| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
7. ванабад̇т̇абарияааяасуд̇д̇аван̣н̣анаа
7. Vanapatthapariyāyasuttavaṇṇanā
190. ванийяад̇и вивзгагаамзхи бхаж̇ийяад̇и, вануд̇з ваа д̇з ад̇д̇асамбад̇д̇ияаа васанад̇т̇ааяа яаажанд̇о вияа ход̇ийд̇и ванам̣, бад̇идтанд̇и зд̇т̇а вивзгагаамаа яат̇аад̇хиббзд̇ависзсаад̇хиг̇амзнаад̇и бад̇т̇ам̣, ванзсу бад̇т̇ам̣ г̇аханадтаанз сзнаасанам̣ ванабад̇т̇ам̣. барияааяад̇и ад̇д̇ано палам̣ бариг̇г̇ахзд̇ваа вад̇д̇ад̇ийд̇и барияааяо, гааран̣анд̇и ааха ‘‘ванабад̇т̇абарияааяанд̇и ванабад̇т̇агааран̣а’’нд̇и. ванабад̇т̇ан̃хи д̇ам̣ убаниссааяа вихарад̇о убаниссаяагааран̣ам̣. д̇знааха ‘‘ванабад̇т̇ам̣ убаниссааяа вихарад̇ий’’д̇и. барияааяад̇и д̣̇зсзд̇аб̣б̣амад̇т̇ам̣ бад̇идтабзд̇ийд̇и барияааяо, д̣̇зсанаа. ванабад̇т̇ам̣ аараб̣бха бавад̇д̇аа д̣̇зсанаа ванабад̇т̇ад̣̇зсанаа, д̇ам̣, убхаяад̇т̇ааби ванабад̇т̇аг̇г̇ахан̣ам̣ лагкан̣амад̇д̇ам̣ г̇аамаад̣̇ийнамбзд̇т̇а гааран̣абхаавасса, д̣̇зсанааяа висаяабхаавасса жа лаб̣бхамаанад̇д̇аа.
190. Vanīyati vivekakāmehi bhajīyati, vanute vā te attasampattiyā vasanatthāya yācanto viya hotīti vanaṃ, patiṭṭhanti ettha vivekakāmā yathādhippetavisesādhigamenāti patthaṃ, vanesu patthaṃ gahanaṭṭhāne senāsanaṃ vanapatthaṃ. Pariyāyati attano phalaṃ pariggahetvā vattatīti pariyāyo, kāraṇanti āha ‘‘vanapatthapariyāyanti vanapatthakāraṇa’’nti. Vanapatthañhi taṃ upanissāya viharato upanissayakāraṇaṃ. Tenāha ‘‘vanapatthaṃ upanissāya viharatī’’ti. Pariyāyati desetabbamatthaṃ patiṭṭhapetīti pariyāyo, desanā. Vanapatthaṃ ārabbha pavattā desanā vanapatthadesanā, taṃ, ubhayatthāpi vanapatthaggahaṇaṃ lakkhaṇamattaṃ gāmādīnampettha kāraṇabhāvassa, desanāya visayabhāvassa ca labbhamānattā.
191. ниссааяаад̇и абассааяа, вивзгаваасасса абассаяам̣ гад̇ваад̇и ад̇т̇о. на убадтаад̇ийд̇иаад̣̇ийхи д̇асмим̣ ванабад̇т̇з сзнаасанасаббааяаабхаавам̣, уд̇убуг̇г̇алад̇хаммассаванасаббааяаабхаавамби ваа д̣̇ассзд̇и. ж̇ийвид̇асамбхаараад̇и (а. ни. дий. 3.9.6) ж̇ийвид̇аббавад̇д̇ияаа самбхаараа бажжаяаа. самуд̣̇аанзд̇аб̣б̣аад̇и саммаа н̃ааязна анаваж̇ж̇аун̃чаажарияаад̣̇инаа уд̣̇д̇хам̣ уд̣̇д̇хам̣ аанзд̇аб̣б̣аа баабун̣ид̇аб̣б̣аа. д̇з бана д̇ат̇аа самуд̣̇аанид̇аа самаахадаа наама хонд̇ийд̇и ааха ‘‘самаахарид̇аб̣б̣аа’’д̇и. д̣̇угкзна уббаж̇ж̇анд̇ийд̇и сулабхуббаад̣̇аа на хонд̇и. зд̇зна бхож̇анасаббааяаад̣̇иабхаавам̣ д̣̇ассзд̇и. рад̇д̇ибхааг̇ам̣ ваа д̣̇ивасабхааг̇ам̣ ваад̇и бхуммад̇т̇з убаяог̇аважананд̇и ааха ‘‘рад̇д̇игодтаасз ваа д̣̇ивасагодтаасз ваа’’д̇и. рад̇д̇им̣язва баггамид̇аб̣б̣ам̣ саман̣ад̇хаммасса д̇ад̇т̇а анибпаж̇ж̇анад̇о.
191.Nissāyāti apassāya, vivekavāsassa apassayaṃ katvāti attho. Na upaṭṭhātītiādīhi tasmiṃ vanapatthe senāsanasappāyābhāvaṃ, utupuggaladhammassavanasappāyābhāvampi vā dasseti. Jīvitasambhārāti (a. ni. ṭī. 3.9.6) jīvitappavattiyā sambhārā paccayā. Samudānetabbāti sammā ñāyena anavajjauñchācariyādinā uddhaṃ uddhaṃ ānetabbā pāpuṇitabbā. Te pana tathā samudānitā samāhaṭā nāma hontīti āha ‘‘samāharitabbā’’ti. Dukkhena uppajjantīti sulabhuppādā na honti. Etena bhojanasappāyādiabhāvaṃ dasseti. Rattibhāgaṃ vā divasabhāgaṃ vāti bhummatthe upayogavacananti āha ‘‘rattikoṭṭhāse vā divasakoṭṭhāse vā’’ti. Rattiṃyeva pakkamitabbaṃ samaṇadhammassa tattha anipphajjanato.
