| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[57] 7. ваанаринд̣̇аж̇аад̇агаван̣н̣анаа
[57] 7. Vānarindajātakavaṇṇanā
яассзд̇з жад̇уро д̇хаммаад̇и ид̣̇ам̣ сад̇т̇аа взл̣уванз вихаранд̇о д̣̇звад̣̇ад̇д̇асса вад̇хааяа барисагганам̣ аараб̣бха гат̇зси. д̇асмин̃хи самаяз сад̇т̇аа ‘‘д̣̇звад̣̇ад̇д̇о вад̇хааяа барисаггад̇ий’’д̇и суд̇ваа ‘‘на, бхигкавз, ид̣̇аанзва д̣̇звад̣̇ад̇д̇о маяхам̣ вад̇хааяа барисаггад̇и, буб̣б̣зби барисаггиязва, д̇аасамад̇д̇амби бана гаад̇ум̣ наасагкий’’д̇и вад̇ваа ад̇ийд̇ам̣ аахари.
Yassetecaturo dhammāti idaṃ satthā veḷuvane viharanto devadattassa vadhāya parisakkanaṃ ārabbha kathesi. Tasmiñhi samaye satthā ‘‘devadatto vadhāya parisakkatī’’ti sutvā ‘‘na, bhikkhave, idāneva devadatto mayhaṃ vadhāya parisakkati, pubbepi parisakkiyeva, tāsamattampi pana kātuṃ nāsakkhī’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о габияонияам̣ ниб̣б̣ад̇д̇ид̇ваа вуд̣дхиманвааяа ассабод̇агаббамаан̣о т̇аамасамбанно згажаро худ̇ваа над̣̇ийд̇ийрз вихарад̇и. д̇ассаа бана над̣̇ияаа взмаж̇жхз зго д̣̇ийбаго наанаббагаарзхи амб̣абанасаад̣̇ийхи паларугкзхи самбанно. б̣од̇хисад̇д̇о нааг̇аб̣ало т̇аамасамбанно над̣̇ияаа оримад̇ийрад̇о уббад̇ид̇ваа д̣̇ийбагасса орад̇о над̣̇иймаж̇жхз зго бидтибаасаан̣о ад̇т̇и, д̇асмим̣ нибад̇ад̇и, д̇ад̇о уббад̇ид̇ваа д̇асмим̣ д̣̇ийбагз бад̇ад̇и. д̇ад̇т̇а наанаббагаараани палаани каад̣̇ид̇ваа сааяам̣ д̇знзва убааязна бажжааг̇анд̇ваа ад̇д̇ано васанадтаанз васид̇ваа бунад̣̇ивасзби д̇ат̇зва гарод̇и. иминаа нияаамзна д̇ад̇т̇а ваасам̣ габбзд̇и.
Atīte bārāṇasiyaṃ brahmadatte rajjaṃ kārente bodhisatto kapiyoniyaṃ nibbattitvā vuḍḍhimanvāya assapotakappamāṇo thāmasampanno ekacaro hutvā nadītīre viharati. Tassā pana nadiyā vemajjhe eko dīpako nānappakārehi ambapanasādīhi phalarukkhehi sampanno. Bodhisatto nāgabalo thāmasampanno nadiyā orimatīrato uppatitvā dīpakassa orato nadīmajjhe eko piṭṭhipāsāṇo atthi, tasmiṃ nipatati, tato uppatitvā tasmiṃ dīpake patati. Tattha nānappakārāni phalāni khāditvā sāyaṃ teneva upāyena paccāgantvā attano vasanaṭṭhāne vasitvā punadivasepi tatheva karoti. Iminā niyāmena tattha vāsaṃ kappeti.
д̇асмим̣ бана гаалз зго гумбхийло сабаж̇аабад̇иго д̇ассаа над̣̇ияаа васад̇и. д̇асса бхарияаа б̣од̇хисад̇д̇ам̣ абараабарам̣ г̇ажчанд̇ам̣ д̣̇исваа б̣од̇хисад̇д̇асса хад̣̇аяамам̣сз д̣̇охал̣ам̣ уббаад̣̇зд̇ваа гумбхийлам̣ ааха – ‘‘маяхам̣ ко, аяяа, имасса ваанаринд̣̇асса хад̣̇аяамам̣сз д̣̇охал̣о уббанно’’д̇и. гумбхийло ‘‘саад̇ху, бхад̣̇д̣̇з, лажчасий’’д̇и вад̇ваа ‘‘аж̇ж̇а д̇ам̣ сааяам̣ д̣̇ийбагад̇о ааг̇ажчанд̇амзва г̇ан̣хиссаамий’’д̇и г̇анд̇ваа бидтибаасаан̣з нибаж̇ж̇и.
