| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੭. વਂਸਙ੍ਗਪਞ੍ਹੋ
7. Vaṃsaṅgapañho
੭. ‘‘ਭਨ੍ਤੇ ਨਾਗਸੇਨ, ‘વਂਸਸ੍ਸ ਏਕਂ ਅਙ੍ਗਂ ਗਹੇਤਬ੍ਬ’ਨ੍ਤਿ ਯਂ વਦੇਸਿ, ਕਤਮਂ ਤਂ ਏਕਂ ਅਙ੍ਗਂ ਗਹੇਤਬ੍ਬ’’ਨ੍ਤਿ? ‘‘ਯਥਾ, ਮਹਾਰਾਜ, વਂਸੋ ਯਤ੍ਥ વਾਤੋ, ਤਤ੍ਥ ਅਨੁਲੋਮੇਤਿ, ਨਾਞ੍ਞਤ੍ਥਮਨੁਧਾવਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਯਂ ਬੁਦ੍ਧੇਨ ਭਗવਤਾ ਭਾਸਿਤਂ ਨવਙ੍ਗਂ ਸਤ੍ਥੁ ਸਾਸਨਂ, ਤਂ ਅਨੁਲੋਮਯਿਤ੍વਾ ਕਪ੍ਪਿਯੇ ਅਨવਜ੍ਜੇ ਠਤ੍વਾ ਸਮਣਧਮ੍ਮਂ ਯੇવ ਪਰਿਯੇਸਿਤਬ੍ਬਂ। ਇਦਂ, ਮਹਾਰਾਜ, વਂਸਸ੍ਸ ਏਕਂ ਅਙ੍ਗਂ ਗਹੇਤਬ੍ਬਂ। ਭਾਸਿਤਮ੍ਪੇਤਂ ਮਹਾਰਾਜ ਥੇਰੇਨ ਰਾਹੁਲੇਨ –
7. ‘‘Bhante nāgasena, ‘vaṃsassa ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, vaṃso yattha vāto, tattha anulometi, nāññatthamanudhāvati, evameva kho, mahārāja, yoginā yogāvacarena yaṃ buddhena bhagavatā bhāsitaṃ navaṅgaṃ satthu sāsanaṃ, taṃ anulomayitvā kappiye anavajje ṭhatvā samaṇadhammaṃ yeva pariyesitabbaṃ. Idaṃ, mahārāja, vaṃsassa ekaṃ aṅgaṃ gahetabbaṃ. Bhāsitampetaṃ mahārāja therena rāhulena –
‘‘‘ਨવਙ੍ਗਂ ਬੁਦ੍ਧવਚਨਂ, ਅਨੁਲੋਮੇਤ੍વਾਨ ਸਬ੍ਬਦਾ।
‘‘‘Navaṅgaṃ buddhavacanaṃ, anulometvāna sabbadā;
ਕਪ੍ਪਿਯੇ ਅਨવਜ੍ਜਸ੍ਮਿਂ, ਠਤ੍વਾਪਾਯਂ ਸਮੁਤ੍ਤਰਿ’’’ਨ੍ਤਿ॥
Kappiye anavajjasmiṃ, ṭhatvāpāyaṃ samuttari’’’nti.
વਂਸਙ੍ਗਪਞ੍ਹੋ ਸਤ੍ਤਮੋ।
Vaṃsaṅgapañho sattamo.
