse katvā khipāhī’’ti brāhmaṇena vuttakālo viya, ‘‘bhikkhu cātumahābhūtikaṃ kāyaṃ cattāro koṭṭhāse katvā pariggaṇhāhī’’ti bhagavatā vuttakālo. Tassa sādhūti kudālaṃ gahetvā tathākaraṇaṃ viya sekkhassa bhikkhuno, ‘‘yo vīsatiyā koṭṭhāsesu thaddhabhāvo, ayaṃ pathavīdhātu. Yo dvādasasu koṭṭhāsesu ābandhanabhāvo, ayaṃ āpodhātu. Yo catūsu koṭṭhāsesu paripācanabhāvo, ayaṃ tejodhātu. Yo chasu koṭṭhāsesu vitthambhanabhāvo, ayaṃ vāyodhātū’’ti evaṃ catudhātuvavatthānavasena kāyapariggaho veditabbo.
лан̇г̇ийд̇и ко, бхигкууд̇и гасмаа бхаг̇аваа авиж̇ж̇ам̣ лан̇г̇ийд̇и гад̇ваа д̣̇ассзсийд̇и? яат̇аа хи наг̇арасса д̣̇ваарам̣ бид̇хааяа балигхз яож̇ид̇з махааж̇анасса г̇аманам̣ бажчиж̇ж̇ад̇и, яз наг̇арасса анд̇о, д̇з анд̇оязва хонд̇и. яз б̣ахи, д̇з б̣ахиязва. звамзва яасса н̃аан̣амукз авиж̇ж̇аалан̇г̇ий бад̇ад̇и, д̇асса ниб̣б̣аанасамбаабагам̣ н̃аан̣аг̇аманам̣ бажчиж̇ж̇ад̇и, д̇асмаа авиж̇ж̇ам̣ лан̇г̇ийд̇и гад̇ваа д̣̇ассзси. баж̇аха авиж̇ж̇анд̇и зд̇т̇а гаммадтаанауг̇г̇ахабарибужчаавасзна авиж̇ж̇аабахаанам̣ гат̇ид̇ам̣.
Laṅgīti kho, bhikkhūti kasmā bhagavā avijjaṃ laṅgīti katvā dassesīti? Yathā hi nagarassa dvāraṃ pidhāya palighe yojite mahājanassa gamanaṃ pacchijjati, ye nagarassa anto, te antoyeva honti. Ye bahi, te bahiyeva. Evameva yassa ñāṇamukhe avijjālaṅgī patati, tassa nibbānasampāpakaṃ ñāṇagamanaṃ pacchijjati, tasmā avijjaṃ laṅgīti katvā dassesi. Pajaha avijjanti ettha kammaṭṭhānauggahaparipucchāvasena avijjāpahānaṃ kathitaṃ.
уд̣̇д̇хумааяигаад̇и ко, бхигкууд̇и зд̇т̇а уд̣̇д̇хумааяигаман̣д̣ууго наама но маханд̇о, накабидтиббамаан̣о ход̇и, бураан̣абан̣н̣анд̇арз ваа г̇ажчанд̇арз ваа валлианд̇арз ваа васад̇и. со д̣̇ан̣д̣агодияаа ваа валлигодияаа ваа бам̣сужун̣н̣агзна ваа гхаддид̇о ааяамид̇ваа маханд̇о бариман̣д̣ало б̣злувабаггаббамаан̣о худ̇ваа жад̇д̇ааро баад̣̇з аагаасаг̇ад̇з гад̇ваа бажчиннаг̇амано худ̇ваа амид̇д̇авасам̣ яаад̇и, гаагагулалаад̣̇ибхад̇д̇амзва ход̇и. звамзва аяам̣ год̇хо батамам̣ уббаж̇ж̇анд̇о жид̇д̇аавиламад̇д̇агова ход̇и. д̇асмим̣ кан̣з аниг̇г̇ахид̇о вад̣дхид̇ваа мукавигуланам̣ баабзд̇и. д̇ад̣̇аа аниг̇г̇ахид̇о ханусан̃жобанам̣ баабзд̇и. д̇ад̣̇аа аниг̇г̇ахид̇о парусаваажаанижчааран̣ам̣ баабзд̇и. д̇ад̣̇аа аниг̇г̇ахид̇о д̣̇исаавилоганам̣ баабзд̇и. д̇ад̣̇аа аниг̇г̇ахид̇о аагад̣дханабаригад̣дханам̣ баабзд̇и. д̇ад̣̇аа аниг̇г̇ахид̇о баан̣инаа