192-3. сан̇каабийд̇и ‘‘яад̣̇ад̇т̇амахам̣ баб̣б̣аж̇ид̇о, на мзд̇ам̣ ид̇ха нибпаж̇ж̇ад̇и, жийвараад̣̇и бана самуд̣̇ааг̇ажчад̇и, наахам̣ д̇ад̣̇ад̇т̇ам̣ баб̣б̣аж̇ид̇о, гим̣ мз ид̇ха ваасзнаа’’д̇и бадисан̇кааяаби. ананд̇араваарз сан̇каабийд̇и ‘‘яад̣̇ад̇т̇амахам̣ баб̣б̣аж̇ид̇о, д̇ам̣ мз ид̇ха нибпаж̇ж̇ад̇и, жийвараад̣̇и бана на самуд̣̇ааг̇ажчад̇и, наахам̣ д̇ад̣̇ад̇т̇ам̣ баб̣б̣аж̇ид̇о’’д̇и бадисан̇кааяабийд̇и ад̇т̇о. д̇знааха ‘‘саман̣ад̇хаммасса нибпаж̇ж̇анабхаавам̣ ж̇аанид̇ваа’’д̇и.
192-3.Saṅkhāpīti ‘‘yadatthamahaṃ pabbajito, na metaṃ idha nipphajjati, cīvarādi pana samudāgacchati, nāhaṃ tadatthaṃ pabbajito, kiṃ me idha vāsenā’’ti paṭisaṅkhāyapi. Anantaravāre saṅkhāpīti ‘‘yadatthamahaṃ pabbajito, taṃ me idha nipphajjati, cīvarādi pana na samudāgacchati, nāhaṃ tadatthaṃ pabbajito’’ti paṭisaṅkhāyapīti attho. Tenāha ‘‘samaṇadhammassa nipphajjanabhāvaṃ jānitvā’’ti.
195-7. со буг̇г̇ало анаабужчаа баггамид̇аб̣б̣ам̣, наануб̣анд̇хид̇аб̣б̣од̇и ‘‘со буг̇г̇ало’’д̇и бад̣̇асса ‘‘наануб̣анд̇хид̇аб̣б̣о’’д̇и иминаа самб̣анд̇хо. яасса язна хи самб̣анд̇хо, д̣̇уурадтзнаби со бхавад̇и . д̇ам̣ буг̇г̇аланд̇и ‘‘со буг̇г̇ало’’д̇и бажжад̇д̇аважанам̣ убаяог̇авасзна барин̣аамзд̇ваа д̇ам̣ буг̇г̇алам̣ анаабужчаа баггамид̇аб̣б̣анд̇и ад̇т̇о. ад̇т̇авасзна хи вибхад̇д̇ивибарин̣аамод̇и. д̇ам̣ аабужчаа баггамид̇аб̣б̣анд̇и зд̇т̇ааби зсзва наяо. аабужчаа баггамид̇аб̣б̣анд̇и жа гад̇ан̃н̃уд̇агад̇авзд̣̇ид̇ааяа нияож̇анам̣.
195-7.Sopuggalo anāpucchā pakkamitabbaṃ, nānubandhitabboti ‘‘so puggalo’’ti padassa ‘‘nānubandhitabbo’’ti iminā sambandho. Yassa yena hi sambandho, dūraṭṭhenapi so bhavati . Taṃ puggalanti ‘‘so puggalo’’ti paccattavacanaṃ upayogavasena pariṇāmetvā taṃ puggalaṃ anāpucchā pakkamitabbanti attho. Atthavasena hi vibhattivipariṇāmoti. Taṃ āpucchā pakkamitabbanti etthāpi eseva nayo. Āpucchā pakkamitabbanti ca kataññutakataveditāya niyojanaṃ.
198. зваруубод̇и яам̣ ниссааяа бхигкуно г̇ун̣зхи вуд̣̇д̇хиязва баадиган̇каа, бажжаязхи жа на бариссамо, зваруубо д̣̇ан̣д̣агаммаад̣̇ийхи ниг̇г̇ан̣хаад̇и жзби, на барижжаж̇ид̇аб̣б̣од̇и д̣̇ассзд̇и ‘‘сажзбий’’д̇иаад̣̇инаа.
198.Evarūpoti yaṃ nissāya bhikkhuno guṇehi vuddhiyeva pāṭikaṅkhā, paccayehi ca na parissamo, evarūpo daṇḍakammādīhi niggaṇhāti cepi, na pariccajitabboti dasseti ‘‘sacepī’’tiādinā.
ванабад̇т̇абарияааяасуд̇д̇аван̣н̣анааяа лийнад̇т̇аббагаасанаа самад̇д̇аа.
Vanapatthapariyāyasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 7. ванабад̇т̇асуд̇д̇ам̣ • 7. Vanapatthasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 7. ванабад̇т̇абарияааяасуд̇д̇аван̣н̣анаа • 7. Vanapatthapariyāyasuttavaṇṇanā
