| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
ванаббад̇игат̇ааван̣н̣анаа
Vanappatikathāvaṇṇanā
110. ванаббад̇игат̇ааяам̣ санд̇хаарид̇ад̇д̇аад̇и чиннасса ругкасса бад̇ид̇ум̣ аарад̣̇д̇хасса санд̇хааран̣амад̇д̇зна вуд̇д̇ам̣, на бана марижаваллиаад̣̇ийхи буб̣б̣з взтзд̇ваа тид̇абхаавзна. д̇аад̣̇исз хи чиннзби авахааро над̇т̇и аран̃н̃адтагат̇ааяам̣ взтид̇аваллияам̣ вияа. уж̇угамзва д̇идтад̇ийд̇и иминаа саб̣б̣асо чинд̣̇анамзва валлиаад̣̇ийхи асамб̣ад̣̇д̇хасса ругкасса таанаажааванам̣ буб̣б̣з вияа аагаасаад̣̇ийсу пудтасагалабад̣̇зсад̇о можананд̇и аавзн̣игамид̇ха таанаажааванам̣ д̣̇ассзд̇и. гзжи бана ‘‘ругкабхаарзна гин̃жид̣̇зва бхассид̇ваа тид̇ад̇д̇аа ход̇иязва таанаажаавана’’нд̇и вад̣̇анд̇и, д̇анна, ругкзна пудтасса сагаласса аагаасабад̣̇зсасса бан̃жахи чахи ваа аагаарзхи анад̇иггамид̇ад̇д̇аа. ваад̇амукам̣ сод̇хзд̇ийд̇и яат̇аа ваад̇о ааг̇анд̇ваа ругкам̣ баад̇зд̇и, звам̣ ваад̇асса ааг̇аманамаг̇г̇ам̣ рунд̇хид̇ваа тид̇аани саакааг̇умб̣аад̣̇ийни чинд̣̇ид̇ваа абанзнд̇о сод̇хзд̇и. ман̣д̣уугаган̣дагам̣ ваад̇и ман̣д̣уугаанам̣ нан̇г̇удтз аг̇г̇агодияам̣ тид̇аган̣даганд̇и вад̣̇анд̇и, згз ‘‘висамажчаган̣дага’’нд̇иби вад̣̇анд̇и.
110. Vanappatikathāyaṃ sandhāritattāti chinnassa rukkhassa patituṃ āraddhassa sandhāraṇamattena vuttaṃ, na pana maricavalliādīhi pubbe veṭhetvā ṭhitabhāvena. Tādise hi chinnepi avahāro natthi araññaṭṭhakathāyaṃ veṭhitavalliyaṃ viya. Ujukameva tiṭṭhatīti iminā sabbaso chindanameva valliādīhi asambaddhassa rukkhassa ṭhānācāvanaṃ pubbe viya ākāsādīsu phuṭṭhasakalapadesato mocananti āveṇikamidha ṭhānācāvanaṃ dasseti. Keci pana ‘‘rukkhabhārena kiñcideva bhassitvā ṭhitattā hotiyeva ṭhānācāvana’’nti vadanti, tanna, rukkhena phuṭṭhassa sakalassa ākāsapadesassa pañcahi chahi vā ākārehi anatikkamitattā. Vātamukhaṃ sodhetīti yathā vāto āgantvā rukkhaṃ pāteti, evaṃ vātassa āgamanamaggaṃ rundhitvā ṭhitāni sākhāgumbādīni chinditvā apanento sodheti. Maṇḍūkakaṇṭakaṃ vāti maṇḍūkānaṃ naṅguṭṭhe aggakoṭiyaṃ ṭhitakaṇṭakanti vadanti, eke ‘‘visamacchakaṇṭaka’’ntipi vadanti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. д̣̇уд̇ияабаарааж̇игам̣ • 2. Dutiyapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. д̣̇уд̇ияабаарааж̇игам̣ • 2. Dutiyapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ванаббад̇игат̇ааван̣н̣анаа • Vanappatikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бхуумадтагат̇аад̣̇иван̣н̣анаа • Bhūmaṭṭhakathādivaṇṇanā