лзд̣д̣уд̣̇ан̣д̣асад̇т̇абараамасанам̣ баабзд̇и. д̇ад̣̇аа аниг̇г̇ахид̇о д̣̇ан̣д̣асад̇т̇аабхинибаад̇ам̣ баабзд̇и . д̇ад̣̇аа аниг̇г̇ахид̇о барагхаад̇анамби ад̇д̇агхаад̇анамби баабзд̇и. вуд̇д̇амби хзд̇ам̣ – ‘‘яад̇о аяам̣ год̇хо барам̣ гхаад̇зд̇ваа ад̇д̇аанам̣ гхаад̇зд̇и, зд̇д̇аавад̇ааяам̣ год̇хо барамуссад̣̇аг̇ад̇о ход̇и барамавзбуллаббад̇д̇о’’д̇и. д̇ад̇т̇а яат̇аа уд̣̇д̇хумааяигааяа жад̇уусу баад̣̇зсу аагаасаг̇ад̇зсу г̇аманам̣ бажчиж̇ж̇ад̇и, уд̣̇д̇хумааяигаа амид̇д̇авасам̣ г̇анд̇ваа гаагаад̣̇ибхад̇д̇ам̣ ход̇и, звамзва год̇хасаман̇г̇ийбуг̇г̇ало гаммадтаанам̣ г̇ахзд̇ваа вад̣дхзд̇ум̣ на саггод̇и, амид̇д̇авасам̣ яаад̇и, саб̣б̣зсам̣ маараанам̣ яат̇аагаамагаран̣ийяо ход̇и. д̇знааха бхаг̇аваа – ‘‘уд̣̇д̇хумааяигаад̇и ко, бхигку, год̇хуубааяаасассзд̇ам̣ ад̇хиважана’’нд̇и. д̇ад̇т̇а б̣алаваббад̇д̇о год̇хова год̇хуубааяаасо. баж̇аха год̇хуубааяаасанд̇и зд̇т̇а бадисан̇каанаббахаанам̣ гат̇ид̇ам̣.
Uddhumāyikātikho, bhikkhūti ettha uddhumāyikamaṇḍūko nāma no mahanto, nakhapiṭṭhippamāṇo hoti, purāṇapaṇṇantare vā gacchantare vā valliantare vā vasati. So daṇḍakoṭiyā vā vallikoṭiyā vā paṃsucuṇṇakena vā ghaṭṭito āyamitvā mahanto parimaṇḍalo beluvapakkappamāṇo hutvā cattāro pāde ākāsagate katvā pacchinnagamano hutvā amittavasaṃ yāti, kākakulalādibhattameva hoti. Evameva ayaṃ kodho paṭhamaṃ uppajjanto cittāvilamattakova hoti. Tasmiṃ khaṇe aniggahito vaḍḍhitvā mukhavikulanaṃ pāpeti. Tadā aniggahito hanusañcopanaṃ pāpeti. Tadā aniggahito pharusavācānicchāraṇaṃ pāpeti. Tadā aniggahito disāvilokanaṃ pāpeti. Tadā aniggahito ākaḍḍhanaparikaḍḍhanaṃ pāpeti. Tadā aniggahito pāṇinā leḍḍudaṇḍasatthaparāmasanaṃ pāpeti. Tadā aniggahito daṇḍasatthābhinipātaṃ pāpeti . Tadā aniggahito paraghātanampi attaghātanampi pāpeti. Vuttampi hetaṃ – ‘‘yato ayaṃ kodho paraṃ ghātetvā attānaṃ ghāteti, ettāvatāyaṃ kodho paramussadagato hoti paramavepullappatto’’ti. Tattha yathā uddhumāyikāya catūsu pādesu ākāsagatesu gamanaṃ pacchijjati, uddhumāyikā amittavasaṃ gantvā kākādibhattaṃ hoti, evameva kodhasamaṅgīpuggalo kammaṭṭhānaṃ gahetvā vaḍḍhetuṃ na sakkoti, amittavasaṃ yāti, sabbesaṃ mārānaṃ yathākāmakaraṇīyo hoti. Tenāha bhagavā – ‘‘uddhumāyikāti kho, bhikkhu, kodhūpāyāsassetaṃ adhivacana’’nti. Tattha balavappatto kodhova kodhūpāyāso. Pajaha kodhūpāyāsanti ettha paṭisaṅkhānappahānaṃ kathitaṃ.