Tasmiṃ pana kāle eko kumbhīlo sapajāpatiko tassā nadiyā vasati. Tassa bhariyā bodhisattaṃ aparāparaṃ gacchantaṃ disvā bodhisattassa hadayamaṃse dohaḷaṃ uppādetvā kumbhīlaṃ āha – ‘‘mayhaṃ kho, ayya, imassa vānarindassa hadayamaṃse dohaḷo uppanno’’ti. Kumbhīlo ‘‘sādhu, bhadde, lacchasī’’ti vatvā ‘‘ajja taṃ sāyaṃ dīpakato āgacchantameva gaṇhissāmī’’ti gantvā piṭṭhipāsāṇe nipajji.
б̣од̇хисад̇д̇о д̣̇ивасам̣ жарид̇ваа сааяанхасамаяз д̣̇ийбагз тид̇ова баасаан̣ам̣ ологзд̇ваа – ‘‘аяам̣ баасаан̣о ид̣̇аани ужжад̇аро кааяад̇и, гим̣ ну ко гааран̣а’’нд̇и жинд̇зси. д̇асса гира уд̣̇агаббамаан̣ан̃жа баасаан̣аббамаан̣ан̃жа сувавад̇т̇аабид̇амзва ход̇и. д̇знасса зд̇ад̣̇ахоси ‘‘аж̇ж̇а имиссаа над̣̇ияаа уд̣̇агам̣ нзва хааяад̇и, на жа вад̣дхад̇и, ат̇а жа банааяам̣ баасаан̣о махаа худ̇ваа бан̃н̃ааяад̇и, гажжи ну ко зд̇т̇а маяхам̣ г̇ахан̣ад̇т̇ааяа гумбхийло нибанно’’д̇и. со ‘‘виймам̣саами д̇аава на’’нд̇и д̇ад̇т̇зва тад̇ваа баасаан̣зна сад̣̇д̇хим̣ гат̇знд̇о вияа ‘‘бхо баасаан̣аа’’д̇и вад̇ваа бадиважанам̣ алабханд̇о яаавад̇ад̇ияам̣ ‘‘бхо баасаан̣аа’’д̇и ааха. баасаан̣о гим̣ бадиважанам̣ д̣̇ассад̇и. бунаби ваанаро ‘‘гим̣ бхо баасаан̣а, аж̇ж̇а маяхам̣ бадиважанам̣ на д̣̇зсий’’д̇и ааха. гумбхийло ‘‘ад̣̇д̇хаа ан̃н̃зсу д̣̇ивасзсу аяам̣ баасаан̣о ваанаринд̣̇асса бадиважанам̣ ад̣̇ааси, д̣̇ассаами д̣̇аанисса бадиважана’’нд̇и жинд̇зд̇ваа ‘‘гим̣, бхо ваанаринд̣̇аа’’д̇и ааха. ‘‘госи д̇ва’’нд̇и? ‘‘ахам̣ гумбхийло’’д̇и. ‘‘гимад̇т̇ам̣ зд̇т̇а нибанносий’’д̇и? ‘‘д̇ава хад̣̇аяамам̣сам̣ бад̇т̇аяамаано’’д̇и. б̣од̇хисад̇д̇о жинд̇зси ‘‘ан̃н̃о мз г̇аманамаг̇г̇о над̇т̇и, аж̇ж̇а маяаа зса гумбхийло ван̃жзд̇аб̣б̣о’’д̇и. ат̇а нам̣ звамааха ‘‘самма гумбхийла, ахам̣ ад̇д̇аанам̣ д̇уяхам̣ барижжаж̇иссаами, д̇вам̣ мукам̣ виварид̇ваа мам̣ д̇ава санд̇игам̣ ааг̇ад̇агаалз г̇ан̣хаахий’’д̇и. гумбхийлаанан̃хи мукз вивадз агкийни ниммийланд̇и. со д̇ам̣ гааран̣ам̣ асаллагкзд̇ваа мукам̣ вивари, ат̇асса агкийни бит̇ийяим̣су. со мукам̣ виварид̇ваа агкийни ниммийлзд̇ваа нибаж̇ж̇и. б̣од̇хисад̇д̇о д̇ат̇аабхаавам̣ н̃ад̇ваа д̣̇ийбагаа уббад̇ид̇о г̇анд̇ваа гумбхийласса мад̇т̇агз аггамид̇ваа д̇ад̇о уббад̇ид̇о виж̇ж̇улад̇аа вияа виж̇ж̇од̇амаано барад̇ийрз адтааси.
