| Library / Tipiṭaka / ติปิฎก • Tipiṭaka / มิลินฺทปญฺหปาฬิ • Milindapañhapāḷi |
๗. วํสงฺคปโญฺห
7. Vaṃsaṅgapañho
๗. ‘‘ภเนฺต นาคเสน, ‘วํสสฺส เอกํ องฺคํ คเหตพฺพ’นฺติ ยํ วเทสิ, กตมํ ตํ เอกํ องฺคํ คเหตพฺพ’’นฺติ? ‘‘ยถา, มหาราช, วํโส ยตฺถ วาโต, ตตฺถ อนุโลเมติ, นาญฺญตฺถมนุธาวติ, เอวเมว โข, มหาราช, โยคินา โยคาวจเรน ยํ พุเทฺธน ภควตา ภาสิตํ นวงฺคํ สตฺถุ สาสนํ, ตํ อนุโลมยิตฺวา กปฺปิเย อนวเชฺช ฐตฺวา สมณธมฺมํ เยว ปริเยสิตพฺพํฯ อิทํ, มหาราช, วํสสฺส เอกํ องฺคํ คเหตพฺพํฯ ภาสิตเมฺปตํ มหาราช เถเรน ราหุเลน –
7. ‘‘Bhante nāgasena, ‘vaṃsassa ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, vaṃso yattha vāto, tattha anulometi, nāññatthamanudhāvati, evameva kho, mahārāja, yoginā yogāvacarena yaṃ buddhena bhagavatā bhāsitaṃ navaṅgaṃ satthu sāsanaṃ, taṃ anulomayitvā kappiye anavajje ṭhatvā samaṇadhammaṃ yeva pariyesitabbaṃ. Idaṃ, mahārāja, vaṃsassa ekaṃ aṅgaṃ gahetabbaṃ. Bhāsitampetaṃ mahārāja therena rāhulena –
‘‘‘นวงฺคํ พุทฺธวจนํ, อนุโลเมตฺวาน สพฺพทา;
‘‘‘Navaṅgaṃ buddhavacanaṃ, anulometvāna sabbadā;
กปฺปิเย อนวชฺชสฺมิํ, ฐตฺวาปายํ สมุตฺตริ’’’นฺติฯ
Kappiye anavajjasmiṃ, ṭhatvāpāyaṃ samuttari’’’nti.
วํสงฺคปโญฺห สตฺตโมฯ
Vaṃsaṅgapañho sattamo.