д̣̇вид̇хаабат̇од̇и зд̇т̇а, яат̇аа бурисо сад̇хано сабхог̇о ганд̇аарад̣̇д̇хаанамаг̇г̇аббадибанно д̣̇взд̇хаабат̇ам̣ бад̇ваа, ‘‘иминаа ну ко г̇анд̇аб̣б̣ам̣, иминаа г̇анд̇аб̣б̣а’’нд̇и нижчзд̇ум̣ асаггонд̇о д̇ад̇т̇зва д̇идтад̇и, ат̇а нам̣ жораа удтахид̇ваа анаяаб̣яасанам̣ баабзнд̇и, звамзва ко муулагаммадтаанам̣ г̇ахзд̇ваа нисинно бхигку б̣уд̣̇д̇хаад̣̇ийсу ган̇кааяа уббаннааяа гаммадтаанам̣ вад̣дхзд̇ум̣ на саггод̇и, ат̇а нам̣ гилзсамаараад̣̇аяо саб̣б̣з маараа анаяаб̣яасанам̣ баабзнд̇и, ид̇и вижигижчаа д̣̇взд̇хаабат̇асамаа ход̇и. д̇знааха бхаг̇аваа – ‘‘д̣̇вид̇хаабат̇од̇и ко, бхигку, вижигижчааязд̇ам̣ ад̇хиважана’’нд̇и. баж̇аха вижигижчанд̇и зд̇т̇а гаммадтаанауг̇г̇ахабарибужчаавасзна вижигижчаабахаанам̣ гат̇ид̇ам̣.
Dvidhāpathoti ettha, yathā puriso sadhano sabhogo kantāraddhānamaggappaṭipanno dvedhāpathaṃ patvā, ‘‘iminā nu kho gantabbaṃ, iminā gantabba’’nti nicchetuṃ asakkonto tattheva tiṭṭhati, atha naṃ corā uṭṭhahitvā anayabyasanaṃ pāpenti, evameva kho mūlakammaṭṭhānaṃ gahetvā nisinno bhikkhu buddhādīsu kaṅkhāya uppannāya kammaṭṭhānaṃ vaḍḍhetuṃ na sakkoti, atha naṃ kilesamārādayo sabbe mārā anayabyasanaṃ pāpenti, iti vicikicchā dvedhāpathasamā hoti. Tenāha bhagavā – ‘‘dvidhāpathoti kho, bhikkhu, vicikicchāyetaṃ adhivacana’’nti. Pajaha vicikicchanti ettha kammaṭṭhānauggahaparipucchāvasena vicikicchāpahānaṃ kathitaṃ.
жан̇г̇авааранд̇и зд̇т̇а, яат̇аа раж̇агзхи каарабариссааванамхи уд̣̇агз багкид̇д̇з зго уд̣̇агагхадо д̣̇взби д̣̇асаби вийсад̇иби гхадасад̇амби баг̇гхарад̇иязва, басадамад̇д̇амби уд̣̇агам̣ на д̇идтад̇и, звамзва нийваран̣асаман̇г̇ино буг̇г̇аласса аб̣бханд̇арз гусалад̇хаммо на д̇идтад̇и. д̇знааха бхаг̇аваа – ‘‘жан̇г̇авааранд̇и ко, бхигку, бан̃жаннзд̇ам̣ нийваран̣аанам̣ ад̇хиважана’’нд̇и. баж̇аха бан̃жанийваран̣зд̇и зд̇т̇а вигкамбханад̇ад̣̇ан̇г̇авасзна нийваран̣аббахаанам̣ гат̇ид̇ам̣.
Caṅgavāranti ettha, yathā rajakehi khāraparissāvanamhi udake pakkhitte eko udakaghaṭo dvepi dasapi vīsatipi ghaṭasatampi paggharatiyeva, pasaṭamattampi udakaṃ na tiṭṭhati, evameva nīvaraṇasamaṅgino puggalassa abbhantare kusaladhammo na tiṭṭhati. Tenāha bhagavā – ‘‘caṅgavāranti kho, bhikkhu, pañcannetaṃ nīvaraṇānaṃ adhivacana’’nti. Pajaha pañcanīvaraṇeti ettha vikkhambhanatadaṅgavasena nīvaraṇappahānaṃ kathitaṃ.