Bodhisatto divasaṃ caritvā sāyanhasamaye dīpake ṭhitova pāsāṇaṃ oloketvā – ‘‘ayaṃ pāsāṇo idāni uccataro khāyati, kiṃ nu kho kāraṇa’’nti cintesi. Tassa kira udakappamāṇañca pāsāṇappamāṇañca suvavatthāpitameva hoti. Tenassa etadahosi ‘‘ajja imissā nadiyā udakaṃ neva hāyati, na ca vaḍḍhati, atha ca panāyaṃ pāsāṇo mahā hutvā paññāyati, kacci nu kho ettha mayhaṃ gahaṇatthāya kumbhīlo nipanno’’ti. So ‘‘vīmaṃsāmi tāva na’’nti tattheva ṭhatvā pāsāṇena saddhiṃ kathento viya ‘‘bho pāsāṇā’’ti vatvā paṭivacanaṃ alabhanto yāvatatiyaṃ ‘‘bho pāsāṇā’’ti āha. Pāsāṇo kiṃ paṭivacanaṃ dassati. Punapi vānaro ‘‘kiṃ bho pāsāṇa, ajja mayhaṃ paṭivacanaṃ na desī’’ti āha. Kumbhīlo ‘‘addhā aññesu divasesu ayaṃ pāsāṇo vānarindassa paṭivacanaṃ adāsi, dassāmi dānissa paṭivacana’’nti cintetvā ‘‘kiṃ, bho vānarindā’’ti āha. ‘‘Kosi tva’’nti? ‘‘Ahaṃ kumbhīlo’’ti. ‘‘Kimatthaṃ ettha nipannosī’’ti? ‘‘Tava hadayamaṃsaṃ patthayamāno’’ti. Bodhisatto cintesi ‘‘añño me gamanamaggo natthi, ajja mayā esa kumbhīlo vañcetabbo’’ti. Atha naṃ evamāha ‘‘samma kumbhīla, ahaṃ attānaṃ tuyhaṃ pariccajissāmi, tvaṃ mukhaṃ vivaritvā maṃ tava santikaṃ āgatakāle gaṇhāhī’’ti. Kumbhīlānañhi mukhe vivaṭe akkhīni nimmīlanti. So taṃ kāraṇaṃ asallakkhetvā mukhaṃ vivari, athassa akkhīni pithīyiṃsu. So mukhaṃ vivaritvā akkhīni nimmīletvā nipajji. Bodhisatto tathābhāvaṃ ñatvā dīpakā uppatito gantvā kumbhīlassa matthake akkamitvā tato uppatito vijjulatā viya vijjotamāno paratīre aṭṭhāsi.
гумбхийло д̇ам̣ ажчарияам̣ д̣̇исваа ‘‘иминаа ваанаринд̣̇зна ад̇иажчзрагам̣ гад̇а’’нд̇и жинд̇зд̇ваа ‘‘бхо ваанаринд̣̇а, имасмим̣ логз жад̇уухи д̇хаммзхи саманнааг̇ад̇о буг̇г̇ало бажжаамид̇д̇з ад̇хибхавад̇и. д̇з саб̣б̣зби д̇уяхам̣ аб̣бханд̇арз ад̇т̇и ман̃н̃з’’д̇и вад̇ваа имам̣ г̇аат̇амааха –
Kumbhīlo taṃ acchariyaṃ disvā ‘‘iminā vānarindena atiaccherakaṃ kata’’nti cintetvā ‘‘bho vānarinda, imasmiṃ loke catūhi dhammehi samannāgato puggalo paccāmitte adhibhavati. Te sabbepi tuyhaṃ abbhantare atthi maññe’’ti vatvā imaṃ gāthamāha –
57.
57.
‘‘яассзд̇з жад̇уро д̇хаммаа, ваанаринд̣̇а яат̇аа д̇ава;
‘‘Yassete caturo dhammā, vānarinda yathā tava;
сажжам̣ д̇хаммо д̇хид̇и жааг̇о, д̣̇идтам̣ со ад̇ивад̇д̇ад̇ий’’д̇и.
Saccaṃ dhammo dhiti cāgo, diṭṭhaṃ so ativattatī’’ti.