гуммод̇и зд̇т̇а, яат̇аа гажчабасса жад̇д̇ааро баад̣̇аа сийсанд̇и бан̃жзва ан̇г̇аани хонд̇и, звамзва саб̣б̣зби сан̇кад̇аа д̇хаммаа г̇аяхамаанаа бан̃жзва канд̇хаа бхаванд̇и. д̇знааха бхаг̇аваа – ‘‘гуммод̇и ко, бхигку, бан̃жаннзд̇ам̣ убаад̣̇аанагканд̇хаанам̣ ад̇хиважана’’нд̇и. баж̇аха бан̃жубаад̣̇аанагканд̇хзд̇и зд̇т̇а бан̃жасу канд̇хзсу чанд̣̇арааг̇аббахаанам̣ гат̇ид̇ам̣.
Kummoti ettha, yathā kacchapassa cattāro pādā sīsanti pañceva aṅgāni honti, evameva sabbepi saṅkhatā dhammā gayhamānā pañceva khandhā bhavanti. Tenāha bhagavā – ‘‘kummoti kho, bhikkhu, pañcannetaṃ upādānakkhandhānaṃ adhivacana’’nti. Pajaha pañcupādānakkhandheti ettha pañcasu khandhesu chandarāgappahānaṃ kathitaṃ.
асисуунаад̇и зд̇т̇а, яат̇аа суунааяа убари мам̣сам̣ табзд̇ваа асинаа годдзнд̇и, звамимз сад̇д̇аа вад̇т̇угаамад̇т̇ааяа гилзсагаамзхи гхаад̇аяамаанаа вад̇т̇угаамаанам̣ убари гад̇ваа гилзсагаамзхи ганд̇ид̇аа годдид̇аа жа хонд̇и. д̇знааха бхаг̇аваа – ‘‘асисуунаад̇и ко, бхигку, бан̃жаннзд̇ам̣ гаамаг̇ун̣аанам̣ ад̇хиважана’’нд̇и. баж̇аха бан̃жа гаамаг̇ун̣зд̇и зд̇т̇а бан̃жасу гаамаг̇ун̣зсу чанд̣̇арааг̇аббахаанам̣ гат̇ид̇ам̣.
Asisūnāti ettha, yathā sūnāya upari maṃsaṃ ṭhapetvā asinā koṭṭenti, evamime sattā vatthukāmatthāya kilesakāmehi ghātayamānā vatthukāmānaṃ upari katvā kilesakāmehi kantitā koṭṭitā ca honti. Tenāha bhagavā – ‘‘asisūnāti kho, bhikkhu, pañcannetaṃ kāmaguṇānaṃ adhivacana’’nti. Pajaha pañca kāmaguṇeti ettha pañcasu kāmaguṇesu chandarāgappahānaṃ kathitaṃ.
мам̣сабзсийд̇и ко, бхигкууд̇и зд̇т̇а аяам̣ мам̣сабзси наама б̣ахуж̇анабад̇т̇ид̇аа кад̇д̇ияаад̣̇аяо мануссааби нам̣ бад̇т̇знд̇и гаагаад̣̇аяо д̇иражчаанааби. имз хи сад̇д̇аа авиж̇ж̇ааяа саммад̇д̇аа нанд̣̇ирааг̇ам̣ убаг̇амма ваддам̣ вад̣дхзнд̇и. яат̇аа ваа мам̣сабзси табид̇атабид̇адтаанз лаг̇г̇ад̇и, звамимз сад̇д̇аа нанд̣̇ирааг̇аб̣ад̣̇д̇хаа ваддз лаг̇г̇анд̇и, д̣̇угкам̣ бад̇вааби на угган̣танд̇и , ид̇и нанд̣̇ирааг̇о мам̣сабзсисад̣̇исо ход̇и. д̇знааха бхаг̇аваа – ‘‘мам̣сабзсийд̇и ко, бхигку, нанд̣̇ирааг̇ассзд̇ам̣ ад̇хиважана’’нд̇и. баж̇аха нанд̣̇ийрааг̇анд̇и зд̇т̇а жад̇уд̇т̇амаг̇г̇зна нанд̣̇ийрааг̇аббахаанам̣ гат̇ид̇ам̣.