д̇ад̇т̇а яассаад̇и яасса гассажи буг̇г̇аласса. зд̇зд̇и ид̣̇аани вад̇д̇аб̣б̣з бажжагкад̇о нид̣̇д̣̇исад̇и. жад̇уро д̇хаммаад̇и жад̇д̇ааро г̇ун̣аа. сажжанд̇и важийсажжам̣, ‘‘мама санд̇игам̣ ааг̇амиссаамий’’д̇и вад̇ваа мусааваад̣̇ам̣ агад̇ваа ааг̇ад̇оязваад̇и зд̇ам̣ д̇з важийсажжам̣. д̇хаммод̇и вижааран̣абан̃н̃аа, ‘‘звам̣ гад̇з ид̣̇ам̣ наама бхависсад̇ий’’д̇и зсаа д̇з вижааран̣абан̃н̃аа ад̇т̇и. д̇хид̇ийд̇и аб̣б̣ожчиннам̣ вийрияам̣ вужжад̇и, зд̇амби д̇з ад̇т̇и. жааг̇од̇и ад̇д̇абарижжааг̇о, д̇вам̣ ад̇д̇аанам̣ барижжаж̇ид̇ваа мама санд̇игам̣ ааг̇ад̇о. яам̣ банаахам̣ г̇ан̣хид̇ум̣ наасагким̣, маяхамзвзса д̣̇осо. д̣̇идтанд̇и бажжаамид̇д̇ам̣. со ад̇ивад̇д̇ад̇ийд̇и яасса буг̇г̇аласса яат̇аа д̇ава, звам̣ зд̇з жад̇д̇ааро д̇хаммаа ад̇т̇и, со яат̇аа мам̣ аж̇ж̇а д̇вам̣ ад̇игганд̇о, д̇ат̇зва ад̇д̇ано бажжаамид̇д̇ам̣ ад̇иггамад̇и абхибхавад̇ийд̇и. звам̣ гумбхийло б̣од̇хисад̇д̇ам̣ басам̣сид̇ваа ад̇д̇ано васадтаанам̣ г̇ад̇о.
Tattha yassāti yassa kassaci puggalassa. Eteti idāni vattabbe paccakkhato niddisati. Caturo dhammāti cattāro guṇā. Saccanti vacīsaccaṃ, ‘‘mama santikaṃ āgamissāmī’’ti vatvā musāvādaṃ akatvā āgatoyevāti etaṃ te vacīsaccaṃ. Dhammoti vicāraṇapaññā, ‘‘evaṃ kate idaṃ nāma bhavissatī’’ti esā te vicāraṇapaññā atthi. Dhitīti abbocchinnaṃ vīriyaṃ vuccati, etampi te atthi. Cāgoti attapariccāgo, tvaṃ attānaṃ pariccajitvā mama santikaṃ āgato. Yaṃ panāhaṃ gaṇhituṃ nāsakkhiṃ, mayhamevesa doso. Diṭṭhanti paccāmittaṃ. So ativattatīti yassa puggalassa yathā tava, evaṃ ete cattāro dhammā atthi, so yathā maṃ ajja tvaṃ atikkanto, tatheva attano paccāmittaṃ atikkamati abhibhavatīti. Evaṃ kumbhīlo bodhisattaṃ pasaṃsitvā attano vasaṭṭhānaṃ gato.
сад̇т̇ааби ‘‘на, бхигкавз, д̣̇звад̣̇ад̇д̇о ид̣̇аанзва маяхам̣ вад̇хааяа барисаггад̇и, буб̣б̣зби барисаггиязваа’’д̇и имам̣ д̇хаммад̣̇зсанам̣ аахарид̇ваа анусанд̇хим̣ гхадзд̇ваа ж̇аад̇агам̣ самод̇хаанзси – ‘‘д̇ад̣̇аа гумбхийло д̣̇звад̣̇ад̇д̇о ахоси, бхарияаасса жин̃жамаан̣авигаа, ваанаринд̣̇о бана ахамзва ахоси’’нд̇и.
Satthāpi ‘‘na, bhikkhave, devadatto idāneva mayhaṃ vadhāya parisakkati, pubbepi parisakkiyevā’’ti imaṃ dhammadesanaṃ āharitvā anusandhiṃ ghaṭetvā jātakaṃ samodhānesi – ‘‘tadā kumbhīlo devadatto ahosi, bhariyāssa ciñcamāṇavikā, vānarindo pana ahameva ahosi’’nti.
ваанаринд̣̇аж̇аад̇агаван̣н̣анаа сад̇д̇амаа.
Vānarindajātakavaṇṇanā sattamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 57. ваанаринд̣̇аж̇аад̇агам̣ • 57. Vānarindajātakaṃ