Maṃsapesīti kho, bhikkhūti ettha ayaṃ maṃsapesi nāma bahujanapatthitā khattiyādayo manussāpi naṃ patthenti kākādayo tiracchānāpi. Ime hi sattā avijjāya sammattā nandirāgaṃ upagamma vaṭṭaṃ vaḍḍhenti. Yathā vā maṃsapesi ṭhapitaṭhapitaṭṭhāne laggati, evamime sattā nandirāgabaddhā vaṭṭe lagganti, dukkhaṃ patvāpi na ukkaṇṭhanti , iti nandirāgo maṃsapesisadiso hoti. Tenāha bhagavā – ‘‘maṃsapesīti kho, bhikkhu, nandirāgassetaṃ adhivacana’’nti. Pajaha nandīrāganti ettha catutthamaggena nandīrāgappahānaṃ kathitaṃ.
нааг̇од̇и ко, бхигку, кийн̣аасавассзд̇ам̣ бхигкуно ад̇хиважананд̇и зд̇т̇а язнад̇т̇зна кийн̣аасаво нааг̇од̇и вужжад̇и, со анан̇г̇ан̣асуд̇д̇з (ма. ни. адта. 1.63) багаасид̇о зва. намо гарохи нааг̇ассаад̇и кийн̣аасавасса б̣уд̣̇д̇ханааг̇асса, ‘‘б̣уд̣̇д̇хо со бхаг̇аваа б̣од̇хааяа д̇хаммам̣ д̣̇зсзд̇и, д̣̇анд̇о со бхаг̇аваа д̣̇амат̇ааяа д̇хаммам̣ д̣̇зсзд̇и, санд̇о со бхаг̇аваа самат̇ааяа д̇хаммам̣ д̣̇зсзд̇и, д̇ин̣н̣о со бхаг̇аваа д̇аран̣ааяа д̇хаммам̣ д̣̇зсзд̇и, бариниб̣б̣уд̇о со бхаг̇аваа бариниб̣б̣аанааяа д̇хаммам̣ д̣̇зсзд̇ий’’д̇и (ма. ни. 1.361) звам̣ намаггаарам̣ гарохийд̇и аяамзд̇т̇а ад̇т̇о. ид̇и ид̣̇ам̣ суд̇д̇ам̣ т̇зрасса гаммадтаанам̣ ахоси. т̇зроби ид̣̇амзва суд̇д̇ам̣ гаммадтаанам̣ гад̇ваа вибассанам̣ вад̣дхзд̇ваа арахад̇д̇ам̣ бад̇д̇о. аяамзд̇асса ад̇т̇од̇и аяам̣ зд̇асса бан̃хасса ад̇т̇о. ид̇и бхаг̇аваа рад̇анараасимхи ман̣игуудам̣ г̇ан̣ханд̇о вияа яат̇аанусанд̇хинаава д̣̇зсанам̣ нидтабзсийд̇и.
Nāgoti kho, bhikkhu, khīṇāsavassetaṃ bhikkhuno adhivacananti ettha yenatthena khīṇāsavo nāgoti vuccati, so anaṅgaṇasutte (ma. ni. aṭṭha. 1.63) pakāsito eva. Namo karohi nāgassāti khīṇāsavassa buddhanāgassa, ‘‘buddho so bhagavā bodhāya dhammaṃ deseti, danto so bhagavā damathāya dhammaṃ deseti, santo so bhagavā samathāya dhammaṃ deseti, tiṇṇo so bhagavā taraṇāya dhammaṃ deseti, parinibbuto so bhagavā parinibbānāya dhammaṃ desetī’’ti (ma. ni. 1.361) evaṃ namakkāraṃ karohīti ayamettha attho. Iti idaṃ suttaṃ therassa kammaṭṭhānaṃ ahosi. Theropi idameva suttaṃ kammaṭṭhānaṃ katvā vipassanaṃ vaḍḍhetvā arahattaṃ patto. Ayametassa atthoti ayaṃ etassa pañhassa attho. Iti bhagavā ratanarāsimhi maṇikūṭaṃ gaṇhanto viya yathānusandhināva desanaṃ niṭṭhapesīti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
ваммигасуд̇д̇аван̣н̣анаа нидтид̇аа.
Vammikasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 3. ваммигасуд̇д̇ам̣ • 3. Vammikasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 3. ваммигасуд̇д̇аван̣н̣анаа • 3. Vammikasuttavaṇṇanā
